Uncategorized

رواية فريق فستق الفصل الثامن 8 بقلم ملك الصباغ

 رواية فريق فستق الفصل الثامن 8 بقلم ملك الصباغ

رواية فريق فستق الفصل الثامن 8 بقلم ملك الصباغ

رواية فريق فستق الفصل الثامن 8 بقلم ملك الصباغ

دلف الاثنان إلي الشقه وهما يتسللان علي اطراف اصابعهما ليتفاجأ الاثنان بأركان يجلس علي الاريكه ويعطيهما ظهره 
كارما بهمس: انا رايح فين أنا راجع تاني.
أركان ببرود مرعب:ادخلوا واقفلوا الباب وراكم.
ميرڤت: يلهووي ده عرف اننا وراه ازاي 
كارما بهمس:مخاوي أكيد
أركان:هتفضلوا واقفين كتير ادخلي يالا يا ميرڤت انتي وكارما
كارما وهي تحاول تغير صوتها:لا ياباشا انا مش كارما انا كارم اخوها التوأم وكنت جاي بدلها عشان…..
أركان:مش هتكلم ادخلي وبلاش كلام كتير اما رده فعلي مش هتعجبك.
كارما:كان باين اني بحور.
ميرڤت:باين ده كان باين اوي اوي اوي.
اغلقت كارما وميرفت الباب ليذهبوا ويقفوا امام أركان وهم مطأطين الرأس  وهو يضع قدم فوق الاخري ومعتز يقف ينظر لهم بحزن علي العقاب الذي سيأخذنه من أركان.
أركان:كل واحده تقعد علي كنبه وتحكي بالتفصيل خرجتم امته وفين وازاي وليه.
ليجلس الاثنان علي الاريكه المقابله للأريكه التي يجلس عليها
ميرڤت بخوف:والله ياسياده الرائد هي اللي قالتلي اروح معاها وانا قلتلها عيب سياده الرائد هيزعق قالتلي لا تعالي بس انا مظلومه والله.
كارما:ايه الاصاله دي يا بت اصيله.
ميرڤت بفخر مصطنع:عيب عليكي.
معتز بهمس لنفسه:يعني غلطانين وواقفين تهزوا ده انتم يومكم اسود.
وقف أركان أمام الاثنان قائلا:  غلطانين و بتهزروا بقي كده.
كارما بهمس:استرها يا رب انا لسه صغيره وفي عز شبابي.
ميرڤت:اسكتي متتكلميش تاني.
أركان ببرود:شايفين الحيطه دي عايزكم زي الشاطرين كده تروح تقفوت وتدوني ضهركم.
قالها وهو يشير إلي الحائط الذي يوجد خلف الاريكه 
كارما:بس…….
أركان بحده:يالااااااااااااااا.
لتنتفض الاثنان ويقفا امام الحائط ويعطيا أركان ظهرهما.
أركان ببرود:ارفعوا رجل واحده وايديكوا الاتنين ترفعوها
ليهبط بجواره اذنهم قائلا:وهتحكوا ايه اللي حصل وانتم واقفين كده
ليكمل قائلا:ولو نزلتم مع كل مره هتنزلوها هزودلكم الضغط اللي لسه هتعملوه
كارما:مش فاهمه يعني هنقف الوقفه المهببه دي وبعدين نعمل ضغط وياتري لينا كام ضغط بقي.
أركان ببرود وهو يجلس علي الاريكه:ليكم ٢٠ ضغط لكل واحده ولو نزلتي رجلك مره واحده هيزيدوا ٥ مع كل مره هتنزلوا رجليكم فيها.
رفعت كارما قدم واحده  ويديها الاثنين وفعلت ميرڤت مثلها هي الاخري.
كارما بهمس:لما اسمه ظل المخابرات ومتأنتك كده ومتكبر كان عمل ايه لو كان اسمه نور المخابرات
ميرڤت:بس الله يحرقك بتهزري في المصايب
أركان ببرود:احكوا بقي نبدأ بالحلوه كارما اللي مش بتسمع الكلام.
كارما وهي تدعي البراءه:انا برده ده اتا غلبانه.
أركان:اخلصي.
كارما:اللي حصل ان……
                         ????Flash back ????        
كارما:يا بنتي البسي بسرعه يالا قبل ما أركان يجي.
ميرڤت:مش فاهمه انتي عايزه تروحي فين وليه
أخذت كارما هاتفها ووقفت أمام ميرڤت وهي تضع يدها في خصرها
كارما: بصي انتي هتيجي معايا وهتعرفي كل حاجه لما نروح.
لتكمل بتفكير:انتي قولتلي ان الدكتوره اللي عالجتني اسمها حنان وساكنه في الشقه اللي قصدها.
لتشهق ميرڤت بفزع ثم أردفت قائله:اوعي اكون اللي بفكر فيه صح.
 ذهبت كارما لتعدل حجابها امام المرأه وهي تقول:ايوه يا مربه اللي بتفكري فيه صح.
