رواية عشق الآسر الفصل الثاني 2 بقلم ملك مختار

ملك: دقيقه يجماعه احمد بيرن هشوفه عاوز ايه 

عشق وندي: متتاخريش 

ملك بضحك: ايه ظابطينها علي الواحده مش هتاخر 

خرجت الي البلكونه

“معلومه بسيطه احمد زين الصياد صاحب اسر اللي اتعرفنا عليه فوق يبقي ابن خاله ملك صاحبه عشق” 

احمد: ايه يبنتي فينك

ملك: طب قول السلام عليكم 

احمد: السلام عليكم يستي عملتي ايه ف الشغل خالتك مزهقااني 

ملك: ياحمد متخافش والله كله تمام الحمدلله 

احمد: والبنات عاملين ايه 

ملك: كلناا كويسين الحمدلله خالتو عامله ايه

احمد: كويسه يستي بس انا قلقت شويه قولت اطمن عليكي 

ملك: قلقت علياا.. يخراثي ماتتجوزني ياحمد واكسب فيا ثواب 

احمد: ايه اتجوزك حد الله بيني وبينك ده انتي مجنونه عارفه والله؟  كويس اننا راضعين علي بعض

ملك بضحك: طب اجبر بخاطري طيب 

احمد: يلا ي ماما من هنا هنرش مايه 

ملك: طب يا سيدي شكرا كفايه 

سلام 

احمد: سلام خدي بالك من نفسك 

ملك: حاضر باي 

“ثم دخلت مره اخري الي الفتيات “

عشق: كان فيه حاجه والا ايه 

ملك: لا كان بيتصل يطمن عليناا 

ندي: والله فيه الخير هو عيل ثقيل ويموت ف الغتاته بس دمو خفيف 

ملك: خدي بالك اخويا اللي بتغلطي فيه ده

ندي بتأثر: انا والا احمد يا طه

ملك: ندي انتي بتهزري انتي اختي وحبيبتي وحياتي كلهااا… احمد طبعا 

ندي: واطي واطي يعني 

ندي: بصوا لاقيت شركتين هنا محتاجين سكرتاريه 

عشق: شركات ايه 

ندي: شركه الجارحي جرووب 

و شركه L. F. E

عشق: طيب هنقدم ف الاتنين والا ايه 

ملك: لا هنقدم ف واحده ونسيب التانيه علي جمب 

ندي: والنبي بطلي تناكه وغباء انتي وهي ناقصنا ورق كتير اووي 

وشركه الجارحي لازم يكون تقدير عالي 

وشركه L. F. E تشترط خبره ويكون لبسهم علي الموضه 

ملك: استغفر الله انا البس بدله رقص… وامشي في الشارع اقول انا لابسه بدله رقص 

عشق: وف بيت ضعاره 

ندي: بالله انتوا عالم تافهه..ناقصنا ورق ع فكره علشان ال C.V 

ملك.:بسيطه نجيبه بكره من الجامعه 

عشق:طب والله كويس…يلا بقي ننام علشان انا تعبت 

تصبحوا علي خير 

ندي وملك:وانتي من اهل الخير

ــــــــــــــــــ في شركه الجارحي ــــــــــــــــــــ  

عمر:مش مصدق اخيرا خلصنااا يلا علشان نلحق الليله من اولهااا…

اسر:شوفوا اي حاجه غير night club السخيف بتاع كل مره ده نسوانه بقت قديمه 

سليم:قديمه ايه ده ناني كلمتني وقالتلي فيه شوط نازل النهارده جديد وهتبقي جنان يلا بس 

اسر:علي ضمانتك؟

سليم:عيب ده ناني 

ـ ذهبوا جميعا اليnight clubـ

اسرببرود: فين الشوط ده ي حيوان 

ناني: والله ي اسر بيه مرضيتش انزلهم قولت لازم توصل انت الاول 

عمر: اصيله ي نووووووونه 

ناني: يلا ي ولااا نزل البنات 

“بعد قليل خرجن خمس فتيات لكن كان اسر ينظر لواحده منهن ثم غمز لهااا كانت فتاه ذات شعر اشقر وعيون زرقاء وجسد مغري وكانت ترتدي هوت شورت وتيشرت كاب عندما غمزت له الفتاه ذهبت اليه وهمست ف اذنه ببعض الكلمات ابتسم اسر ابتسامه سخريه ثم امسك بدهاا وقال” 

اسر: اشوفكوا بكره ف الشركه 

عمر: يبن المحظوظه خد اجمل واحده 

سليم: من يومه عيل محظوظ 

فتاه بدلع: اي واحنا مننفعش والا منعجبش 

عمر بخبث: ده انت تعجب الباشا يبااشا  

ضحكت الفتاه ضحكه خليعه 

(اللي هي هيهيهيهيهي ده ي جماعه عيله رقاصه بصحيح) 

