رواية بحر الزين الفصل الرابع والعشرون 24 بقلم أمنية الجزار
رواية بحر الزين الفصل الرابع والعشرون 24 بقلم أمنية الجزار
 |
| رواية بحر الزين الفصل الرابع والعشرون 24 بقلم أمنية الجزار |
رواية بحر الزين الفصل الرابع والعشرون 24 بقلم أمنية الجزار
عدي اسبوع فاضل اسبوعين بس علي كتب كتاب عمر ورحمه وجاسر وريم
ووالد زين في تحسن بس هو لسه حزين ملامحه بهتت
بحر وحشته
عند بحر
علي السطح قاعد عمر وبحر وسمر وريم
عمر
ها ي سمر عدي اسبوع من ساعه وليد ما كان هنا فكرتي
سمر
نعم انا صليت استخاره وبلغت جدي وبابا اني موافقة الصبح انت متعرفش
عمر
قلتي لجدك وابوكي والله معرف
ريم بضحك
معلش اصل انت بتفكر في رحمه بقي كلها اسبوعين وتبقي مراتك سمر ضحكت
عمر بغيظ
ي سلام طب مانتي وهي هينكتب كتابكوا معايا ي اختي انتي وهيا
ريم
تصدق معاك حق هو انا لو رجعت في كلامي جاسر يزعل
سمر
اه ي عمر ووليد اصل بفكر ارفضه
عمر بصلهم بصدمه
انتوا بتتكلموا جد
ريم بتأكيد
اه احنا عيال وبنرجع في كلامنا
كل ده وبحر ساكته عمر لسه هيرد عليها بس بص
لبحر بحزن
بحر مالك
بحر بصتله وسكتت
ريم بحزن
هي كده من ساعه ما زين مشي سرحانه ومش بتتكلم حتي في الشغل ي عمر
سمر
عمر متعرفش هو هيرجع ولا ايه مش انتوا صحاب
عمر اتنهد
اه صحاب والمفروض أنه هيجي في كتب الكتاب
يعني اخر الشهر
هنا بحر انتبهت للكلام
بجد ي عمر يعني هيجي وهشوفه
عمر بإيماء
اه ي بحر هيجي
قطع كلامهم فون عمر
عمر ده وليد
وليد بفرحه واضحه في صوته
عمر اختك وافقت بجد ي عمر
عمر ضحك
اه تخيل
وليد
وهيصه هتجوز كمان اسبوعين
عمر
ي بني اعقل طب اقولك علي حاجه
وليد
قول الي انت عايزه
عمر
امم طب جاسر معاك
وليد انا عندهم اصلا
عمر بخبث طب افتح الاسبيكر كده
وليد فتح الاسبيكر وهو مستغرب
اتكلم ي عمر
عمر فتح الاسبيكر للبنات علشان يسمعوا
عمر
طبعا كلنا هنتجوز اخر الشهر يعني كمان اسبوعين
وليد وجاسر
اه
بحر ابتسمت لأنها فهمت هو هيقول ايه
عمر
طب ي شباب البنات رجعوا في كلامهم وبيقولوا مش
موافقين
سمر وريم انصدموا منوا وبحر ابتسمت
وليد بصوت عالي
نعم مين الي مش موافقه ده انا لسه واصلني موافقتها من ساعه واحده
جاسر بصوت عالي بردوا
مين الي مش موافقه ماليش فيه انا هكتب الكتاب اخر الشهر وابقي اشوف هترفض ازاي
وليد
وانا دانا صابرمن زمان وترفض هنهزر
عمر ضحك بصوت عالي
جاسر
بتضحك منك لله ي عمر انت واخبارك
ريم اتلكمت
ي جاسر بيهزر معاك
جاسر
انت فاتح الاسبيكر حلو مش موافقه ي ريم
بردوا هتحوزك هه
ريم بتكتم ضحكتها
ي جاسر دي كلمه واتقالت بنهزر
جاسر.