انتهت من تهديل حجابها لتسحب يد ميرڤت وهي تقول:نصايه وهنيجي هيكون لسه الرائد مجاش.
ميرڤت:امري لله
ذهبت كارما وطرقت علي باب الشقه التي تقع امام شقتهم لتفتح لهم سيده تبدوا في الخمسين من عمرها.
ريتاج ببسمه بشوشه:نعم يا ٱنسه كنتي عايزة حاجة.
كارما بفضول:هي دي شقه دكتوره حنان
ريتاج والده حنان:انتي من ناحيه حنان طب ادخلي  يا بنتي.
كارما وهي تسحب ميرفت:شكرا ليكي يا طنط.
ميرڤت بهمس:يا بنتي اهدي يعني كان المفروض تقوليلها لا او حاجه زي كده يعني تقعد تعزم عليكي.
كارما:هقولها كده وهندخل في الاخر يعني مش فارقه كتر كلام.
ميرڤت بخوف:ايه ده دي كلها عيله.
كارما بضحك:تعالي نتعرف عليهم.
ليتكمل كارما بصوت عالي:لو سمحتم هي دكتوره حنان مين فيكم.
التفت لها جميع من في الصاله لتقوم فتاه محجبه يبدوا انها في الثلاثين
حنان بابتسامة بشوشه:انا يا قمر.
كارما:انا كنت جايه اشكر حضرتك لانك كشفتي عليا وكده 
حنان:ولا يهمك يا عسل تعالي اقعدي شويه واعرفك علي العيله.
كارما بابتسامه:طبعا يشرفني.
اشارت حنان إلي شاب يبدوا أكبر منها بقليل.
حنان:ده جوزي بقي ودي مي ومريم توأم بناتي.
ذهبت كارما باتجاه الفتيات لتقرص احداهم من وجنتيها:ايه ده قمر ماشاءالله انتي مريم.
مي:لا انا مي وهي مريم.
اشارت إلي فتاه تقف بجوارها لها نفس الشكل والعمر.
كارما وهي تحك عينيها:بسم الله الرحمن الرحيم هي شبهك كده ليه.
حنان بضحكه:اصلهم توأم متماثل.
كارما:طبعا بقي انتم الاتنين بتحسوا ببعض ولما وحده فيكم هتبقي دكتوره التانيه هتبقي دكتوره.
مريم:لا انا هبقي رقااااااصه.
حنان بتحذير:مريم عيب.
كارما بهمس في اذن مريم:برافوا عليكي.
حنان:ودي اختي مرام وده خطيبها مروان هي في ٣ ثانوي 
وده اخويا سالم واللي جمبه اخويا التاني مهند واللي جمبهم ده مالك زوج رقيه اختي اللي قاعده جمبه
وده الحاج يحيى يبقي بابا
كارما بهمس لحنان:مين الست العقربه اللي قعده جمب مرام دي.
حنان بضحك:دي حماتها.
كارما:باين عليها عقربه.
كارما:بجد اتشرفت بمقابله عيله حضرتك علي فكره انا كنت اعرف مرام قبل كده.
هنا ارتجف جسد مرام خوفا من ان تقول كارما ان رضا  حاول التحرش بها لتلاحظ كارما ذلك.
حنان باستغراب:ازاي.
كارما بهدوء:قابلتها وانا طالعه العماره مره يالا بقي هروح.عشان…..
ريتاج وهي تسحبها من يدها:هتقعدي معنا تتعشي ورحمه سيدي النبي مانتي راحه الا ما تتعشي وتعرفينا علي نفسك انتي والقموره اللي ساكته من اول كا دخلت.
كارما:مش هينفع ياطنط.
ريتاج:كلامي مسموع انتي جارتنا ولازم تاكلي ويبقي بينا عيش وملح
كارما  : يالا ماشي فكره حلوه 
ترأس يحيي المائده وبجواره علي جهه اليمين سالم وبجواره  علي الجهه الاخري مهند 
ومالك يجلس بجوار زوجته رقيه 
وحنان بجوار زوجها وابنتيها
وريتاج بجوار كارما وميرفت  تجلس بجوار كارما. 
ومروان بجوار مرام وامه بجواره من الناحيه الاخري
*مش عارفه لقوا كراسي لدول كلك ازاي*
بدأت ريتاج في تقديم الطعام وتبادلوا الحديث في جو من المرح ولاحظت كارما نظران سالم لميرڤت لتبتسم بخبث. 
كارما: هنروح بقي يا جماعه  عشان…. 
حنان بتسأل: صحيح مين الشباب اللي كانوا عندكم دول. 
كارما  بتوتر: دول دول…. 
ميرڤت بغباء: دول قرايبنا
كارما بهمس: ابو غبائك. 
كارما: هنروح يجماعه بقي نتقابل في مره تانيه
سالم: احم احم ٱنسه كارما دقيقه عايزك. 
كارما بخبث: دقيقه واحده يا ميرڤت هشوف البش مهندس. 
سالم: بصي الصراحه من غير لف ودوران انا معجب بميرڤت. 
كارما: والمطلوب مني. 
سالم: رقمها بس والله. 
كارما: طب لو ضايقتها باتصالاتك. 
