Uncategorized

رواية هل قدري الفصل التاسع عشر 19 بقلم سلمى عاطف

 رواية هل قدري الفصل التاسع عشر 19 بقلم سلمى عاطف
رواية هل قدري الفصل التاسع عشر 19 بقلم سلمى عاطف

رواية هل قدري الفصل التاسع عشر 19 بقلم سلمى عاطف

الشخص بخبث : اهلا بيكي ياقمر في جحيمي ده 
قربنا يااوركيدي وهتبقي ملكي 
عند اوركيد 
عادت الي المنزل وتفجأت قمر من هيأتها 
قمر بصدمه :اي ده اي ال حصل 
اوركيد بلا مبالاه : مفيش حادثه بسيطه 
قمر : شوف بتقولها ببرود ازاي ولا كأنها كانت بتتفسح مبن خرشمك كده 
اوركيد :خلاص ياقمر متكبريش الموضوع يلا  نجهز نفسنا عشان السكان الجداد مينفعش يجوا يلاقونا لسه هنا يلا بسرعه 
قمر : مفيش فايده كده يلا 
اوركيد : فين ماما وعمران يابت 
قمر : عمران راح يظبط البيت هناك وخالتو معاه 
اوركيد : اشطا  هجهز نفسي وشنطتي بسرعه اهو يلا يلا 
بعد بعض الوقت انتهي الاثنتين من جمع أغراضهم وخرجوا من المنزل 
وصلوا الي منزل جميل جدا اساسه بسيط ويحاوطه حديقه صغيره رائعه ومايزيده جمالا اكثر انه بجانب البحر 
اوركيد بسعاده : الله اي الموقع الجامد ده  
قمر : فعلا جميل اووي 
اوركيد : ده الواحد يعيش في التراس عشان ميسبش الجمال ده 
عمران : عاملين حسابنا انتي اخدتي الاوضه ال بتطل علي البحر
اوركيد :هو نا مقولتلكش انك اخ جدع 
عمران بغرور:انا جدع من غير ماتقولي يابت 
اوركيد :اتكلم ع قدك يابتاع شروق 
عمران :الاه هو انا مقولتلكيش مش بقت رضوه 
اوركيد : ياابني بطل بقه مش عارفه الم ستاتك خاالص 
عمران: يابنيي هما ال بيحبوني اعمل اي في جمالي بقه 
اوركيد : اتنيل وانت شبه حمدي الوزير كده 
عمران : هي وصلت لحمدي الوزيز يابت 
اوركيد : يلا يلا وريني جمال قفاك عايره اطلع اشوف  اوضتي القمر و استجم 
عمران :روحي ياختي ده ال انتي فالحه فيه النوم وتقعدي تكلمي القمر والنجوم زي الهبله 
اوركيد :بس يامشقوط 
عمران بصدمه : مشقوط طب تعالي بقه 
جري ورائه وركضت الي غرفتها وهي تضحك واغلقت بوجهه 
عمران :والله ل اوريكي يااوركيد 
اوركيد :يلا من هنا ياض  
عمران : هتهربي مني فين همسكك زي الكتكوت ماامتي هتخرجي هتفضلي ف اوضتك قد اي يعني 
اوركيد : طب يلا من هنا بقه اما تيجي وقتها 
قمر : يلا ياعمران الرجاله جم عشان يدخلوا العفش يلا اخرج ليهم 
عمران : طيب
علي الجانب الاخر في منزل سامي الامير 
كان سيف نائم بسلام حتي سمع ضجه اقلقت نومه قام من نومه بتأفف ينظر من اين تأتي هذه الضحه وجد ناس ينقلون اساس للمنزل 
سيف بتأفف: وده وقته حد بصصلي في النومه  تنهد بضيق ودلف كي يقوم بروتين يومه  وتجهز لكي يذهب الي عمله الذي كان يتوق ان يعود له  نظر للمرآه وعينيه كلها تحدي علي تنفيذ مابرأسه ثم خرج من غرفته والقي السلام علي عائلته 
سيف:صباح الخير 
الاب والام : صباح الخير ياحبيبي اقعد افطر
جلس سيف معهم ثم قال : امال رهف فين لسه نايمه
الام : لا ياحبيبي ده انا بعتها للسكان الجداد تديهم فطار الناس لسه ناقلين اكيد تعبانين و ف قولت نبعت ليهم شوية اكل واهو يبقي فيه محبه ما بينا 
سيف بإبتسامه : ربنا يحبب فيكي خلقه ياست الكل 