لأ ي حبيبتي هزري في كله الا ده
وليد
واختك كانت بتهزر الي لسه عارف بموافقتها من ساعه بعد ما استنيت ردها اسبوع
سمر ردت
وايه يعني اسبوع ي وليد وبعدين احنا كنا بنهزر الله
وليد
ي حبيبتي انا مستني من زمان وانتي تيجي تقولي مش موافقه طب ده هزار بذمتك
سمر ضحكت
بص هو مش هزار اوي يعني
وليد
نعم ي اختي ماليش فيه هتجوزك اخر الشهر وابقي اسمع انك رافضه دي
كل ده تحت ضحك عمر عليهم وبحر مبتسمه
اخيرا اتكلمت
بحر بضعف
جاسر وليد
كلهم سكتوا ووليد رد
نعم ده بحر
بحر
انا ممكن اسألكوا علي حاجه
كلهم عرفوا أنها هتسأل علي زين
جاسر
اسألي ي بحر
بحر بحزن
هو صحيح زين هيجي يحضر كتب الكتاب اخر الشهر
جاسر
اكيد هيجي ي بحر وكمان هنكلموا دلوقتي نأكد عليه ونقولوا أن وليد هيكتب كتابه معانا
فون جاسر رن
جاسر
اهو بيرن اهو
بحر بسرعه
جاسر الله يخليك رد عليه افتح الاسبيكر اسمع صوته
جاسر متردد وهي حست بده
طب وحياه ريم عندك ي جاسر
جاسر
حاضر ي بحر بس محدش يتكلم
ريم فرحت أنه وافق لما بحر حلفته بيها وهو رد والكل سكت
جاسر
زينو وحشتني عامل ايه
زين وصوته باين الحزن فيه
وانت اكتر ي جاسر الحمدلله كويس
وليد بفرح
زينو افرحلي هتجوز مع جاسر وعمر
زين بفرحه لوليد
الف مبروك ي صاحبي
وليد
عقبالك ي زين
زين بحزن
مش باين كده ي وليد
جاسر مغير الموضوع
عمي وطنط عاملين ايه
زين
الحمد لله بقي كويس وماما كويسه
جاسر بتأكيد
زين هتيجي اخر الشهر مش كده
زين بهدوء
أن شاء الله ي جاسر
وليد
هنستناك ي زين
زين
أن شاء الله سلام
اول ماقفل بحر عيطت وشهقاتها عليت
وليد
بحر اهدي هو هيجي اهو
عمر
بحر خلاص اول ما يجي اتكلمي معاه
بحر ودموعها نزله
صوته باين الحزن فيه ي عمر باين انه تعبان وانا
السبب والله كنت هقوله اني بحبه بس كان خلاص
سافر
جاسر بتهدئة
طب خلاص بقي اول ماتشوفيه قوليله
اتكلموا شويه وبعدين قفلوا مع وليد وجاسر ونزلوا يناموا
عند زين
قاعد في البلكونه باصص للسما وسرحان والدته قعدت قدامه
مالك ي حبيبي
زين انتبه لها
مافيش ي ست الكل
والدته
هتخبي عليا بردوا مالك من يوم ماجيت وانت سرحان وحزين كده ايه بتفكر في بحر
زين اتنهد
اه ي أمي هو انا شاغل بالي غيرها تعرفي
وحشتني اوي نفسي اشوفها لو من بعيد حتي
والدته
طب ما ترجع
زين بنفي
لا مش دلوقتي علشان بابا وكمان كلنا هنمشي قبل اخر
الشهر بيوم علشان كتب الكتاب بتاع جاسر وكمان وليد معاه
والدته بفرحه ليهم
بجد ربنا يتمم لهم علي خير طب جاسر وانت قولت أنه هياخد اخت بحر ريم تقريبا ووليد بقي
زين ضحك
وليد هياخد أختهم التلته سمر
والدته ضحكت
يلا اخوات هيتجوزا اخوات مش كنت عايزين كده من وانتوا صغيرين
زين ابتسم
اه واهو اخدوهم اخوات
والدته
وانت كمان هتاخد الي قلبك اخترها وبكره نشوف
زين
ي رب ي أمي يرب
الليل عدي عليهم
الي فرحان علشان كلها ايام ويجتمع مع الي ببحبوا
والي حزين علشان الي بيحبه مش معاه
تاني يوم في الشغل
عمر
رحمتي ي قمر
رحمه
نعم
عمر
مالك شكلك زعلانه
رحمه بصت لبحر وسكتت وهو فهم
عمر بحنان
زين هيجي يحضر كتب الكتاب وهي هتكلمه وكله يتحل
رحمه بفرحه
بجد يعني زين هيجي و
عمر قاطعها بغيره
ايه ي اختي مالك انتي يجي ولا لأ
رحمه ابتسمت
انت قطعتني ومخلتنيش اكمل انا قصدي أنه اخيرا هيجي وبحر هتكلمه وتفرح
عمر بأسف
احم انا اسف بس انا بغير.
