Uncategorized
رواية عشقني متوحش الفصل الحادي عشر 11 بقلم ميسون عبدالمجيد
رواية عشقني متوحش الفصل الحادي عشر 11 بقلم ميسون عبدالمجيد
 |
| رواية عشقني متوحش الفصل الحادي عشر 11 بقلم ميسون عبدالمجيد |
رواية عشقني متوحش الفصل الحادي عشر 11 بقلم ميسون عبدالمجيد
نشوي بصدمة:ي نهاااار اسووود
كانت الساعة تمنيه بليل نشوي مش اهتمت وقامت لبست دريس بسرعة وخمار واخدة عربيه وكانت عمالة تقول للسواق بسرعة
نشوي وصلت قدام الفيلا ونزلت من العربية ودخلت تجري وكانت بتنهج اثر الجرية وقفت لما لقيت عاصم قاعد قدمها في الجنينه
عاصم بصلها بأستغراب علي انها جيا في وقت زي دا
عاصم بقلق:خير ايه اللي جايبك في وقت زي دا
نشوي قربت منه بسرعة
نشوي بتبص حواليها:هي الظراف هنا احم اقصد سيدرا هنا
عاصم برفعة حاجب:لا لسة في الطريق وجيا خير
نشوي فتحت شنطتها وطلعت اللاب توب بسرعة
نشوي:يلا افتح بقي مفيش وقت
نشوي فتحت اللاب وكان علي نفس اللي شافته
عاصم شاف صورة البرشام اللي بياخده علي شاشة اللاب توب ابتسم بسخرية وعدل وشه للبول
نشوي:اقرأ
عاصم بصلها ومردش
نشوي بلهفه:البرشام اللي بتاخده بيعمل علي تلف الاعصاب وبيدمرها يعني بعد شهرين او تلاته بالكتير انت ممكن تعمل بتر في رجليك الاتنين انت من النهاردة مش تاخده تاني ابدا
عاصم بابتسامة وبرود:ومين قلك اني باخده
نشوي بنرفزة:بطل برودك دا بقي انت ازاي كدة اتعدل وكلمني زي البني ادمين
عاصم بتأثر مستفز:زي البني ادمين تقصدي اني مش بني ادم ربنا يسامحك
نشوي بعصبية:ي الله انا ماشيه وخليك اما تطعنك بسكينه ابقي اتكلم عدل
عاصم ضحك:خلاص خلاص استني متبقيش قفوشه
نشوي بصتله بغيظ وقعدة
نشوي:انت ازاي كدة ازاي عارف كم الحجات دي وساكت
عاصم:وعارف اكتر منهم وحياتك
نشوي:طب وساكت ليه ها والبرشام دا أن بقالي تلات ايام بشوفك بتاخده قدامي
عاصم:عادي يعني مش لازم اكون باخده انا مجتش جنبه واذا كان علي ساكت ليه فأنا ساكت اما اشوف اخرهم هيوصلهم لايه
نشوي بذهول:يعني كانو سبب في انك تعمل حدثه وتفقد رجليك وتفقد مهنتك ودلوقت بيخطوو ازاي يخلصو منك خالص مستني ايه تاني ها قلي مستني اما سيدرا تستناك تنام وتطعنك بسكينه في قلبك
عاصم:كل شئ بيد الله واللي مكتبله حاجة هيشفها
نشوي:بس ربنا مقلش اننا نعمل كدة نقعد ونستني قضائه ربنا قال اسعي ي عبد وانا اسعي معاك انت كدة غلط
عاصم:هو انتي مهتميه ليه كدة
نشوي بتوتر وارتباك:انا انا مش مهمته انا بس شايفة حاجة غلط فا لازم اتكلم
عاصم ابتسم
نشوي:طب معلش اخر سؤال
عاصم بزهق مصطنع:اشجيني
نشوي:هما ليه بيعملو معاك كل دا ليه كم السواد والشر دا
عاصم:سهله عمرو خطت للحدثه عشان اطلع من الداخليه وهو كان قاصد مش يموتني لا كان قاصد يخليني عاجز عشان مبقاش ظابط تاني ابدا
نشوي:ليه بردو
عاصم:عشان من قيمة سبع سنين كدة لما كنا لسة في تقديم الشرطة انا اتقبلت وعمرو اترفض عشان ابوه كان تاجر مخدرات
نشوي بصدمة اكبر:لا لا انا انا اكيد دخلت فيلم هندي من غير ما احس مستحيل تكون في بشر حقيقية بتعمل كدة
عاصم ضحك بحزن وسخرية:واكتر وحياتك
نشوي بحزن:طب ازاي عمرو دا قلبه ايه مفيهوش ذرة رحمة وازاي الانسان المجرم دا يبقي اخو طارق
عاصم بصلها ومردش
نشوي: تمام كدة عرفت هدف عمرو هدف سيدرا هانم بقي اللي اللي يشوفها يقول وقعة في هواك
عاصم ضحك:لا سيدرا هدفها انها تاخد الشركة بتاعتي بعد ما بقيت بتنافس جميع شركات الشرق الأوسط
نشوي بصاله بذهول ومش بترد
نشوي افتكرت:طب وطارق طارق لما شفت اول يوم البرشام هوا ا..
