رواية مجنونة أسرت قلبي الفصل الرابع 4 بقلم سهير أحمد

صقر بغضب : آآآه يا بنت المجانين 

محمد بخوف : مش ده أخوك 

حمزة : تلاقى العروسه طلعت جامده ولا حاجه 

محمد بمزاح  : ولو لازم أتأكد على ابنى البت تتغرغر بيه ولا حاجه

وطلعوا لفوق شافوا صقر متعور فى دراعه وعمال يجرى وراها وتعب 

محمد بخضه : ايه اللى حصلك 

حمزة بسخريه : لأ صقر أوى يعنى 

صقر : أمشى من قدامى يا مجنونة 

صبا : الله مش النهاردة الدخله ولا ايه يا عريس هه منظرك بيئه أوى الصراحه 

سميه : أنتى عملتى فى ابنى ايه يا مجنونة أنتى 

صبا ببرود : عادى يا حماتى غرزتين وهيبقى زى الحصان صح يا صقورة 

صقر : أمشى من خلقتى يا بنت الكلب 

صبا بغضب : أهو أنت اللى ابن ستين كلب سورى يا عمى 

محمد : عادى يا بنتى ولا يهمك

حمزة : أطلبلك الدكتور يا صقورة أحم قصدى يا صقر 

صقر بغضب: برة برة 

صبا : طالعين مش من الجنه احنا يعنى 

////////////////////////////////////////////////////

وطلعوا 

محمد  : أنتى اسمك ايه يا عسل 

صبا : محسوبتك صبا يا حج أما الرجاله العسل اللى زيك بيقولى يا صاصا 

محمد : اشطا يا صاصا أنا بقى الأسطى محمد السيد الوالد لجوزك بس ده بينى وبينك يعنى تمام 

صبا : سرك فى بير يا فواز يا أخويا 

حمزة : فسح كده يا حج خلينا نتعرف على البنيه أنا بقى حمزة الفرع العسل فى العيله دى كلها 

صبا : أه تصدق باين عليك بتلزق 

حمزة : بتقلشى هناخد على بعض جامد أوى

محمد بتفكير: صبا محتاجك ثوانى ممكن 

صبا : أوامرك يا حج 

/////////////////////////////////////////////////

 عند ياسين وورد

 دخلوا الأوضه وقفلوا الباب 

ياسين وورد بصدمه : ايييه ده 

الأوضه كانت متزينه بطريقه رومانسيه والسرير كله ورد ومكتوب عليه Y & R 

ياسين بعصبية: هما شكلهم ناويين على مصيبه 

ورد : والله العظيم يا عاصم أما أرجع  ليك تانى هوريك 

ياسين : طب يلا ننام بقى علشان أنا هموت 

ورد : يلا 

راحوا غيروا هدومهم وجم يناموا 

ياسين : أنتى هتنامى على السرير 

ورد : آه 

ياسين : وأنا هنام فين أن شاء الله

ورد : على الكنبه 

ياسين : طب ماتنامى أنتى على الكنبه وأخد منها المخده 

ورد  : مش مكسوف من نفسك يالا وأخدت المخده تانى 

ياسين : بت متعصبنيش بقولك ايه أنا هنام هنا وخلاص 

ورد : ولا هموتك فى ايدى يالا أنا اللى هنام على السرير 

ياسين : أبدا والله ما يحصل 

After 15 minities

ياسين على الكنبه وورد على السرير 

ياسين : ورد أنتى فى كليه ايه 

ورد : تجارة وقبل أما تتكلم أنا داخلاها بمزاجى 

ياسين : لا انا كنت علوم سياسيه و اقتصاد 

ورد : صبا كان نفسها تجيب الكليه دى 

ياسين : مين صبا دى 

ورد بنبرة صادقه : صبا دى عمرى أكتر واحده بعشقها مجنونة وطيبه وفيها كل حاجه تخليك تحبها ربنا ميحرمنيش منها يارب 

ياسين بتركيز : طب الولد اللى أنتى بتحبيه ده اسمه ايه 

ورد بتوتر : هاه اسمه اسمه كريم وأنت بقى 

ياسين بضيق : أنا ايه

ورد : البنت اللى أنت بتحبها اسمها ايه 

ياسين : سلمى ( سلمى ده اسم السكرتيرة هنحتاجه قدام ) 

ورد : أه تصبح على خير بقى 

ياسين : وأنتى من أهله 

/////////////////////////////////////////////////////////////////

محمد : اتجوزتوا ازاى يا صبا 

صبا بحزن : حضرتك يعنى مش عارف 

محمد : معرفش احكيلى 

صبا حكتله على اللى عادل قاله لدلوقتى 

محمد : طب أنا عندى ليكى عرض كويس 

صبا : ايه يا أونكل 

محمد : بصى بقى صقر عصبى جدا وعنده عقده من كل حاجه ساعديه يتغير وأنا أوعدك تتطلقى منه على طول 

صبا : يعنى أغيره وأطلق منه 

محمد : أيوة تمام ايه رأيك 

صبا : معلش بس ليه أنا 

محمد : صقر ابنى لما بيعوز حاجه من حد بياخدها أنتى مش أول بنت يعمل معاها كده بس الفرق أنه اتجوزك وأنتى بصراحه باين عليكى مجنونة وعنيده 

صبا : ربنا يكرم أصلك يا حج 

محمد : قصدى انك مختلفه واثق انك هتغيريه وأنا أوعدك اللى أنتى عاوزاه

صبا : تمام أنا موافقه ممكن حضرتك تديلى الأوضه اللى جمب أوضته

محمد : ليه 

صبا : ليه دى بتاعتى بقى 

محمد : تمام يا ريسه ربنا يستر 

/////////////////////////////////////////////////////

على التليفون 

عاصم : الواد ده عفريت اتجوز كده من غير مايقولك 

محمد : أنا واثق أنه جبر أخوها وهعرف 

عاصم : وكنت عاوزنى أجوزه بنتى يا شيخ أتقى الله

محمد : الدكتور قالك ايه 

عاصم : فى المرحله الأخيرة وخلاص مفيش أمل 

محمد بحزن : الدكتور ده مبيفهمش حاجه هنروح للدكتور التانى وهتقوم 

عاصم : ده قضاء ربنا بس أمانه عليك تخلى بالك من ورد وفرح دول أمانه فى رقبتك 

محمد بدموع : متقولش كده والله هتقوم وهتجوز فرح وهتشيل  عيال ورد 

عاصم : فكرتنى تفتكر قتلوا بعض ولا لسه 

محمد : لسه يا عاصم متقلقش ملحقوش ممكن ساعتين كده ولا حاجه 

عاصم بمزاح : على العموم أنا جهزت حاجه العزا بس معزمتش حد 

محمد : طب تمام تابع تليفونك علشان نروح نستلمهم 

/////////////////////////////////////////////////////////

الكل نام وجاهزين ليوم جديد على الجميع 

عند صقر 

صبا : سورى بقى يا صقورة ههه 

صقر بغضب : طيب هقتلك والله أقتلك ????????