رواية تار صعيدي الفصل التاسع عشر 19 بقلم ملك شاهين

*انا عايزه تفااعل وعايزه اعرف رأيكم مش تم والكلام ده هي خلاص اتبقي فصلين وخاتمه وتخلص اصلا

هيثم بصدمه : انت !

الست : اه انا … خليها توسع و تدخلني

هيثم بص للممرضه : امشي انت

الممرضه مشيت وهو مسك الي واقفه قدامه من دراعها جامد وقربها منه

هيثم بعصبيه وهو بيجز على سنانه : انت ايه الي جايبك وعايزه تدخليله ليه اساسا

الست ببرود : انت مالك

هيثم : مرااااام متخلنيش اعمل تصرف وحش معاكي

مرام : وانت مالك بيا يا اخي انا حره

هيثم بصوت عالي  : مرااااااام

مرام بنفس الصوت : هيثاااااااام

هيثم  بحده : اتلمي ووطي صوتك

مرام : مهو هتعلي صوتك هعلي صوتي هو انت احسن مني يعني

هيثم بغيظ : ايه الي جايبك يا مرام

مرام ببرود : هكون جايه ليه يا هيثم جايه ازور فراس

هيثم  بغيظ : كان من بقيه اهلك هو

مرام  ببرود : اه عندك مانع

جه ناحيتهم فلير

فلير بهدوء : في حاجه يا هيثم

مرام : الله الله ودي تعرفك منين يا استاذ هيثم ان شاء الله …مسكت فلير من ايدها وفضلت تلفها كزا مرا ويعدين مسكتها من لياقه بلوزتها ….لا وباين عليها اجنبيه كماان تعرفها منين يا هيثااام انطق

هيثم وهو بيبعدها عن فلير  وبيفك ايدها :  سيبها يا مجنونه ايه الي بتعمليه ده

فلير بذهول وهي بتعدل هدومها : ايه الجنان ده ..مين المجنونه دي يا هيثم

هيثم لسه هيتكلم مرام  زقت هيثم ووقفت قدمها :   لا سيبك من هيثم يا حبيبتي وتعاليلي هنا … مين دي الي مجنونه يا حبيبتي

فلير برفعه حاجب : انت طبعا

مرام  وهي بتشدها من طرحتها: انا بقي هوريكي الجنان على حق

هيثم لسه هيشلها ويبعدها عنها

فلير بعصبيه وزعيق بعدتها عنها وفكت ايدها وزقتها  : ابعدي يا مجنونه انت محتاجه تروحي مستشفي المجانين

هيثم : معلش يا فلير امسحيها فيا اعتبريها عيله وغلطت

مرام : مين دي الي عيله

هيثم بزعيق  : اخرصي اخرصي

مرام بصتله جامد وبرقت وسكت وهو استغرب انها سكتت

فلير : مين دي

هيثم لسه  هيتكلم

مرام  : المفروض انا الي اسأل مين انت مش العكس

فلير : نعم افندم !

هيثم بنفاذ صبر : مرام  اخرصي بقي دي تبقي  فلير تبقي مرات فراس

مرام بارتياح و تفهم : ااه مرات فراس قول كده من  الا…..ايييييه فراااس اتجوز ومعزمتونيش ليييه  امتي ؟ وازاي ؟ …هو احنا مفركشين بقالنا اد ايه

هيثم  وهو بيبص في ساعته: تلات شهور و خمس ايام و ٧ساعات و٥ دقايق و ٦ ثواني .. بقو ٧ ثواني

مرام  بفخر : حبيبي  الواطي بيفركش معايا ٦ مرات في السنه ويسبني بس بيبقي حاسب المده ماشاء الله عليه

هيثم بصلها جامد

فلير : انا مالي بده كله وسعي اما ادخل لجوزي حبيبي

مرام : خديني معاكي  ونبي متسبنيش معاه هياكلني

فلير بضحك : تعالي يا مجنونه قبل اما يدخلوا لقو في ممرضه خارجه بتجري من جوا وبتقول : المريض فااق

