رواية جوازة في شهر الفصل العاشر 10 بقلم رحمة نجاح

ادم بقلق عليها. ليل بتبكي ليه ..

ظلت ليل تبكي كثيرا وذلك الادم يحاول أن يهدئها ولكن لا جدوي ..

ادم بصرامه. ليل كفايه انتي كده بتخضيني اكتر ..

بالفعل سكتت ليل بعد نبرة ادم الصارمه ..

ادم. في ايه بقا ..

ليل. تركي بتحترق ..

ادم. نعم ..

ليل. هو ايه اللي نعم بقولك تركيا بتحترق وعلفكره الموضوع ده مفيهوش نقاش ولا ضحك انتا شايف حجم الكارثه ..

ادم. حبيبتي انتي كنتي بتموتي نفسك من العياط ..

ليل. ما انتا مشفتش الغابات ولا الحيوانات اللي بتتحرق بجد منظرها يقطع القلب ..

ادم. حبيبتي ادعي ليها ربنا ينجي الناس اللي فيها عشان الارواح دي ..

ليل بدموع. ما هو ده اللي خلاني اعيط شكل الحريق فظيع اوي يا آدم ..

ادم. وهو يحتضنها. مفيش بايدك غير الدعاء ..

ليل. ربنا ينجي أهلها علي خير ..

بعد مرور خمس دقائق لتستوعب ليل أنها في احضان ادم لتدفعه بقوه  ..

ادم. في ايه يا نيله انتي ..

ليل بغيظ. انا نيله ..

ادم. اه في حد يزق حد كده ..

ليل. اه فيه انا عملت اهو  ..

ادم. طب نامي بقا عشان مزعلكيش ..

ليل. انام مين يا بابا انتا روح شوف انتا بتعمل ايه انا هكلم بابا ..

ليل. نهار اسوح ..(البت حبها في تركيا نساها ابوها ???? وبعيدا عن الهزار بجد يا جماعه ربنا ينجي أهلها شكل الغابات وهي بتحترق فظيع اوي ربنا يسترها عليهم )

ادم. في ايه ..

ليل بخوف. بابا في تركيا يا آدم ..

ادم. ما انا عارف ..

ليل. والحرائق اللي فيها ..

ادم. طب رني عليه نكلمه سوا ..

ليل. حاضر ..

بالفعل قامت ليل بالاتصال علي والدها فيديو لكي تراه ..

ليل. بابا وحشتني اوي انتا كويس  ..

الاب. وانتي كمان يا ليلو وحشاني اوي وانا كويس الحمد لله متقلقيش ..

ليل. مش ناوي تيجي بقا انا خايفه عليك عشان اللي بيحصل هناك ..

الاب. لسه شويه ياروحي مش دلوقتي ومتقلقيش عليا انا بخير  ..

ليل بدموع. مستنياك ..

ادم بحنيه. الله ليه الدموع بس ..

ليل. وانتا مالك خليك في حالك ..

ادم بغيظ. انا غلطنلك ..

الاب. في ايه يا عيال ..

ادم. انتا مش شايفها بتتكلم ازاي يا عمي ..

ليل. بتكلم ازاي أن شاء الله ..

ادم. ولا حاجه انا خارج اقعد بره شويه ..

بالفعل خرج ادم من تلك الغرفه ..

الاب. ليل اتكلمي عدل شويه مع ادم بلاش تقفيله علي الواحده وادم شخصيه طيبه جدا علفكره حاولي متخسريهوش ..

ليل. بابا افهمني فكره أنه بقا جوزي في فتره الصغيره دي مش مستوعبه بصراحه يعني حصل ازاي كل ده ..

الاب. صدقيني ادم مش وحش احترميه يا ليل مش عشان بيحب الضحك وبيهزر تتعملي معاه كده ..

ليل. هو انا عملت حاجه يا بابا ..

الاب. انا بنصحك وانتي اعملي اللي عايزاه ..

