Uncategorized
رواية حب بنت الشوارع (حياة الصقر) الفصل الحادي عشر 11 بقلم ملك اسامة
رواية حب بنت الشوارع (حياة الصقر) الفصل الحادي عشر 11 بقلم ملك اسامة
 |
| رواية حب بنت الشوارع (حياة الصقر) الفصل الحادي عشر 11 بقلم ملك اسامة |
رواية حب بنت الشوارع (حياة الصقر) الفصل الحادي عشر 11 بقلم ملك اسامة
حياه بصتلهم بصدمه و صقر زق أميرة بعيد عنه و قرب من حياه لكن حياه رجعت لورا و هي بتهز رأسها.»
صقر: حياه هفهمك أهدي و هفهمك والله مكنتش حاضنها والله
حياه بصتله بتوهان و نزلت و هو بص لأميرة بقرف و نزل وراها.»
صقر بيجري ورا حياه في الشركة: حياه هفهمك متجريش كدا يا حياه
حياه بتجري عشان تخرج: هتفهمني هتفهمني إيه!! هتشرحلي حضنتها إزاي!!
صقر شدها من إيدها و دخلها مكتب وليد بما أنه فاضي و قفل عليهم.»
حياه: صقر أفتح الزفت عشان أمشي
صقر ببرود: ولو مفتحتهوش!!
حياه: هصوت و ألم عليك الموظفين و هقولهم إنك بتتحرش بياا
صقر ببرود: صوتي
حياه بصتله بأنزعاج و مسكت الطفايه و حدفتها عليه.»
صقر و هو بيمسكها: أحدفي أنشاءالله تحدفي آيه مش هفتح برضو
حياه: اعاااا باارد
صقر قرب منها: بس بحبك
حياه: آه بأمارة حضنك للسلعوهه دي
صقر ضحك: طب ما تحضنيني أنتي ياستي
حياه بتريقه: لا مليش في قلة الأدب لو عاوز قلة أدب روح للسلعوهه
صقر قرب منها تاني: وأنا هروح للسلعوهه ليه!! وأنا معايا ملبن
حياه: صقر لم نفسك و أفتح الباب
صقر: تؤتؤ
حياه: أنت خااين يا خااين
صقر: بس بحبك
حياه: صقر بطل بروووود
صقر ضحك: طيب حاضر عايزة تفهمي ولا أسيبك واخده فكره إني خاين و حقير و قبيح و كل دا
حياه بصتله بغيط و هو أتكلم بجديه: مش أنا اللي حضنتها دا اولآ ثانيا هي دخلتلي معيطه و مش عارف إيه عشان عرفت إن والدها أتجوز علي والدتها و لسه هقوم و أتكلم معاها لاقيتها أترمت في حضني في نفس اللحظه اللي أنتي دخلتي فيها فهمتي!!
حياه هزت رأسها بنعم و بصتله بحده: بس برضوو مكانش ينفع تحضنك
صقر: ياااالهوي هو انا مش لسه مفهمك يا غبيههه أنتي ولا هو نكد البنات دا ولا إيه!!
حياه: آه نكد و عشان منكدش هتطلع معايا زي الشطور و نروح نأكل
صقر بضحك: أوامر مولااتي أتفضلي
حياه ضحكت وهو كمان و قرب من الباب فتحه و طلعت و هو وراها قابلوا أميرة و هما خارجين و حياه قربت من صقر مسكت إيده و بصتلها بتحدي و مشيوا من قدامها صقر ضحك عليها و في نفس الوقت فرحان بغيرتها دي و أخدها و راحوا يأكلوا.»
روحوا البيت و هما مبسوطين و حياه بتضحك من النكت اللي صقر بيقولها.»
حياه:لاا دي رخمهه و أوي كمااان
صقر بضحك:لا علي فكره حلوهه
حياه:نينينينيني
دخلوا البيت و كان ساكت و دا خلاهم يستغربوا دخلوا أوضة السفرة و كانت ناهد قاعده مع عاصم بيأكلوا في صمت و أول ما الإتنين دخلوا عاصم بص لحياه جامد أوي و قام.»
صقر:ماله بابا يا نونا؟؟
ناهد:لا مفيش أنا هقوم اجيب ميه
ناهد قامت و صقر بص علي السفره و كان عليها ميه بص لحياه و الإتنين مستغربين.»
صقر:هروح أشوفهم مالهم
حياه هزت رأسها بتفهم و طلعت اوضتها و هو دخل أوضة المكتب.»
صقر:في إيه يا بابا!!
عاصم بصله قوي و أتنهد:مفيش
صقر:هو أنا مش عارفك يا بابا!!في إيه!!
عاصم:أنت عرفت أهل حياه!!
صقر:لا هعرفهم منين أنا كلفتك أنت تعرفهم من الست دي
عاصم هز رأسه و بصله تاني:مش عايز تعرف!!
صقر:أكيد عايز أعرف
عاصم خد نفس طويل و بصله:حياه تبقي أخت عمار الدسوقي.
صقر بصله بصدمه آخر حاجه كان متوقعها إن حياه تبقي أخت عدوه اللي كان صاحبه.»
صقر:بابا أنت متأكد من اللي بتقوله دا؟؟
عاصم:للأسف و الست دي اللي قالتلي و علي فكره الست تبقي أمها عشان كدا عارفة و عمار يبقي أبنها برضو.»
صقر بصله بتوهان و طلع علي أوضته مش عارف يعمل إيه!!حياه خبطت علي الباب بس هو في عالم تاني خالص حياه فتحت الباب و دخلت و شافته في حالته دي اللي أستغربتها.»
حياه:صقر مالك!!
صقر بصلها بتوهان:أنتي عرفتي أهلك!!
حياه بحماس:لا أنت عرفت!!
صقر:آه للأسف
حياه:للأسف!!
صقر هز رأسه: ابوكي يحيي الدسوقي و أخوكي عمار الدسوقي أبنه من أكبر أعداء ليا في السوق
حياه بصتله بأستغراب:أعداء؟؟
صقر هز رأسه بنعم و بصلها:و دلوقتي هتعملي إيه!!
حياه بصتله قوي:هعمل إيه في إيه!!دول أهلي يا صقر وأنا من زمان عايزة أشوفهم
صقر:يعني هتشوفيهم!!
حياه:أكيد هشوفهم
صقر:هتسبيني!!
حياه هزت رأسها برفض:لا بس هشوفهم هعرفهم إني بنتهم
صقر:أخوكي وقتها مش هيقبل بحبنا
حياه:مالهوش حق مالهوش أي حق
صقر:أخوكي فاكر إن أنا السبب في تعب أبوكوا
حياه بثقه:وأنت أكيد معملتش كدا
صقر:بس هو ميعرفش دا
حياه:المهم ان أنا عارفه
صقر بصلها بتوهان هو مش عايز يخسرها و في نفس الوقت هي من حقها تشوف أهلها و تعيش معاهم.»
*تاني يوم*
حياه صحيت و لبست و نزلت سلمت علي ناهد و قالتلها هي رايحه فين و المشوار قلق ناهد لكن مقدرتش تتكلم حياه طلعت و رفضت السواق ييجي معاها و ركبت تاكسي و وصلت قدام المكان اللي عيزاه حاسبت التاكسي و نزلت أخدت نفس طويل و دخلت و..