روايات
رواية تار صعيدي الفصل العشرون 20 بقلم ملك شاهين
رواية تار صعيدي الفصل العشرون 20 بقلم ملك شاهين
رواية تار صعيدي البارت العشرون
رواية تار صعيدي الجزء العشرون
 |
رواية تار صعيدي الحلقة العشرون
حمزه : نسمه اتخطفت !
فراس : ايه انت بتقول ايه ازااي
حمزه : نزلت اجري وراها لسه بلحقها في عربيه طلعت شدتها وانا عربيتي كانت في الباركنج تحت
هيثم : حفظت نمرت العربيه طيب
حمزه : مكنتش عليه نمره
هيثم خرج يعمل كام اتصال برا
فراس بعصبيه : انت متخلف ازاي تتخطف قدامك كده ومتعملش حاجه انت مش رائد بردو
حمزه بتريقه : انا رائد مش سوبر مان هطير ورا العربيه
هيثم : مش وقته خناق احنا لازم نتصرف بسرعه
سمعوا صوت بيبصو ورا لقو ليله اغمي عليها ووقعت على الارض فراس قام بسرعه من على السرير وشالها حطها على السرير
فراس بص ليهم : حد معاه برفان
مرام وهي بطلعه من شنطتها : اه انا معايا ..امسك
فراس خده منه ورش شويه في الغطا وحطه على مناخيرها بدات تتحرك وتفوق
ليله : بنتي بنتي
فراس : ماما انت كويسه
ليله فاقت وبدأت في عياط: عايزه بنتي…رجع اختك يا فراس
فراس : اهدي يا ماما متخفيش نسمه هترجع
لفلير جت ناحينتها بهدوء : اتفضلي يا خالتو اشربي علشان تهدي
خدت منها المايه وشربت
فراس : يلا احنا لازم نخرج من المستشفي علشان نعرف نتصرف
فلير : هنروح الفندق؟
فراس باستغراب : فندق ايه
فلير : الي قاعدين فيه
فراس : انتم قاعدين في فندق ! …رجع بص لحمزه ..انت يبني عبيطه مقعدهم في فندق وهما في خطر ..مقعدتوش في فيلا بتاعتي ليه
حمزه بعصبيه: وانا هعرف منين ان هما في خطر بشم ضهر ايدي…وكمان مش واقته الي بتعمله ده اصلا اختك مخطوفه وانت واقف بتتكلم انهم قعدوا فندق ولا تنيلو فين !
فراس بعصبيه وصوت عالي : مش انت الي هتفكرني ان اختي مخطوفه بسبب اننا اعتمدنا عليك مش عارف رائد ازاي ده انت داخلها واسطه
حمزه بعصبيه : محدش قالك تتعتمد عليا …واه داخلها واسطه انت مالك بقي
فلير بزعيق : بس بس كفااايه انت هو في ايه احنا في ايه ولا في ايه اهدو بقي مش كده ..
يلا يلا نمشي من هنا ونشوف هنروح فين علشان تلحقوا تتصرفوا وتنقذوا الغلبانه دي
بعد شويه خلصو اجراءات المستشفي وخروجوا وصولوا الفيلا وفراس طلع ليله اوضه فوق تستريح وفلير ومرام فضلوا قاعدين تحت وحمزه وهيثم راحو القسم
مرام : احم احم
فلير : في حاجه ؟
مرام : يعني يعني بصي انا مبعرفش بيعتذروا ازاي وكده بس بصي…صافي يا لبن ؟
فلير بضحك : حليب يا قشطه
مرام بضحكه : ايوا بقي
فلير بقلق : انا قلقانه على نسمه اوي بجد
مرام : ربنا يستر ان شاء الله هيلقوها الشرطه في خدمه الشعب وهيثم خطيبي الواطي ده رائد اد الدنيا بردو ميغركيش و هيلاقيها
فلير بضحك : انت مشكله
مرام بريقه مسرحيه : والله صدقيني هو واطي اه بس حبيبي حبيبي كده محبش في الدينا قده لو هشحت كده…..بيخوني ، بيعصبني ، بستفزني ، بيعمل اي حاجه تعصب اي ست بس على قلبي زي عسل اه اومال …مش بيقولوا ضرب الحبيب زي اكل الزبيب
فلير بضحك : خلاص يا مرام ده انتم بتحبو بعض اووي
مرام : اومال اومال …حبيبي وكل حبايبي
عند فراس وهيثم وحمزه ..حمزه كان قاعد مش طايق نفسه هو وفراس وبيبصو لبعض جامد
هيثم بملل : خلصتو حرب النظارات دي …ممكن اتكلم
فراس : اخلص
هيثم : طبعا كلنا بقينا متأكدين ان بدر الي خطفاها ..والي اكد اكتر انه غبي …وبعد محددنا بيته وحددنا مكان تواجد موبيل نسمه طلعزا في نفس المكان
فراس : يعني انتم محددين بيته كل ده وساكتين
حمزه : لا مستنين ختم حضرتك
فراس : مسمعش صوتك ممكن
حمزه : لا مش ممكن …ويلا يا هيثم جالي اشاره بتحرك
فراس : انا جاي معاكم
حمزه : لا
فراس مسكه من لياقه قميصه : ولا متخلنيش ازعلك
حمزه بعده وقال : لا زعلني وانا احبسك بتهمه تعدي على سلطات
فراس بتريقه : سلطات مين يلا ده انت حتت رائد بالواسطه
