Uncategorized
رواية حب بنت الشوارع (حياة الصقر) الفصل العاشر 10 بقلم ملك اسامة
رواية حب بنت الشوارع (حياة الصقر) الفصل العاشر 10 بقلم ملك اسامة
 |
| رواية حب بنت الشوارع (حياة الصقر) الفصل العاشر 10 بقلم ملك اسامة |
رواية حب بنت الشوارع (حياة الصقر) الفصل العاشر 10 بقلم ملك اسامة
حياه بدموع: مش أهلي
صقر غمض عينه بوجع و من غير كلام قرب منها و حضنها حياه كانت بتعيط بوجع هي أتعلقت بالعيلة دي و كانت بتتمني تكون منها»
صقر: هشش أهدي خلاص مش هما أهلك أكيد أهلك موجودين
حياه بصتله و هي بتمسح دموعها بكف إيدها: بس أنتوا طيبين
صقر ضحك: هو إحنا بس اللي طيبين يا حياه لا طبعآ
حياه ضحكت و أتنهدت بتمني إنها تلاقي أهلها فعلآ و بصتله.»
حياه: هنقول لماما ازاي!!
صقر: هي خليتك تقوللها ماما كمان!!
حياه بحب: والله حتي لو مش أمي فكفايه اللي عملته معايا دا يخليها أمي فعلآ ♡
صقر: ياسيدي ياسيدي عمتآ متقلقيش أنا هكلمها و هي هتتفهم مع إن مش سهل إن الأمل اللي كان عندها إنك تكوني بنتها يروح كدا بس هحاول
حياه: كنت أتمني والله
صقر بصلها و هو جواه أخد عهد علي نفسه أنه يعرف أهلها.»
*في البيت *
حياه و صقر وصلوا و نزلوا والدة وليد فتحت ليهم و هي بتبصلهم بقلق و مع نظرات حياه فهمت النتيجة فقربت من حياه و حضنتها.»
والدة وليد: حتي لو مش بنتي أنا أعتبرتك بنتي تقبلي تكوني بنتي..!؟
حياه بدموع: عارفه حتي أمي مش هتكون بحنيتك. ♡
والدة وليد حضنتها جامد و قضوا اليوم كله مع بعض عشان تاني يوم مسافرين.»
*في ڤيلا عمار الدسوقي *
سهيلة مرات أبوه: يعني إيه هتوجعه في البت اللي معاه وأنت عرفت منين أنه بيحبها..!؟
عمار: أنتي ناسيه إني كنت صاحبه ولا إيه!!
سهيلة: كنت بقي يا عمار
عمار بص لأبوه المشلول و أتنهد بقسي و طلع أوضته.»
*تاني يوم*
وليد بيودع العيله هو و مها و هيبدأوا رحلتهم لشهر العسل.»
صقر: خد بالك من مراتك هاا
وليد بضحك: ي بني أنت لو أخوها مش هتوصيني كدا خلااص كفايه
صقر ضحك و حضنه و سلم علي الكل و أخد مراته و مشي.»
بعد وقت عيلة صقر أستعدوا للسفر هما كمان و حياه بتسلم علي والدة وليد اللي مش عايزة تسيبها.»
صقر بهزار: ما خلااص يا عمتوو في أيه
والدة وليد بصتله بحده و متحركتش.»
صقر: والله ما ينفع كداا حيااه أنا هسيبك هنا يلا يا أمي يلا يا بابا يلا
والدة وليد: ياريت تسيبها والله
صقر ضحك و حياه بعدت بالعافيه عن حضن والدة وليد و ركبت معاهم و مشيوا.»
*مر اليوم كله في السفر دون أي أحداث تذكر *
*تاني يوم *
حياه صحيت متأخر و نزلت فطرت مع ناهد و قعدوا يتكلموا كتير و طلعت بعد وقت تتمشي في الجنينه و لاقت الكلب بيجري عليها في الأول خافت بس هو كان مطيع و مقربش منها و قعد يلعب معاها و نوعآ ما أطمنت و قعدت تلعب معاه.»
