Uncategorized

رواية فريق فستق الفصل الخامس 5 بقلم ملك الصباغ

 رواية فريق فستق الفصل الخامس 5 بقلم ملك الصباغ

رواية فريق فستق الفصل الخامس 5 بقلم ملك الصباغ

رواية فريق فستق الفصل الخامس 5 بقلم ملك الصباغ

كارما بذهول: بسم الله ماشاء الله  ايه ده الشقه من برا عامله زي ما تكون منتنه ومن جوا ڤيلا. 
حيث كانت تلك الشقه الصغيره تحتوي علي ٤غرف 
غرفه النوم وغرفه أطفال وصالون غرفه ضيوف وأريكتين في منتصف الصالون ويوجد بها سقف معلق ذهبي اللون.
معتز بتهكم: وانتي مفكره ان لو ضابط مخابرات هيقعد في حته هتكون مش نضيفه. 
كارما بعصبيه: انتم اللي سارقين البلد يا حراميه  ياولاد…
لتكمم ميرڤت فمها هامسه لها: أركان ماسك نفسه عنك بالعافية. 
لتنظر كارما اتجاهه لتجده ينظر لها نظرات قاتله 
دقائق مرت في صمت حتي وجدوا المتعجرفه التي تدعي سلينا تدخل هي الاخري تقف معهم. 
كارما بضيق: اهو القرف جه. 
أركان ببرود: اقفلي الباب يا سلينا ويالا اقعدوا عشان هقول شويه قواعد هتتبوعها طول الشهر اللي هنفضل فيه هنا. 
كارما بغضب: انتم هتقعدوا معانا في شقه واحده. 
معتز بسخرية: اه تخيلي يا ٱنسه كارما فخافي علي نفسك لتصحي تلاقي حد فينا نايم جمبك. 
أركان بتحذير: معتزز. 
معتز: خلاص 
ليجلس الجميع ويظل أركان واقفا 
كارما: هو الجبل مش هيقعد ولا ايه. 
لينظر لها ببرود ويتجاهلها.. 
أركان ببرود: عايزكم تنتبهوا مع كل كلمه هقولها. 
ليومأ الجميع في صمت 
أركان: اولا انا هدي لكل واحد مفتاح لاوضته سلينا وميرفت وكارما هيقعدوا مع بعض في اوضه واحده وانا ومعتز اوضه. 
كارما بغضب: لا طبعا مش هقعد مع السلوعه دي. 
سلينا بتهكم: انتي تطولي. 
أركان: مش عاوز اسمع صوتكم لحد ما اخلص كلام. 
كارما: ابو برودك. 
لينظر لها أركان ببرود 
ليردف قائلا: سمعتك علي فكره. 
لتخرج له كارما لسانها ثم تردف قائله: مش خايفه اعمل اللي تعمله. 
أركان بغضب مكتوم: ياااارب صبر أيوب. 
ليكمل ببرود: ثانيا من بعد الساعه ١٠مفيش خروج من اوضكم. 
لترفع ميرڤت يدها مثل الطلاب في الفصل لتسأله عن شيء. 
ليزفر أركان بضيق ثم يردف قائله: اتفضلي يا سياده المقدم. 
ميرڤت: طب لو حد جعان او عايز يعمل حمام. 
أركان ببرود: في كل اوضه حمام يعني مش هتتضطري تطلعي بالنسبه للأكل هنتعشي كلنا مع بعض الساعه ٩ والتلاجه متجهزه بكل انواع الاكل. 
كارما: هو ده الكلام يعني الحكومه ماشاء الله افضالها علينا كتير يعني حتي ما استخسرتش فينا شويه أكل وملوا التلاجه 
لتقول وهي تقف من الاريكه: اروح انا اشوف ايه اللي فالتلاجه علي ما تخلصوا كلامكم. 
أركان ببرود: اقعدي. 
لتجلس من دون أي نقاش فهي اصبحت تخشي رده فعله. 
كارما: كنت هطمن علي الاكل في التلاجه. 
ميرڤت بهمس: هنروح نطمن احنا الاتنين بعد ما يخلص ????.
كارما: اشطات يا زميكس. 
ميرڤت: ايه ده انتي بتابعي القيصر. 
كارما: طبعا يا بنتي ده انا…
أركان بعصبيه: بس خلاص احنا مش جاين نتعرف اسمعوا القواعد اللي هتمشوا عليه
 أولا: هتصحوا الساعه ٦الصبح بدري
ثانيه: هنفطر كلنا مع بعض والاكل اللي انا هقول عليه حتي لو كان ايه. 
ثالثا: التدريبات هتبدأ من بعد الفطار لحد الغدا وبعد الغدا نص ساعه راحه وبعد كده هدربكم مهارات قتاليه لحد الساعه ٥
خامسا: من الساعه ٥إلي ٩ اللي عايز يطلع يروح مشوار يطلع وما يتأخرش إلا كارما متطلعش. 
سادسا: متنزلوش الحاره دي مهمها حصل إلا بأوامري 
