Uncategorized

رواية بين الماضي والحاضر الفصل السادس 6 بقلم ياسمينا

 رواية بين الماضي والحاضر الفصل السادس 6 بقلم ياسمينا

رواية بين الماضي والحاضر الفصل السادس 6 بقلم ياسمينا

رواية بين الماضي والحاضر الفصل السادس 6 بقلم ياسمينا

عمر:  فاكر لما قولت متخفش من الوحش وبقا حلو وخاف من الحلو وبقا وحش فريده اختارت سليم وسبتني معأن كان فيه بنا قصة حب تجاهلت كل ده. وجت تقولي اني بنسبلها اخ
قمر بسعاده:  يعني مش هترجعلها صح
اسر بضيق: بس ماما مش وحشه وانت قولت بعضم لسانك انها مخلتنيش اشوف عيوب بابا ولا مشكلهم علشان متعقدش 
عمر: بس انا مقولتش انها وحشه انا قولت انها مخترتنيش وانا مش هخترها
اسر ابتسم وقال:  ايوا كدا احسن 
عمر. بص لي قمر وقال:  يعني اقدر ارجع زمني متخافيش مش هتزفت اتجوزها
قمر بضيق:  مفيش رجوع تمام وانا هكسر المنبه ده مليون حته 
عمر بغضب  :  انتي مجنونه 
اسر ركب عربيتو وقال:  فاضل ساعه علي الامتحان يااستاذه قمر واحنا ولا ذكرنا ولا اتنيلنا علي عيناااااا
قمر بصت لي عمر بخبث وقالت:  ماحنا معانا عمورتي اكيد 
عمر بضيق:  انا اكره ما علي قلبي الغش 
قمر قربت منو ومسكتو من تشرت بتاعو وقالت: تعال بس 
عمر بص علي ايدها  بقرف وقال: بجد بنات الايام دي جرأين أوي  … 
عمر وقمر ركبو العربيه…  واسر اتحرك 
قمر:  مانت عارف ياعمر ان احنا فضلنا نسافر عبره الزمن مكناش  فاضين نذاكر 
اسر بابتسامة  :  وانت حببنا بقا وسمعت من امي انك طالع من الاوائل  ف كلية طب واحنا ف طب زايك 
عمر بغضب:  انتو بذمتكم هتبقو دكاتره 
اسر بسخريه :  وانت يعني الي دكتور يخويا
عمر بضيق:  مانا موت ملحقتش ابقا دكتور المهم هغششكم بس هدخل  الامتحان ازاي
قمر غمزلتو وقالت: سبها عليا…… 
____________________________________
*ف القصر *
فريده طلعت اوضه قمر…  اكتر اوضه بترتاح فيها… 
وقعدت علي السرير بحزن وبدات تفتكر زكرياتها هي وعمر….  ولفت نظرها شنطة قمر كانت مفتحوها خدتها وجت تقفلها لقت فيها المنبه بصت عليه بستغراب وبعدين طلعتو من شنطة 
فريده  :  ايه المنبه القديم ده…  وبعدين بصت علي شنطه تاني  لقت مذكرات قمر مسكتهم وقراتهم بصدمه…… 
___________________________________
*عند عمر* 
كان سرحان وبص من شباك العربيه وفتكر الي حصل من نص ساعه… 
*فلاش باك *
قمر طلعت من اوضتها وهي بتعيط وعمر مسك شنطتها بضيق وطلع المنبه…  بس مذاكرتها وقعت من الشنطه عمر قعد ف الارض وخد المذكرات واسر جاه قعد جمبو وبدأو يقرأو 
(انا قمر عمر الاسم ده مضايقني اوي بس كلهم مفكريني هو ده الي بيخليني اعيط لا انا الي بيخليني اعيط اني معنديش  اب يهتم بيا يحسسني اني مهمه انا كان نفسي ابويا ميموتش…) 
اسر بسنغراب:  ازاي الكلام ده مكتوب والزمن اتغير 
عمر:  لان الشنطه دي سفرت معانا وهي كدا تعتبر مش هتتغير زاينا كدا احنا فاكرين كل حاااجه ولما زمن اتغير مأثرش فينا اما سليم وفريده  وعبير  نسيو اي حاجه بعد تغيري الزمن 
اسر رجع قرا ف المذكرات
(انهارده عرفت ان عمر مش ابويا الصراحه  احسن انا عمري ما شوفتو ابويا اصلا الماضي ده وحش اوي عرفت حاجات كتير جرحت قلبي بس عمر دايما بحسو بيقويني انا مستحيل  اسيبو ف زمن ده لاني متعلقيه بيه جدا… انا مش قادره اصدق لغيت دلوقتي اني لقيت  منبه سفرني عبر الزمن  ولقيت عمر كمان..) 
