Uncategorized
رواية أحببت صعيدية الفصل السابع 7 بقلم ياسمين ابراهيم
رواية أحببت صعيدية الفصل السابع 7 بقلم ياسمين ابراهيم
 |
| رواية أحببت صعيدية الفصل السابع 7 بقلم ياسمين ابراهيم |
رواية أحببت صعيدية الفصل السابع 7 بقلم ياسمين ابراهيم
معاذ بزهق ـــ هي حصلت انك تتخانقي معاه في حمام السباحه كمان ، ااايه مفيش تقدير ليه ولا ايه
صفا ـــ دا بدل ما تقتله انه زق بت عمك في الميه تقولي انا اكده
عمرو ــــ والله كدابه متصدقهاش دي هي اللي زقتني وكانت بتقرص وتخربش فيه جوه الميه
صفا ـــ اه يا كداب ياود البهيم
هو انت فيك لحمه علشان اقرصك
واخربشك
معاذ بزهق ـــ همم صفا ادخولي جوه
صفا ـــ علي اساس اني ميته علي القعده اهنه يعني، مهملاكم
عمرو ــــ متجوزهاش يا معاذ دي مش طبيعية
صفا ـــ سمعتك علي فكره طيب شوف قلت الادب علشان لما امسك مصرينه تزعل يا ود عمي
معاذ ـــ بقولك ادخلي جوه ، وانت اسكت بقا
عمرو ــــ ماشي يا صاحبي يا محترم يا ابن الاصول
صفا ـــ وه دا هيلبخ عاد، شوف كيف عيرمي عليه بالحديت
معاذ ـــ انتي هتدخلي ولا اخلي الامن يدخلوكي غصب عنك
عمروــــ خلاص يا صاحبي انا اللي ماشي،
اقابلك في المكتب
معاذ ـــ تمام يا عمرو شويه وهاجي الشغل
صفا ـــ روووح ان شاءلله ما ترجع
معاذ ـــ يشدها من رأسها ويحطها تحت دراعه، احترميني شويه انا ساكتلك من الصبح، بعد كده هوريكي الوش التاني
صفا ـــ هملني يقطعك
معاذ ـــ مش مهملك غير لما تقولي حقي برقبتي،
صفا ـــ اكده طيب اهو، وتدغدغه
معاذ ـــ هههه ههههههههههههههه بس بغير يا هبله ههههه
صفا ـــ رزل ودمك تقيل كمان
معاذ ـــ وانتي لسانك عاوز يتقصر شويه، عمرو اعز اصحابي ومش هقبل اي اهانه ليه حتي لو منك انتي فهماني
صفا ـــ وهو انا غلطت في ايه ماهو اللي بجح ودخل عليه الاوضه وبعدين دخل تاني عشان يسرق الحرااامي ده
معاذ ـــ انتي غبيه يابت، هو مش حرامي، و مكنش يعرف انك انتي اللي في اوضتي،
صفا ـــ طيب وبعدين عرف ان انا اللي هناك كيف يجرا يحاول يضربني
معاذ ـــ هممم مش هنخلص النهارده، خلاص هو اللي غلطان وانتي صح
المهم سيبك منه وقوليلي، ايه رايك فى مصر، اظن انك ارتاحتي ونقدر دلوقتى نتجوز
صفا ـــ هو انا لحقت، وبعدين انا لسه مطلعتش من الفيلا دي لسه
معاذ ـــ خلاص ياستي انا هخرجك وافسحك فوسحه مش هتشوفي زيها بعد كده
صفا ـــ طيب موافقه، بس مش النهارده
معاذ ـــ تمام، انا هروح الشغل دلوقتي، وطبعا مش هعوز اقولك متخفيش وان الحرامي مستحيل يقدر يرجع تاني
صفا ـــ طيب دا ياريت يرجع، عشان افرجه