ليل. حاضر يالا تصبح علي جنه ..

لتغلق الهاتف مع والدها وتجلس تفكر في ذلك الادم ..

ليل. بصراحه ما هو شخصيه طيبه وكويس بس اعمل ايه انا مش مقتنعه أن هو جوزي يعني الجواز جه بسرعه اوي معرفش بقا اعمل ايه يا رب يسرها من عندك ..

علي الجهه الأخري كانت يامور تجلس أمام النيل وهي تفكر في حبها الاول فمازال هذا الشخص شاغل قلبها وعقلها لم تستطيع أن تخرجه من كلاهما  فكلما حاولت أن تنساه تتعلق به أكثر وكل ذالك العشق الذي بداخلها و هو لم يعلم عنه شيئا بالمره ..

عامر. والقدر جمعنا صدفه تاني ..

يامور. هو انتا تاني ..

عامر. شوفتي بقا ..

يامور بضحك. شوفت ..

عامر. طب ايه ..

يامور باستغراب. ايه ..

عامر. مش ناويه تحكيلي اللي في قلبك ..

يامور. هل انتا تعرفني ..

عامر. لا ..

يامور. وانتا مالك باللي في قلبي بقا ..

عامر. بضحك. فضول ..

يامور. اسفه لفضولك اتفضل بقا شوف انتا رايح فين ..

عامر. بطلي بواخه بقا وقولي ..

يامور باستغراب. هو انتا ليه محسسني اني واحد صحبك يا عم انتا ..

عامر. اسمي عامر ..

يامور. الصبر يارب ..

عامر. ما هو انا مش هسيبك غير لما تحكي ..

يامور. ايه يالا البرود ده هموت ..

عامر. احكي ..

يامور بستستلام. حاضر ..

عامر بزهول. ايه بسرعه دي ..

يامور. عشان من الاخر كده فعلاً عايزه احكي ..

يامور. انا فاشله ..

عامر. مين قالك كده ..

يامور. ماما وغير كده اني فعلا فاشله انا ثانوي تجاره وكمان مدخلتش جامعه ..

عامر. ومين اللي قالك أن تجاره بيبقوا فاشلين دي وجهه نظر غلط خالص ..

يامور. وايه الصح ..

عامر.انك تشيلي نفسك من قوقعه الفشل عشان مفيش انسان فاشل يا يامور أيا كان مين هو  انتي تقدري تنجحي خشي كليه ومنها هتطلعي محاسبه  و حاجات كتير حلوه انتي بس اللي شايفه الفشل الإنسان بايده يبقا ناجح وبايده يحط نفسه في قوقعه الفشل ..

يامور بدموع. مدخلتش الكليه السنادي وراحت عليا عشان موت بابا ..

عامر. البقاء لله وانا متاكد أن باباكي لو كان عايش كان هيتمني يشوفك ناجحه وممكن نبقا صحاب ..

يامور. اه ..

عامر. خلاص بقا بطلي عياط ده ايه النكد ده ستات نكديه ..

يامور.انا نكديه ..

عامر. كل مره بشوفك فيها بتكوني بتعيطي اخد فكره ايه غير النكد عنك ..

يامور. بضحك. بصراحه عندك حق اقنعتني ..

عامر. طب ما انتي حلوه وبتضحكي اهو ..

يامور بضحك. عارفه ..

عامر. غرور ..

يامور. تؤتؤ دي ثقه ..

عند ليل و ادم ..

يدلف ادم الغرفه دون أن ينطق بحرف يأخذ وساده و تلك اللحاف وينام علي الارض استغربت ليل بشده فيوم أمس كان يعاندها لكي ينام علي السرير والآن هو الذي أخذ تلك الوساده ونام علي الارض ..

ليل. ادم انتا هتنام علي الارض ..

ادم. ….

ليل. ادم انتا مبتردش عليا ليه معقول نمت ..