رحمه اكتفت بابتسامه
جاسر راح لريم
ريم قلبي بتعمل ايه
ريم
بشتغل ي جاسر
جاسر
انا مش مصدق اني هتجوزك كمان كام يوم
ريم ابتسمت
لا صدق
جاسر
ريم انا عمر قاطعه
انت ايه ي عنيا مالك ومال اختي يلا
ريم ضحكت ومشيت وجاسر بغيظ
اختك هتبقي مراتي بعد كام يوم ودلوقتي يعتبر خطيبتي
عمر بغلاسه
يبقي ملكش دعوه بيها لحد كتب الكتاب ي عسل يلا هوينا من هنا
جاسر
بقي كده ماشي ي عمر بكره اتجوزها وشوف هتبقي تبعدني عنها ازاي ومشي
وليد وصل المطعم راح لجاسر
جسور عامل ايه
جاسر
الحمد لله انت ايه الي جابك
وليد
ي اخي دانا قريبك جاي اشوفك ي حبيبي
جاسر بسخريه
لا ي جدع يعني مش جاي لسمر
وليد
تؤ تؤ جايلك انت
جاسر
طب تعالي اقعد بقي
وليد وهو ماشي
لأ ي اخويا انت هروح اشوف خطيبتي وأروح شغلي ومشي
جاسر
اطلع لعمر علشان يطردك
وليد راح لسمر
قمر بيشتغل ي ناس
سمر لفت لقت وليد ابتسمت
ازيك ي وليد
وليد بابتسامه
بخير طول مانتي بخير ي جميل
سمر لسه هترد عمر قاطعهم
بتعمل ايه ي وليد
وليد وهو باصص لسمر
جاي اسلم عليك ي قلبي
عمر
وسلمت يلا امشي
وليد بصدمه
انت بتطردني ي عمر
عمر بسماجه
اه يلا هوينا
وليد
طب اتكلم مع سمر خمس دقايق بس
عمر
لأ يلا من هنا
سمر بتضحك
وليد بغيظ
كده ماشي بكره اتجوزها ي عمر وانتي اضحكي ي ختي اضحكي
وليد ماشي قابل جاسر
جاسر بضحك
طردك انت كمان
وليد
اه هو انت كمان
جاسر بإيماء
لسه مطرود قبلك بدقائق
وليد
معلش كلها كام يوم ونكتب الكتاب يبقي يتكلم بقي
جاسر
مش هتروح شغلك
وليد
رايح اهو سلام
عند زين
ايه ي حج عامل ايه انهارده
والده بابتسامه
الحمد لله ي حبيبي
زين
طب احنا هنسافر لجاسر ووليد قبل الشهر مايخلص بيوم علشان كتب كتابهم اخر الشهر
والده بفرحه ليهم
بجد الف مبروك عقبالك ي زين
زين وافتكر بحر
أن شاء الله ي حج
والده
طب يبني مانسافر من دلوقتي افضل تبقي معاهم
زين
لا كده افضل حتي تبقي اتحسنت شويه
والده بابتسامه
انا بخير ي حبيبي طب اقولك نسافر الاسبوع الجاي
زين
تمم هيبقي فاضل سبع ايام علي كتب الكتاب
بس مش هعرفهم اعملها مفاجأه بقي
زين ساب والده ومشي
والدته جت
ابنك ماله ي ام زين
والدة زين
بيحب ي حج بس الي بيحبها رفضاه
والده
رفضاه يمكن مرتبطه
والدته بنفي
لأ ي حج هو سأل اخوها واكدله انها مش مرتبطه ومافيش حد في حياتها تعرف طول الفتره الي فاتت
كان بيحاول معاها علشان توافق
والده
ليه كده طالما مش موافقه خلاص يسيبها
والدته
قلت كده قالي شايف نظره الحب في عينيها
