Uncategorized

رواية أحببتك رغم انتقامك الفصل الثامن 8 بقلم منه محمد

 رواية أحببتك رغم انتقامك الفصل الثامن 8 بقلم منه محمد

رواية أحببتك رغم انتقامك الفصل الثامن 8 بقلم منه محمد

رواية أحببتك رغم انتقامك الفصل الثامن 8 بقلم منه محمد

وقفنا لحد ما كريم طلع غرفته بعد خنقته من نهله وهي قعدت منهاره ومره واحده انكتمت أنفاسها واتغير وشها وهي بتستوعب اللي قاله وحقدت ع عاليا حقد وقهر وكره لقت نفسها من غير ما تحس بتتصل بخالد الي اول ما سمع صوتها وبتنادي بأسمه: خالد
خالد بقلق: نهله ليه بتبكي
نهله: ممكن نتكلم شويه
خالد :اكيد اتفضلي سامعك
نهله: انا وكريم اتخانقنا
خالد :طيب ممكن تهدي خالص وتحكيلي ايه الي حصل بهدوء وانا هسمعك
نهله :عشان خبيت عليه امر كدا لاني عايزه احميه بس هو اتهمني بالتجاوز في حدودي
خالد : هو كريم كدا لما بيتعصب بيبقي مش طبيعي وبيقول كلام من غير ما يفكر 
نهله بكت بحرقه :لدرجه يقطع علاقته بيا هو انا غلطت اوي كدا انا الي رفضت اسيبه وجيت معاه عشان ميحسش بالوحده لكن انا دلوقت الي بقيت في غربه ووحده
خالد بصوت دافى: بس انا معاكي
نهله: بس انت مش هنا 
ولسه بيلف عشان يروحلها لانه مشتاق يشوفها عن قرب لقاها بتنادي بأسم كريم وقف مكانه لانه شاف كريم واقف معاها
كريم: انا اسف انا غلطان
نهله حضنته وخالد قلبه اتمزق لفتات مقدرش يقرب منهم!!!!
نهله :والله نيتي كانت خير والله
كريم: عارف ان نيتك دايما ليا خير واسف لو كنت اتكلمت معاكي بشكل مش لطيف
(مسح دموعها) بلاش تزعلي مني
نهله بضحكه :عمري ما زعلت منك
كريم بص للموبيل :كنتي بتكلمي خالد مش كدا؟؟
نهله: ايوه حتي لسه معايا علي التلفون
خالد الي اتكلم : ها ايه الامور 
كريم اخده منها: تمام شكرا ليك
خالد :اتكلموا بالهداوه وبلطف
كريم :تمام 
وقفل واخدها جوه حضنه وخالد متابع كل ده لكن ما باليد اي حيله
………منه محمد………
عاليا  لبست ونزلت وهي متحمسه ومستعجله اتصلت بكريم تقوله هيتقابلوا فين لكن طلب منها تنتظره لحد ما يوصل ياخدها بنفسه لكن هي راحت قبله تجهز طاوله علي شط البحر اما كريم قام بالفعل جهز نفسه ونزل يقابلها
عاليا ماشيه رايحه المكان خبط فيها شاب: هو الحلو بيبيع العسل
شاب تاني: خليني اساعدك
عاليه صرخت فيهم: اوعو من وشي
شاب1:طب رايحه فين
عاليا حست بالخوف : وانت مالك انت
شاب2: طيب ممكن المسك ومسك طريقه محذوره من جسمها
عاليا صرخت: اوعو اياكم تلمسوني ياكلاب  لقت ايد بتشدها من وسطهم
كريم : ليه بتضيقوها ها
شاب1: وانت مالك
كريم مسكه لوي ايده لوري واتك جامد: ده انا هطلع روحك واعرفك ازاي تمد ايدك عليها
الشاب بوقاحه: انت بتهددني ياهمجي يا مجنون
كريم طلع مطوه من جيبه: المجنون ده هيشرحك حالا
الشاب: طب قرب مني كدا وشوف انا حعمل فيك ايه 
الشاب 1 صرخ في صاحبه :ماتسكت بقي وانت يا كابتن خلاص خدها وامشي ومفيش داعي للخناق 
