رواية وقعت في عشق صبي الفصل الأول 1 بقلم بدور عاطف

بسم الله اليوم أبدأ في كتابه مذكراتي أعرفكم بنفسي أنا المهندسه بدر الوكيل الشهيره بالولاه بدر متتفجأوش لاني ولد و عشت حياتي كولد عاوزين تعرفوا ازاي تعاولوا أقولكوا

في احدي القري التابعه لمدينه المنصوره محافظه الدقهليه أضأت الانوار و انتصب شادر كبير فاليوم هو حفل زفاف ابنت عائله الوكيل أخت أكبر رجال البلد عمرو الوكيل

عمرو،،اخلص انت و هو و مش عاوز غلطه فاهم يا مرسي شوف الدبايح كدا 

أمينه،،اي يا عمرو كل دا انا قولتلك اني عمه حسابي و البنات بتجهز في المطبخ الاكل محدش فاضي ينضف

عمرو،،يا اما دول شويه طيور هيروحوا بيت العروسه

أمينه،،يابني انا موديلها كل حاجه

عمرو،،ودلها دول كمان و الاكل الي البنات بتعمله يروح كله انتي هارفه بنت لخمه و لا هتعرف تعمل ابيض و لا اسود صحيح هي لسه ركبه رأسها و قفل علي نفسه

أمينه،، ايوه دا حتي جهاد جبتلها الفستان ومستنينها تفتح عشان تأخده 

عمرو،،بنت مش جايبها لبر قالت اخلص تعليمي و اديها خلصت و كان اتفاقي معاها انها هتتجوز الباشمهندس حسن تيجي في الاخر و تقولي لا انا عاوزه اشتغل و اسافر و الكلام الي ميأكلش عيش دا

أمينه،،تقوم تغصب عليخا يا عمرو

عمرو،،امال اسبها يا اما و انا مدي كلمه للراجل الي مستنيها بقاله سنين الليل قرب روحي قوللها تلبس و تجهز نفسها و الا هاجي أكسر عضمها

دخلت أمينه و صعدت الي غرفه بدر وجدت جهاد واقفه

امينه،،وقفه كدا لي يا جهاد

جهاد و هي تحمل الفستان،،مستني بدر تفتح

امينه،،هاتي يا خيبه انت خايه منها

جهاد،،اعمل اي يا اما ما الي عمرو بيعملوا فيها بتطلعه عليا

طرقت امينه علي الباب،،افتحي يا بدر 

في الداخل كانت تقف امام المرأه تنظر الي نفسها و تتساقط دموعها حسرتا علي ما فعلته و ما كتب عليها ثم قالت،،دي اخرتها يا عمرو تغصب عليا اتجوز واحد مبحبوش و اكبر مني كمان و كل دا عشان مصلحتك طول عمرك اناني يا عمرو مسحت دموعها و اتجهت نحو الباب و فتحت 

بقلمي/ بدور عاطف

أمينه و جهاد في نفس واحد،،يا لهوي

امينه،،اي الي هببتيه دا عملتي اي في شعرك

بدر،، زي ما انتي شايفه قصيته

امينه،،لي يا بنتي كل دا حرام عليكي

بدر،،و انتوا مش حرام عليكوا الي بتعملوا دا

جهاد،،انتي بتنتقمي مننا و لا من نفسك

بدر،،من نفسي علي الاقل دي الحاجه الوحيده الي اقر احكم عليهاو انتقم منها و يلا بقا سبوني في حالي مش عاوزه اشوف حد

امينه،،نسيبك اي و البت زمنها جايه تزوقك

بدر،،مش عاوزه زفت هو مش شافني كدا جنابه يبقا يتجوزني كدا مش حاطه حاجه و هاتي الكفن دا و يلا بقا عشان اجهز 

اخرجتهم بدر و امسكت بالفستان ثم جرت مسرعه و امسكت المقص و قامت بقص الفستان و تمزيقه ثم توجهت الي الحمام و بعد فتره خرجت و امسكت بورقه و كتبت فيها،، اسفه يا عمرو بس انت الي وصلتني اني اعمل كدا و انا مش هدمر حياتي عشان سعادتك و مصلحك و ان كنت فاكر انك عملتلي حاجه فانت معملتش اي حاجه تعلمي دا من فلوس ابويا الي سابهالي اشبع بيها لكن مستقبلي مش هسمحلك تهده سلام يا اخويا