عاصم قاطعها:نشوي ملكيش دعوة بطارق
نشوي:ازاي هو ممكن يكون مع..
عاصم قاطعها:نشوي بقلك لو سمحت ملكيش دعوة بطارق
نشوي سكتت شوية
نشوي:انا ايه اللي جابني هنا ايه اللي دخلتي حياتكم الغريبة دي ولمني عليكم انا كنت عايشة حياة هادية بسيطة مفيهاش اي صعاب عرفتك مبقتش اعرف انام بليل
عاصم قضل يبصلها شوية ونشوي كمان بصاله
عاصم بأبتسامة جذابه:طب لو قلتلك اني بحبك هتعرفي تنامي
نشوي:لا بس انا ا..
هاااااا انت قولت ايه
عاصم بصلها وضحك جامد
نشوي بحزن:احم اسفة سمعتك غلط
نشوي لفت وكانت هتقوم
عاصم بص حواليه
عاصم مسكها من اديها بسرعة وهي بصتله بصدمة
عاصم:بحبك بحبك من اول يوم جيتي في هنا لما حدفتك بالكوباية حبيت فيكي كل حاجة حبيت فيكي هزارك وعفويتك والدبش اللي بطلعيه من غير ما تاخدي بالك حبيت فيكي طيبتك اللي مش بتبينيها ابدا حبيت فيكي خفة دمك وكل حاجة نشوي انا بحبك اوي بحب قربك مني اليوم اللي اتخانقتي في مع سيدرا وبصتيلي بصت عتاب اني مدفعتش عنك انا كنت بتمني اموت ولا اني ازعلك بالشكل دا بس وحياتك كان غصب عني
نشوي بصاله بصدمة مش قدرة ترد معقول معقول عاصم بيحبها الحب دا كله ومن قبل ما هي تفكر في
نشوي بصاله ومش عرفة ترد تقول ايه
عاصم بحزن مصطنع:كدة مش بتردي عليا انا كنت عارف من الاول انك بتكرهيني
وسحب ايده
نشوي بسرعة:لا والله انا عمري ما كرهتك
عاصم بصلها وابتسم وهي اتكسفت
عاصم: طب مفيش أي رد
نشوي بصاله و وشها بقي زي الفرولا من الخجل وعمالة تفرك في ايدها وبصا في الارض
عاصم ابتسم:طب بصي انا بحبك وما صدقت اخدة الخطوة دي ومدام قلتلك كدة فا انتي من النهاردة ملكي دا مش غرور دا امر عليكي
نشوي بصاله بغيظ
عاصم ضحك:بهزر معاكي بس انا فعلا بحبك ومش هتكوني لغيري بس عايزك تستحملي لمدة كام شهر بس لغاية ما اعمل العمليه
نشوي:ازاي يعني مش فاهمه
عاصم بحزن:يعني حبي ليكي هيكون بيني وبينك وبس محدش يعرف بيه ابدا حتي طارق او حتي هايدي بنت خالتك
نشوي بغيظ وغيرة واضحه:وانت هتفضل مقعد الظرافة دي عندك عاصم ضحك بخفة:اهاا اهو انا مستني من امتي اعترفلك بحبي عشان اشوف نظرة الغيرة اللي بتقتلني دي
نشوي بضيق وتهرب:لا طبعا مش غيرانه هغير ليه وعشان مين اصلا عشانك لا انا اصلا مش بحبك
عاصم ضحك بصدمة مصطنعه:بقي كدااا تمام
عاصم بجدية مصطنعة:طب انا كنت بمثل عليكي عشان أشوف مشاعرك يلا اتفضلي لمي حاجتك وامشي
نشوي بصدمة من طريقته: انت بتقوول ايه يعني انت مش بتحبني
عاصم بصلها وضحك جامد
نشوي قامت بغيظ:انت انسان مستفز
نشوي كانت مشيا