كريم شدها من ايدها بعنف وبيجري بيها
عاليا:انت واخدني ورايح علي فين؟؟
كريم اخدها علي جنب 
عاليا: انت جايبني هنا ليه؟؟
كريم شلح كاجيته: خدي البسي ده
عاليا: لا مش عايزه منك حاجه
كريم زعق: بقولك البسيه لاني مش حقدر احافظ كتير علي هدوئي
عاليا اتزمرت ورفضت بعناد
كريم: انتي هتلبسيه بالحسنه ولا البسهولك عافيه وبعدين انا مش قولتلك متتحركيش لحد ما اجيلك
عاليا: قلت اسبقكك اجهز المكان كفرت
كريم: لا بس انا عارف ان خطر الست تبقي لوحدها في بلد غريب 
عاليا: وانا مش بخاف
كريم: انتي لسه مصممه تجادلي وتردي عليا والسلام خدي البسي وخلصيني بدل المحزق الي ع جسمك 
عاليا اخدته منه: انا زهقت من تحكماتك واسلوبك والله مشفقه عليك
كريم: هي مين دي الي مشفقه عليا(وضحك) مين الي حالها مشفق روحي شوفي نفسك قبل ما تتكلمي
عاليا ببتسامه: بس واضح انك خفت عليا
كريم كشر: والله انت واحده مجنونه
عاليا بتغيظه:ابعد عن المجنونه لانها ممكن تعضك
كريم: انتي تعضيني طيب تعالي بقي 
عاليا بتجري منه: قرب مني ده لو قدرت سعاتك واجري ورايا ونشوف مين الي عنده نفس وقوه تحمل لمده طويله
كريم مكمل جري: وانا هخليكي تعاني
عاليا بغلاسه: وانا هخليك تحس بالي انا حاسه بيه يامجنون واستعدله لانه هيخطفك للجنون
كريم  برق:وانا لو مسكتك مش حرحمك ومش هشفق عليكي واظن انتي عارفه لما بغضب ببقي عامل ازاي
عاليا فتحت ازازه ميه وجايه ترشها عليه
كريم بنظره مرعبه: حاولي وشوفي حيحصل فيكي ايه؟؟
عاليا رشتها وبتغني بستفزاز:برقلى برقتله  قعد يهوهو و فضلت اهوهو  هو يهوهو و انا اهوهو هو يعوعو و انا اعوع  و راح رفعلى ودانة و حاولي عينه 
كريم بوعيد: انتي ازاي تعملي كدا؟؟!!
عاليا:وممكن اعمل اكتر من كدا وتوصل لمرحله الجنون تحب تجرب
كريم وقف بينهج: وانا مستحيل اكمل لعب مع واحده مهبوشه زيك!!!!
عاليا عقدت حواجبها واتخصرت: ليه خايف تقع في حبي
كريم عقد حواجبه لماشافها وكبح إبتسامته: لا خايف اقع في القاع
ومره واحده مسكها وعاليا صرخت
عاليا: لا اوعي تعمل معايا الصح وتتحمرش بيا
كريم بوقاحه :يابنتي انا شوفت افضل  بكتير من الي عندك فلو اتهفيت في نفوخي وفكرت في الي عندك هعتبر نفسي بفكر في عيله في مرحله الابتدائي
عاليا كشرت: غلس
كريم : المهم انتي لازم تسافري مينفعش تفضلي هنا لان انا مش هعرف طول الوقت اكون حواليكي 
عاليا: متقلقش عليا انا هعرف احافظ علي نفسي
كريم: بس لو فضلتي هنا ده هيخليني اهمل نهله ده غير وجودك عملي عدم ارتياح
عاليا كتمت حزنها واهانتها: حاضر من بكره هسافر طالما ده هيخليك سعيد ومرتاح وهفضل برضو ادعمك زي ما انا  
كريم: كدا يله نمشي
مشوا لكن كريم حاسس ان الطلب تقيل وطلب الفراق وجعه اصعب بكتير وعاليا نار جواها مشعلله لانه حطمها وحطم قلبها!!
……..منه محمد……….