بس بترفض واكيد فيه سبب لده
والده اتنهد
ربنا يهديه ويحققله مراده
عند بحر في البيت
الكل قاعد مع بعضه
بحر قاعده ساكته كالعاده
عمر
ايه رأيكوا نعمل كتب الكتاب في المطعم
سمر
في المطعم ي عمر
عمر
اه ولا ايه رأيك ي بحر
بحر مردتش كانت سرحانه
والدها اتكلم
بحر ي بحر
بحر انتبهت له
ها نعم ي بابا
والدها
اخوكي بيكلمك
بحر بصت لعمر
معلش ي عمر سرحت شويه كنت بتقول ايه
عمر
ولا يهمك بقول ايه رأيك لو نعمل كتب الكتاب في المطعم
بحر
فكره حلوه
ريم باعتراض
حلوه ايه بس ازاي ي بحر في المطعم
بحر
اه ي ريم نعزم صحابنا والجيران
ونزين المطعم والكافيه هما اصلا فوق بعض
ونشغل اغاني ونعمل بوفيه حلو
وهيبقي جميل
عمر
نفس تفكيري والله ي بنتي بس رحمه وجاسر ووليد هيوافقوا
بحر
كلمهم وشوف رأيهم أو احنا نقول لرحمه وانت للشباب
عمر تمم انا هقولهم بكره
تاني يوم البنات في الكافيه مع رحمه
وعمر كلم وليد يجي علي المطعم
وليد
ها ي شباب فيه ايه
عمر
ايه رايكم نعمل كتب الكتاب في المطعم هنا
بصولوا باستغراب وهو قال فكره بحر
وليد
والله طالما سمر موافقه انا تمم
جاسر
وانا موافق طالما ده هيفرح ريم
عمر
كده تمم
عند البنات
ها ي رحمه موافقه
رحمه
اكيد ي بنات الفكره لطيفه
بحر
كده تمم لسه بقي ننزل نجيب الفساتين
والحاجات للكافيه والمطعم علشان نجهزه
ده تسيبوه علينا
لفوا لمصدر الصوت كان وليد
سمر
ازاي يعني
جاسر
احنا الي هنجهز المطعم والكافيه
عمر
واحنا الي هنجيب الفساتين
رحمه
نعم فساتين ايه الي تجيبوها
وليد
متقلقوش كده هنجيبهم علي ذوقنا
جاسر
واظن ذوقنا حلو علشان اخترناكوا
البنات اتكسفوا وسكتوا وبحر اتكلمت
تمم ي شباب بس البنات الي هتختار لبسكوا
ريم
اه احنا الي هنختار
جاسر
بس
سمر قاطعته
زينا زيكوا
عمر
يعني انتوا تنقوا البدل
رحمه بنفي
لا مش بدل
وليد
امال ايه
سمر
هتلبسوا كجول
جاسر
تمم انا موافق
عمر ووليد واحنا كمان موافقين
بحر
كده تمم البنات تختار لبسكوا وانتوا هتختاروا الدريسات
وهتوضبوا المكان
ريم
واحنا نجهز نفسنا بس
سمر
اه وانا الي هعمل الميكب
وليد
نعم ميكب ايه معلش
سمر ببراءة
ايه ي وليد هنحط ميكاب
جاسر بهدوء
هتحطي ي ريم
ريم
اه مش كتب كتابي
عمر
وانتي ي رحمه
رحمه
وانا هحط اكيد
الشباب في صوت واحد
مافيش زفت هينحط
سمر
يعني ايه
وليد
يعني انتي قمر من غير حاجه
عمر بص لرحمه
وانا بحبك من غير حاجة
جاسر لريم
وانا في عيني اجمل واحده من غير حاجة
البنات سكتوا
وليد
طب كده زين
بحر بسرعه
ماله كويس صح