فلير بفرحه : بجد وجريت على جوا وهيثم ومرام وراها

فلير بلهفه : فراس حبيبي انت كويس

فراس بضحك : حبيبي ! انت سخنه يا فراوله ولا ايه

فلير باحراج : لا مش سخنه يا رخم

فراس بضخظ : ده يارتني دخلت الغيبوبه من زمان بقي

هيثم : حمدلله على سلامتك يا صحبي

فراس : الله يسلمك يا هيثم

مراام : حمدلله على سلامتك يا ابو الفواارس شوفت وشي حلو عليك ازاي كنت جيت من زمان بقي لا ومكنوش راضيين يدخلوني يا ابو الفوارس شوفت

فراس : مرام …ازيك يا مرام ايه الغيبه دي عاش من شافك

مرام : غيبه ايه يا فراس بقي…. بقي يا راجل تتجوز ومتعزمنيش مكنش العشم والله كنت هاجي احييلك الفرح ع فكره بس يلا ملكش نصيب

فراس  : ده انا مقولتش لهيثم اصلا يا مرام  …ومتشكر لخدماتك هو اتحيا لوحده متقلقيش سايبك للتقيل

مرام : مش هعزمك على فرحي بقي ااه داين تدان والدنيا دواير وزي معزمتنيش مش هعزمك

فراس : ايه ده انت خلاص هتتجوزي

مرام : اومال مش انا اتخطبت خلاص

هيثم لفها ليه : نعم يا روح امك

مرام ببرود : ايه يا حبيبي

هيثم : فرح مين ؟ ومين الي اتخطب معلش !

مرام : ايه يا حبيبي انا وانت

هيثم بصلها بغباء  : احنا اتخطبنا امتي

مرام  بصت في ساعتها : من  ربع ساعه كده

فلير بهمس لفراس : دي الاكس بتاعته

فراس وهو بيهز رأسه : ااه …بيفشكلو في سنه فوق ٦ مرات كده

فلير : هما بقالهم اد ايه كده

فراس : سنتين

فلير : يلاهوي سنتين ولسه متجوزوش

فراس : انت لو حسبتي المده الي اتكلموا فيها من غير خناق خلال السنتين ميكلموش شهرين

دخلت نسمه بسرعه وهي بتجري

نسمه بلهفه : فراس انت كويس

فراس بابتسامه : كويس

نسمه : الحمد لله الحمدلله حمدلله على سلامتك يا حبيبي

فراس بضحك : لا انا لو اعرف اني لما ادخل في غيبوبه هيحصل كنت دخلت من زمان

فلير : بعد الشر عليك ..وبعيدن بصت لنسمه …اومال حمزه مجاش معاكي ليه

نسمه : قال انه رايح يقابل حد في المطار

فلير هزت رأسها وبعدين بصت لفراس الي كان بيسألها : تحاليلك تحاليلك طلع فيها ايه طمنيني ؟

فلير : اهدي كده مفيش حاجه هحكيلك

F.b

من شهرين فلير كانت زي عادتها بتزور فراس مل يوم في المستشفي  الدكتور نداها

الدكتور : كنت عايزك في المكتب يا مدام فلير

فلير بقلق : في حاجه فراس في حاجه

الدكتور : لا لا فراس كويس انا كنت عايزك في حاجه تخصك انت

فلير : طب اتفضل يا دكتور

فلير راحت معاه

الدكتور : الصراحه يا مدام فلير تحاليل وضحت انك بتعاطي نوع من انواع المهدئات القويه الي بعد فتره من تعاطيها بتسبب ادمان ومش بس كده بتؤدي لتلف في الاعصاب

فلير بصدمه : ايه بس بس انا مش باخد حاجه

الدكتور : مانا عارف ..للافس في حد بيحطه ليكي سواء في اكل او في عصير

فلير  بتوهان : طب اعمل ايه يا دكتور في علاج اخده او اي حاجه

الدكتور : ايوا طبعا انت لسه في الاول مكملتيش اسبوع او اتنين في علاج هتاخديه بس الاكيد انك متكليش ولا تشربي اي حاجه من اي حد وياريت تعرفي مين الي بيعمل كده

