رواية هل قدري الفصل الخامس والعشرون 25 بقلم سلمى عاطف

عاد سيف من عمله متأخر وكاد ان يدخل منزله ولكن سمع صوت بنت يبكي فتتبع الصوت فوجد بنت تجلس علي الرصيف تبكي تخفي وجهها بإيديها

وتبكي

سيف: ياانسه انتي كويسه

رفعت الفتاه رأسها وقالت بشهقات: ا.. اه شكرا انا كويسه

سيف:طب اي ال مقعدك في الشارع في الوقت المتأخر ده

افراح: م… مفيش حاجه

سيف: شكلك مش غريب عليا انا شوفتك قبل كده

افراح :انا ال خبط فيها الصبح

سيف: واي ال مقعدك كده زمان اهلك قلقانين

افراح : مفيش حد هيقلق لو سمحت شوف انت رايح فين وسبني

سيف:طب قوليلي مالك ولو اقدر اساعدك مش هتأخر

افراح ببكاء مصطنع  : ابويا بقاله تلت ايام ميت وانا مكنش ليه غيره وبقيت وحيده لقيت عمي جيه النهارده  وطردني وزي ماانت شايف قاعده هنا من ساعة ماخرجت من البيت

سيف: طب مبلغتيش ليه البيت ده من حقك

افراح : ابويا كتب كل حاجه لعمي قبل مايموت عشان يتكفل بيا لكن هو اخد كل حاجه وطردني فانا مليش اي حق فيه قدام ربنا هو ظالم لكن قدام القانون لا واوراقه صحيحه ومش هاخد لا حق ولا باطل 

سيف: طب اهدي تعالي دلوقتي معايا البيت  تقعدي مع اهلي لحد مااتصرف 

افراح :لا مش هينفع 

سيف: متقلقيش اهلي هيحبوكي تعالي يلا واوعدك هساعدك في مشلكتك 

افراح :انا مش عارفه اقولك اي 

سيف: متقوليش حاجه انا معملتش حاجه ميرضنيش تفضلي في الشارع كده والدنيا مش امان تعالي اقعدي النهارده مع اهلي وبكره نتصرف 

افراح : حاضر 

في تلك الاثناء كانت هناك عيون تراقب كل هذا وشرارات الغضب والغيره تخرح منها 

اوركيد بغضب:طبعا ما…. 

لم تكمل جملتها لانها شهقت بصدمه حينما راته يتجه الي منزله وهي معه

اوركيد  بغضب : هي وصلت بيك لكده والله ل اوريك  

نزلت بغضب لاتدري ماذا تفعل من غضبها واتجهت لمنزله تدق بغضب وتقول بصوت عالي: افتحوواا شوفوا ابنكم ال بيجيب ستات افتحووا 

فتحت لها رهف وكادت ان تتكلم ولكنها دفشتها بغضب ودخلت الي المنزل وهي تقول بصوت عالي: هوو فييين هو فيين الرمرام ده هو فييين 

رهف : اهدي يااوركيد في اي 

اوركيد بصراخ :اهدي ايييي اخوكي لسه اخل بواحده  اما انه سافل انه يجيب واحده في نص الليل هو فييين متجننيش 

جاءها صوت من ورائها يقول ببرود: عامله دوشه ليه 

ذهبت له بغضب واخذت تدفشه بغضب في كتفيه:انت مبتحسش انت اييي غبي  ولسه بتتكلم ببرود بعد كل ده انت ايييي وكمان جايب بنت البيت انت معندكش دم  انت عايز توصل ل اييي هاااا انطق انت ساكت لييييه  ما تتكلم يامحترم 

سيف بحزم وصوت عالي ويمسك يديها بأحكام حتى تكف عن ضريه:بطلي الجنان ده واهدي 

اوركيد بصراخ: انا مجنونه وانت اي انت سافل اصلا وانا بستحقرك  

سيف بغضب: اوركيييييد  انا مش عايز اتعصب عليكي افهمي الكلام قبل ماتقوليه

اوركيد : افهم اي افهم اييي هااا واحده داخله معاك بيتك نص الليل اي داخله تصلي

قررت رهف ان تنهي هذا الحديث المشحون واتجهت الي اوركيد وقالت:  تعالي معايا يااوركيد وانا هفهمك 

جذبتها عنوه واتجهت بها لغرفتها  

اوركيد بعصبيه :عايزه تفهميني اي  

رهف : يابنتي هفهمك ازاي وانتي متتعصبه كده اهدي واسمعي 

اوركيد : ها هديت  قوليلي

رهف: البت دي سيف ميعرفهاش هو جابها هنا وقالنا ان عمها طردها بعد وفاة باباها  ف سيف لما شافها كده ساعدها وجابها تقعد معانا عما يلاقي ليها  حل او يساعدها بأي حاجه وقرر انه يديلها  الشقه ال كنا اخدنها اول ماجينا هنا  فهمتي عمل انساني مش اكتر 