كلهم بصولها بشفقه
وليد
انا قصدي هقولوا يلبس كاجول مش بدله
بحر سكتت بحزن وخرجت من المكتب
وليد كلم زين وعرفوا
الاسبوع خلص بسرعه
جه اخر اسبوع الي آخره كتب الكتاب
وزين جاب أهله وجم علشان يحضروا كتب الكتاب
ارتاح اول يوم وتاني يوم راح المطعم علشان يشوف جاسر وعمر واكيد بحر لان محدش يعرف أنه جي
زين دخل المطعم وراح علي المكتب علي طول
وفتحه
جاسر رفع رأسه
جاسر بفرحه جري علي زين حضنه
زين واحشني جيت امتي وماقلتش ليه مش كنت هتيجي اخر الاسبوع
زين ضحك عليه وراح قعد
يبني براحه عليا
اولا انت كمان واحشني وعمر ووليد
ثانيا قلت اعملها مفاجأه وابقي معاكوا من قبلها فيها حاجه دي
جاسر
لا طبعا بس عمي
زين
بابا كويس وجه معايا هو و ماما علشان يحضروا
كتب الكتاب وهما في الشقه دلوقتي
جاسر
طب كويس تشتغل معانا
زين
اشتغل ايه أن شاء الله
جاسر
بص اصل احنا هنعمل كتب الكتاب هنا فطبعا محتاج تزيين وشغل وكده فأنت جيت في وقتك
وكمان علشان لسه هنجيب الفساتين للبنات
زين باستغراب
انتوا الي هتجيبوا الفساتين
جاسر ضحك
اه احنا قلنا نجيب علي زوقنا وهما عملوا زينا وهيلبسونا
علي ذوقهم
زين ضحك
والله مجانين المهم انا هطلع اسلم على عمر واحشني
جاسر بخبث
عمر بس ي زينو
زين
وبحر ي خويا ارتحت
سابه وراح يسلم علي عمر ويشوف بحر
عند بحر
اتفضلي ي انسه بس العصير وقع عليها
البنت
انتي غبيه مش تحاسبي
بحر
انا أسفه مخدتش بالي
الشاب الي مع البنت
يعني ايه مخدتيش بالك افرضي كانت حاجه سخنه
بحر لسه هترد قاطعها صوت عمر
هي مش اتأسفت خلاص محصلش حاجه
الشاب هيتكلم تاني بس عمر سبقه
اتفضلوا احنا اسفين والي تطلبوه علي حساب الكافيه
وشد بحر علي المكتب
بحر
عمر انا اسفه والله وقع غصب عني
عمر بتهدئة
اهدي انا عارف خلاص محصلش حاجه
قاطع كلامهم فتح الباب
عمر واحشني
بحر كان ضهرها للباب اول ماسمعت صوته اتسمرت مكانها قلبها دق ايوه هو صوته وريحه البرفيوم بتاعه
عمر حضنه
ليك واحشه والله جيت امتي مش كنت هتيجي اخر الاسبوع
زين ضحك انت هتعمل زي جاسر
علي العموم انا قلت اجي قبلها علشان ابقي معاكوا وكمان
وحشتوني قال كده وهو بيبص علي بحر الي لفت علشان تشوفه
بحر بصوت مهزوز
زين ازيك
زين
كويس بس لاحظ دموعها فقال بقلق
مالك معيطه ليه
عمر بتوضيح
مافيش شدت مع بنت بره فعيطت
زين ابتسم
علشان كده بتعيطي
بحر فضلت بصاله وساكته بتشبع من ملامحه
عمر قطع السكوت
والله جيت في وقتك احنا فعلا محتاجينك
زين
اه جاسر قالي وفكره المطعم والكافيه حلوه