سالم: انا شاب محترم علي فكره  انا هحاول اقرب منها وافهم تفكيرها وبس عشان يعني لما اجي اتقدم وكده. 
كارما: تمام سجل رقمها ٠١٠******
سالم: شكرا. 
 همست ميرڤت في اذن كارما بفزع:كارما معتز بيقول سياده الرائد علي وصول
كارما… طب يالا بسرعه. 
ليغادروا الاثنين. 
                       back ????        
ميرڤت: بقي كده  يا كارما بتديي رقمي ليه من غير معرفتي. 
كارما بتعب: بطلي كلام انا كنت بحكي كده وانا واقفه علي نص رجلي حرام. 
أركان  ببرود: بقي كده  
ليكمل وهو يقف: انزلوا ٣٠ ضغط عشان نزلتم رجليكم وايديكم اكتر من مره 
كان معتز يقف ويستمع إلي كارما  وهي تروي مايحدث وأحس ان البراكين تغلي بداخله عند ذكر ان سالم معجب بميرڤت  . 
ميرڤت لمعتز: بقي كده  يا معتظ تبعنا تبا لك يا اخي. 
معتز: احسن عشان….. 
أركان ببرود: هو كمان هيتعاقب معاكم عشان فضل نايم وممنعش انكم تخرجوا. 
معتز..: ليه كده حرام. 
أركان: معاهم بس انت بقي ٥٠ ضغط
في الصباح…
…كارما وهي تربط قدميها بألم وتدلك يديها الاثنين
كانت ميرڤت تفعل مثلها هي الاخري. 
كارما: حسبي الله ونعم الوكيل فيه بعد ده كله خلانا نصحي ونعمل تمارين بتاعت الصبح بعد ما فطرنا.
ميرڤت بألم: بس مش عايزة  اسمع صوتك بقي كده  تبعيني ده انا لسه محسبتكيش عشان اديتي رقمي لسالم. 
كارما: يا ستي الراجل بيقولي معجب اقوله لا. 
لتكمل بجدية: بصي يا ميرڤت انا اعتبرتك اختي وهصدق معاكي انا مش بفهم في امور الحب والحاجات دي لكن ادي لسالم فرصه. 
اثناء حديثها طرق الباب لترتدي كارما خمارها وتخرج لتجد معتز 
معتز: كارما محتاج منك خدمه تعالي اقعدي.
لتجلس كارما علي أريكة ويجلس معتز مقابلها علي أريكه اخري.
كارما برفعه حاجب: بأماره ما فتنت علينا امبارح. 
معتز: غصب عني والله وبعدين خلي قلبك ابيض. 
كارما: خير عايز ايه 
معتز بهمس: بصي عايز لو الواد اللي اسمه سالم ده حاول يقرب من ميرڤت تبقي زي الشوكه في الزور وتمنعيه. 
كارما: ليه يعني الواد ابن ناس وعايز يتجوزها. 
معتز بعصبيه: لا مش هيتجوزها ميرڤت ليا وبس فاهمه. 
كارما: ايه ده انت بتحبها اومال مش ملاحظه عليك ليه. 
جلس معتز علي الاريكه ووضع رأسه بين يديه
معتز: انا من النوع اللي مش بيعرف يعبر عن مشاعره عشان كده مكنتش عارف اني بحبها لكن لما عرفت ان سالم عايز يقرب منها عشان يتجوزها الصراحه انا الباركين غليت جوايا. 
كارما: موافقه اساعدك بس بشرط. 
معتز: هو ايه. 
كارما: عايزه منك ١٠٠جنيه وشكولاته بابلي. 
معتز: بس كده  ياستي. 
كارما: كده تمام اخبار الواد سليم هتبقي عندك اول بأول. 
معتز: شكرا  شكرا مش عارف اشكرك ازاي. 
كارما: تجيب اللي قلتلك عليه تبقي شكرتيني. 
معتز بهمس: ماديه اوي ابو شكلك. 
كارما: سمعتك
معتز: بقول فيكي كل خير 
… 
غادر معتز
كادت كارما أن تدخل غرفتها حتي سمعت صوته الذي باتت تعرفه عن ظهر قلب
أركان: كارما تعالي اقعدي عايزك. 
كارما بفزع: انت جيت ازاي. 
أركان ببرود: اظن اني ضابط مخابرات ادخل واخرج زي مانا عايز 
كارما وهي تجلس بجواره.: خير يارب انت كمان. 
أركان وهو بضع قدم فوق الاخري: كنتي عايزة تعرفي ايه المهمه اللي هتدخلي فيها واللي بسببها دخلتي حياتنا. 
كارما بفرحه: طبعا. 
أركان ببرود: يبقي تسمعي. 
كارما: كلي اذان صايغه
أركان: اعوذ بالله بطلت العالم في اللغه العربيه الفصحي. 
ليكمل بجدية: اللي هيحصل كلٱتي……… 
يتبع…..
لقراءة الفصل التاسع : اضغط هنا
لقراءة باقي فصول الرواية : اضغط هنا

اترك رد