اوركيد :اه ياختي وانتي اخوكي انساني اووي 

رهف بضحك:بس اي ال انتي عملتيه ده 

اوركيد :أعمل اي مقدرتش اشوفه معاها لا وداخل البيت 

رهف: قوليلي اي ال حصل معاكي يوم المستشفي 

اوركيد : مش حابه افتكر 

رهف : يابنتي احكيلي وانا هساعدك  

اوركيد : خلاص هحكيلك لان لو محكتش هطق اسمعي 

رهف:انتي عبيطه يااوركيد راحه تتفقي مع واحد مشوفتيهوش غير مرتين حتي متعرفيش اسمه  

اوركيد : اعملك اي اخوكي هو ال اتحداني  وملقتش غيره في وشي 

رهف: وافرضي واحد مش كويس واستغلك هتبقي مبسوطه انتي بتفكري ازاي 

اوركيد : اهو ال حصل بقه وبعدين انا مش هبقي لوحدي عمران وماما وقمر معايا وانا قولتلهم 

رهف : وقالولك اي 

اوركيد :عملوا زيك بس انا اقنعتهم بالعافيه اخوكي مجنون ومتتوقعيش منه حاجه وانا لازم اندمه علي كل كلمه قالها واثبت ليه اني اقدر اكون مع غيره واعيش حياتي 

رهف : حضرتك ب ال عملتيه بره انتي طيرتي كل ده

اوركيد : اعملك اي يعني يجرحني ويقول كلام سم وبعدين الاقيه داخل بواحده بعدها ولا كأن حصل حاجه حطي نفسك مكاني الله 

رهف : طب اهدي خلاص يلا نخرج زمانه مشي وروحي زي الشاطره كده ونبقي نشوف الهبل ال عملتيه ده 

اوركيد :لهو انا مقولتلكيش

رهف :هببتي اي يااوركيد. 

اوركيد بإبتسامه عريضه:ماهو جاي بكره عشان يخطبني وانتو معزومين 

رهف بصوت عالي:نعااااااام 

اوركيد ببراءه: اي ماهو كلم عمران واتفقوا مع بعض الموضوع تحت السيطره وكما خطط لها عارفه لو قولتي لاخوكي حاجه يارهف 

رهف: انتي مجنونه بالله ال بتعمليه ده خطر يااوركيد 

اوركيد :متخفيش خير ان شاء الله المهم اثبت لاخوكي اني اقدر من غيره وكفايه اووي كده 

رهف : وافرضي قلبت بجد 

اوركيد :انا اصلا بعد كل ده انا هسافر هبعد عن هنا 

رهف : يعني اي 

اوركيد :يعني مجرد مااثبت ليه واعلمه الادب هكمل عليه واسيبه خالص وامشي 

رهف: ليه تقسي علي نفسك قبل ماتقسي عليه انتي بتحبيه يااوركيد 

اوركيد :صعب كان قدامه فرص كتير وهو مستغلهاش وانا تعبت وده افضل لينا  

رهف : ممكن كل حاجه تتصلح يااوركيد ادي لنفسك فرصه وسيف والله ندمان 

اوركيد : خلاص طاقتي متستحملش جراح تاني كفايه 

رهف :يعني انتي هنرتاحي لو انتي بعيده عنه اوكي ليه كل اللعبه دي بقه لمجرد انك بس تخليه يغير  قوليلي ليه بدام عايزه تبعدي متضحكيش علي نفسك يااوركيد 

اوركيد : كفايه يارهف متصعبيهاش عليا 

رهف :  براحتك بس انتو بتضيعوا حياتكم في حجات ملهاش لازمه

اوركيد :يعني اي واحد جرحني مرتين مش مره وف المرتين بيقولي ابعدي ومش عايزك عنه اروح انا اقوله لا والنبي متسبنيش لا والف لا يتحرق الحب ال يخليني معنديش كرامه 

رهف : براحتك يااوركيد اعملوا ال انتو عايزينه انتو الاتنين بتغلطوا وهتندموا بعد كده اي نعم اخويا غلط  وغلطه كبير بس ده تفكيرا منه انه كده بيحميكي عارفه انه غلط بس متغلطيش زيه يااوركيد 