اسر بحزن:  شكلها فعلا متعلقه بيك
عمر حط مذكرات قمر والمنبه ف شنطه وقال:  وانا هنهي التعلق ده ف اقرب وقت… 
عمر قام وطلع برا الاوضه… 
*انتهاء فلاش باك*
عمر بص علي قمر لقها ماسكه كتاب وعماله تذاكر
عمر: قمر 
قمر بصتلو وقالت:  ها
عم:  هو انتي ليه عايزني  افضل معاكي 
قمر بصت علي الكتاب وقالت  :  علشان  بحبك 
عمر بصدمه: ايه 
اسر وقف العربيه قدام الجامعه وقال:  بتحبيه
قمر بضحك: اه في ايه مالكم 
عمر بغضب:  قمر بطلي هزار وقوليلي الحقيقه
قمر بضيق: معرفش انا عايزاك جمبي وخلاص 
عمر بزعيق:  بس دي انانيه ولازم تعرفي حالا انتي عايزني جمبك ليه 
قمر بتفكير:  معرفش انا ببقا مبسوطه  وانا معاك
اسر بنفاذ صبر:  لا دانا احط قرون بقا ماتتلمي مالكيش اخ يلمك 
قمر بغضب:  اووووووف 
قمر بصت لي عمر وقالت:  فيها ايه لما احبك ايه عملت جريمة  فهمني يعني انت مش عايز حد يحبك غير فريده 
عمر بغضب:  اخرسي هو انتي تعرفي عني ايه اصلا علشان تحبيني دانا كنت ابوكي ياشيخه بجد انا شايفك احقر واحده شوفتها ف حياتي 
اسر بصدمه:  عمررررر
قمر بصت لي عمر بصدمه وقالت:  انا ياعمر هو انا عملتلك ايه انت ليه معا الكل الشخص الحلو وتيجي عليا  تطلع وشك التاني
عمر بغضب:  انا بطلع وشي التاني للي يستاهلوه
قمر بزعيق:  مطلعتهوش لفريده ليه الي سبتك وراحت لسليم وداست علي كرااامتك وخانتك و
عمر ضرب قمر بلقلم علي وشها وهي انصدمت وحطت ايدها علي وشها 
اسر بغضب:  عمر ايه الي انت عملتو ده…
عمر بدا يستوعب الي قالو ولي عملو
عمر بندم:  قمر انا 
قمر نزلت من العربيه ودخلت الجامعه وهي بتعيط….. وعمر نزل وراها وفضل يندها وهي مش بترد…  وبعدين بص وراه لقه اسر..  
عمر:  بيطلبو منك البطاقه 
اسر بستغراب:  لا ليه 
عمر:  انا هدخل مكانك الامتحان ومتخفش هحللك 
اسر بابتسامه  :  ياااه ياريت بس افرض اتقفشنا
عمر بتفكير:  صحابك الي تعرفهم هناك معاك يعني ف نفس الجنه 
اسر:  لا انا معنديش صحاب غير قمر واكيد بردو بعد تغير الماضي فضلت كدا وانا وقمر اصلا مكناش بنحضر المحاضرات…..