معاذ ـــ ههههه ربنا يستر انا خايف عليه
ـــــــــــــــــــــــــــــــــــــــــــــــــــــــــــ
في الشركة
عمرو ــــ السلام عليكم
يوسف ــــ وعليكم السلام، خير كنتو بتجرو انت ومعاذ في الصبح ليه
عمرو بقرف ــــ ابقا اسالو
يوسف ــــ ممكن اعرف انت مش قابلني ليه
عمرو ــــ وعاوزني اخدك بالحضن لما اشوفك علشان اكون بحبك يعني
يوسف ــــ لا ياعم ولا حضن ولا غيره، كل الحكاية اني بحس انك. كارهني
عمرو ـــ يوسف متخنقنيش، وبلاش طريقة النسوان دي الله يخليك،
يوسف ــــ تصدق اني غلطان اني بتعامل مع واحد زيك
عمرو ـــ متتعملش ياعم وريحني
معاذ ـــ ايه ده في ايه صوتكم واصل لشارع
يوسف ــــ اهلا ياسيدي، تعاله شوف صحابك اللي مش حامل ليه كلمه
معاذ ـــ تانى ياعمرو
عمرو ـــ هو ايه اللي تانى، هو انا المفروض عليه اني اول ما اشوفه ابوس يعني ولا ايه
معاذ ـــ هممم في ايه يا يوسف ايه اللي حصل
يوسف ــــ اللي حصل ياسيدي اني سالته كنتو بتجرو ليه، لقيته بيرد عليه بطريقته دي
عمرو ـــ كداب، انا كلمته كده لما بيسالني مبقبلهوش ليه، مكنتش اعرف اني لازم اعبرله عن مشاعري
معاذ ـــ خلاص بقا،
مفيش يا يوسف بس في حرامي دخل البيت عشان يسرق الورق لكن ربنا ستر
يوسف ــــ يا راجل، طيب والبنت حصلها حاجه،
معاذ ـــ لا هي كويسة الحمدلله
عمرو ــــ وانت ايه عرفك ان في بنت هناك
يوسف ــــ ا اصل سمتعكم وانتو بتتكلمو عليها امبارح
معاذ ـــ اهاا ممكن، ولا يهمك يا جو،
كله تمام، والورق كمان معرفش يسرقه
عمرو ـــ طيب انت لازم تغير مكان الورق دا حالا
معاذ ـــ لا بقا دا انا لازم اخليه مكانه، بكده هو مستحيل يجي في دماغه ان الورق لسه هناك
يوسف ــــ عندك حق
عمرو لنفسه ــــ طيب اقطع دراعي لو مكان الواد ده ليه يد في الموضوع،
معاذ ـــ هوووي، انت يابني
عمرو ــــ هه نعم
معاذ ـــ روحت فين، انا بكلمك،
عمرو ـــ لا ابدا، كنت بتقول ايه
معاذ ــــ تشرب قهوه معايا
عمرو ــــ تمام اشرب
معاذ ـــ وانت يا يوسف
يوسف ــــ لا شكرا لسه شارب، استاذنكم، ورايا شغل كتير
معاذ ـــ ماشي يا جو اتفضل
عمرو ـــ ياباي، دا انت واد رزل
معاذ ـــ في ايه يابني ايه حصل
عمرو ـــ همم مش بحبو ياخي، مش برتاحلو
معاذ ـــ هو انت هتخطبه، مش مطلوب منك تحبه، بس علي الاقل تعامله بطريقة احسن من كده
عمرو ــــ طيب ياعم لما هشوفو هحضنه وابوسه حلو كده، ولا اقولك هرقص معاه سلوو
معاذ ــــ ههههه اه يا صايع انت عرفت السلو كمان، بتخوني ولا ايه والله شكلك مصاحب واحده من ورايا
عمروـــ انا وش صحوبيه بردو، لا ياعم ربنا يكفينا شرهم
