رواية تار صعيدي الفصل السادس عشر 16 بقلم ملك شاهين

* معلش نزلته ومسحته تاني علشان في مشهد وقع من سرعه ????‍♀️

*ومعلش على التأخير بس انا لو حلفتكم ان البارت اتكتبت في ربع ساعه محدش هيصدق ????‍♀️ لاني طول اليوم مشغوله فمعلش لو في غلطات بقي…وعايزه تفااعل هااا

فلير دخلت اوضتها ودخلت تنام فراس فضل قاعد يشتغل لحد اما جاله اشعار ان في حد بعتله ماسدج من رقم غريب فتح الماسدج وكانت عباره عن صور بس كانت لسه بتحمل اول لما حملت وشافها تنح ورما اللاب وقام راح ناحيه اوضتها وفتح الباب

فلير  بضيق : انت مبتخبطش ليه يا بنأدم انت

فراس فضل ساكت وفضل يقرب منها

فلير : ايه ده في ايه انت هتتحول ولا ايه

فراس فضل يقرب اكتر وعينه بطلع شرار

فلير بتوتر :  هو في ايه

فلير بدأت ترجع لورا بخوف وتوتر وفراس كان بيقرب اكتر لحد اما خبطت في الدولاب

فلير  بخوف : فرااس في ايه انا بدأت اخاف …انت كويس

فراس : لا مش كويس

فلير بتوتر : طب ايه الي حصل طب… ابعد شويه كد…

وقبل متكمل كان لاوي دراعها ورا ضهرها وجز على سنانه وقال : مش عايزه اسمعلك نفس

فلير  وهي بتهز رأسها بوجع :  حاضر حاضر..بس  بس سيب دراعي و خلي..

فراس بعصبيه وهو بيتكي اكتر على دراعها  : مسعمعش نفسك قولت

فلير بوجع  : ااه ااه ..حاضر حاضر

فراس ساب ايدها ومسكها من شعرها  : الهانم الي دايره على حل شعرها وفاكره ان ملهاس حاكم لا فوقي كده مش علشان صدرلتلك الوش الحنين يومين هتسوقي فيها وتستغفليني تبقي غلطانه ده انا فراس الاسيوطي يا روح امك …اوعي تفتكري  انك هتستمري في الو **** والقرف ده وانت على ذمتي وفي بيتي تبقي غلطانه لو ابوكي معرفش يربيكي فانا الي هربيكي

فلير واقفه مصدومه منه ومن كلامه ومش عارفه تقول ايه بس فجأه مسكت ايده وزقتها جامد وقالت : انت اتجننت ايه الي بتعمله وبتقوله ده في اييه

فراس بعصبيه : في محشي يا روح امك  انا هعرفك دلوقتي في ايه

فلير : ايه محشي دي وايه الاسلوب ده اوعي تفتكر اني هسكت على اهانتك ليا لا تبقي بتحلم انا….ومكملتش كلامها علشان كان شلها ورماها على الكرسي

فلير  وهي بتدعك ايدها بوجع : ااه ايه الغباء ده انت شايل شوال بطاطس وبترميه

فراس طلع تليفونه ورماه في وشها علشان تشوف الي فيه

فلير  وهي متنحه : ايه ده

فارس : ده مين الي  مفروض يسال السؤال ده

فلير : انا معرفش حاجه عن الصور دي

فراس : انت هتستعبطي يا روح امك

فلير بضيق وعصبيه :  ايه يا روح امك الي كل شويه بتقولها دي متحترم نفسك

فراس ببرود: انا محترم  الدور والباقي عليكي يا عديمه التربيه

فلير  وقفت بعصبيه :  مسمحملكش ان محترمه ومتربيه غصب عنك كمان انت حر عايز تصدق ان الصور دي تركيب صدق مش عايز اخبط رأسك في الحيطه الي تعبجك

فراس : انت الي في صور ولا لا ؟

فلير : بص هقولك حاجه ا..

قطعها  بنفاذ صبر: رد على سؤالي انت الي في الصور ولا لا ؟

فلير : ايوا انا بس ..