ادم. ليل علي ما اظن انتي قولتيلي خليك في حالك صح يبقا مالكيش دعوه بيا وانا بعمل ايه ..

ليل. ادم انا مقصدش ..

لم يرد عليها ادم وتصنع النوم ..

قامت ليل من تلك الفراش وتوجهت إليه ..

ليل. انا اسفه ..

ادم. وبعدين يعني ..

ليل. والله مكنش قصدي يعني هي طلعت مني كده ..

ادم بهدوء. ليل مش عشان بتكلم معاكي بهزار وكده تسوقي فيها علفكره انا غضبي وحش ..

ليل. هو ايه اللي غضبك وحش انا غلط وبقولك معلش في ايه بقا ..

ادم ببرود. في انك تنامي وفعلاً كل واحد يخليه في حاله ..

ليل بغيظ. بقا كده ..

ادم. اه كده ..

بعد قليل ..

ليل. ااادم ..

ادم. …

ليل. ما هو اكيد انتا لسه منمتش ..

ادم. ليل لو مسكتيش هزعلك ..

أمسكت ليل ذراعه واجلسته …

ليل. ما انا بصراحه مش متعوده انام وحد زعلان مني ..

ادم. والله ..

ليل. والله خلاص بقا متزعلش ..

ادم. خلاص يا ستي ..

ليل بفرحه. شكراً شكراً شكراً ..

ادم بضحك. ايه كل ده شكرا ..

ليل. كده انام في راحه بقا ..

ادم. في تصحيح معلش ننام في راحه ..

ليل. مش انتا يا جدع قولت هنام علي الارض ..

ادم. ده قبل المصالحه حالياً هنام علي السرير ..

لتقوم ليل سريعاً وتتوجه الي السرير ..

ليل. نام انتا بقا تصبح علي جنه ..

ليقوم ادم سريعاً ويتوجه إليها ..

ادم. اتاخري ..

ليل وهي تخرج لسانها. بعينك ..

ادم. بقا كده ..

ليل. ايوان ..

ليتجه ادم إليها ويكبل يديها وأصبح يعتليها ..

ليل بتوتر. ايه ده في ايه ..

ادم بخبث. بما انك مش عايزه تتاخري يعني فحلو كده ..

ليل. هو ايه اللي حلو هي اي قلة ادب وخلاص ابعد كده ..

ادم. بصراحه الڤيو من عندي رائع بيطل علي المحيط ..

ليل. بخجل. يخربيت الزرافه ابعد بدل ما اصوت واصحي ماما ابعد ..

ادم بستفزاز. صوتي يا روحي معنديش اي مشكله ..

ليل. بقا كده ..

ادم. ايوان ..

ليل. عاااا ..

ليضع ادم يده سريعاً علي فمها ..

ادم. اسكتي ..

عضت ليل يده ..

ادم. يا بنت العضاضه ..

ليل. نينيني أبعد عشان انا مجنونه وهصوت تاني ..

ادم. وقسما بالله لو صوتي تاني هسكتك بس بطريقه تاني وانتي واحده بتقراي روايات وفاهمه بقا ..

لتضع ليل يديها علي وجهها سريعاً فهي عندما تخجل تفعل هذه الحركه ..

ادم بضحك. شاطره كده نامي بقا ..

ليتركها ادم وينام بجانبها ..

في الصباح كان الاثنان ما زال نائمين ولكن كانوا ينمون بطريقه رومنسيه فكان ادم يحتضن ليل وليل تضع رأسها علي صدره ..

ليل. عااااا ..

ادم. في ايه يا مجنونه ..

ليل. انا ايه اللي جبني في حضنك ..

ادم. وانا اعرف منين يا نصيبه مش كنت مخمود جمبك ..

ليل بضحك.خلاص اقتنعت ..

ادم. ايه ده شعرك انهارده مش منكوش ليه ..

ليل. ملكش دعوه يا اخ خليك في حالك ..