معاذ ــــ النسوان شر يا عدو النعمه
عمروـــ اكبر شر يا صاحبي، مش عارف ازاى الرجاله بتتجوزهم، دول يقصرو العمر
معاذ ــــ ههههه طيب يارب يا شيخ اشوفك واقع علي بوزك ومتعذب وساعتها بقا هفكرك بالكلام ده
عمرو ــــ حتي لو حصل مش هحب غير بنت هاديه ومنكسره وهتجوزها علي طول عشان انا مليش في جو الحب والمحن ده
معاذ لنفسه ــــ مفيش واحده هتجيبك علي بوزك غير ريم، الله يرحم ايامها كان عليها واحده يابيبي تدوخ
عمرو ـــ انت يابني،
معاذ ـــ نعم يا ريم،، اقصد ايه
عمرو ـــ يخربيتك، انت لسه فاكر البت دي، احنا مش قولنا هنتجوز ونعقل
معاذ ـــ لا ياعم متخفش عليه صاحبك جامد بردو
عمرو ــــ انت هتقولي،
معاذ ـــ ايه رايك نخرج النهاردة وحشني السهر
عمرو ــــ اوك تمام بس نروح قهوه بلدي
معاذ ـــ يابني عيش سنك بقا بلاش جو العوجيز ده،
انت هتخرج علي مزاجي انا النهارده
عمرو ــــ ما انت عارف انا مليش في خروجاتك دي
معاذ ـــ متخفش انا هوديك مكان محترم مش بيدخلو غير المحترمين،
عمرو ـــ طيب اذا كان كده انا معاك
ـــــــــــــــــــــــــــــــــــــــــــــــــــــــــــ
صفا ـــ ايه الذوق الغريب ده،،
اما نشوف شايل ايه في الادراج عاد
وه، ايه ده، رووج يا معاذ، ياموري، وعتمل بيه ايه ده ….
واي ده كمان، برفان حريمي، قميص حريمي كمان، له له اكيد في حاجه غلط
ياااموري بقا المتعوس ده اللي مش صابر يطلع ش..ااذ
اعمل ايه دلوقتي، ايوووه انا هقول ل امي علي الموضوع ده،،
وه يامه الحقيني …
ـــــــــــــــــــــــــــــــــــــــــــــــــــــــــــ
عمرو ـــ معاذ لا لا يا معاذ احنا متفقناش على كده،
معاذ ـــ يابني متخفش دا انت هتتبسط اووي، وخصوصا مع البت ريم، اخ دي عليها واحده يا بيبي
عمرو ـــ ياخي بطل استعباط بقا انت عارف اني بكره الجو ده
معاذ ـــ طيب المره دي وبس لو مرتحتش متجيش تانى
عمرو ــــ همم استغفر الله العظيم يارب، اما نشوف،
معاذ ـــ ايوه كده،،، تعاله بقا شوف النسوان شوف زي السمك ازاي
عمرو بزهق ــــ وعجبينك في ايه وهما شبه عروسه المولد كده
معاذ ـــ ههههه ضحكتني، استني كده،،
حبيبه قلبي، وحشاني اووي
ريم ــــ تؤ تؤ مخمصاك، لو وحشتك مكنتش اتاخرت عليه كل ده
عمرو بهمس ــــ مالها بتتني كده، هي مجنونه
معاذ ـــ اششش،
ما انتي عارفه يا حبي اني كنت مسافر،
حد يقدر يبعد عن قلبه بردو
عمرو ـــ معاذ لا لا، احترم نفسك ابعد عنها شويه
معاذ ـــ بس ياغبي دا لزوم الشغل
عمرو ـــ شغل ايه يخربيتك، انت جايبني في بيت دعاره
معاذ ـــ بس بقا دا انت فصييل.