هيثم : بس بس وربنا البت المخطوفه يحرق ابو شكلكم
حمزه : طب يلا احنا هنستني ايه تاني
في احدي فلل بدر الي برا حدود قاهره بشويه
نسمه بصدمه : بدر
بدر : شوفتي المفاجاه
نسمه : ازاي ازاي يعني انت الي ورا كل ده
بدر : شوفتي بقي
نسمه بوجع : لييه ليه حرام عليك ده ده بيتعبره اخوك ده ده معتبرنيش اخته وكان بيتعبرك اخوه
بدر بغل وحقد : وانا عمري مشوفته غير عدوي ..ومش بس عدوي ده اكبر عدو لدود ليا ! خد مني كل حاجه ..كنت بنبقي ماشين سوا الكل مبيشوفش غير فراس ..شوفت فراس عمل ايه ..شوفت فراس جاب ايه ..شوفت فراس ..فراس ..فراس …كل حاجه كانت فراس وبدر هه بدر مين كومبراس فراس …وجه علينا هيثم وصاحبني انا قبله وبعدها صاحب فراس وقرب منه وبقي يهو كمان الكل في الكل ويقو مع بعض وانا بقيت على الهامش …فراس خد كل حاجه مني …مركز وسمعه وشهره واسم وشغل وكل حاجه واخر حاجع حبيبتي …ايوا فلير حقي انا وهو خدها وخد حاجه مش حقه بس ملحوقه نهايته النهارده وانا الي هتمتع بيها في الاخر
نسمه بذهول : ايه كميه الغل وحقد ده انت لا يمكن تكون بنأدم ..ده ده صاحبك وخوك الي كلته من طبق واحد وشربته سوا وكان بيقولك يا اخويا كان بيحبك اكتر من نفسه ويما ناس حذرته منك بس هو كان عنده ثقه عمياء عمياء فعلا …انا بشفق عليك يا بدر على كميه الجحود والحقد الي في قلبك …انت نهايتك هتبقي وحشه اوي يا بدر صدقني
بدر : وفري كلامك احسنلك
نسمه : سميه وماري كانو معاك؟
بدر : ماري اه سميه دي عبيطه هي الي مرضيتش وخسرت كتير هه وماري بردو خسرت
نسمه : اومال هي فين وهربت ليه
بدر ببرود : قتلتها
نسمه : اييه …انت بتتكلم عن القتل كده عادي
بدر ببرود: اه عادي..وكفايه عليكي كده
خرج وسابها
بعد شويه كانوا وصلو المكان
فراس : يلا ندخل
حمزه بسخريه : يارتها بالسهوله دي
هيثم بضيق : متبدؤوش بقي …استني يا فراس مينفعش نستعجل لما للقوه تتحرك وتخلص على الحرس انت مش شايف العدد
بعد شويه ضرب النار اشتغل بين القوه والحرس وفرغس وحمزه وهيثم استغلوا انشغالهم ودخلوا جوا وبدئوا يدوروا على نسمه فتحو باب الاوضه الاخير لقو بدر ماسكها وحاطط المسدس على راسها
بدر : لو حد اتحرك هفجر رأسها
فراس : عمري مكنت اتخيل انم تطلع كدع
بدر بضحكه سخريه : ههه ليه هه ليه ده انا اكتر واحد بكرهك في دنيا دي يا فراس ولو قالولي امنيتك ايه هقولهم موتك شوفت ..بكرهك بحق كل احساس وحش حسيته بسببك بكل بكل مقرانه كان الكل بيقارني فيها بيك بكرهك علشان خدت مني كل حاجه انا عايزها بكرهم وهقتلك يا فراس
فراس : ياااه كل ده في قلبك
بدر : كل ده ! هو انا قولت حاجه اصلا اسكت يا فراس اسكت
فراس وهو بيشاور لحمزه انه هيشغله على اما يسحب نسمه : لا اتكلم اتكلم وقول الي في قلبك كله ..وخلي حسابك معايا مش مع حد
بدر بعد عن نسمه وبص في عين فراس وحط المسدس في وشه : هموتك صدقني هموتك
فراس فتح ايده الاتنين : يلا موتني وانا قدامك
حمزه خد نسمه وخرجها برا الاوضه
حمزه : انت كويسه
هزت رأسها وقالت : ااه ادخل ادخل الحق فراس ده مجنون هيموته
حمزه : لا هو اضعف من كده
نسمه برفض : صدقني هيموته هيموته زي ما موت ماري اختك
حمزه بصدمه : ايه موت ماري مين الي قالك الكلام ده
نسمه بعياط : هو هو الي قتلها وهو الي اعترفلي بكده …ادخل يا حموه ادخل وانا هفضل هنا متخفش
وقبل اما يدخل سمعوا صوت ضرب نار جاي من جوا
نسمه بصتله بصدمه وهو بصلها وجري على جوا
جوا كان فراس واقف قدام بدر
فراس رما المسدس بتاعه وفتح ايده الاتنين وقرب اكتر من بدر وقال : يلا سهلتلك الموضوع اضرب واقتلني وارتاح يا بدر
هيثم بصراخ : انت مجنون يا فراس ابعد هيقتلك
فراس : يلا انت مستني ايه
بدر عمر المسدس وحطه على دماغ فراس وفي لمح البصر الرصاصه طلعت عارفه مكانها بالظبط
يتبع…..
لقراءة باقي حلقات الرواية اضغط على (رواية تار صعيدي)