عاصم بحنينه:بحبك
نشوي بصتله وابتسمت
سيدرا دخلت وشافتهم كدة قربت منهم
سيدرا برفعة حاجب:هو في ايه وانتي بتعملي ايه هنا في الوقت دا
نشوي بصتلها من فوق لتحت بقرف وغضب
عاصم حاول ينقذ الموقف:احم دكتورة نشوي كانت جيا تديني الملف اللي اخدته بالغلط ي حبيبتي
سيدرا بشك:اها
نشوي بصت لعاصم بغضب وغيظ وغيرة وهو حاول مش يبصلها عشان سيدرا متلاحظش حاجة
نشوي خرجت وهي متغاظة هطق من الغيرة
نشوي خرجت وركبت عربية ورجعت بيتها
نشوي وصلت بيتها دخلت غيرت هدومها ولبست بجاما جميلة وعملت كوباية كابتشينو وخرجت البلكونة
نشوي بصا للقمر ومبتسمه حثا انها كانت في حلم مش مصدقة ان عاصم الشرير اللي كانت فكراه متوحش يطلع منه كل الحب دا معقول يكون فعلا بيحبها يعني مثلا هيكون بيضحك عليها ليه بس قررت انها تقله لو بيحبها بجد يتجوزها
نشوي سرحت وافتكرت اللي بيختطو ليه عمرو وسيدرا وقلبها اتقض وخافت علي عاصم
نشوي لنفسها:حبتيه ي نشوي معقول تكوني حبتيه
وبعدها افتكرت طارق وانو قلها انو اخد الدوا يقرا دواعي الاستعمال برقت بصدمة لتخيلها ان ممكن يكون طارق معاهم وحبه لعاصم مجرد تمثيل
نشوي هربت من تفكيرها ودخلت تنام
__________________________________________________
اشرقت شمس يوم جديد
نشوي صحيت من النوم اخدة شاور وصلت ولبست دريس اسود منقط ابيض وعليه خمار ابيض وشوز ابيض كانت جميلة
نشوي اتجهت لڤلة عاصم بس كان جواها شعور مختلف
نشوي دخلت ولقيت عاصم قاعد في الجنينه بيقرا الجرنال
نشوي قربت منه وهو مكنش شايفها
نشوي:يا ربي عليك هو لسة في حد بيقرا جرنال لدوق
عاصم بصلها وابتسم:صباح الفل
نشوي بأرتباك:احم صباح الخير يلا يلا عشان نبدأ شغل
عاصم: براحة طيب دنا حتي لسة مصبحتش عليكي
نشوي بعدم فهم:نعم
عاصم قرب منها
عاصم بابتسامة: صباح الفل ي حبيبتي ومراتي المستقبلية
نشوي:احم تمام مدام فتحت الموضوع انا مليش في شغل المراهقين دا ونرتبط ونحب في بعض واحنا مفيش أي حاجة بينا
عاصم بأبتسامة: مستعد اكتب عليكي دلوقت
نشوي بصدمة وفرحة:بجااد ي عاصم
عاصم بأبتسامة:بجد ي قلب عاصم بس مش هينفع اكتب عليكي كدة
نشوي بعدم فهم:كدة اللي هوا ازاي يعني مش فهمه
عاصم بحزن مصطنع:يعني انا عمال اقلك بحبك بحبك وعيزاني اكتب عليكي وانا مسمعتش ردك حتي
نشوي:انا انا م…
قطع كلامها خروج سيدرا
عاصم بصلها عشان تسكت
سيدرا بعنين حادة:خير الساعة تسعه وشايفة انكم لسة مبدئتوش شغل
عاصم:اه فعلا ي حبيبتي ادينا هنبدأ سيدرا حياتي
سيدرا قربت منه بدلع:نعم ي قلب حياتك