اوركيد :الموضوع انتهي انا همشي عشان اجهز لبكره سلام 

رهف وهي تهز رأسها بيأس: ربنا يهديكوا وينور بصيرتكنم قبل فوات الاوان 

خرجت اوركيد وكادت ان تفتح الباب وتخرج ولكن سمعت صوته وهو يقول: علي فين  مش تباركيلي الاول 

لفت رأسها له وجدته يقف بجانب تلك الفتاه ويبتسم ابتسامه بارده ويقول: سلمي علي خطيبتي افراح 

حاولت تمالك اعصابها حتى لاتحطم رأسهم 

ذهبت افراح باتجاهها وقالت بمياعه: هاي انا افراح 

اوركيد : اهلا ياهشتكه 

كتم سيف ضحكته وتابع الموقف بضحكه مكتومه 

افراح بغضب: هشتكة اي بقولك افراح 

نظرت لسيف دون ان تعطيها اهتمام وقالت بقوه: مبروك وانا كمان هتخطب قريب جاي يتكلم مع ماما بكره بكره  ونقرأ فاتحه وانت وهشتكه معزومين يلا مستنياكم 

سيف بإبتسامه سمجه : طبعا هنيجي وانا يفديني الساعه لما احضر فرحة اختي مانا وافراح حبيبتي  هنتخطب معاكي في نفس اليوم لكن مقولتليش مين سعيد الحظ 

اوركيد بحده :هتشوفوه بكره سلام ياهشتكه مبروك وتركتهم وذهبت بغضب ودفشت الباب بغضب واصدر صوت عالي 

سيف بإبتسامه :انا اسف علي طريقتها 

افراخ بضحكه مبتسمه:ولا يهمك شكلها بتحبك اوي وبتغير عليك 

سيف بهيام : وانا بموت فيها تم تنهد وقال بحزن :بس انا الي غبي وضيعتها من ايدي 

افراح: ان شاء الله تتجمعوا 

سيف:انا مش عارف اشكرك ازاي انك وافقتي تساعديني 

افراح : المفروض ان انا ال اشكرك على ال عملته معايا ومكنتش اقدر ارفض ليك طلب زي ده بعد معروفك معايا متشكره اووي 

سيف : متقوليش كده دي حاجه بسيطه عموما انا ظبطلك شقتنا القديمه دلوقتي وكتبتها بإسمك وهي بتاعتك دلوقتي وكلمت معارفي يوفرولك شغل وهتشتغلي من بكره والشقه بقت تحت تصرفك دلوقتي 

افراح : شكرا بجد مش عارفه اقولك اي 

سيف: متقوليش حاجه انا مستني جزاتي من ربنا كل ال عايزه منك انك تدعيلي اقدر اخليها تسامحني 

افراح :يارب يارب 

سيف:طيب عم محمد هيوصلك الشقه واي حاجه هتحتاجيها رني عليا 

افراح : متشكره جدا 

سيف:انا هبعت اجيبك بكره نحضر الهبل ال بتقول عليه الهبله دي وانا هتصرف 

افراح : تمام عن اذنك 

اومأ لها وذهبت من امامه وجلس يفكر ماالذي سيفعله غدا  

عند افراح وصلت الي المنزل وقامت بالاتصال علي فهد 

فهد : وصلتي ل اي 

افراح : اللعبه مشت عليه ودلوقتي مفكر اني هساعده عشان تسامحه 

فهد :قالك هيعمل اي بكره 

أفراح: وهو غبي بس شكله ناوي علي حاجه في خلس بالك 

فهد : تمام اما نشوف اخره اي وفتحي عينك كويس وراقبيه 

افراح : عيوني 

اغلق فهد معها 

وظل يفكر قليلا وقال : ياتري اي ال ف دماغك بس صدقني مش هتوصل لحاجه عشان انا مش هسمحلك  استنيت اليوم ده من زمان واخيرا هقابلك وجه لوجه 

في صباح اليوم التالي 

قامت اوركيد وقامت بروتينها اليومي ونزلت لاسفل وجدت والدتها تجلس مع عمران وقمر وسهي ويتحدثون بهمس

اوركيد :اي التجمع ده انتو عاملين اتفاق عليا 

رودوا بقلق عليها وقالو في صوت واحد :مفيش 

اوركيد :مالكم اتفزعتوا كده ليه انا قلقانه من التجمع ده 

عمران: مفيش يابت يلا روحي شوفي هتعنلي اي للهبل ال هببتيه ده مش عارف  احنا وافقناكي ازاي 

اوركيد بلا مبالاه: خليك في حالك انا طالعه 

بعدما ذهبت تحدثت قمر بهمس وقالت:مش عارفه هتعمل فينا اي لو عرفت ان احنا اتفقنا مع سيف 