الام: ربنا يخليك ليا ياحبيبي وتلاقي بنت الحلال ال تحبك وتصونك 
سيف:احنا بدانا  طب انا هروح الشغل بقه 
الام : خود بالك من نفسك ياحبيي واقرا المعوذتين 
سيف: حاضر ياحبييتي 
الام :ربنا معاك ياحبيبي 
سيف: سلام يابابا 
الاب: سلام ياحبيبي ربنا يوفقك 
في الجهه الأخرى 
ذهبت رهف الي المنزل وجدت العمال انتهوا وذهبوا ف ذهبت وطرقت الباب 
رهف : ايي ما.. انت
عمران:انتي بتعملي اي هنا 
رهف : انا جارتكم 
عمران : كملت 
رهف : في  حاجه 
عمران : ها لا اتفضلي 
رهف : ها لا انا بس جيت اقولكن ان ماما بعتالكم الاكل ده اكيد تعبانين 
عمران : متشكر جدا اشكريلي والدتك 
رهف: العفو بم انك هنا ف اكيد اوركيد موجوده صح 
عمران: ها اه 
رهف بإبتسامه واسعه : طب نديها بقه عشان اسلم عليها 
عمران بتوتر:ها اه طبعا اتفضلي
جاءت داليا وقالت بتساؤل  
داليا :مين ياعمران 
عمران :جيرانا ياخالتي 
داليا: اهلا يابنتي اتفضلي 
رهف : شكرا باطنط 
عمران: طيب ه هناديلك  اوركيد ثواني 
اومأت له براسها وذهب لكي يخبر أوركيد 
عمران: اوركيد 
اوركيد : نعم 
عمران :رهف بره 
اوركيد : رهف غريبه عرفت ان انا منين 
عمران :ماهو 
اوركيد :ماهو اي 
عمران : رهف جارتنا 
اوركيد :ازاي يعني بيتهم مش هنا اصلا ازاي جارتنا 
عمران:انا عارف يااوركيد اخرحي ليها وابقي اسالي براحتك انا كنت هقولها انك مش موجوده بس اتحرجت 
اوركيد :لو طلع ال ف دماغي صح انا مش عارفه هعمل اي يارب لا يارب 
خرجت اوركيد بإبتسامه ل رهف وقالت : يااهلا ذه اي الزياره القمر دي 
رهف :مفيش اقمر منك وحشاني اوي معرفتش اكلمك من اخر مره وتطلعي جارتنا ده انا امي دعيالي 
اوركيد: اه مفجأه جميله  بس انتي جايه هنا من امته 
رهف : لسه امبارح بس 
اوركيد : وطنط كاميليا أخبارها اي وحشتني 
رهف بتوتر:ها ك.. كويسه
اوركيد :مالك يارهف فيه حاجه حصلت 
رهف :لا لا انا لازم امشي بقه عشان متأخرش اكتر من كده سلام 
هرولت وتركتها عقلها مليئ بالاسئله 
اوركيد بضيق :  هو في اي ياربيي اي ال جابهم هنا اكيد مش هقابل حتى لو ميهمنيش  
عمران : بتكلمي نفسك 
اوركيد :اسكت ياعمران انا مضايقه 
عمران : انا عارف انك مضايقه انك هترجعي تشوفيه تاني  بس انتي اخدتي عهد علي نفسك من تلت سنين انك مش هتفكري غير في احلامك وبس 
اوركيد: وانا قولت غير كده انا فعلا مش بفكر غير فيها وهو ميهمنيش وبلاش نفتح ف الماضي ياعمران ملهاش لازمه 
عمران :  عايزه اسألك سؤال
اوركيد : هاااا 
عمران :لسه بتحبيه 
اوركيد : قولتلك الماضي مات ياعمران لو سمحت انا ماشيه بدل مااطلع جنونتي عليك 
ذهبت وتركته بعصبيه ونظر في اثرها بحزن وقال : لسه بتحبيه يااوركيد لمعة عنيكي لما يتجاب سيرته لسه موجوده بس جرحك منه مخليكي مش قادره تسامحيه عقلك رافض اي عذر ليه زي زمان ربنا يريح قلبك يارب 
دلفت الي غرفتها بضيق وقالت: بكرهه بكرهه قد ماكنت بحبه كرهته اضعاف مش هسامحه عمري ماهسامحك ياابن اصلان وهدفعك تمن جرحك ليا  والتقليل مني  كسرت الاشياء من حولها بعصبيه  وهي تردد : بكرهككك بكرهككك 
عند سيف 
دلف لعمله بثقه بعدما اثبت برائته رحب به الجميع بحبور وسعاده لعودته  
في غرفة العميد 
العميد :اهلا بعودتك بافوكس 