عمر: ده باينلهااا ليله والعه والا ايي

ثم جلسوا ليشربوا الخمر ويفعلوا ما حرمه الله

ـ ـــــ في الشقه التي اجرها اسر لمتعته ـــــــــــــــ

دخلوا الي الشقه وهي تضحكك بصوت عالي وقالت عندما لاحظت ان اسر شرد

البنت: ايه مالك واقف كده ليه،مش ناوي

اسر: لا متخافيش من الناحيه ده 

البنت: طب يلاا وهي تسحب يد اسر الي الغرفه 

“دخلوا الي الغرفه وهو يضع يديه علي خصرهاا يقربهاا من جسده اكثر ثم القاها علي السرير واصبح يقبل بها بعنف وكانه ينتقم لشئ ما، فجاه راودته تلك العيون مره اخري وهي تنظر له باحتقار وكانها تراه الان

دفع اسر الفتاه بعنف والقي ف وجهها بعض من المال وقال بحده”

اسر: اخرج من الحمام الاقيكي مشيتي من هناا 

الفتاه: ليه كده بس هو احنا عملنا حاجه 

اسر: ماليش مزاج ي روح امك واخلصي انتي هتصاحبيني 

“اخذت الفتاه المال وخرجت من امامه بينما دخل هو اخذ شاور وظل يردد بصووت عالي 

” اطلعي من دمااغي ابعدي عني”

ـــــــــــــ في الصباح ـــــــــــــــــ

ندي:عشق يا عشقي…يبنتي قومي بقي هنتاخر

عشق بنوم:ايه ايه هي الساعه كام

ندي:. الساعه بقت  8واحنا لسه معملناش حاجه

عشق.خلاص انا صحيت اهوه….

ندي:طب روحي صحي ملك 

عشق: ايه ملك!….  لا ي ماما وانا مالي ده بتنام كانها ميته 

ندي:ياربي يعني انا اتوعد اصحي ملك كل يوم ده عذاب ايه ده بس يارب

ندي:يامسهل الحال يارب……ملااااااااااااااك الحقي الحقي صرصار صرصار

ملك فور سماعها لكلمه صرصار فزت من السرير وهي تصرخ باعلي صوت 

ملك بفزع: فين…فين موتيه…هو بيطير طيب 

ندي بسمااجه:صباح الخير ي لووكه

ملك بعدم تصديق:لا….لا متقوليش انتي كنتي بتعملي مقلب 

“عشق كانت تضحك كثيرا فهي تعلم كم ان ملك تحب النوم كثيرا ولا تقاومه وتعلم ايضا حركات ندي”

ملك:يشيخه منك لله حسبي الله ونعم الوكيل فيكي…..بطلي زفت ضحك ي عشق اللاه

عشق: مش قادره والله منظرك كان يفطس

ملك:الهي تفطسوا انتوا الاتنين 

بعد اداء واجباتهم بالمنزل ارتدوا ملابسهم ونزلوا الي الجامعه 

ندي كانت ترتدي دريس باللون الاوفويت وطرحه حمراء يتوسطه حزام احمر وشنطه بنفس اللون

عشق كانت ترتدي دريس باللون الاسود وطرحه زرقاء وحقيبه بنفس اللون

ملك كانت ترتدي بنطلون بوي فريند وتيشرت ابيض وجاكت خفيف باللون الازرق وطرحه اوفويت 

ــــ ذهبوا الي الجامعه اخيرا ـــــ

بعد مرور ثلاث ساعات 

ندي بتعب: كل ده علشان نجيب كام ورقه بس 

ملك: منهم لله ااه يارجلي ياني ياماا ااااه 

عشق: انا كائن بيتوتي متداخل مع قوقعته اقف ف طابور تلات ساعات وف الاخر يطلع الطابور الغلط ليييييه

ملك: اااه يدمااغي ااه ي عمود ي فقري…. اشطر كتكوت هيموت دلوقتي 

عشق: تعالوا نركب تاكسي علشان عليا الطلاق ماهمشي… انا… اااه 

فتاه: اسفه ي انسه ماخدتش  بالي 

عشق بابتسامه: ولا يهمك ي روحي انا كمان غلطانه مكنتش مركزه 

الفتاه:  لا والله انا ب…. مين عشق؟… شوقي وحشتني اوووي 

عشق: شوقي!؟ مين حضرتك

الفتاه: ايه ده معرفتنيش؟ انا ليان… لي لي يبنتي ثانويه عامه

عشق بتذكر:لي لي وحشتني والله ي عوض 

ليان:عوض!ياريتك ماافتكرتيني 

عشق بضحك:وحشتيني اوووي من ساعه ماسافرتي ومشوفنكيش تاني 

ليان:غيرت رقمي ولسه راجعه مصر من فتره وجيت هنا علشان بجهز ورق علشان بعمل ماجستير ف اداره الاعمال

عشق:.ااه طيب اعرفكم بقي ده ندي وده ملك صحابي الانتشيم وده ليان صحبتي من ثانويه عامه 