جايه طالعه من غرفتها لقته واقف قدامها
نهله بصدمه: خالد ليه مقولتليش انك جاي؟؟
خالد ابتسم: حبيت اعملها مفاجأه
اخدها ونزلوا تحت في الجنينه
نهله: لو جيت عشاني انا بخير وكمان اتصالحت انا وكريم
خالد: بجد طيب ليه متوتره ولا فيه آمر تاني مضايقك؟؟
نهله اتنهدت: ايوه شكله ناوي يقابل عاليا
خالد: ليه مش عاوزاه يقابلها هل قلق ولا غيره ولا تملك 
نهله: كلهم مع بعض
خالد :انتي وكريم مجرد اصدقاء ممكن  تقلقي عليه لكن لو حس اهتمامك نوع من التملك يبقي بحذرك لكريم يتخنق
نهله: يمكن نكون اصدقاء حاليا لكن ياعالم بكره 
خالد: لو كريم فكر ناحيتك اكتر من كونك صديقه هيضطر يفكر فتره طويله ولو استمريتي في تفكيرك بالشكل ده هيجي يوم وينهي حتي صداقته بيكي ولا حيعملها اعتبار
نهله منهارة ودموعها شلال: انت ليه مُصر تحطمني
خالد :لاني بفوقك لازم تعرفي كريم كويس ولما اوجعك النهارده افضل من انك تستمري في الالم كل يوم ومتلقيش نهايه للالم لان الاصرار ع شئ مستحيل يتعب وقفي شعورك ده يانهله
قطع كلامهم نغمه موبيل نهله الي اترسمت علي شفايفها اجمل ابتسامه:ده كريم
خالد: مفيش داعي تقوليله اني معاكي
كريم:نهله انا اسف
نهله ردت: ليه اسف مش كان عندك شغل ولا روحت لمكان تاني
كريم:ليه بتقولي كدا؟
نهله: لا اصلي اتصلت بيك كتير وانت ولا مره رديت فقلقت عليك
كريم: اصل الشغل كان كتير فقلت اسهر اخلصه عشان اقدر اقضيه معاكي بكره
نهله بحزن: بجد يعني مش بسبب انك روحت تشوف حد
كريم: حد مين تقصدي مين
نهله :البنت الحشره
كريم اضايق انها شتمتها: لا انا مشوفتهاش
نهله :بجد ياكريم
كريم بكدب:ايوه جد وكمان متجبليش سيرتها
نهله بشك:عارفه انك مبتحبهاش وشكرا ومتقلقش بخصوص مشاعري
كريم :كدا طيب فكري وحضري برنامج لرحلتنا بكره
نهله :لا خليها مره تانيه عندي شغل لازم اكمله سلام وقفلت(وبصت لخالد بدموع )كريم كداب قالي انه مقبلهاش بس هو برضو راعي مشاعري لزعل ايوه لانه عارف اني مبحبهاش يعني اهتم لمشاعري مش كدا
خالد اتنهد:كريم بيهتم بمشاعرك لانك صديقته افهمي
نهله :صديقه بس مش كدا تمام خلاص انا حمنع مشاعري تتحرك ناحيته ومش هضيقه ولا ازعجه مره تانيه واي شئ يزعله مش حعمله وفي يوم كريم هيحس بمشاعري ويفهمني ويحس بيا وحبقي اكتر من صديقه ومش حقف غير جنب كريم
خالد سكت لانه يأس بعد ما اخد نفس عميق يهدي بيه ضربات قلبه!!!!
……..منه محمد…….
نهله الي راحت تقابل عاليا وتبتر اي علاقه
نهله: انتي جايه هنا ليه عايزه مننا ايه؟؟
عاليا: انتي الي عايزه ايه؟؟!!
نهله: فيه امر لازم نتكلم فيه بخصوص كريم اعتبريه طلب امر رجاء حتي توسل اي حاجه المهم ابعدي عن كريم
عاليا: ليه
نهله: لانك قبل ما تيجي تقتحمي حياته كان مبسوط فيها عنده اصدقاء بتحبه وبيحبهم لكن لما ظهرتي كل الذكريات السيئه رجعت تهاجمه من تاني وهو اتألم بما فيه الكفايه بخصوص موت والدته فجأه ظهرتي واخدتي مكانه وهو انطرد من البيت ولما امك ماتت كملتي عليه واتهمتيه انه قاتل فلو عندك شويه ضمير ابعدي عنه
عاليا: انا جيت اتكلم معاه بس حبيت اقوله يرجع البيت عمري ما فكرت أأذيه
نهله: لا متقلقيش هو مسيره هيرجع ويعيش حياته بس في الوقت المناسب وانتي ارجعي وعيشي حياتك وخاليه هو كمان يعيش حياته وبلغي اونكل عاصم ان انا معاه وباخد باله منه وهحطه جوه عيوني
………منه محمد……. 