سيف: اهلا يافندم 
العميد: سعيد برجعتك معانا تاني يافوكس اهلا بيك بينا من جديد 
سيف: شرف ليا يافندم 
العميد: اول عمليه ليك بعد الرجعه تقيله ياحضرة الظابط  بس انا عارف انك قدها 
سيف: يارب اكون عند حسن ظنك يافندم 
العميد : ده ملف القضيه عصابة مافيا كبيره حذاا بيهربوا اثار وتجارة الاعضاء مني اكبر المافيا في مصر مبيسبوش اي غلطة بعد كل عمليه وممسكناش عليهم اي حاجه وكل مره بنفشل  ان احنا نمسكهم 
سيف: ان شاء الله يافندم اكون عند حسن ظنك  وانفذ العمليه 
العميد : واثق فيك ده ملف فيه كل المعلومات ال هتحتاجها اتمني في اسرع وقت يكونوا بين ايدينا 
سيف:بإذن الله يافندم عن اذنك 
اوما له العميد  ومن بعدها خرح حتي يدرس العمليه وعزم علي النجاح فيها حتي تعطيه دفعه لتنفيذ انتقامه من هيثم 
دلف اليه الياس بمرح :  حبييي وعم عيااالي اهلا يافوكس 
سيف : روح ع مكتبك ياحضرة الظابط احنا مبنلعبش الشغل حاجه وبره حاجه 
الياس: انت بتكلمني انا 
سيف: خيالك 
الياس: خلاص يااخويا انا ماشي هروح اشوف شغلي بالتوفييق 
مر الوقت سريعا حتي انهي عمله وعاد الي بيته مساءا 
الام: حمد الله علي سلامتك ياحبيي اطلع ارتاح عما احضر العشا 
سيف: لا ياحبيبتي انا هنام اليوم كام متعب ومحتاج ارتاح
الام : ماشي ياحبيبي اطلع ارتاح 
سيف : فين بابا ورهف 
الام: باباك راح يقابل واحد صاحبه ورهف في التراس 
سيف: طيب هروح اشوف رهف 
الام:ماشي ياحبيبي 
ذهب الي اخته وجدها جالسه وبيدها روايه
سيف: فكك من جو الروايات ده مفيش مراد وزين يابنتي في الحقيقيه 
رهف:انا طلبت رايك خليك ف نفسك 
سيف: يابت هضربك 
رهف : ماعلينا شوف نسيتني كنت هقولك اي 
سيف: ابهريني
رهف :عارف جيرانا ميين مش هتصدق
سيف :انجزي يارهف هقوم واسيبك
رهف :خلاص خلاص اوركيد جارتنا 
سيف بصدمه : اي 
رهف :انا كمان اتفجأت زيك 
سيف:احنا لازم نمشي من هنا 
رهف :هو في اي ياسيف كل مااجيب سيرتها خالك يتقلب 
قام بعصبيه وقال:مفيش حاجه انا هتكلم مع بابا وماما بكره عشان ننقل من هنا 
رهف:ماله ده ياتري اي ال حصل 
صعد الي  غرفته ودلف للتراس وزفر بألم 
سيف وهو يحدث نفسه : ليه القدر مسر يجمعنا يااوركيد كل مااحاول ابعد  الاقي كل حساباتي اتغيرت في ثانيه يااارب ياارب 
جلس يدعوا ربه ان يريح قلبه  بعدها نظر امامه وجدها تقف في التراس وتنظر للسماء بإبستامه والهواء يداعب حجابها وتكلم القمر 
استمع لما تقوله بإبتسامه هادئه 
اوركيد وهي تنظر للسماء: كده ياقمر بقالك كتير مجتش معقوله اوركيد موحشكتش 
ضحك سيف عليها وعلي تزمرها الطفولي  وكانها تتحدث مع شخص عاقل وتمتم وهو يقول: مجنونه
ظل يراقبها حتي دلفت للداخل وتنهد بإبتسامه ودلف هو الاخر لغرفته ونام فورا بعدها 
مر اليوم بسلام لكن لم يحن وقت المواجهه بعد 
في مكان آخر 
نجد رجل عينيه مليئة بالشر والخبث يمسك صوره بيديه وينطر لها نظرات غريبه ويقول: قريب هتبقي معايا يااوركيدي  من يوم ماعيني شافتك وانتي هتبقي ليا مش هسيبك الا لما تكوني ملكي لوحدي شويه ياقلبي وهتبقي معايا  
يتبع…..
لقراءة الفصل العشرون : اضغط هنا
لقراءة باقي الفصول : اضغط هنا

اترك رد