روايات

رواية ورطة مع زوجي الفصل الثاني عشر 12 بقلم أسماء الكاشف

رواية ورطة مع زوجي الفصل الثاني عشر 12 بقلم أسماء الكاشف

رواية ورطة مع زوجي البارت الثاني عشر

رواية ورطة مع زوجي الجزء الثاني عشر

اسكريبت ورطة مع زوجي الجزء الثاني عشر 12 بقلم أسماء الكاشف

رواية ورطة مع زوجي الحلقة الثانية عشر

*هي فين اوضى
وأتكيت على كلمة اوضى
-اوضتنا يا مسك أسمها اوضتنا لو عايزه أمورنا متتكشفش
قالها بهدوء ولسه مكلبش فى ايدى نفخت بغيظ ودخلنا كانت اوضه واسعه وجميلة اووى لونها كشمير هادي وستاير من الاستايل الجديد جريت على البلكونة المتزينة بطريقة خرافية وبصيت منها على الحديقة إلى مليانه أزهار من النوع إلى بحبه
– عجبتك قالها بهدوء بعد ماوقف حنبى
*اووى
 قولتها بعينين بطلع قلوب فرحانه اووى المكان يسحر والأزهار شدتنى ماشوفتش الابتسامة إلى على وشه ابتسامه رضا قربت عليه كان رسم ملامحه الجامدة بسرعة
*المكان تحت حلو اووى عايزه انزل بليز
– ارتاحي الاول وبعدين اعملي كل إلى عيزاه البيت بيتك يا مسك ذى ماهو بيتي
*هو مش بيت عمك
– بيت العيلة وليه نصيب فيه ودى اوضى مختارها بالذات علشان قدام الحديقة على طول واقدر اشوف الزهور وقت ما احب
هزيت رأسى بتفهم وقعد على الكرسي إلى فى البلكونة عايزه اتفرج شويه وامتع عينى ومحمد دخل جوه ونام على السرير
بقلم أسماء الكاشف
بعد نصف ساعة تقريبا سمعت خبط على الباب ومحمد ماردش خرجت من البلكونة لقيته نايم بصيت عليه بحب وروحت فتحت الباب لقيتها الدادة
= الغذا جاهز ومستنين حضراتكم تحت
* حاضر نازلين وراكي
ابتسمت ليه ومشيت وانا دخلت اصحى محمد واغير هدومي قربت من السرير ولقيته غرقان فى النوم ضحكت لما لقيت وشه كشر
*محمد اصحي مستنينا تحت
قولتها بهدوء اتقلب واداني ضهره قربت من ودنه وبصوت عالي
*اصحي
قام مفزوع وانا وقفت بعيد بضحك عليه بصلي بغل وغيظ وقام ليه
– ما تتعبش نفسك
قولتها وجريت على الحمام إلى فى الاوضه
– مجنونة متجوز مجنونة قالها وضحك على جناني وانا من جوه ضحكت وببص على الهدوم إلى فى ايدي وابتسمت اووى لما افتكرت ملامحة الجميلة وهو نايم
بقلم أسماء الكاشف
خبط على الباب
– هسبقك على تحت
* اوك قولتها وانا بلبس البنطلون وسمعت الباب أتقفل اتنهد بهدوء وخلصت لبس ووقفت قدام المراية اظبط تسريحة شعرى وطلعت الكحلة إلى على طول فى جيبى حطيت منها وخرجت من الاوضه كلها نزلت السلالم قابلني في طريقي شاب فى أواخر العشرينات شكله جذاب وجسمه حلو بيشبه محمد بس عينيه بني
÷ هاي
قالها بهدوء
* أهلا
رديت بهدوء وسبقته لتحت من غير ما اسمع باقى كلامه كفاية انه من عيلة الدمنهورى  يبقى عدوي وصلت لقيتهم كلهم متجمعين على السفرة واتفاجئت بجدو حسن
* صباح الخير
قولتها بهدوء
^ صباح المسك على احلي مسك
ابتسمت بخجل ومحمد وقف مكانه و شد ليه الكرسي إلى جنبه
– اقعدي يا حبيبتى ابتسمت بكسوف وقعد ورجع الكرسي مكانه
_اخبارك يابنتى
قالها عمه بهدوء
* الحمد لله شكرا يا عمي قولتها بلطف مصطنع وبجز على أسناني
-خيانة بدأتو من غيري
قالها بمرح نفس الشاب إلى شوفته على السلالم
_ابو حميد امتى جيت قالها اول ما شاف محمد  إلى استقبلو بعض بالأحضان وعرفه بيه على السريع وقعد على السفره معانا
 بصيت على السفرة بهدوء كان الجد حسن قاعد فى اول السفرة ومقدمتها على يمينه ابنه ماهر ومرات ابنه وابنهم ناصر الشاب الوسيم وعلى الشمال قاعد محمد وانا جنبه وشويه سمعنا صوت جزمة جايه ناحيتنا
= ايه ده محمد وعروسته يامرحبا
قالتها بمرح تلك الجميلة بملامحها الرقيقة وعينيها الزيتونية ابتسمت بتلقائية حرجه اول ما شوفتها نفس البنت إلى كانت فى الفرح اخت محمد قبل ما أسلم عليها حسيت بوجع فى بطني ذاد شويه حطيت ايدى بوجع وسيبت المعلقة من ايدي مدت ايدها ليه بتوتر وشايفه ملامحي بتبهت
– انتى كويسه
*اااه صرخت بوجع وقومت من على الكرسي محمد لحقني وحضنى
_ مسك مالك ايه إلى فيكي
قالها بخوف من ملامحي المتوجعة
*بطني بتتقطع انت قتلتنى معاهم ليه
قولتها وغمض عيني وحسيت روحي بتتسحب بعيد شكلها النهاية
يتبع…..
لقراءة الفصل التالي : اضغط هنا
لقراءة باقي حلقات الرواية اضغط على : (رواية ورطة مع زوجي)

‫4 تعليقات

اترك رد