رواية خادمتي البريئة الفصل الرابع عشر 14 بقلم أسماء سلام

بعد لما كريم ورغد روحوا البيت كريم قالها على ماضيه كله ورغد مكنتش مستغربة اوى لأنها عارفه أن المرحلة دى خطر على اى شاب بس مدام تاب فخلاص ننسى الماضى

كريم باحراج هما عملوا فيكى حاجة

رغد باحراج لأنها فهمت قصده لأ معملوش

كريم الحمد لله

رغد هى سمر تعرف انى اتخطفت

كريم قال بيتهيألى لأ ، بس هى مسألتش

رغد ممكن مخدتش بالها، يالا أنا هقوم احضرلك الاكل وفجأة حست انها دايخة وكانت هتقع لولا أن كريم لحقها ومسكها

كريم مالك يا رغد فيكى ايه

رغد مفيش هتلاقينى من قلة الاكل

كريم ممكن بس انتى لازم ترتاحى ونروح نكشف عند دكتور ضرورى لتكونى خدتى برد ولا حاجة

رغد مفيش حاجة ده شوية تعب بسيط وهيروح

كريم يا رغد أنا عايزك ترتاحى وقولتلك نجيب محفوظ رفضتى وقولتى انك مش عايزة

رغد خلاص يا كريم سيبنى على راحتى وبعدين راحت تعمل الاكل

فى المطبخ

رغد وهى عماله تعمل الاكل فجأة حست انها عايزة ترجع وراحت على الحمام وقعدت تستفرغ وبعدين راحت تانى للمطبخ بس مقدرتش تستحمل الريحة فراحت للحمام تانى وبعدين طلعت تقعد فى الصالة ترتاح من كتر الاتسفراغ لكن كريم شافها

كريم مالك يا رغد شكلك تعبانه اوى و وشك اصفر ، أنا قولتلك ارتاحى وانتى قولتى لأ ورفضتى تروحى للدكتور بس دلوقتي لازم تروحى

رغد معاك حق يا كريم ، انا مش مستحملة ال ريحة خالص وفجأة قربت من كريم وقعدت تشم فى هدومه بطريقة غريبة

كريم فى ايه يا رغد بتشمى هدومى كده ليه ، دى مش اول مرة احط برفان يعنى

رغد بتوهان من ريحته ، الريحة جميلة اوى وانا عايزة اشمها علطول

كريم كان مستغرب من تصرفاتها بس رجح ده لأنها كانت مخطوفة وقلقانه وعايزة تحس بوجودة لكن اللى صدمه اكتر طلب رغد

رغد ” بوسنى يا كريم

كريم ???????????? تنح

رغد بقولك بوسنى يا كريم دلوقتى

كريم فى ايه يا رغد ، انتى سخنة ولا ايه وقام حط أيده على رأسها وقال بس حرارتك كويسه

رغد والله مش عارفه مالى يا كريم، مش طايقة ريحة الاكل وخصوصا التقلية وعايزة اشم ريحتك وكمان دلوقتي بطلب منك ايه

كريم ممكن برد فى المعدة ولازم نكشف وبعدين كمل بخبث طب قولى انك عايزانى من غير لف ودوران

رغد بكسوف لأ ابدا بس مش عارفه مالى

كريم ماشى المهم كنت عايزة ايه

رغد بكسوف شاورت على فمها

كريم بضحك مش فاهم قصدك ايه ، قولى يلا

رغد بوسنى يا كريم

كريم قبلها قبلة رقيقة جدا لكن رغد كانت عنيفة فى قبلتها ودى اول مرة تحصل ولكن كريم حب ده وتعمق فى القبلة وبعدين ابتعد عنها

رغد عماله تلعب فى ازرار قميص كريم 

كريم مالك يا رغد

رغد مش عارفه حاسه انى عايزة اكتر من قبلة، أنا عايزاك دلوقتي يا كريم انت وحشتنى اوى 

كريم ابتسم على كسوفها ورقتها وقال عادى يا روحى انتى مراتى وقام شالها وراح لغرفتها ……

عيب كده ????????????????

عند سمر وعلى

سمر هنعمل ايه

على مش عارف، انتى مش ملاحظة عليها اى علامات

سمر لأ مش ملاحظة حاجة وكمان هى كويسه

على تمام وقفل 

عند عادل

عادل قاعد على السرير وماسك صورة رغد

عادل انا مش مصدق نفسى انى لقيتك تانى يا رغد، أنا دورت عليكى كتير والحمدلله لقيتك ومش هضيعك منى تانى 

Flash back

لما سمر قالت لعادل انها عايزة معلومات عن واحدة وقالت إن اسمها رغد وكده …. فأنا لما بحثت عنها ولقيتها انتى فرحت كده وقولت انتى ليا أنا وبس وبعدين كلمت سمر

سمر الو يا عادل جبت المعلومات

عادل اه يا هانم جبتها هى……..