بعد رجوع عاليا القاهره
في المكتب دخلت عليه لقته سرحان في ملكوته: بابا بتفكر في ايه القهوه بردت
عاصم بصلها: عاليا انا هسافر لكريم
عاليا: بابا ارجوك بلاش
عاصم: ليه؟؟
عاليا بحزن عميق: كريم ابتدي حياته هناك حاليا وهو طلب مني اطمنك عليه انه بخير ومبسوط واكيد هيرجع بنفسه ده اكيد
عاصم :بس انا عايز ارجعه بنفسي ابني لازم يشتغل معايا يابنتي كريم ده امتداد للعايله وامل للشركه 
عاليا بحكمه وعقل: ادي ابنك مساحه يكمل طريقه سيبه يستمتع بحياته يعمل الي بيحبه مش مهم يفشل او ينجح مجرد انه يشوف نفسه امر كفيل يغيره
عاصم: يابنتي الحياه الحقيقيه مش جميله انا عارف انك بتدعميه بس انا محتاجه يبقي جنبي ومعايا ويتابع احلامه بس هنا وانا والله ما ححاول اعيقه ولا ححاول افسد حياته 
عاليا بهدوء: اظن حضرتك عارف سلوك ابنك كل ما هتدور عليه حيتحول لزيبق لما يكون التيار عالي منعومش احنا اتجاهه ع الاقل احنا عارفين هو فينه وفيه الي معاه بيهتم بيه سيبه لما يرجع يكون اسس حياته وهيقدر يفهم اكتر وكل شئ هيبقي سلسل وبسيط انا واثقه في ده اديلو فرصه ممكن
عاصم اتنهد: حاضرححاول
………منه محمد……
بعد شهور من الاحداث
في المطعم
عاليا: انا جيت يامعلم
خالد ابتسم: اهلا وسهلا عامله ايه؟؟!!
عاليا: زي الفل وعملت ده عشانك اتفضل بس يارب اكلي يعجبك
خالد: شكرا يا ستي بس متاكده انك عملتيه عشاني
عاليا رفعت انفها لفوق: لا عملته عشان اكله لوحدي
خالد: عادي هي كل الستات كدا انانيه
عاليا ابتسمت :علي العموم جربها ولو عجبتك ضيفها قايمه جديده
خالد :الشكل جميل واكيد الطعم حيبقي اجمل
وقام حط ايس كريم قدامهم
عاليا: واو ده ليا
خالد شد الكاس ناحيته: لا ليا لوحدي 
عاليا كشرت : رخم ياخالد
خالد ضحك: لا بهزر عملته طبعا عشانك يله دوقي لاني مستني رايك؟؟!!
عاليا قربت الكاس: هكله كله هم (ودقته) ياخرابي لذيذه موت انت تستاهل تبقي رئيسي فعلا وشيف عشره علي عشره موهوب وبجداره
خالد: بتبالغي
عاليا :لا والله المهم مش انا قابلت كريم واتكلمت معاه
خالد مثل انه ميعرفش :بجد واتكلمتي معاه
عاليا :اممم اتكلمنا في امور كتير بس شكلي مش هتصل بيه تاني 
خالد :عايزه نصحتي عيشي الجزء الخاص بيك ولما يأون الاوان هو هيرجع من نفسه
عاليا: انا بحترم قراره لكن بابا تعبان
خالد: علي العموم متفكريش كتير ولما يرجع انا حقوله وافهمه
عاليا: شكرا بجد ياخالد انت انسان ممتاز وصديق جميل للكل
خالد: طيب كلي براحه وبعدين ما ترفعي الطرحه عامله فوضه اوعي اربطهالك لوري
عاليا :يخليك ياخالد وشكرا للطرحه والايس كريم 
كريم: مفيش مشكله اعتبريه استقاله من شغلك
عاليا: ياسلام بتطردني من الجنه ياخويا انا قاعده عشان مشفقه علي حالتك وحبي للمكان
خالد: بس انتي سبتيه وروحتي للمكان الي مش بتحبيه
عاليا: اعمل ايه ياخالد مضطره حتي لو مجبره
خالد :عارف وفاهم ومقدر
عاليا: اقولك الحق انا فعلا مش بحبه لكن واجبي وانت كمان لازم ترجع لشغلك الي اهملته!!!
