Uncategorized

رواية زواج غير مدبر (عانس) الفصل الرابع 4 بقلم أسماء سلام

 رواية زواج غير مدبر (عانس) الفصل الرابع 4 بقلم أسماء سلام

رواية زواج غير مدبر (عانس) الفصل الرابع 4 بقلم أسماء سلام

رواية زواج غير مدبر (عانس) الفصل الرابع 4 بقلم أسماء سلام

حسام رجع البيت لقى رحاب مستنياه 
رحاب كنت فين يا حسام وليه سبتنى ومشيت
حسام ملكيش دعوة كنت فين وبخصوص نكون اصحاب تنسيها خالص علشان ده مستحيل حتى فى خيالك متحلميش بكده
رحاب انت بتتصرف معايا كده ليه ، طب لو مش عايز تعاملنى كزوجة على الأقل عاملنى انى بنت عمك ولا نسيت
حسام بعصبية لأ منسيت وخصوصا أن رافض الجوازة دى من اصلا وانتى مش مراتى يعنى كل اللى بينا ورقة وبيت بيجمعنا وقدام الناس انتى مراتى لكن انتى مش فى تفكيرى خالص
رحاب ماشى يا حسام انت معاك حق بس على الاقل يكون فى احترام بينا حتى لو التعامل بسيط
حسام مش هيكون فى تعامل بينا اصلا
رحاب يا حسام اسمعنى أنا عايزة نعدى السنة دى على خير وده مش هيحصل غير لو فهمنا بعض
حسام قصدك ايه بالسنة دى
رحاب قصدى أننا احنا الاثنين هنقعد سنة مع بعض وبعد كده نطلق وكل واحد يشوف حياته ، انتى تشوف واحدة تتجوزها وانا اشوف واحد اتجوزه
حسام قرب منها لحد ما خبطت فى الحيطة ومبقاش فى فاصل بينهم وبقوا شبه ملتصقين ببعض
وقال انتى قولتى ايه من شوية
رحاب بخوف من نبرته و بتوتر اكبر من قربه ده ، أننا نطلق وكل واحد يشوف حد ويتجوزه
حسام بهمس فى أذنها ، طب هو انا قولتلك انى عايز اطلقك
رحاب حست بقشعريرة سرت فى جسمها وقالت بكسوف لووو سمحت.ت ابعدددد عنى مينفعش كده
حسام بصوت فيه إثارة و قدام شفايفها ، قال هو ايه اللى مينفعش 
رحاب دارت وشها الناحية التانية وقالت مينفعش وقفتنا كده ، ابعد يا حسام
حسام لفها ليه وقال أول مرة يكون اسم حلو كده ولا انتى رأيك ايه
رحب بهمهمه هممممم
حسام مش بتردى عليا ليه
رحاب كأنها كانت مغيبة وفاقت فبعدته عنها وجريت على اوضتها وهى مش عارفه مالها
حسام واقف وحاطط ايده على رأسه وبيقول ، أنا ليه بتصرف كده ، اعقل يا حسام وفى الاخر قرر أنه يتجاهلها
عند رحاب
رحاب ” هو ايه اللى حصل بره ده ، مش معقول يكون ده حسام، معقول يكون بيشرب علشان كده اتصرف معايا ولا معقول يكون بتاع بنات وشافنى بنت وقال اهى موجودة وخلاص ، اصل مستحيل يكون حبنى فى اليوم ده وخصوصا اننا مش طايقين بعض وكمان هو لسه بيحب منه وفى النهاية قررت  انها عمرها ما هتسلم نفسها إلا لحبيبها اللى يستاهلها
رحاب وحسام ناموا وكل واحد بيفكر فى اللى حصل
الصبح الباب خبط 
حسام صحى على خبط الباب فقام شاف مين من العين السحرية فلقى أنهم أهله وافتكر لما هو قلهم إنهم ميجوش اول يوم ليه لانه كان مفكر انه هيقضى احلى يوم مع حبيبته منه ومش عايزين حد يزعجهم بس مفيش حاجة حصلت 
حسام قعد يكلم نفسه ويقول طب اقولهم على الحقيقة ولأ لأ ولو لأ ازاى مخلهمش يشوفوا رحاب وفى الاكل قال هى الحقيقة كده كده هتتعرف فى يوم فليه ميكنش النهاردة بدل بعدين 
حسام راح خبط على رحاب بس هى مسمعتش فقام فتح الباب ودخل لام مفيش وقت يستنى لما تفتح له 
حسام دخل لقى رحاب نايمة وفى سابع نومة وكانت نايمة ب قميص نوم قصير لحد الفخذ ويكشف اكتر ما يستر 
حسام فى نفسه يا رب صبرنى ، أنا خلاص فاضلى سنة و هعمل حاجة وحشة فيها بس الوقت مش مناسب دلوقتي ليها