عاصم:ممكن تعمللنا فطار من اديكي الحلوين دول انتي عرفة اني مش بحب افطر غير من ايدك
سيدرا قامت بابتسامة:انت تؤمر ي روحي فوريرة وهتلاقي احلي فطار
سيدرا دخلت تجري
وكل الحوار دا تحت صدمة وغضب نشوي اللي كانت هطق من الغيرة
عاصم بخوف:احم انا لو حلفتلك اني كنت يعمل كدة عشان اوزعها ويفضلنا الجو مش هتصدقي
نشوي بعنين حادة:يلا نبدأ شغل احسن السكينه دي عجباني وشكلها حامية اوي
عاصم بلع ريقه بخوف
نشوي قربت قعدة علي كرسي قريب منه وبدؤ يشتغلو
عاصم وهو باصص علي اللاب:هة في دكتورة قمر كدة وعنيها قمرين كدة
نشوي ضحكت غصب عنها:علي فكرة مش لايقة عليك الرومانسيه لايق عليك تبقي شرير ومتوحش وتفضل تزعق وتضرب الناس لكن تبقي رومانسيه مش لايق خالص
عاصم ضحك:شرير ومتوحش وبضرب الناس انا لو زومبي مش هعمل كدة لعلمك لا والله انا طيب وهادي ببقي كدة بس مع طارق عشان هو يستاهل واحيانا معاكي بردو
نشوي بصاله بغضب
عاصم بيلطف الجو: بحبك ي نشا
نشوي بغيظ:بطل الكلمة المستفزة دي
عاصم لقي سيدرا خارجة
عاصم بعنين حادة:بقلك ايه متحاوليش تتخطي حدودك معايا انتي هنا مجرد مساعدة لا راحت ولا جت يعني ممكن اخرجك من حياتي في اي وقت لاخر مرة بقلك اللزمي حدودك معاية
نشوي بصاله بصدمة وعنيها اتملت دموع
لقيت سيدرا بتقرب منهم
سيدرا بصتلها بقرف وضيق
سيدرا:كل ي حبيبي علي ما اجيب فوني ونفطر سوا
سيدرا دخلت
عاصم شد نشوي من اديها قعدها
نشوي بوجع وغضب:اااه ايه الغباء دا براحة وبعدين انت ازاي تمسك ايدي كدة ي بني ادم انت
عاصم:اول حاجة انا اسف اني كلمتك كدة بس انا قلتلك حبي ليكي هيكون بيني انا وانتي وبس لغاية ما اقف علي رجلي واكشفهم و والله ما هرحمهم وهقول للعالم كله اني بحبك اسف ممكن تسامحيني وحتي لو كلمتك تاني بالطريقة دي اعرفي انو مجرد تمثيل
نشوي بصاله ومش بترد
سيدرا خرجت وقعدو يفطرو ونشوي بعيد عنهم وفتحه اللاب توب بس من جواها بتولع ونفسها تخنق سيدرا
بعد وقت
سيدرا خرجت واتبقي عاصم ونشوي
عاصم قاعد علي كرسيه ونشوي قعدة علي كرسي علي مسافة مش قريبة من عاصم
عاصم بأبتسامة:اوو اخيرا مشيت والجو فضيلنا
نشوي بصتله بضيق ومردتش
عاصم ابتسم وقرب منها
عاصم مسك اديها باسها بحنيه ونشوي حثت بكهربا في جسمها
فضلو سرحانين في بحر عشقهم لمدة كام دقيقة
نشوي فاقت وسحبت اديها منه بسرعة
نشوي بحدة:قلتلك اني مليش في الجو دا سامع
عاصم نفخ بغيظ وزهق
عاصم طلع فونه واتصل بطارق
عاصم:اللو ي زفت
طارق بدلع:ايوا ي قلب الزفت
عاصم بقرف:انت ياد هات مأذون وتعالا حالا علي الڤلة
طارق بأستغراب:مأذون وفلة لي..