ريم تعالي عاوزك في كلمه سر
ريم ــــ هيهيهيهيييي هنا يا شقي
معاذ ـــ هههاااي سافله، مش قصدي كده
عمرو ــــ أستغفر الله العظيم انت رايح فين
معاذ ـــ استني بس
عمرو ـــ منك لله يا معاذ اما نشوف اخرتها ،،
بنت من اللى فى المكان ــــ ازيك يا عسل
عمرو ــــ يبص حواليه،، قصدك عليه انا
البنت ــــ اه انت، ماالك واقف بعيد ليه
عمرو ــــ لا بس مستني واحد صاحبي
البنت ــــ هيهيهيهيييي طيب ما تيجي تستناه معايا،
عمرو ـــ لا شكرا هو قالي استناه هنا
البنت ــــ هو مالو ده،، طيب ما تيجي تعزمني علي حاجه اشربها
عمرو ـــ مش فاهم
البنت بزهق ــــ ياعم تعبتني، اعزمني علي حاجه اشربها، من هناك عند الراجل اللي هناك ده
عمرو ـــ اه اه، طيب اتفضلي حضرتك
عمرو ـــ اتنين عصير لو سمحت
البنت ــــ همم عصير اييه،، استني
هاتلنا ازازه وسكي
عمرو ــــ لا انا مش بشرب الخمره
البنت ــــ متخفشي دي مش بتعمل حاجه،،
بيني وبينك اصلها مغشوشه
عمرو ـــ هه يعني خمره ومغشوشه، دا انتو هتتشوا في نار جهنم
البنت ــــ اتفضل
عمرو ـــ لا مش هشرب اتفضلي انتي
معاذ ـــ ههههاي اه يا صايع شقطت البنت
عمرو ـــ ياعم ده هي اللي شقطاني
معاذ ـــ ههههه ماشي ماشي، اشرب طيب
عمرو ــــ يابني دي خمره انت عاوزنا نكفر
معاذ ـــ ياااعم اشرب بقااا وبيشربه غصب عنه
ـــــــــــــــــــــــــــــــــــــــــــــــــــــــــــ
زينب ـــ كيف يابتي تقولي كده، ود عمك زينة الرجاله، ويمكن الحاجات دي، جايبهم للي هيتجوزها،،
صفا ـــ تفتكري اكده يامه
زينب ـــ امال ايه يابتي، وهو لو اكده هيخطب ليه يعني
صفا ـــ عندك حق يامه، بس بردك انا مدخلش دماغي ان الحاجات دي جايبهم لمرته المستقبليه، واكيد جايبهم لواحده من رفقاته
زينب ـــ يابتي ود عمك مش وش اكده
صفا ـــ بس يامه دا انتي غلبانه، انا هكلمه، لازم اعرف ايه حكاية الحاجات دى بظبط والا هتجن…
زينب ـــ يابت عيب كيف هتساليه عن الحاجات دي
صفا ـــ خلاص يامه عاد انا هكلمه،
معاذ ـــ صفاااا، استني يا قلبي خمسه وراجعلك ا
ريم ـــ متتاخرش عشان بتوحشني اووي يابيبي
معاذ ــــ هيييح قلبي
معاذ في الحمام ــــ الو ياقلبي
صفا ـــ جك وجع في قلبك، قولي بسرعة ايه حكاية الحاجات الحريمي اللي لقيتهم عندك في الادراج
معاذ لنفسه ــــ اوبااا فتتني ازاي دي..
دول مش ليه
صفا ـــ لا والله امال ابتاعت امي عاد
معاذ ـــ افهميني بس دول بتوع عمرو صاحبي
صفا ـــ يا سلام وبتوع عمرو ايه جابهم عندك في الاوضه يا كداب
معاذ ـــ كان جيبهم للبنات اللي بيمشي معاهم، ونسيهم عندي، بس صدقيني انا حزرته كتيرر وقولتله بلاش يا صاحبي السكه دي اخرتها وحشه بس اللي في دماغه في دماغه،،
صفا ـــ وانا ايه يخليني اصدقك عاد
معاذ ـــ طيب انا هثبتلك، هو بيتصور مع البنات اللي زي كده كتيرر، وانا هبعتلك صوره
صفا ـــ بسرعة طيب
معاذ ـــ سامحني ياصاحبي، بس الصحاب لبعضها، بيفتح الكاميرا ويصورو من بعيد، وهو سكران وبيرقص مع البنات ويبعت لصفا
صفا ـــ وه وه، ياود المحروق، انا كنت من الاول مش مرتحالو، انت لازم تقطّع علاقتك بيه دلوقتي لا يفسد اخلاقك ابن الصرمه ده
معاذ ـــ لا يا حبيبتي كله الا الحرام ربنا يبعدنا عنه، اسيبك بقا عشان متوضي الحق اصلي قيام الليل
صفا ـــ طيب يا ود عمي ربنا يتقبل، وبتقفل معاه
سامحني يارب ظلمته،
ربنا يحميك ياود عمي ويبعد عنك عيال الحرام، اللي كيف صاحبك العويل ده