صقر من وراها: الكلاب دول أوفياء جدآ
حياه و هي بتبص علي الكلب: دايما بسمع الكلمه دي و بيقارنوا الكلب و الإنسان بس عارف مقارنتهم غلط الكلب مش بيتعرض لنفس اللي بيتعرضله الإنسان و لا بيشوف الأزمات اللي بتمر علي الإنسان ولا بيتعب زي الإنسان فہ مفيش مقارنة أصلا.
صقر بصلها و مد إيده يقومها بس هي سحبته يقعد جمبها و قعد جمبها و فضلوا يتكلموا كل دا تحت أنظار ناهد اللي بتتفرج من الشباك و مبتسمة عليهم و من جواها متأكده أنهم هيعيشوا قصه حب إلي ما لا نهاية. ♡
*باليل*
حياه صحيت علي همس من البلكونه اللي جمبها أبتسمت و قامت تشوف صقر عايز إيه.»
حياه:نعم!!
صقر:يلا ألبسي هنخرج
حياه بصتله و رجعت تبص للساعه اللي جوا الأوضة:دلوقتي!!
صقر:أيوة يلا يلا بسرعهه
حياه هزت رأسها بأستغراب و دخلت تلبس و هي بتضحك،خلصت لبس و نزلت كان صقر مستنيها و واقف مع الحراس أخدها من غير عربيه و مشي.»
حياه:أفهم بس إحنا رايحين فين
صقر:بت أنتي أهدي هاا أهدي
حياه:مش أفهم يعني!!
صقر:هتفهمي لما نوصل
أتمشوا لحد ما وصلوا قدام كافيه أخدها و دخلوا كان الكافيه مليان ورد أحمر و محجوز ليهم هما بس و كان معاهم بنتين بيقدملهم كل اللي عايزينه.»
حياه:دا بجد يعني طب قولي ألبس فستان ولا حاجه.
صقر:لا أول مره قابلتك بكاب و المرادي برضو عايز أقولك حاجه مهمه وأنتي لابسه كاب و علي فكره لو كنتي ملبستهوش كنت هجبلك واحد تلبسيه.
حياه ضحكت و هو ميل علي ركبته و فتح علبة باللون الأحمر فيها خاتم ألماظ رقيق.♡
صقر بضحك:عارف أنا أنتوا البنات بتحبوا الحاجات دي
حياه ضحكت و قومته بإيدها:بالعكس أنا بحب تقولهالي كدا عيني في عينك.
صقر أخد نفس طويل:طيب أنا بحبك
حياه بصتله بطرف عينها:و أنا كمان
صقر:بجد!!
حياه بضحكه:لا بهزار بس يعني أنا يعني
صقر فهمها:حياه أنتي مش بنت شوارع أنتي واحده أنجبرت تعيش كدا وأنا بحبك أكيد مش هحاسبك علي حاجه ملكيش يد فيها
حياه أبتسمت و أطمنت أنه قالها كدا و قضوا الليل كله حب و هزار في الكافيه و بعد وقت خرجوا و فضلوا يتمشوا لحد الصبح و في الآخر روحوا و كل واحد منهم فرحان و مبسوط أنه أعترف للتاني بحبه.♡
*تاني يوم*
حياه صحيت متأخر بس المرادي مفطرتش لبست علطول و نزلت قعدت مع ناهد شوية و قالتلها إنها هتروح الشركة و ناهد بعتت معاها السواق و وصلت قدام الشركة نزلت بأبتسامة و وصلت قدام مكتب صقر و كان السكرتير الإحتياطي مكان مها موجود.»
السكرتير:انسه حياه داخله فين!!
حياه:أكيد عند صقر هدخل فين يعني!!
السكرتير:بس هو عنده ناس
حياه:معلش أنا هدخل ممكن!!
السكرتير:بس
حياه قطعت كلامه و فتحت الباب و هنا أتسمرت مكانها و هي شايفة أميرة في حضن صقر..