خالد: بدئت فعلا اكبر المطعم واخليه اكبر مطعم فيكي يا اسكندريه ويبقي له كذا فرع نفسي امي تشوف اني قادر اكمل طريقي
عاليا بتشجيع: انت تقدر علي الرغم انك لسه مبتدء بس طباخ ماهر وممتاز في الاداره
 شوف انا في الاكل حريفه لكن في الاداره خيبه نيله
خالد ابتسم: انتي كل حاجه تقدري عليها لو فكرتي فيها انا عرفتك ياعاليا
عاليا: بتتكلم نفس بابا عاصم بالظبط
خالد: الناس الي هتعرفك كويس حتقول نفس كلامي وبطلي تفكري في كريم كتير وركزي في الايس كريم
عاليا: انت هايل
خالد :مش اوي يعني
عاليا :ده عدم ثقه في نفسك بس انت في نظري حد كويس جدا
خالد :وانتي متفائله زياده عن اللزوم بس لو كان الشخص متفائل يبقي عنده امور بتخاليه مش سعيد ودايما متوتر بس هسمحلك تشرفي في مطعمي وتستخدمي مطبخي كـ مكان تتنفسي فيه عن نفسك
عاليا: لو قلت كدا مش هتعرف ترجع في كلامك انا شَبطه
خالد: تحبي اكتبلك عقد اتفاق
عاليا ضحكت : لا شكرا وبجد اسفه اني سبتك
خالد: ولا يهمك بس انا مش حعمل زيك وهاجي ادعمك في الحفله
عاليا كشرت علي السيره
خالدبذدراء: ليه التعابير الي ظهرت ع وشك
عاليا بتوتر: اصل حيكون فيه صحفين ومراسلين خايفه اتوتر اتلبخ واعك الدنيا ومعرفش اجاوب علي الاسئله كويس
خالد : بطلي تفكري كتير
عاليا :غصب عني لازم افكر
خالد  بصوت هادي:خليكي واثقه خليكي نفسك حتعرفي
عاليا ضحكت بصوت عالي :انا واثقه فيك انت
خالد زقها: مع السلامه وابقي زورينا وكرريها كتير
عاليا: ليه ما انا حشوفك بكره
خالد اكيد جاي
عاليا: سلام
خالد :عبسلام
ومقضينها ضحك وهزار وهما جاهلين العيون الي واقفه تراقبهم وحتموت من شده الغيره والحقد والغل
………….
في مطعم المول
شخص: اتفضلي (قدم المونيوم) ها تحبي تطلبي ايه يا ست هانم
ندي رفعت عيونها وشهقت: انت بتشتغل هنا
حسن ابتسم: مظبوط بس ليه اتغير وشك كدا لو عايزه تستفرغي الحمام علي ايدك الشمال
ندي همست للبنات الي معاها: عيال الواد ده الي كسر موبيلي
بنت ما: شكله بلطجي
بنت تانيه: بالعكس ده شكله غلبان وانتي شفطي مرتبه ياحرام
ندي: بس انا كنت رحيمه معاه ودفعت نص تصليحه 
حسن: يله هتاكلي ايه؟؟!!
ندي شخطت فيه: اصبر حنطلب بس الاول قدملنا خدمه كويسه ده لو عايز بقشيش محترم
حسن: ولا تقلقي انتي حتتبسطي انتي وصحابك من حسن خدمتنا
بنت ما: ياحرام ده شكله غلبان خالص
ندي زعقت فيهم: ما خلاص بقي متكبروش الموضوع
بعد الاكل ندي راحتله عند الكشير: انت اشتغلت كتير اوي اكيد حاسس بالتعب
حسن: ولا تعب ولا حاجه بس لازم اساعد ابويا
ندي: شكلك بار بوالدك معلش بكره تلاقيه وظيفه بشهادتك انا عارفه بهدله المطاعم وقرفه اتفضل بقشيش محترم بس مبتبعزقهوش في الهيافه اشتري بطيخه منه لـ ابوك
حسن كاتم ضحكته: بس دول كتير ابوكي مش حيزعقلك
ندي: والله ابويا لو عرف ان بنته جات اكلت في مكان زي ده ليعملني شورما بس النهارده عيد ميلاد صحبتي  وجايه علي حسابها يله انا ماشيه
حسن: مع السلامه وابقي زورينا تاني لو سمحتي
ندي: ماشي افكر (بيتصرف كأنه مالك المول)
حسن مسك البقشيش وبص فيه: بخيله ومتذمره دايما يا ساتر
…………منه محمد……..
