رواية عشق السيوفي الفصل السابع والثلاثون 37 بقلم شهد محمد

“في فيلا السيوفي”

لبس كلا من مروان وفريده وزين وجهزوا الشنط

زين وهو بيتنطط:

-يلا يا مروان بسرعه 

مروان:

-حاضر حاضر اطير يعني 

نظر له زين بغضب:

-خلاص احنا كلنا سلمنا وانت الوحيد قاعد تدي نصايح لجدو في الشركه علفكرا هو أكبر منك قالها وهو واضع يده في وسطه

فريده:

-زين اهدي كده عيب احترم ابوك 

جميله:

-معلش يا فريده متزعليش زينو هو متعصب علشان يروح 

انتهي مروان من الكلام مع أبيه:

-يلا يا زين بيه قدامي علي العربيه كده ارتحت 

زفر زين بارتياح:

-اووووف اكيد يلا بقي 

*****************

“في المستشفى”

دخل مراد غرفه عشق في ملامح بارده :

-هنطلب إذن خروج بليل ولما اخلص شغلي هنرجع القاهره وكل واحد من طريق يا بنت الحلال 

صدمت عشق من كلامه:

-نعم انت بتقول ايه يا مراد ايه الهبل ده 

مراد ببرود:

-الي سمعتيه مش هكمل معاكي

 وخلع دبلته وفتح يد عشق ووضع الدبله فيها وتركها وخرج الي الشرفه

أغلقت عشق يدها عليها وبدأت في البكاء (فكيف للقلب أن يتخلي عن جزء منه أو أن يرحل شخص عزيز عليك بدون اي مقدمات أو توضيح أسبابه):

-ليه كده يا مراد انا عملت ايه لكل ده 

في الشرفه:

-انا عملت كده ليه لازم اسمعها الاول 

عقله:

-ده الصح مفيش حد يستاهل حبك يا مراد 

قلبه:

-مفيش الكلام ده محدش يعرف يبعد عن حد بيحبه ممكن نبعد باجسامنا بس روحه بتكون موجوده معانا 

***************

“في قصر المهدي”

عنود بصوت خافت:

-عماااااار يلا اصحي عايزه اطفش من هنا 

فاق عمار وبدأ بدعك عينه:

-سيبيني انام شويه كمان لسه بدري 

عنود:

-لا يلا الساعه بقت ١٢ وزمان كلو نام يلا بقي انا جهزت كل حاجتي 

عمار:

-طيب اغير وأروح اطفشك 

خرجت عنود من الغرفه واتجهت الي الحديقه لتجلس علي المرجيحه:

نجوي:

-اخبارك يا عنود

دمعت عنود:

-انا مش بخير يا ماما وحشتيني اوي اوي نفسي ترجعي تاني نكون سوا شوفتي عمر يا نوجه اتجوزني غصب ومصمم يعمل فرح انهارده 

نجوي:

-طب خلي بالك من نفسك انا ربيت بنت قويه متنكسرش بسهوله 

عمار:

-هااا جهزت يلا ارجعك القاهره 

جفتت دموعها ونظرت إلي مكان نجوي ولكن اختفت:

-حاضر يلا بينا 

“وخرجوا من القصر بسرعه”

ولكن هناك من شاهدهم في الشرفه:

-وه وه يا وجعتك مربربه يا ولد عمي بجي تروح وسط الليل مع بتاعت بحري 

************

“وصل مروان الي أحد القري السياحيه”

نظر مروان لزين:

-ها ليه اخترت القريه دي بالذات 

زين:

-علشان ميرو وعشق هنا وقولت اجي ليهم بقي

فريده:

-يعني انت بعد كل ده علشان تيجي لمراد وعشق مش علشان تتفسح معانا 

زين:

-ايوه عندك مانع بقي ويلا اتصل على ميرو

اتصل مروان علي مراد:

-الو مراد انت فين احنا قدام القريه الي انت نازل فيها

مراد:

-تمام ادخلوا لحد ما اجي

مروان:

-عشق فين؟!

مراد:

-عشق معايا شويه ونيجي

**********

“وصل كلا من عمار وعنود الي محطه القطار”

عنود:

-شكرا جدا ليك يا عمار عمري ما هنسي الي عملته معايا بجد

عمار:

-انا اخوكي وقت ما تحتاجيني انا موجود بس هترجعي فين 

عنود بعد تفكير:

-انا هتصرف باذن الله لقيت حل لما اوصل هكلمك

عمار:

-ياريت والنبي أو اجي اوصلك وارجع تاني 

عنود:

-مش مستاهله يلا اشوف وشك بخير القطر هيطلع

“ظل عمار يتابعها حتي اختفت بالقطار”

***********

“في المستشفي”

مراد:

-يلا نرجع الفندق مروان جه الفندق وبيسال عننا اتعاملي عادي ولا كان حصل حاجه مفهوم

تجمعت الدموع في عين عشق:

-مفهوم حاضر 

يتبع..