تمر ابتسملو وقال:  تمام
عمر دخل القاعه بثقه ومكنش لسا الدكتور جاه بص علي المدرج لقه قمر قاعده بتعيط ف صمت….  قرب منها وقعد جمبها  وهي بصتلو وبعدين  بعدت عنو شويه بس هو مسك ايدها وقربها منو 
قمر بدموع  :  عايز ايه 
عمر بابتسامة:  هشرحلك حاجه. كدا مش عارف هتفهميها ولالا 
عمر مسك كف ايدها وقال:  تعرفي الحب مش كلو كلام حب وامسك ايدك وتمسكي ايدي الحب اكبر من كدا بكتير زمان مكنتش مقتنع بلحب بس لما شوفت فريده حبتها
قمر بصتلو بغضب وشالت ايدها من ايدو…  وهو ابتسم ومسك ايدها تاني
عمر: بس لما سبتني رجعت تاني لفكرة ان الحب ده حاجه تافهه وكلو وجع وخيانه…  كنت عايش معنديش حد غير ابويا وبس امي ماتت ابويا ده اداني حب الدنيا كلها وانا كنت متعلق بيه جدااا
قمر بضيق:  انت مش ابويا وانا مش متعلقه بيك تعلق البنت لبوها
عمر:  عارف بس لو صبر القاتل علي المقتول مكنش
قمر :  مكنش قتلو عرفنا 
عمر بضيق:  هو انتي ليه بتقطعيني….  
قمر بصتلو بضيق ومردتش 
عمر غمزلها وقال: ولا عايزه تفضلي ماسكه ايدي كدا.. 
قمر بغضب: كمل 
عمر:  لما شوفتك كنت متاكد انك مش بنتي لاني مستحيل اتجوز بعد الي عملتو فريده مستحيل احب اصلا بس لما شوفتك اتغير كل ده
قمر بستغراب  :  اتغير ازاي
عدر بابتسامه:  كنت عارف من الاول انك بتحبيني بس كنت شايف ده حاجه مقرفه لاني اصلا لو كنت عايش دلوقتي هبقا اكبر منك 23 سنه متخيله وانا كنت ابوكي كنتي بتعتبريني ابوكي مشوفتش غير انك واحده. لسا طفله ولغيت اخر لحظه كنت بكابر كنت عارف  وواثق اني اتعلقت بيكي زاي ماتعلقتي بيا واني مش عايزك تسبيني
قمر بصدمه:  بجدددد 
عمر  بحزن:  علشان كدا زعقتلك كنت بسألك وانا واثق من الاجابه اتعصبت وغصب عني ضربتك بس  بعد كدا استوعبت ان لو فعلا حبنا ده غلط ف لازم انا كمان اتعاقب مش انتي لوحدك لاني كنت بكابر علي الفاضي
قمر كانت بتسمع كل ده وهي مصدومه والدكتور دخل القاعه..  وعمر قرب منها وهمسلها وقال:  علشان كدا انا عايز اقولك اني بحبك اوووي حبنا غلط او مش غلط ماليش فيه المهم اني بحبك وبس 
قمر بصتلو بصدمه وبعدين  عمر ساب ايدها وبعد عنها شويه…  والدكتور بدأ يوزع الورق  …  وعمر بص علي الامتحان وكان بنسبالو سهل…  بص لي قمر لقها لسا بتبصلو عمر ابتسم وبعدين بص علي الدكتور لقه لسا بيوزع الورق ومش مركز…. 
عمر بهمس:  بصي ف ورقتك يابنتي
قمر بصت علي الورقه وقالت  بهمس:  انا كدا كدا هسقط اصلا  .. 
عمر ابتسم وقال:  عيب انا موجود.. 