واقف علي قبرها كدبت عليا ياامي بس خلاص انا رجعت وبكل قوتي مش حكون ضعيف واهرب من الالم !حكون قوي وحقكك وحقي حرجعه وكل حاجه حتتغير بقانوني انا ولايمكن حرجع نفس الأول وعاصم وبنت نبيله هيدفعوا التمن وغالي اوي ده وعد 
#فلاش
عاصم بغضب اسود: انت من دلوقت ممنوع من الخروج هتفضل في البيت تذاكر وتستعد لدخول الجامعه
كريم جري علي اشجان: امي
اشجان بعصبيه : انت متدخلش وانا هعاقب ابني بنفسي
عاصم: ليه ماليش ادخل ده ابني انا كمان خاليه يشوف ولاد الناس الغلابه وهو الي واخد فرص احسن منهم بس مبيخلقوش مشاكل زيه ولا بيخلوا اهاليهم يقعوا كل يوم والتاني في مشاكل بالشكل ده
كريم: لان معندهمش اب سئ زيك
عاصم اتعصب وضربه بالقلم
اشجان مسكت فيه بنهيار: انت بأي حق تمد ايدك ع ابني ايه فقدت عقلك
عاصم: فضلتي تقولي ابني ابني لحد ما اتجرء عليا ومبقاش فيه اي احترام
اشجان: ايوه ابني انت عمرك حسيت بيه ولا مهتم بيه انا الي قمت بواجبي في تربيته اسأل نفسك عملت ايه عشانه
كريم بوقاحه: فقد عشقته السابقه
اشجان لفت: كريم انت كنت عارف
كريم: ايوه انا مش اطرش ولا اعمي انا طول الوقت بسمع صوتكم واصل للجو بسبب الموضوع ده قولي لو كنت خلفتني من الست دي ومش من مراتك الحاليه الي انجبرت تتجوزها كنت حبتني اكتر من كدا
عاصم بصريخ: اياك تقلل من حبي ليك اياك
كريم: بجد طيب ليه من صغري عمرك ما روحتلي مدرسه ابدا حتي لو دخلت في مشكله اي ان كان كانت امي هي الي تهتم بأموري حتي الامور الي تتعلق بأي راجل والي من المفروض استشيرك فيها عمرك ما كنت موجود فيها ليه قولي سبب واحد يحسسني انك  بتحبني زي ما بتقول
عاصم: وانا مش هجاوبك
كريم: ليه مش بتقول انك بتحبني بس انت كداب
اشجان انهارت وهجمت علي كريم ضربته بوحشيه:لو ذكرت اسم عشيقته ولا حبيت تقلل من قيمتي وتقول ان ابوك حبها اكتر مني ابوك محبش غيري سااامع ابوك محبش غيري انا بكرهها انا بكرههاااا ومن دلوقت ممنوع تخرج من اوضتك وحل مشكلتك في اي مكان تاني ساااامع سااامع ساااامع وانهارت علي الارض ودخلت علي اثارها المستشفي لحد ما ماتت
……….
يوم الحفله
عاليا وعاصم واقفين يرحبوا بالضيوف  وبيردوا علي الاسئله الي عماله تتهاتف عليهم
مراسلة طرحت سؤال :السيد عاصم ليه مسكت انسه عاليا  منصب المدير التنفيذي للشركة رغم  ابنك الشرعي موجود !! وليه هو مش موجود ويتولي المنصب هل فيه خلافات لانه اضايق وعشان كدا قرر ميجيش الحفله
عاصم اتوتر:لا مفيش اي مشاكل وابني مزعلش زي ما اتقال في الأخبار ابني سافر يكتسب خبرات جديده واول ما حيكون مستعد حيرجع يساعدني في الشغل
مراسل اخر:يا تري لما يرجع اي منصب هيحصل عليه 
كريم:السؤال ده اسمحولي اجاوبكم انا بنفسي عليه
الكل اندهش وعاليا عرفت من ملامحه ان هتقوم عاصفه قويه تاخد معاها الأخضر واليابس
يتبع..
لقراءة الفصل التاسع : اضغط هنا
لقراءة جميع فصول الرواية : اضغط هنا

اترك رد