فلير : اكيد يا دكتور

B

فلير : بس كده

فراس بحده : مين الي عمل كده

نسمه : سميه وماري

فراس : حسابهم معايا بس اما افوقلهم علشان هما زودوها اووي

فلير : للاسف ماري مش لاقينها و جدو هارون قال ان سميه سافرت ومقالتش فين بالاصح هربت بعد اما المل عرف

فراس : انا هعرف اوصلهم .. بص لهيثم ..هيثم عملت ايه في الي كنت قايلك عليه

هيثم بتوتر : الصراحه يا فراس ده الموضوع الي كنت متصل ساعه الحادثه بيك عشانه

فراس : ايه ياا هيثم قلقتني

هيثم : معرفتش اوصل لحاجه و..

قطع كلامهه دخول حمزه

حمزه بصوت عالي : حمدلله على سلامتك يا ابو نسب

فراس : حبيبي يا حمزه الله يسلمك

حمزه : محضرلكم مفاجاه

نسمه بفضول : ايه

حمزه : فلتتفضل المفاجأه

دخلت ست في اواخر الاربعين من عمرها بس شكلها اصغر من كده بكتير

فراس بصدمه : ماما

ليله عيطت وراحت حضنه : حبيب ماما وحشتني يا حبيبي وحشتني اوي

فراس حضنها جامد وفضل في حضنها وقت مش ثصغير وبعدين بعد عنها وقال : وحشتني وحشتني ووحشني حضنك اوي ليه سبتينا لييه

ليله بدموع : غصب عني يابني غصب عني

حمزه بهزار  : ايه يا جماعه تراني تأثرت من هذه المشاعر المرهفه

فلير ضربته في كتفه : انت كل حاجه هزار متقدرش تسكت.. اسكت

حمزه وهو بيمشي ايده على رقبته من الحرج  : انا حبيت اتكلم بدل مانا ساكت كده

فراس : هو انت لو متكلمتش هيقولوا الي متكلمش اهو ؟

حمزه بحرج : خلاص يا ابو نسب

قربت فلير من خالتها وحضنتها : حمدلله على السلامه يا خالتو مصر نورت

ليله : الله يسلمك يا روح خالتو ..ليله بصت على الي

قاعده على الكنبه وقربت منها ..نسمه صح ايوا انت نسمه

نسمه بصتلها ومردتش عليها  وودت وشها الناحيه التانيه

ليله  مسكت وشها براحه ولفته ناحيتها : نسمه انا ماما يا حبيتي

نسمه بعدت ايدها وقامت وقفت فجأه :  عند اذنكم يا جماعه انا هروح وخرجت بسرعه من الاوضه

حمزه وهي بيجري وراها: انا هروح وراها

فلير قربت من خالتها : لولو معلش الصدمه صعبه عليها اعذريها

ليله بعياط : وانا ذنبي ايه مش كفايه طول السنين دي محرومه منها ومن اخوهاا حتي الصغيره معرفتش اكون ليها ام ودخلت المصحه

فلير خدتها في حضنها

هيثم قرب منها : احم احم …ازيك يا طنط فكراني ؟

ليله بابتسامه من بين دموعها : هيثم صح

هيثم : ايوا صح

ليله : كبرت يا هيثم ماشاء الله

مرام قربت منها : ايوا انا بقي مش هقولك انت مش فكراني لانك متعرفنيش اصلا يبقي ولا انا اعرفك بس ده ميمنعنش اننا نتعرف ..انا مرام

ليله بضحك : ازيك يا مرام

مرام : لا قوليلي مرمر علطول

ليله : ماشي يا مرمر

مرام وهي بتشاور على هيثم  : انا خطيبه الاستاذ ..خطيبته من ..بصت في ساعه ايدها …من ساعه كده ولا حاجه

هيثم بقله حيله : لله الامر من قبل ومن بعد اشكو اليك يارب اشكو اليك

حمزه دخل الاوضه وهو  بيجري

فراس بخضه : في ايه يا حمزه

حمزه : نسمه اتخطفت !

يتبع…..