ادم. ماشي ماشي طب بصي بقا بما أن انتي مراتي فقررت اخد فيكي ثواب ..

ليل. لا والله ..

ادم. اه والله ..

ليل. وايه هو القرار ..

ادم. قررت افسحك ..

ليل. احلف ..

ادم. بضحك. والله ..

لتقفز ليل وترتمي في أحضانه ليضمها ادم إليه لتستوعب ليل ما فعلته لتبتعد عنه بخجل ..

ليل. احم احم مكنش قصدي ..

ادم بضحك. لا اعتبريني زيي جوزك يعني متتكسفيش ..

لتضحك ليل بشده علي طريقته في الكلام ..

ادم بمرح. لا غمازاتك حلوه ..

ليل. اقولك سر ..

ادم بضحك. قولي .. 

ليل. لما كنت في إعدادي واحده صحبتي كرهتني فيهم ..

ادم. ليه ..

ليل. قعدت تقولي ده عيب خلقي ومتفرحيش بيهم وكلام اهبل كده ..

ادم. هي الغمازات بيبقا سبب في تغير عضلات الوجه لكن مش عيب خلقي وبعدين تكفي أنها قمر عليكي ..

ليل بضحك. انا بقول كده بردو ..

ادم بغمزه. طب ايه ..

ليل. لا انا هقوم بغمزاتك دي وأحضر الفطار عشان نفطر ونخرج اشطا ..

ادم بضحك. اشطا ..

بالفعل قامت ليل وحضرت تلك الأفطار وانتهو من الطعام  وبعد مرور قليل من الوقت كانت ليل تقف امام المراه تهندم حجابها ..

ادم. خلصتي ..

ليل. اش اش اش ايه الشياكه دي ..

ادم. اي خدمه بس ثانيه كده ايه ده ..

ليل. ده ايه ..

ادم. اللي علي شفايفك ..

ليل. ده ملمع ..

ادم. وهو يخرج منديل. اتفضلي امسحيه ..

ليل. بالسهوله دي ..

ادم باستغراب. سهوله ايه ..

ليل. لا كان في رواية أحدهم كده بيتمسح بطريقه تانيه بس احمد ربك انك مش عارفها ..

ادم بضحك. طب انا هخرج تستناكي بره يا مجنونه ..

خرج ادم وليل من المنزل وسط دعوات مها لهم بأن يديم ربهم لهم سعادتهم ويرزقهم بالذريه الصالحه ..

اخذ ادم ليل الي الملاهي وسط اصرارها عليها فكان ادم يرفض أن يذهب الي الملاهي ولكن وسط تزمرها قد وافق فهو لا يريد أن يكسر فرحتها فيكفي فراق والدها عنها ..

قضوا ليلتهم في جو من المرح والسعاده فكانت ليل سعيده بشده فهي بدأت أن تتقبل ادم أنه زوجها بالفعل وهذا الموقف الذي فعله معها جعلها تري به جانب جديد انتهو من فسحتهم تلك وذلك الادم الذي جلب ل ليل الكثير من الشكولاته التي تعشقها وتلك البلوره التي احبتها ليل بشده ..

ليل. يعني شكولاته وقولنا ماشي بلوره ماشي بردو وفرحوني جدا اومال ايه دي ..

ادم. عروسه بتعيط ..

ليل بنفاذ صبر. ليه ..

ادم بضحك. شبهك حستها كده اوي عشان كل لما اشوفك بلاقيكي بتعيطي ..

ليل. زرافه ..

ادم. نروح بقا ..

ليل. خلاص افراج المره دي عشان انا تعباك من الصبح ..

اخذ ادم ليل الي العربيه وتوجهوا الي وجهتهم ولكن وقف ادم في مكان ما ليس بمنزلهم ..

ليل باستغراب. ادم انتا جبتنا هنا ليه ..

ادم. …..

فما هو تلك المكان الذي اخذها ادم إليه؟!.

يتبع…..