عمر بص علي الورقه وبدأ يحل وقمر كانت بتبص عليه بسعاده وجات دكتوره من جمبها وقالت بضيق:  بصي ف ورقتك  
قمر بتصتلها وقالت بهمس:  استغفر الله باين عليكي بومه… 
قمر بصت علي ورقتها…  وبعد نص ساعه عمر خلص الامتحان  وبص علي قمر لقها حاطه ايدها علي خدها بخيبة امل…  وبص حواليه لقه المراقبين مش بصين عليهم ابتسمت بخبث 
عمر بهمس:  قمر 
قمر بصتلو وقالت:  ها 
عمر بص وراه وبعدين قدامو لقه كلو مركز ف ورقو راح مد ايدو بورقة الاجابه والسؤال  لقمر…  وقمر  خدتها وادتو ورقة السؤال والاجابه بتاعتها
عمر مسك الورقه وقال:  سامحني يارب 
قمر بهمس:  هيسامحك لانك بتساعد ولايه
عمر بصلها بيضيق وبدا يحل..  وقمر بصت علي ورقه الاجابه كان مكتوب اسمها وهي كتبت رقم الجلوس بتاعها وفتحت شافت حل عمر عجبها جدا خطو وبعدين مسكت  ورقه السؤال وركزت فيها لقت عمر كتبلها كلمه ( بحبك) 
قمر بصت لي عمر لقتو بيحل ابتسمت بسعاده…  وبعد نص ساعه عمر قام وقال:  خلصت وطبعا كتب اسم اسر ورقم جلوسو وقمر قامت وراه وسلمو الورق وطلعو من القاعه وقمر مسكت ورقه السؤال وقالت بجديه مصطنعه: ايه الي انت كتبو ده يااستاذ مش عيب 
عمر بضحك:  طب هاتي
عمر خد الورقه وجاي يقطعها قمر صرخت فيه وقالت:  لااا
عمر بخبث:  مش كانت عجباكي صح
قمر بضيق: خلاص بقا يارخم 
عمر:  تعالي نروح الكافتريه اسر هناك 
قمر:  يلا…. 
____________________________________
*عند اسر * 
كان قاعد وماسك تلفونو..  وفجاه بنت جت قعدت علي ترابيزه  بتاعتو وقالت:  عمر فين
اسر  بستغراب:  نعم 
البنت  :  بقولك عمر فيييييين 
اسر بضيق:  انتي مين 
البنت بابتسامه:  اسمي اسما 
اسر:  ماشي الي بعدو مش معقول يعني هتقولي اسمك وبس 
اسما:  انا بنت خالد 
اسر بصدمه:  بجد بنت الراجل الرخم ده
اسما  بضيق:  لم نفسك
عمر وقمر وصلو ف لحظه دي واسما اول ماشافت عمر ابتسمت وقالت:  عمر 
قمر بضيق:  نعم 
اسما:  عمر انا اسما بنت دكتور خالد ابن عمتك فريده هانم جت لي بابا من ساعه كدا وادتلو مذكرايات قمر وعرفو الحقيقه كلها وقرارو يرحعوك زمنك 
عمر بصدمه:  ايييه 
اسما:  هو انا مكنتش اعرف كل ده والله بس سمعت فريده بتكلم معا بابا وعرفت حكايتك كلها  وحبيت اجي اقولك وكمان كان عندي فضول اشوفك 
اسر بغضب:  وافرض هو مش عايز يرحع
اسما بحزن:  انا شوفت ف عين بابا شر وكره ماشوفتهوش قبل كدا وفريده  شوفت ف عنيها طمع بتحبك لدرجه انها هترجعك زمنك غصب وبعدين تكسر المنبه 
قمر بغضب  : مش هسمحلها تعمل كدا 
عمر بهدوء:  هما فين دلوقتي 
اسما:  ف الفيلا مستنينك
عمر بذكاء  :  هسالك كام سؤال تجوبي بسرعه بدون تفكير 
اسما بستغراب  :  تمام