عاصم قاطعه:متسألش هات مأذون وتعالي علي الڤلة حالا متتأخرش
عاصم قفل في وشه
ونشوي بصاله ومش مستوعبة
عاصم :عندك اخوات
نشوي:ليه
عاصم بحدة مصطنعه:ردي
نشوي بضيق: لا بس عندي مازن اخو هايدي إحنا اخوات في الرضاعة
عاصم:هاتي رقمه
نشوي:ليه
عاصم بعصبية:بطلي اسألة وهاتيه
نشوي نفخت بغضب ودتهوله
عاصم رن علي مازن
عاصم:اللو
مازن:ايوا مين معايا
عاصم:احم انا بشمهندس عاصم الهلالي كنت وطالب ايد اختك حضرتك دكتورة نشوي
نشوي فتحت بقها بصدمة
مازن بعدم فهم:ايوا بس الكلام دا مينفعش في الفون كدة
عاصم:ايوا طبعا عشان كدة هبعتلك لوكيشن تيجي عليه وتقابلني واسف انا مش هقدر احيلك لظروف خاصة
عاصم قفل معاه ومازن مش فاهم أي حاجة بس اتجه للڤة
نشوي لسة مش مستوعبه عاصم عمل ايه
عاصم حط الفون مكانه
عاصم بأبتسامة:ها ايه رايك كلها ساعتين بالكتير وهتبقي اسمك نشوي عاصم الهلالي
نشوي بغضب:انت ازاي تعمل كدة حتي من غير ما تاخد راي
عاصم: لأ لاه إلا الله انتي مش لسة من شوية بتقولي انا مليش في الجو دا اهو هنكتب الكتاب عشان اقرب منك وقت ما احب
نشوي:ايوا بس مش بالسرعة دي
عاصم:بقلنا شهر مع بعض اعتبري انها كانت فترة الخطوبة وخلاص بقي انتي عيزا ايه تاني بقلك ايه انا بحبك
نشوي ابتسمت بخجل
وعاصم ابتسم بحب
بعد وقت جه طارق ومعاه المأذون
وكمان مازن وهايدي
عاصم فهمهم انو بيحب نشوي وهيكتبو الكتاب بس محدش هيعرف لغاية ما يعمل العمليه ويعملو فرح
المأذون قال
(بارم الله لكما وبارك عليكما وجمع بينكما في خير)
المأذون:بالرفاق والبنين ان شاء الله
الاتنين بصو لبعض بصدمه مع فرحة مع انتصار مع شعور كتير متلغبط
عاصم:احم يلا شرفتو ي شباب
طارق بأستفزاز:طيب ازقينا أي حاجة طيب شربات حاجة سقعة اي حاجة
عاصم بهدوء حاد:طارق انا لسة كاتب كتابي مش عايز ادخل السجن خد المأذون وامشي
طارق:بتطردنا يعني ماشي هسيبك بس عشان عريس جديد بس مش عايز شقاوة ها
عاصم بصله بعنين حادة
هايدي قربت من نشوي:مبروك ي حبيبتي
نشوي بابتسامة:الله يبارك فيكي ي روحي عقبالك
طارق:ي رب
كلهم بصوله واولهم طارق اللي كان هيضربه لولا نشوي مسكت ايده
مازن حضن نشوي:مبروك ي حبيبتي ربنا يسعدك
نشوي بابتسامة:ربنا يخليك ليا ي اجمل اخ في الدنيا
مازن تبت في حضنها
عاصم بضيق وغيرة:ما خلاص بقي كفاية
طارق ضحك:ههه عشت لليوم اللي شفت في عاصمة بيغير
عاصم بصله بغيظ
كلهم مشيو
مازن وطارق وهايدي وقفين قدام الڤلة
طارق باصص لهايدي:احم تحبو اوصلكم في طريقي
مازن بصله من فوق لتحت بقرف واخد هايدي ومشيت هايدي بتضحك بخفوت