ملك وندي:تشرفناا 

ليان:الشرف لياا طب تعالوا نتغدي مع بعض بالله وحشتيني واهو نتعرف برده

عشق:معلش مش هينفع 

ليان:علشان خاطري ي عشق هتغدي مع بعض ونروح علي طول تيتا مش هتدايق صحيح ده وحشتني اوووي 

عشق بحزن: الله يرحمهاا

ليان باسف: انا اسفه والله مكنش قصدي 

عشق: لا ولا يهمك… طب يلا ي ستي اعزميناا  ع الغداا اصلا ملك هتموت من الجوع بس تستحي تقول

ملك: عارفه انا مش هرد عليكي تدري ليش؟ لانك ما كذبتي والله ما كذبتي 

“ذهبوا ليتناولو  الغداء وجلسوا يتحدثون كثيرا واخبروهاا بانهم كانو هناك لبعض الورق لانهم سيقدمون علي وظيفه عمل في شركه الجارحي اي شركه اخاهاا وتفاجأ كلا من ملك وندي ان ليان اخت اسر الجارحي لكن عشق بالطبع كانت تعلم فاسر كان يوصلهم الي المدرسه كل يوم خلال الثلاث سنوات حتي سافرت اخته ولم تراه عشق ثانيه  ”   

ملك:وبعدين وقع علي الارض ومسك بطنه جامد وقعد يقول علي الطلاق مابحب الحريم 

ليان:علمتي عليه جامد ي ملك

ملك:يستاهل قليل الادب 

“رن تليفون ليان لتعتذر منهم وتذهب لترد”

اسر:الو 

ليان:ايه ي ابيه فيه حاجه

اسر: لا بس اصل انتي اتاخرتي فقولت اتصل اطمن يلا ارجعي البيت دلوقتي

ليان:بس ي اسر انا مع اصحابي

اسر:اصحاب ايه ي ليان 

ليان بفرح:مش هتصدق انا قابلت مين النهارده 

اسر:مين يرووحي

ليان:فاكر عشق الي كانت معانا ف ثانوي…

“فور ذكر اسم عشق تذكر تلك العيون فهي تذكره بها،بتلك الفتاه التي ملكت قلبه بطفوليتها المحببه لقلبه كثيرا نعم لا تستغربوا فهو كان يعشق عشق كثيرا وسافر بسببها لانه شعر بانه سيظلمها معه فهي من حقها ان تحب شاب بسنها،وظل سنتين في المانيا حتي ينساها ثم عاد فور وفاه والده بيمسك الفرع الرئيسي هنا ف القاهره لكنه لم يستطع نسيانها ابدا ولم يستطع ايضا ان يحب امرأه اخري،لهذا عامل جميع النساء كانهم متعه له فقط،فهو ماذال يفكر كيف سمح لها ان تسيطر علي تفكيره هكذا منذ يومين ولا يستطيع التفكير  باحدا سواهاا”

ليان:الو الو اسر 

اسر:  هاه…اه معاكيى

ليان:طب خد سلم عليهاا…

اسر: لا بس..

عشق:السلام عليكم 

“اسر قد تاه في صوتهاا وتخيلهاا بجانبه الان ويري تلك النظرات الطفوليه مجددا”

اسر:وعليكم السلام ورحمة الله….ازيك ي عشق عامله ايه انا اسر مش فاكراني

عشق:لا اكيد فاكره حضرتك انا الحمدلله وحضرتك وطنط هدي.؟

اسر:الحمدلله 

عشق:طب ي اسر ليان عاوزاك..

“واعطتها الهاتف وهي تشتمهاا لم تكن تريد ان تحادثه من البدايه بينما كانت تضحك ليان علي اخوها العصبي والبارد الي حد كبير وهو يتكلم بلهفه وتوتر كم تمنت ان تري تعابير وجهه الان “

عشق:انتي مهزءه ليه 

ملك:اكيد علشان صاحبتك من زمان ي عشق 

عشق:هو ليه الانسان بيعمل في اخوه الانسان كده؟!

ندي:بس بطلوا يالا بقي العصر هياذن واحنا لسه محضرناش الورق والمفروض هنقدم بكره

ليان:انا مش مصدقه اننا هنشتغل مع بعض 

“نعم فليان ايضا كانت تخطط  للعمل كسكرتيره لتساعدها ف العمل علي مشروع الماجستير لشركاات البناء”

ندي:احنا لسه متقبلنااش مين عارف

ملك:يشيخه يشيخه مصوره تفاؤل وانفجرت في وشناا

“ضحكوا كثيرا ثم اوصلتهم ليان الي البيت بسيارتهاا وذهبت الي البيت ايضا “

هدي:ههههه ايه البنت ده ع طول كده مش هتبطل شقاوه ابدا

“بينما كان يجلس معهم علي الطاوله لتناول الغداء ويستمع لهم جيدا لكنه لم يبدي اي رد فعل سوي انه كان يبتسم قليلا علي بعض مواقفها ثم….

يتبع…..