حسام راح السرير علشان يصحى رحاب بس سمعها بتقول وهى نائمة يا ريت ترجع ، ليه سبتنى
حسام اتصدم من كلامها بس قال إنها بتهلوث وهى نائمة مش فى وعيها وبعدين صحاها وقالها أن أهله بره ولازم أنها تطلع وأنها تسيبه هو يوضح كل حاجة
حسام طلع هو رحاب لاهله واهله اتصدموا لما شافوا رحاب
الام ايه اللى جاب رحاب هنا يا بنى 
حسام يا ماما أنا اتجوزت رحاب مش منه 
الام ايه الجنان ده يا بنى ، متهزرش أنا عندى السكر 
حسام والله يا ماما مش بهزر وقالها على كل حاجة وعن زواجهم وعن كلام عمه ليه 
الام بقى انتى يا بنت ال*** يا قليلة الرباية تعملى التمثيلية علشان تتجوزى ابنى وقامت جيباها من شعرها ،حسام مسك امه وبعدها عن رحاب 
حسام خلاص يا ماما اللى حصل حصل وهى كانت مجبورة زيها زى يعنى مفيش فرق
الام قال مجبورة قال ، ده هتلاقيها هى اللى عملت كده علشان تخلص من لقب عانس بس مكنتش اتخيل أنها توصل معاكى انك تأذى اختك مع انى مكنتش عايزاها لابنى بس علشان هو بيحبها
رحاب كفاية بقى ، كلكم جايين عليا وناسيين انى انا كمان اتظلمت ، أنا عمرى ما فكرت انى اتجوز  ابنك خالص بس علشان فضيحة أهلى وسابتهم ودخلت
حسام خلاص يا ماما كفاية إهانة ليها لحد كده
الام اه منا اخلص من الاولى تطلعلى التانية ، دى عملتلك سحر فى اليوم ده ، دى اكبر منك يا بنى
الأب يا حاجة كفاية كده ظلم فى خلق الله وانا قولتلك قبل كده أن رحاب دى اللى مناسبة لحسام وهتعدل حاله بدل صحاب السوء اللى مصاحبهم وكان الله استجاب لدعائى 
الام مش عارفه ازاى مش قادر تشوف أنها اكبر منه 
الاب يعنى ايه اكبر منه مالرسول صلى الله عليه تزوج ستنا خديجه رضي الله عنها وهى اكبر منه ب 15 سنة ومدام مش حرام من ناحية الدين فملناش  دعوة بالعادات والتقاليد
الام الكلام معاك ملوش لازمة ويلا بقى نمشى هنا وانا هبقى اشوف عمك ده وخلى بالك من رحاب أصلها دى واحدة مش سهلة خالص
حسام ماشى يا ماما يلا سلام
بعد لما مشيوا حسام راح لرحاب ودخل من غير لما يخبط ولا تأذن له
حسام يا رحاب أنا
رحاب لو سمحت يا حسام ممكن تسيبنى لوحدى دلوقتى وانسى أن يكون فى تعامل بينا ومن فضلك اطلع بره 
حسام يا راحب اسمعينى أنا مش
رحاب هتفرق فى ايه لما توضحلى وجهة نظرك وزى ما قولتلك كلها سنة وهنتطلق وكل واحد يروح لحاله
حسام ماشى يا رحاب وسابها ومشى
حسام  سابها ونزل يتمشى شوية وبعد عدت ساعات رجع البيت ودخل لغرفة الالعاب الرياضية وقعد يلعب ملاكمة بطريقة عنيفة جدا وهو عمال يقول أنا ليه زعلت لما انتى زعلتى وليه اتضايقت لما قولتى انك هتتجوزى غيرى، أنا مش بحبك وعمرى هحبك يا رحاب ، الفرق بينا كبير اوى مش بس فى السن ولكن فى كل حاجة علشان كده مستحيل نكون مع بعض بس لييييه زعلان مش عارف وطلع كل غضبه فى الجسم اللى بيضربه ولما خلص راح لغرفته
بس قال أنه يشوفها لانه بقاله 3 ساعات بيمارس الملاكمة فأكيد هديت أو نامت من التعب لأنهم قرب المغرب 
حسام خبط ولكن مفيش رد فخبط تانى وثالث مفيش رد برده فقال إنه يدخل ويشوفها
حسام دخل ولقى رحاب نايمة وراح يصحيها
حسام : رحاب ، يا رحاب يلا اصحى وبعد عدت مرات لقى أنها مش بتصحى 
حسام رحاااااااااب 
يا ترى رحاب جرلها ايه ؟!؟!؟؟????
يتبع…
لقراءة الفصل الخامس : اضغط هنا
لقراءة جميع فصول الرواية : اضغط هنا

اترك رد