رواية زواج بالإكراه الفصل الثاني عشر 12 بقلم نسرين احمد

وجاء موعد خطوبه طارق وحياه وهي بتجهز للحفله في قاعه كبيره في بلده حياه ثم ذهبت للكوافير لتجهز للحفله ومعاها ندي وميرنا .

مراد لم يذهب لعمله حزين ولاهان غضبان من حياه ولياة دخلت عليه الغرفه هي وزوجها وكيان

يحيي : مراد أنت لسه مجهزتش يدوبك نسافر طارق أتصل وقال العيله كلها جاهزه ؛ ليان عارفه أنه عاشق لحياه وأنها أول حب في حياته فااتعصبت عليه من غير ما تقصد ؛ طارق حبيبي دا أبن عمك مينفعش بنت تفرقكو كدا في غيرها كتير والله عيب اللي بتعمله في نفسك دا عشانها .

مراد بتعصب : يحيي أتفضل خد ليان وشوفو أنتو رايحين فين .

يحيي : يلا ياليان سيبه علي راحته وخرجو

مراد بدأ يفكر أنه لازم يروح مش عشان ابن عمه لا عشان حياه ؛ ساره ومامتها طبعا في قمه السعاده لانها هتبعد عن مراد والدنيا هتفضي ليها وتبدأ تزف علي مراد من جديد ؛ ثم ذهبو الجميع للقاعه وحياه بكامل أناقتها وجمالها الرقيق اللي يخطف العين والقلب والكل يشاهدها وهي بزي الفستان المبهج ثم رقصو صلو ( مراد ذهب للحفله وهو في قمه حزنه وشاهدهما وعيناه مليئه دموع ) ثم رقصت مع العيله وكلهم فرح وسعاده وحواليها ندي وميرنا

شاهدت ميرنا مراد ثم ذهبت إليه : مراد عامل أيه تعالي سلم علي حياه وطارق لايقين علي بعض أوي عقبالك ( فرحانه فيه أنها سابته ) وسلم علي طارق وحياه وهو ما أيدها مسبهاش وعينه في عيناها بغضب وهي اتحرجت منه وسابت أيدها .

ليان : طارق أنت جيت يعني أنت كويس ؟

مراد : أيوا مفيش حاجه ؛ ثم انتهت الحفله وذهبو

ندي : انا هروح بقي ياحياه انا وميرنا .

حياه : لا تروحي فين خليكي معايا النهارده كمان وسافري بكره .

ندي بصت لميرنا : أيه رأيك ؟

ميرنا : لا أنا هروح .. مراد هيوصلني (حياه وندي أتفجأؤ )مررراد

ميرنا : يلا باي عشان متأخرش وسلمت عليهم ثم ذهبت

ندي : حياه أنتي صحيح قدمتي أستاقلتك في الشركه .

حياه : لا .. وخدت ندي علي جمب وقامت موطيه صوتها ؛ بصراحه يانودي أنا بفكر أكلم طارق أقوله عايزه أرجع الشغل تاني عشان يقنع محمد .

ندي : بس أفرض طارق موافقش أساسا هتعملي أيه ؟

حياه : أهي تجربه وافق وافق موافقش خلاص بقي هعمل أيه يعني .

ندي : ماشي .. هو مفيش أكل في البيت دا ولا أيه أنا وقعه من الجوع .

حياه : تصدقي وأنا كمان هنغير هدومنا الأول ونطلع ناكل .

ومر أسبوع علي الخطبه واتصلت حياه علي طارق تقوله عايزه ترجه شغلها من تاني .

طارق : بس أنا مش عايزاك تشتغلي يوم ما أقصر معاكي أنزلي الشغل .

حياه : طارق دا أول طلب أطلبه منك وحياتي عندك وافق وبعدين أنا كدا تكون جمبك هناك في القاهره وهنشوف بعض أكتر .( طارق فكر كلامها ووافق )

طارق : خلاص ياستي موافق عشان خاطر عيونك .

حياه فرحت أوي بس فكرت ياتري مراد هيقبل برجوعها من تاني ولا أيه ؟ ؛ اتصلت حياه علي مراد وهو في الشركه ؛ مراد أتفجأ برقمها علي موبايله ورد عليها .

مراد بشغف : ألو

حياه : ألو أزيك انا كنت بكلم حضرتك بخصوص الشغل .. حضرتك جيت حد مكاني ؟

مراد : لا مكانك زي ما هو لو حابه ترجعي تشرفي في أي وقت .

حياه فرحت : ياريت خلاص خلال يومين بالظبط وهكون عند حضرتك .. متشكره أوي .

مرار : ومحمد وافق أنكتنزلي الشغل من تاني .

حياه : لا ما هو طارق أقنعه بما أننا اتخطبنا وأنه هياخد باله مني هناك وكذا يعني .

مراد : اااااه ياخد باله منك عمتا مكانك موجود تشرفي في أي وقت مع السلامه .