فراس زقها قعدها مكانها تاني جاب حبل وفضل يلفه بحيث انه يربطها في الكرسي

فلير وهي بتتحرك في مكانها : انت يا متخلف بتعمل ايه

فراس : هششششش مسمعش نفسك

فلير سكت وبصت قدامها وسابته يخلص الي بيعمله فراس استغرب انها سكتت ربط الحيل خلصه وراح قعد على السرير وحط رجل على رجل وولع سيجاره ومسك الفون

فلير بتساؤل  وصدمه :  انت بتشرب سجاير ؟!

فراس بصلها بطرف عينه وكمل تقليب في موبيله

فلير  بضيق : هو انا مش بتنيل بكلمك

فراس : اخرصي احسنك

فلير بضيق: اما نشوف اخرك يا ابن ليله

فراس : اتملي يا فراوله احسنلك

فضلو ساكتين هما الي اتتنين هي عماله تبصله بغيظ وهو بيقلب في الموبيل

فراس : نامي احسنلك علشان مش هفكك وهتنامي كده

فلير : ايه ده مستحيل انت لو مفكتنيش هصوت وهفضحك

عند نسمه كانت قاعده جالها ماسدج من رقم غريب مكتوب فيها “عارف انك مش هتردي عليا انا جاي اتقدملك بكره ولو موافقتيش هووري الرسايل والصور  لاخوكي ” نسمه فضلت تفكر تعمل ايه مش هتعرف تروح لفلير دلوقتي اكيد نامت نزلت تحت الجنينه وفضلت قاعده تعيط تحت الشجره اتمنت ان حمزه مكنش روح قصر عندهم كانت اتكلمت معاه سمعت حد بيبسبس لها فضلت تدور الصوت جاي منين لحد اما  سعمته بيقول بهمس : انا هنا

نسمه بصت بصدمه : حمزه انت بتعمل ايه هنا دلوقتي

حمزه : الهوا رماني عليكي

نسمه : لا بجد في اي

حمزه : هتصدقيني لو قولتلك مش عارف حسيت انك فيكي حاجه ومحتاجي

نسمه : قديم اوي الكلام ده شوفلك غيرها

حمزه : بتكلم جد قلبي وجعني فجاه حسيت انك فيكي حاجه مضايقه زعلانه المهم انك فيكي واقوي دليل ان احساسي صح اني جيت ولقيتك بتعيطي

نسمه : مش علشان جيت ولقيتني بعيط يبقي احساسك صح عادي صدفه

حمزه : ماشي يستي نمشيها صدفه …بس مالك ايه الي يخليكي تعيطي اوي كده

نسمه خدت نفس وحكت ليه كل حاحه من الاول خالص وكانت بتراقب تعبيرات وشي الي كانت جامده وبعد اما خلصت بصتله ولقيته

نسمه بتوتر : حمزه

حمزه : اممم

نسمه  بتوتر : هو انت ساكت ليه م..

حمزه قلطعها وفجأها بسؤاله  : لسه بتحبيه ؟

نسمه : ايه

حمزه: ردي على سؤالي لسه بتحبيه ؟

نسمه من غير تفكير : لا

حمزه بتريقه ووجع : ليه مش بيقولي ما الحب الا للحبيب الاول

نسمه بوجع : ده لما يبقي حبيب اصلا انا اكتشفت اني مكنتش بحبه اصلا انا بس كنت مفتقده حب وحنان ملقتش حد يدهوملي امي وابويا مايتين اخويا الي المفروض يبقي سندي وضهري مش طايقني ولا طايق سيرتي حتي وبيسيب البيت اول لما اكون فيه كأني منبوذه ..معنديش صحاب ولا اقارب ولا اي حد في سني اتكلم معاه يخفف عني مكنش عندي كل ده ..هو لما عرفته كان بيقولي كلام حلو ويسمعني ويهتم بيا فكنت منجذبه بيه بس اول لما عرفت حقيقته وانه كان بيتسلي وبيضحك عليا انا اتفجأت اني منهرتش ولا اكتأبت ولا اي حاجه ممكن اكون اضايقت بس قومت بعدها عادي ولا كأنه دخل حياتي وده علشان انا مكنتش بحبه وعلشان فلير ليها فضل انها تشجعني على كده