سمر حلو ، المهم ازاى هبعدها عن زوجى

عادل بسرعة انا اخطبها…قصدى أنا اخطبها وبكده هتبعد عن كريم (طبعا عادل اتكلم بسرعة لانه كان مخطط لده كله)

سمر معاك حق يلا روح اخطبها بسرعة

وفعلا تمت الخطوبة بس للاسف رغد مكنتش مبسوطة بالزواج ده وعادل لاحظ ده بس لانه مهوووس بيها فهو رافض يسيبها وقرر يروح بيت كريم علشان يغيظ كريم لما يشوفهم مع بعض

عادل راح لشغل رغد وطبعا قدر انه يغيظ كريم وعدى شهر فى الخطوبة وجه وقت كتب الكتاب وطبعا عادل اللى استعجل كتب الكتاب علشان هو عارف أن كريم ورغد بيحبوا بعض ولكن يوم كتب الكتاب جه كريم وقال إن رغد مراته والمأذون أكد كده فقام مشى لانه عارف كريم كويس وعارف أنه مش هيقدر عليه لوحدة قرر يلعب فى السر 

عادل مقلش لسمر أن كريم اتجوز رغد لانه خايف على رغد لتقتلها لانه عارف سمر كويس وياما عمل ليها خدمات بس كله إلا القتل لانه بيخاف من الدم

وقرر انه لازم يرجع رغد ليه بس من غير قتل

عند كريم ورغد

رغد نايمة على صدر كريم

كريم فى نفسه يا ترى مالك يا رغد النهاردة، عمرك ما كنت كده حتى فى علاقتنا كنتى مش زى كل مرة وكنت عنيفة جدا ، شكلك تعبانه وانا مش هسكت عن كده ابدا ولما تصحى هنروح للدكتور

على الغدا

سمر قابلت وكريم وقالت فين الاكل

كريم هنطلب دليفري النهاردة

سمر برفع حاجب ليه، هى المدام مطبختش ولا ايه

كريم حسنى كلامك يا سمر معايا ومليون مرة هقولك رغد دى زيها زيك هنا فى البيت يعنى احترميها وهى مش مطالبة أنها تعمل الاكل بس هى عملت كده علشان عايزة تهتم بيا بنفسها مش زيك مش همك حاجة غير نفسك ، افتكرى كده اخر مرة سألتينى عامل ايه من قلبك وكده لكن انتى كل اللى شغلك صحابك وخلاص 

سمر ايه يا كريم كل ده، معقول شايل فى قلبك كل ده ومدام مش طايقنى كده ليه مطلقتنيش 

كريم انتى بتقولى ايه يا سمر ، اعقلى كده

سمر أنا دلوقتي بقيت المجنونة والست رغد هى اللى عاقلة ، ماشى يا كريم

كريم يا سمر أنا مش قصدى بس انتى بتتكلمى عن رغد بأسلوب وحش

سمر بانفعال أصلها ما شفتش اللى أنا شوفته من إهانات وذل

كريم إهانات وذل ايه ، انتى عائشة ملكة يا سمر

سمر مش كل حاجة الفلوس يا كريم، تخيل بقى كل واحدة تقولى مخلفتوش لدلوقتى ليه ، العيب عند مين،طب روحى لدكتور وغير كده كتير

كريم انتى ليه محسسانى انى انا السبب ، مش ذنبى انى عقيم وانا قولتلك فى الاول لو عايزة تطلقى مفيش مشكلة بس انتى وافقتى علشان بتحبينى مع انك كنتي كل فترة تجرحينى وتفكرينى وتقوليلى ان العيب منى ، ده من عند ربنا مش انا اللى اخترت وانا خلاص جبت أخرى معاكى

سمر بخوف قصدك ايه بجبت أخرى 

كريم قصدى أن مدام حضرتك مش قادرة تعيشى معايا وانا عقيم وده مضايقة فالافضل لكل منا انتا ننفصل وزى ما دخلنا بالمعروف نخرج بالمعروف

سمر لأ يا كريم أنا مش قصدى كده ،انا قصدى ان رغد تنشف شوية كده علشان تستحمل

كريم قاطعها وقال الإهانات والذل بتاع الناس

سمر اه ، لسه رغد مشافتش ولا سمعت كلام الناس وهتعرف هى تستحمل تعيش من غير اطفال

كريم ممكن رغد متستحملش كلام ناس وممكن تزعل علشان نفسها فى طفل بس الاكيد انها عمرها ما هتقولى كلمة تزعلنى ولا هتشيلنى الهم ومن وقت التانى تقعد تلومنى وتحسسنى أن ليها فضل عليا لأنها لسه معايا، ربنا قال المال والبنون زينة الحياة الدنيا وانا الحمد لله معايا المال وربنا مأردش بالبنون فخلاص نرضى بقدره

سمر بس فى ناس معاها المال والأطفال

كريم وفى ناس مش معاها حاجة خالص ، انت علطول مش بتفكرى إلا فى نفسك ولولا انى معايا فلوس كنتى سيبتينى 

سمر أنا يا كريم

كريم اه انتى يا سمر ، عايزة كل حاجة ليكى وعمرك ما فكرتى فيا ابدا وعلشان كده انا هننهى الموضوع وكل واحد يشوف حياته

سمر لأ يا كريم

كريم سمر انتى طالق

يتبع..