عمر:  عرفتي  ازاي شكلنا  
اسما بابستامه:  حضرتك متعرفش ان جدو الي هو ابوك عايش معانا  مهو  تاتا الي هي ام بابا وتبقا اخت جدك كتبت لجدك كل املاكها لانها عارفه بابا مهمل وجدو بقا شايل كل صورك ف اوضتو 
عمر بسعاده:  يعني بابا عايش 
اسما:  اه الحمدالله 
عمر:  طب اسر عرفتيه ازاي
اسما  :  لا والله مااعرفو انا بس سألت عليه هنا ف جامعه والناس وشاورلي عليه  
عمر:  ايه الي خلاكي تيجي تقوليلي 
اسما:  انا فاهمه  انك مفكر اني جايه اقولك واسحبك واوديك عندهم بس ياعمر انا مش كدا انا طول حياتي مش عجبني تصرفات  بابا وجيت قولتلك  اي كان بقا انت عايز تكمل هنا ولا تروح زمنك 
عمر ابتسم  وقال:  شكلك  طالعه شبهي
قمر بغضب:  اسغفر الله واتوب اليك 
عمر بضحك   : مش شبهي اوي يعني 
اسر:   :طب هتعمل ايه
عمر:  تعالو نرجع القصر 
قمر بخوف:  هترجع لزمنك 
عمر بصلها ومردش عليها  
اسر:  طب يلا 
اسما.:  ممكن اجي معاكم معلش اصل انا بحب المغامرات 
عمر بابتسامة  :  اكيد 
اسر بضيق:  فريده. وخالد عرفو انهارده بكرا مصر كلها تعرف 
قمر بضيق: طب. يلا نروح لفريده. ونشوف اخرتها. … 
عمر مسك ايد قمر وميشو هما الاول  ..
عمر: طب انتي زعلانه ليه 
قمر بحزن: خايفه ترجع زمنك ومش اشوفك تاني 
عمر بصلها بحب وهي اول مره تشوف البصه دي منو 
عمر: مش انا قولتلك مش عارف هل حبنا ده صح ولالا بس الي اعرفو اني بحبك ف مهمها حصل انتي هتفضلي حبيبتيَ وبس
قمر ابتسمت وبعدين افتكرت فريده 
قمر بغضب  : انت بتاكول بعقلي حلاوه ولا ايه 
عمر: صبرني يااااارب 
قمر بغضب: بص بقا انا ولا بتاعت عياط ولا اقولك بليز متسبنيش ولا الكلام ده دانا اخدك من قفااااك وحبسك ومخرجكش 
عمر بضحك: يخربيتك طب تعالي 
عمر وقمر ركبو العربيه..
اما اسر واسما وقفو قدام العربيه 
اسما بضحك: يعني  انت ليك ف الكوره
اسر  بضحك: طبعا انا فريقي المفضل ريال مدريد 
اسما بصدمه: وانا والله 
عمر طلع راسو من شباك العربيه وقال: لا نجيبلكم لمون ونسيب فريده  ونشوف بقا الحاجات المشتركه بنكم 
اسر بضيق: فصيل  … احم اتفضلي
اسما ابتسمتلو وركبت قدام واسر ركب وساق العربيه….وتحرك 
اسر: طب اكلتك المفضله ايه
اسما: مكرونه بلبشاميل و 
عمر قطعها وقال: نعم ياخويا انت عايز تشقطها ولا ايه دي ف مقام بنت اخويا
اسر بضيق: مانت شقط اختي وانا ساكت 
عمر بص لي قمر وقال بخبث: لا دا هي الي شقطني 
قمر بضيق: اه مهو واضح 
فجاه سمعو صوت عربيه صوتها عالي جدا عمر بص قدامو لقه عربيه نقل كبير جايه عكسهم…
عمر بصريخ: اسررررررر حااااااسب
يتبع…..
لقراءة الفصل السابع : اضغط هنا
لقراءة باقي فصول الرواية : اضغط هنا

اترك رد