مازن بضيق:مين الواد السئيل دا
هايدي بستهبال:وانا هعرف منين
مازن برفعة حاجب وشك:عليا بردو ماشي ماشي هعمل اني مصدق
الكل مشي وفضي الجو لعاصم ونشوي
عاصم باصص لنشوي ومبتسم ونشوي مرتبكه جدا وعمالة تفرك في اديها وبصا للارض
عاصم بأبتسامة تعالي هنا
نشوي بصتلها:هنا فين
عاصم بابتسامة:هنا
وشاور علي رجله
نشوي شهقت بصدمة:لالالا قلة ادب انا مليش فيها خليك محترم احسنلك
عاصم بقرف:بت انتي ليه محسساني اني شقتك من تحت الكبري انتي مراتي حتي لسة مشلناش القسيمة
نشوي ضحكت بخفة
عاصم:طب بجد تعالي نفسي احضنك
نشوي قربت منه وكانت مرتبكة ومتوترة اوي
عاصم:اقعدي بقي
نشوي بتوتر:لا كدة كويس
عاصم شدها من اديها وقعدة علي رجله
نشوي هتموت من الكسوف
عاصم بصلها وابتسم:بحبك
وحضنها جامد اوي ونشوي كانت خايفة ومتوترة لكن مبسوطة اوي
عاصم:طب اديني كتبنا الكتاب فكرة اني لسة بضحك عليكي مفيش أي رد
نشوي: عاصم انا لسة مش مصدقة اللي حصل معقول مسافة يوم وليلة تقولي انك بتحبني ونتجوز حثا اني بحلم ومش قادرة افوق
عاصم بابتسامة: بحبك والله العظيم بحبك
نشوي:لا مش قادرة اخبي مشاعري اكتر من كدة انا كمان بحبك بحبك اوي مش عرفة ازاي حبيتك في فترة صغيرة كدة لكن انت اخدة قلبي كله
عاصم بفرحة وابتسامه:ايوا بقي هو دا الكلام
عاصم حضنها اكتر
ونشوي مكسوفة اوي
نشوي بخجل:خلاص بقي انت مصدقت
عاصم بأبتسامة:ايوا ما صدقت
نشوي:تعالي بقي نكمل شغل عشان الظرافة دي لما تيجي تيجي
عاصم:هفضل واخدك في حضني ومش هسيبك لغاية ما تيجي
نشوي بضيق وغيرة:صحيح هي هتفضل قعدة معاك هنا
عاصم بصلها وابتسم وباس راسها
نشوي ابتسمت بحب
عاصم بهدوء وجد:نشوي حبيبتي عايزك تعرفي انك اول بنت تدخل قلبي وهتبقي اخر وحدة انا اول مرة لما خطبت سيدرا خطبتها مجرد اعجاب مش اكتر لكن انتي اللي دخلتي قلبي وبس فا عشان خاطري اسمحلي شهرين شهرين بس وهعمل العملية وادمرهم زي دمروني واخرجهم من حياتي بس انا مضطر اعمل كدة ولو زعقتلك في مرة قدمها او حاجة اعرفي ان كل دا عشان انتقم منهم والله انا كارهه وجودها هنا انتي متخيلة يعني ايه عايش مع انسانه بتخطط لموتي يعني ي عالم ممكن في أي لحظة تقتلني
نشوي بسرعة: بعد الشر ي رب هيا وانت لا بص هحاول اتفهم الموضوع
عاصم بابتسامة:بتحبيني
نشوي بابتسامة وخجل:اهاا
عاصم بأبتسامة:قد ايه
نشوي بابتسامة:قد السما ونجومها
عاصم ضحك وحضنها
قدو طول اليوم كدة
*************************★**************************في الشركة
طارق رجع مكتبه وكانت هايدي لسة مجتش ابتسم بخبث ودخل مكتبها