طارق جاء ليأخذ حياه من بيتها حتي يذهبو للقاهره محمد : خد بالك منها ياطارق دي أنا هستأمنها عليك .

طارق : دي في عيوني متقلقش .

سوزان : خلي بالك من نفسك ياروحي .

حياه : حاضر يلا مع السلامه . 

( وصلو القاهره في بيت حياه ) 

ميرنا : حمد لله علي سلامتك نورتي القاهره من جديد . 

حياه : ميرسي ياروحي أمال ندي فين ؟ 

ميرنا : لسه نازله من شويه لما ترجع بقي شوفيها بقي .

حياه : طارق ايه رأيك اروح الشغل انا كمان بدل ما استني لبكره .

طارق : أوكي ياحياتي  اللي تشوفيه .. يلا بينا .

حياه : اوكي سلام ياميرنا . 

طارق وحياه وصلو الشركه وذهبو لمراد في مكتبه . 

طارق : مراااد بيه واحشني ياوحش 

مراد : أهلا أتفضلو  

طارق بيفكر يغيظ مراد : أنا جبت حياه أهو وجيت خد بالك منها وبلاش ضغط الشغل عليها أحنا عرسان جداد ولا أيه ياحياتو ( بيدلعها هههه ) ومسك أيدها قدامه وحياه اتكسفت . 

مراد أحرج ورفع سماعه التيلفون طلب السكرتيره تجيله .

السكرتيره : أيوا يافندم .

مراد : خدي الانسه حياه علي مكتبها وسلميها الاوراق بخصوص شركه الجارحي وفهميها المطلوب . 

السكرتيره : حاضر أتفضلي ياأنسه حياه . 

حياه : حاضر متشكره لحضرتك أوي .

طارق : يلا ياحبيبي علي شغلك وخلي بالك من نفسك وأشوفك بالليل في النادي . 

حياه : حاضر .

ومراد هيطق من جانبه منهم . 

( مراد قاعد بيتوعدلهم يعمل أيه أتصل علي ميرنا )

مراد : ألو ميرنا أنتي فاضيه النهارده كنت حابب أشوفك في النادي لو معندكيش حاجه .

ميرنا اتفجأت وما صدقت : أوكي انا معنديش حاجه النهارده نتقابل هناك ان شاء الله . 

مراد : كويس يلا أسيبك هخلص شغلي واكلمك سلام .

ميرنا مش فاهمه في أيه بس فرحانه انه عبرها : أوكي سلام . 

( ذهبت حياه وندي وطارق للنادي والتقو بمراد وميرنا وكانت صدمه لندي وحياه اللي هو اتعرفو علي بعض أزاي وأمتي وفين )

ندي : مقولتيش أنك جايه النادي يعني 

ميرنا : قولت أعملهالك مفجأه يا روحي .. صحيح أيه رأيك في المفجأه دي .

ندي : لا الصراحه أنتي كل مفجأتك حلوه زيك . 

( قعدو علي ترابيزه واحده ومحمود صاحب مراد جه ) 

مراد : حوودا 

محمود : حبيبي طيب عرفني أنك هنا في النادي .

مراد : تعالي أقعد قولي أخبارك أيه .

محمود : الحمد لله بخير قولي لاقيت العروسه ولا ايه ؟ 

مراد : ربنا يسهل .

محمود : بقولك ياعم في رحله مطلعاها شرم أيه رأيك نطلع سوا وإهو تبعد شويه عن مشاكل الشغل . 

ميرنا : الله يامراد ومسكت أيده خلينا نطلع نغير جو .

مراد اتفاجأ بمسكه أيدها له واستغل الفرصه وعزم كل اللي قاعد علي الرحله دي .

مراد : أيه رأيك يا طارق تجيب حياه ونطلع .

طارق : فكره هايله أيه رأيك ياحبيبي ومسك أيدها .

حياه مقلقه لانها عمرها ما طلعت رحله مع شباب : مش عارفه .

ومحمود عينه جت علي ندي : وافقي وان كان علي صاحبتك هاتيها معاكي هتنور الرحله أكيد .

ندي أحرجت : لا أنا عندي شغل روحو أنتو اتبسطو 

ميرنا احرجت ندي بكلامها السم : شغل أيه أنتي مش لسه قايلالي أنك اترفضتي .

حياه : معقول وانا معرفش مقولتليش ليه .

ندي : مش وقته ياحياه لما نروح البيت .

طارق : خلاص ياجماعه أحنا معاكو في الرحله دي ؛ استأذنكو هنقوم نتمشي شويه ؛ وخد حياه وقامو يتمشو في النادي ومراد منزلتش من عليها . 

محمود موجه كلامه لندي : علي فكره أنا صاحب مطعم الأكيل بشوفك كنتي بتيجي هناك .

ندي : أيوا كنت باجي أنا والبنات .

محمود : أنا كنت منزل أعلان عن بنت تشتغل عندي  في الحسابات لو حابه طبعا ممكن تنوريني ودا كارت المطعم هكون ممنون جدا لو وافقتي .