سابعا: ميرڤت مسئوله عن كارما يعني اي حاجه ميرڤت هتفهمها وأنا عليا بس اديها الاوامر وادرب كارما واحط الخطط. 
ثامنا: النوم من الساعه ١٠ والعشا ٩
تاسعا: كل واحد يقفل اوضته بالمفتاح قبل ما ينام. 
عاشرا : المهمه دي هتخلص بعد ما نقبض علي متولي الجبال. 
كارما بغضب: هو ايه اللي كارما متطلعش. 
أركان ببرود: اللي عندي. 
كارما بدموع: انا مش هتحبس هنا شهر حرام. 
أركان: هتنزلي بس بشرط 
كارما: هو ايه. 
أركان: انا او ميرڤت نكون معاكي. 
كارما وهي تجفف دموعها: موافقه. 
أركان وهو يتجه لغرفته: مش عاوز اشوف دموعك لانها بتدل علي ضعفك وانا مش بحب اي حد ضعيف. 
أركان لنفسه: هتبقي قويه غصبا عنك او برضاكي يا كارما.♡
أركان: احم احم يالا كل واحد علي اوضته وجهزوا نفسكم بكره الساعه ٦ الصبح. 
سلينا باعتراض: أنا لا يمكن أنام مع المخلوقه دي. 
قالتها وهي تشير بيدها لكارما
نظرت لها كارما بطرف عينها وتجاهلت حديثهت
كارما بغيظ: أنا داخله أنام عشان في ناس بتجر الشكل من الباب للطاق يالا يا ميرڤت. 
سحبت ميرڤت حقيبتها هي الاخري. 
ميرڤت: يالا يا اوختشي ناس غاويه الغم. 
ليهمس معتز بيأس: ما جمع إلا ما وفق جوز اغبيه 
أركان ببرود: اظن ده اختيارك بس يا سياده المقدم لازم تلتزمي بمواعيد التدريب يعني تيجي كل يوم ٦ الصبح والساعه  ١ونص تكوني هنا عشان هنبدأ تمرين بعد الغدا وده كله هيبقي ارهاق بالنسبه ليكي يا سياده المقدم. 
سلينا: انا اخويا عنده فيلا علي البحر هروح اقعد فيها واجيلك الساعه ٦والمواعيد التانيه بس مستحيل اقعد مع الغبيه دي. 
أركان بغضب: سياده المقدم اظن ان دلوقتي كلنا فريق ولازم نتعاون مع بعض عشان نقدر نقبض علي اللي اسمه متولي وانك تشتمي واحده مننا يبقي ده غلط وكده بتعملي مشاكل ممكن تبوظي المهمه وخلي بالك إلا كارما إنتي عارفة ان كارما اهم خيط ممكن يوصلنا للمكان ده. 
سلينا: حاضر يا سياده الرائد عن اذنك هبقي اجي بكره الساعه ٦ان شاء الله. 
لتخرج سلينا
 ويتنهد معتز بارتياح
معتز: اخيرا هدخل انام. 
ليتجه معتز في اتجاه غرفه النوم 
قبل أن يوقفه صوت أركان قائلا: رايح فين يا معتز. 
معتز: داخل انام في الاوضه
قالها وهو يشير إلي غرفه النوم. 
أركان بنظره غريبه: مين قالك انك هتنام فيها. 
معتز: مش فاهم مش انت لسه قايل هما في اوضه واحنا في اوضه. 
علي الناحيه الاخري
في غرفة كارما وميرفت
نظرت كارما إلي ساعه الهاتف في ملل 
لتزفر بضيق:ميرڤت بالله عليكي هتنامي من الساعه ٨
لتعدل ميرڤت في موضعها
ميرڤت:خير يا كارما مش أركان قال هنصحي بكره الساعه٦ الصبح يبقي ننام بدري.
كارما بسخط:هو انتي بتكلمي بنت اختك بقولك لسه بدري تعالي ندردش شويه او نقف في البلكونه شويه.
ميرڤت باستسلام:ماشي يا كارما نص ساعه بس ومش هنخرج البلكونه عشان احنا في حاره مش في فيلا.
كارما:ماشي نص ساعه بس نقعد ندردش هنا 
ميرڤت بهمس:بصي احنا هنروح براحه نعملنا كوبايه قهوه من غير ما حد يحس وهندخل الاوضه علطول.
كارما:اشطات يا صحبي.
ميرڤت:والله مش مصدقه اننا لسه متعرفين علي بعض من ساعات.
كارما:لا اصل أنا شخصيه اجتماعيه اوي.
ميرڤت بغمزه:ماشي يا شخصيه اجتماعيه اوي.
لتضحك  كارما وميرفت.
بعد مرور بعض الوقت.
ميرڤت:خدي حسبي الله ونعم الوكيل فيكي ده انا كان قلبي هيقع وانا بعمل القهوه.
أردفت قائله بذلك وهي تمد لها كوب قهوه قد أعدته لها. 
كارما: ليه بس كده يا مربتي.
ميرڤت برفعه حاجب: مربتي. 
كاؤما بلامبالاه: اه مربتي انتي عامله زي المربي ????. 
ميرڤت: طب هاتي كوبايه القهوه. 