هايدي لسة بتفتح باب المكتب
طارق بحدة مصطنعه: كل دا تأخير ي هانم كنتي فين
هايدي بفزع:بسم الله الرحمن الرحيم
طارق ضحك:اتخضيتي ي بطه
هايدي بغضب:ايه الغباء دا حد يعمل العمايل دي
طارق ببرود:ايوا انا
هايدي بغضب:براا
طارق:هاا
هايدي بغضب:اطلع برااااا
طارق بصلها بغيظ وخرج
هايدي بغضب: انسان متخلف
**************************★*************************
جه معاد رجوع سيدرا
نشوي وعاصم عملو انهم بيشتغلو
عاصم قاعد علي كرسيه ونشوي علي كرسي جنبه
سيدرا قربت منهم وبصت لنشوي بضيق ونشوي بدلتها النظرات
عاصم:احم نورتي ي حبيبتي
سيدرا بأبتسامة:حياتي وحشتني اوي
قربت منه حضنته
نشوي بكعب جذمتها داست علي رجل عاصم وسيدرا مأخدتش بالها
عاصم ابتسم بوجع وغيظ
سيدرا بضيق:انا هدخل اغير واخد شاور عقبال ما تكون خلصت ونقعد لوحدنا
عاصم:ماشي ي حبيبي
بعد ما دخلت
عاصم بغيظ:لا واضح فعلا انك متفهمه الموضوع
نشوي بغيظ:لا اقعد اتفرج علي وحدة ظرافة زي دي قعدة تحضن جوزي
عاصم:الله علي جمال كلمة جوزي منك
نشوي بصتله وابتسمت بغيظ
عاصم: هاتي حضن بسرعة قبل ما تخرج
نشوي بأستفزاز:لا خليك كدة
عاصم:عشان خاطري
نشوي ببرود:تؤ تؤ خليها تنفعك
عاصم بغيظ:ماشي كلها شهرين واعمل العمليه وربي ما هرحمك
نشوي ضحكت ببرود
قعدو يحبو في بعض كام دقيقه
سيدرا خرجت
سيدرا بضيق:انتي لسة قاعدة
عاصم: لا ي حبيبتي انا قلتلها تمشي عشان نقعد احنا براحتنا مع السلامه ي بشمهندسه
نشوي بصتله بغضب شديد وقامت مشيت
بعد وقت
نشوي وصلت بيتها وغيرت وخرجت البلكونة ومش مصدقة انها فعلا اتجوزت عاصم معقول وقد ايه هو طلع بيحبها
بعدها افتكرت ازاي بياعملها قدام سيدرا اتعصبت جدا
فون نشوي عمال يرن برقم عاصم
نشوي بغيظ:خليك رن مع نفسك خلي السنيورة تنفعك
عاصم رن عليها ازيد من ٣٥ مرة
عاصم بعتلها فويس
(ماشي بتعملي عندك كرامه ومش بتردي وحيات امك لوريكي ي نشوي)
نشوي سمعته وضحكت ودخلت تنام
____________________________________________تاني يوم
نشوي صحيت اخدة شاور وصلت ولبست دريس اسود عليه خمار اسود وشوز اسود واتعهدة انه هيكون يوم اسود علس عاصم
ركبت اوبر واتجهت للڤلة
دخلت ملقتش عاصم في الجنينه قالت يمكن نايم
اخدة المفتاح من الامن وفتحت الباب
دخلت اوضته براحة
لقيته لسة نايم فضلت تبصله شوية بعدها ابتسمت بخبث
نشوي قربت من عاصم و….
يتبع…..
لقراءة الفصل الثاني عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية حكايتي في الثانوي للكاتبة إسراء ابراهيم