(وقعت في عشق صبي)بقلمي/بدور عاطف

أخذت بدر حقيبتها و نزلت من الشرفه فكانت قد جهزت كل شئ للخروج فنزلت و نظرت الي ما يحدث من زينه و انارة و غيره فدمعت عينها و قالت،،يا خساره يا عمرو يا خسارة ثم تحركت الي الخارج فقد كانت متنكرة في زي صبي كانت ترتدي شيميز و بنطلون و كاب و نظاره كبيره ، تحركت بدر و ركبت سياره متوجهه الي القاهره و بعد مده وصلت الي القاهره و كان الوقت متأخراً

بدر،،و بعدين بقا انا لازم انزل فيصل فذهبت الي محطه المترو و ركبت فنظرت حولها لم تجد سوي رجال

بدر،،يا لهوي مفيش ستات هنا و لا اي

…،،وسع كدا يا اخ وقف في السكه كدا لي

نظرت له بدر و قالت،،اخ 

..،،يا عم وسع الله انت مبلم كدا لي اوعي كدا

بدر،،اااه يخربيتك

…،،هههه شكلك عيل صغير ماتنشف ياض

نظرت بدر لملابسها و قالت،،اه عشان كدا ههه و الله حلو احم لا ميغركش يا صاحبي احنا جامدين اوي بس لولا الشقه طول اليوم الي هادد الواحد بس

…،،جدع ياولاه اسم الكريم اي بقا

بدر،،اسمي اسمي بدر

…،،عاشت الاسامي

بدر،،تشكر يا ذوق

نظرت بدر امامها فلفت انتباهها ذالك الواقف فكان محمود صديق أخيها 

بدر،،هار اسوح يا دي المصيبه السوده

…،،في اي ياض مالك مبلم كدا لي

بدر،،ها

..،،انت نازل فين

بدر،، نازل ف ، و خنا توقف المترو فوقفت مسرعه و قالت،،نازل هنا

..،،و انا كمان

نزل كلاهما فتحرك المترو فاخذت نفس و قالت الحمد لله

…،،انت منين بقا 

بدر،،انا انا انا لازم امشي سلام

..،،تمشي فين انت تايه و لا اي ولاه انت حكايتك اي و مبلم كدا لي انت حرام و لا اي

بدر،،اعم اوعي حرامي اي و بعدين انت عاوز مني اي حل عني اجدع انت

..،،ماشي يا اخويا طريقك اخضر

بدر،،طريق صحراوي اعمهم ثم تركته و ذهبت خرجت من المحطه و مشت في الشارع و لا تعلم اين هي و اين تذهب

بدر،،و بعدين بقا هروح فين و لا اعمل اي ، سمعت الي صوت امعائها فقالت،،انا مكلتش حاجه من الصبح ثم نظرت حولها فوجدت عربيه كبده

بدر،،الله رحتها حلو اوي فذهبت مسرعه و قالت للرجل،،هاتلي اتين و حياتك و شويه مخلل كدا

اكلت بدر و طلبت اخر ثم قالت،، الحمد لله حسابك كام يا معلم

الرجل،،50 ج

بدر،،نعم خمسين اي لي ان شاء الله دول اربع سندوتشات و شويه مخلل لي خمسين ج

الرجل،،ااه انت منهم بقولك اي احنا علي اخر الليل قب بالفلوس لاعملها معاك قال ذالك و هو يمسكها من ملابسه

بدر،،تعمل اي يا راجل انت مش دافع غير20

الرجل،،عشرين اي دا انا اظاهر هعملها معاك بجد خد

بدر،،يا ناس ياهو الحقوني الحقوني

…،،اي بس يا ابو صابر مش كدا 

الرجل،،مش شايف ياباشمهندس دي بلاوي بتتلقح علينا علي اخر الليل

…،،حسابك عندي اتفضل

بدر،،لا يتفضل اي دا نصاب

الرجل،،انا نصاب يابن ال

…،،خلاص يا معلم اتفضل حقك عليا ثم التفت لها و اخذها قائلا،،و انت تعال معايا الله يخربيتك منتش اد الدفع بتاكل لي 

بدر،،اوعي اجدع انت حد قالك ادفعلي حاجه زلني بقا

…،،اكتم يا بق انا قولت انك عيل سيس من الاول

بدر،،لا انا راجل و راجل اوي كمان