كارما: اعوذ بالله  ايه يا اخت هي المربي وحشه. 
جسلت ميرڤت بجوارها علي الفراش 
ميرڤت: طب اشربي يالا. 
كارما بتساؤل: هو انتي مش متجوزه ولا مخطوبه يا مربه. 
طبقه من الدموع تكونت في مقلتيها لتفر منها دمعه هاربه.
كارما: خلاص لو ضايقتك بسؤالي. 
ميرڤت وهي تجفف دموعها: لا ولا حاجه عادي انا بصي يا ستي عشان لوني اسود شويه محدش اتقدملي إلا عدد قليل وكلهم مش مناسبين. 
كارما: بصي يا ميرڤت انا متعرفه عليكي من كام ساعه  لكن بجد انتي روحك طيبه وكويسه الجمال مش بالشكل الجمال هنا ????
قالتها وهي تشير إلي موقع قلب الاخري. 
لتكمل قائله:الجمال مش جمال الشكل الجمال جمال الروح ????❤????
ميرڤت: في الزمن ده معدش حد بياخد بالمقولات دي الناس بقت عايزه تاخد بالجمال الشكل وبس. 
ارتشفت كارما القليل من قهوتها ثم اردفت قائله: انتي عارفه  يا ميرڤت عندي واحده صحبتي مش جميله خالص رفيعه ونفس لون بشرتك كده البنت دي من المتفوقين ومقدرش اوصفلك طيبه قلبها 
قلبها ابيض زيك بالضبط كده وبتطلع الاولي وعندها دين وأخلاق مقولكيش وتربيه ايه . 
لتتنهد كارما بارتياح ثم تكمل بهدوء: يعني مثلا يا ميرڤت لو واحد اتجوز واحده حلوه ورفيعه او زي ما بيقولوا جسمها سمبتيك الجمال ده بيروح مع الوقت اللي هيتبقي اخلاقها ودينها وبس يعني مثلا لما تخلف جمالها ده هيربي عيالها ولا اخلاقها ودينها بس كده الموضوع مش بالشكل. 
ميرڤت باستسلام: عندك حق يا كارما ياريت كل الناس بتفكر زيك. 
كارما: ميرڤت بكره تتجوزي واحد الف واحده تتمني بصه واحده منه صدقيني. 
ميرڤت وهي تنظر لها بدموع: ممكن. 
كارما: أنا هو وانتي اهو وبكره تقولي كارما قالت. 
ميرڤت وهي تحتضنها: شكرا بجد يا كارما ربنا يخليكي. 
كارما: سبيني حد يدخل يفهمنا غلط. 
ميرڤت وهي تبتعد عنها: ابو شكلك فصيله. 
كارما: يالا نشرب القهوه. 
ميرڤت: يالا. 
كارما بتمثيل: نخبك يا صاح.
قالتها وهي ترفع كوب القهوه كأنها تشرب ويسكي. 
ميرڤت: نخبك يا رجل. 
ليستمر الحديث بينهم حد مر الليل ونام الاثنان فغداً يوم جديد لا يعرفون ماذا سيحصل به؟ 
ستكون بدايه رحلتهم مع بعضهم من الغد هل سيتكمنون من التأقلم علي الوضع أم ان هناك من سيقطع وصله سعادتهم نحن معهم حتي النهايه 
حتي نري ماسيحدث 
_ فريق سنعيش معهم كل لحظه حزينه وسعيده سيمرون بها إنهم… فريق فستق. 
$&&$&$&&$&$&$&$&&$&$&$&&$&&$&
والده كارما ببكاء:هنعمل ايه يا أحمد بنتي بايته في القسم وانا مش عارفه بيعملوا فيها ايه.
أحمد بقهر:اهدي يا حبيبتي كله هيكون بخير وبعدين احنا هنروح بكره مديريه الامن نشوف ايه القضيه دي.
والده كارما بحرقه وقهر:قلبي واجعني عليها اوي ياريتني كنت مكانها وهي بخير* ياريتنا كلنا مكانها والله يا طنط.*
أحمد وهو يضمها إليه:اهدي يا حبيبتي كله هيبقي بخير هنروح بكره نشوف متقلقيش مش هرجع من غيرها وخلي أملك بربنا كبير.
والده كارما: والله أملي بربنا كبير بس انت محستش بشعوري لما خدوها حسيت ان روحي بتتسحب مني واحده واحده دي مهمها حصل حته مني ساعتها الدنيا لفت بيا وحسيت اني هقع بقيت عايزه امنعهم بس خايفه عليها فبقيت احاول ابين ليها انها متخفش واننا مش خايفين عشان متخافش انت عارف ان بنتك ضعيفه قد ايه.
أحمد:خلاص بقي يا سميه بالله عليكي والله قلبي وجعني عليكي وعليها ربنا يرجعهلنا بخير يارب.
سميه:يارب يارب.
يتبع…..
لقراءة الفصل السادس : اضغط هنا
لقراءة باقي فصول الرواية : اضغط هنا

اترك رد