عمر
فعلا وعحبت البنات هو وليد عرف انك جيت
زين هيتكلم وليد قاطعه
وليد عرف وجاي يسلم
زين حضنه
كنت لسه هكلمك
وليد
جاسر سبقك وانا كنت جاي هنا الاول اصلا
زين
ايوه ي عم الله يسهلوا
وليد بص لعمر بغيظ
ي خويا اتنيل ده عمر كل شويه يطردنا
زين ضحك
بجد
عمر
اه اخواتي الاه
وليد
وآخر الاسبوع مراتي هه
زين ضحك عليهم وشد وليد
عمر احنا مع جاسر ابقي تعالي وخرج
عمر بص لبحر
متكلمتيش ليه
بحر عيونها دمعت
معرفش ي عمر انا شفته مقدرتش اتكلم
عمر بحنان
طب اهدي اهو جه بدري اسبوع اول ماتشوفيه اتكلمي
بحر تمم
عمر نزل للشباب وبحر خرجت تكمل شغل
بس جت ريم وسمر ورحمه
بحر زين جه
بحر
شفته ي ريم
رحمه
ها كلمتيه
بحر بنفي
لا متكلمتش
سمر
ليه
بحر
مقدرتش اتكلم شفته مقدرتش ومشيت
عند الشباب
جاسر
طب احنا هنجيب الفساتين ازاي
وليد ببساطه
عادي نروح اي محل ونجيب منه
جاسر
لا ناصح انا اقصد ايه اكتر الوان البنات بتحبها
علشان نجيب الفساتين نفس اللون الي بيحبوه
عمر
فكره حلوه
وليد
طب ماتقول اخواتك بيحبوا ايه
عمر لعب في شعره
احم الي تعرف بحر مش انا والله
جاسر
خلاص هاتها علشان ننزل نجيبهم بكره
عمر اتصل عليها وهي نزلت
نعم ي عمر
جاسر
اقعدي بعي ي بحر
قعدت وهي بصه لزين
وليد
بحر عايزينك في خدمه
بحر بصتله
خدمه تمم
عمر
بصي ي بحر احنا عايزين نعرف ايه الالوان الي البنات
بتحبها علشان الفساتين بس متعرفيهومش
بحر
تمم بصوا ريم بتحب البيبي بلو
وسمر كشمير
وريم دهبي
زين سألها طب وانتي
ردت ببساطة الاسود
زين ابتسم تمم
بحر مشيت
عمر بخبث
انت مالك بيها ي زين
زين
الاه مش هتبقي مراتي يبقي اجببلها
عمر
مراتك !
زين
اه مانا هتقدم ونكتب الكتاب علي طول زيكوا بس بعد
ماهي تتكلم
عمر
تتكلم عن ايه
زين
عمر انا مش اهبل بحر من اول ما شفتني وفي عيونها
كلام كتير وانا عارف انها بتحبني بدليل الخاتم الي في أيدها
عمر طب وهتديها الفستان ازاي
زين
لا انت الي هتديهولها انا هجيبه وانت توديه
فضلوا يتكلموا واتفقوا أن المكان هيتقفل بقيت الاسبوع
علشان يوضبوه
تاني يوم
الشباب نزلوا يشتروا الفساتين والبنات نزلوا
يشتروا لبس الشباب
عند الشباب كل واحد جاب فستان بسيط ونفس الألوان
الي بحر قالت عليهم وزين اشترالها فستان وأداه لعمر
خد ده بتاع بحر ادهولها بس متقولش ان انا الي جايبه
علشان ترضي تلبسوا
جاسر
ي رب الفستان يعجب ريم
وليد
طب والله الفساتين حلوه
عمر
هيعجبوهم متقلقش
عند البنات
كل واحده جابت لبس علي ذوقها وروحوا