كملت وهي بتاخد نفسها : جمله ما الحب الا للحبيب الاول دي اكتر جمله غلط .. لام لو الخيار الاول ليه خصوصيه فالاقدار الاخير ليها قديسيه بمعني ان الحب مش لازم يكون للحبيب الاول ، مش لازم اي اختيار اول يبقي صح ، مش لازم الراحه في الحاجه الاولي ، مش لازم الحلاوه في اللقاء الاول ، مش لازم الحب يبقي من النظره الاولي بردو …. الحب ممكن يكون في الحضن الاخير الي بيبقي بعد تعب وعناء ..الراحه ممكن في اخر شارع دخلته بعد اما دخلت شوارع كتير وكان قلبك مقبوض وخايف فيها وملقتش راحتك غير فيه …الحب لليحتويك  ويطمنك بعد اما الدنيا كلها جت عليك ..الحب عمره مكان للحبيب الاول عمره .

حمزه فضل ساكت وباصص ليها وفجأه ابتسم : انت عارفه اني بحبك

نسمه بصلته وتنحت

حمزه بضحك : لا مش وقته تتنيح ابوسك ايدك فتحي دماغك كده

نسمه : انت قولت ايه

حمزه بتقطيع : ب..ح..ب..ك

نسمه ضحكت وجريت بسرعه

حمزه : استني يا مجنونه استني بقولك …معرفش يلحقها فقال وهو ماشي …يعني هتجوز هبله ومجنونه ده الخلفه هتبقي مجنانين كلها

بدر كان ببتكلم في الموبيل في عربيته

بدر : عايزكم تخلص عليها

=……

بدر : قبل اما هيثم يوصلها تكون في تربتها بيدعلها بالرحمه ويتقرألها الفتحه

=……..

بدر بعصبيه : انا قولت الي عندي والا انت الي هتبقي المروحوم وقفل السكه ووكسر الموبيل

تاني يوم الصبح فلير صحيت من النوم سمعت صوت ماسدج على موبيل فراس طبعل كانت متكتفه مش عارفه تقون تشوف مين

فلير بهمس : ااه يا فراس ال*لب اما وريتك

فراس كان نايم على السرير براحته وكان صحي من شويه ومستني يشوفها هتعمل اي

فلير بصوت عالي : فراااس فراااااس اصحي بقي

فراس : اييه في ايه ..ايه صوت العرسه ده

فلير : انا صوتي عرسه وانا لما تفكني لوريك..فكني يلا انا جسمي وجعني

فراس : مش فكك

فلير : والله لاشتكي لحقوق الانسان وارفع عليك قضيه

فراس : اعلي ما في خيلك اركبيه

فلير : no no ايه الكلام البيئه ده

فراس : كلامي انا الي البيئه ده انا بشك ان اتولدتي واتربيتي في انجلترا اصلا

فلير بفخر : ايوا ومعايا الجنسيه كمان

فراس : اتلهي ماشي

سكتو شويه وبعدين فلير قالت

فلير  بتفكير : عارف موضوع الصور ده مين الي عمله

فراس :  مين يا سياده المحقق كونان

فلير : ماري وسميه

فراس : سميه ! وماري ! مع بعض ده ليه وازاي

فلير : انت فاكر لما انا قولتك متخليش اندرو وزيزي يجو يقعدوا هنا وقولتلكم هقولك بعدين

فراس : ايوا فاكر

فلير : اولا اندرو مش الاكس بتاعي علشان تكون عارف

فراس ببرود : مسألتش

فلير بغيظ : اووف بارد ..ثانيا يعني نسمه سمعت ماري وسميه انهم بيتفقوا سوا يعملوا حاجه علشان يخلوك تتطلقني وسميه هي الي قالت انك مش هتصدق اي حاجه غير بدليل ماري بقي قالت ليها انها هتخلي اندرو ينزل علشان يساعدهم وبس كده هما الي عملو الصور

فراس فضل ساكت وبااصص ليها وفجاه مسك الموبيل وشاف الماسدج الي اتبعت ليه كانت من الدكتور بيعرفه   نتيجه التحليل فراس فتح الرساله وفضل ساكت متكلمش

فلير بزهق : يا فرااس بقي فكني عاايوه ادخل الحماام حرام كده

فراس كان ساكت وباصص في الموبيل وقام حضنها فجأه وهي استغربت و ….

يتبع…..