داليا:الشاب جالي هنا وحكالي كل حاجه بوضوح وشوفت في عينه قد اي بيحبها مقدرتش مساعدوش  لكن فيه حاجه مش قادره افهمها كأنه عارف مين ال جاي ورافض رفض قاطع عليه وانه يقرب منها وانه خطر عليها  وبيقولي اياكو تحسسوه باي حاجه لحد مايجي الوقت المناسب وهتفهموا

عمران: سيف ده غريب 

داليا:الايام جايه وهنفهم كل حاجه 

جاء الليل سريعا  ووصل فهد وعلي وجهه ابتسامه خبيثه 

بالاعلي كانت تقف اوركيد بتوتر لا تعلم اذا كان مافعلته صحيح ام خاطئ ولكنها حسمت أمرها ونزلت لأسفل بفستانها البسيط الذي جعلها كالاميره  

تقدم منها فهد ومد يديه لها كي يساعدها بالنزول 

قمر ببرود: متتعبش نفسك انا معاها 

نظر لها فهد بإبتسامه مصطنعه وانزل يديه بإحراج وعاد لمكانه 

قمر بغضب: انسان شبه رجل الفار 

اوركيد : ششش هتفضحينا 

قمر : طب يلا ياختي انزلي

نزلت وجلست بجانب  قمر  وظلت الاجواء صامته حتي دلف سيف فجاه وبيديه افراح ومعه همس 

سيف: اتاخرت 

داليا: في وقتك ياابني اتفضل 

اوركيد : وهو ماله ياماما  ان شاء الله عنه ماجيه 

داليا: بنت عيب احنا بنعامل ضيوفنا كده 

لوت فهمها بغضب وصمتت 

جلس سيف وبجانبه افراح ونظراته غامضه لفهد 

سيف : نتعرف بإسم الكريم

فهد: فهد الصفتي 

اوركيد : اي ده انت بتتكلم انت ليه وانت مالك 

سيف بإستفزاز: اخوكي 

اوركيد بغضب : والله  ماما اتكلمي 

داليا: الجدع جيه وقالي عايز اطمن علي اختي  واسلمها ل ايد امينه واستأذني انه يتكلم عني وانا وافقت 

اوركيد بعصبيه :اي الهبل ده مش من حقه ماهو عمران هنا يتكلم ده ملوش لازمه اصلا 

عمران :انا يابنتي 

اوركيد : ده انتو عصابه بقه اتاريكوا كنتو متجمعين وبتهمسوا لبعض قالكم اي خلاكوا تبقوا معاه  انطق قولتلهم اي ريح نفسك ياسيف مش هسامحك لو عملت اي فاهم 

وتركتهم وصعدت لغرفتها بعصبيه 

حاولت داليا ان تذهب ورائها ولكن اوقفها سيف وقال : سبيها دلوقتي عما تهدي 

بعد قليل من الصمت حمحم فهد بحرج وقال: طيب هستاذن انا 

كاد ان يذهب ولكن اوقفه صوت اوركيد وهي تقول : استني يافهد نزلت لاسفل وقالت : كل ال كان بيحصل ده كان لعبه وانتو عارفين بما فيكم الاستاذ ال قولتوا ليه واتفقتوا عليا معاه طب اسمعوا بقه ووجهت كلامها لفهد وقالت : فهد مش انت معجب بيا وعايز تخطبني 

فهد :اه

اوركيد: وانا موافقه انك تخطبني وانسي اي اتفاق كان بينا 

فهد: انتي بتتكلمي بجد 

اوركيد وهي تغمض عينها كي تستجمع قوتها: اه

داليا:انتي بتقولي اي يااوركيد 

اوركيد ببرود:ال سمعتوه  ووجهت كلامها ل سيف وقالت : اتفضل مش مرحب بيك هنا ومعتش عايزه اشوفك انا دلوقتي واحده مخطوبه 

سيف بعصبيه لم يعهدها احد : انتي الي اخترتي وهتشوفي يااوركيد لو مفكره اني هخليكي تبقي مع الحمار ده تبقي غلطان وقال بخديث مبطن بالغموض ل فهد: افتكر انك بتلعب بالنار وهنتقابل  قريب سلام يافهد متنساش الكلام ده وحطه حلقه في ودنك عشان لما هنتقابل تاني هتبقي انت ولا حاجه وهتبقي عيل صغير قدامي فاهم وذهب بعصبيه من البيت وجميعهم علي وجوهم علامات الاستفهام  

فهد بعصبيه حاول اخفاؤه:انا ماشي يااوركيد نبقي نتقابل بعدين 

ذهب الجميع وبقي اوركيد وعائلتها 

داليا: غلطي يااوركيد اذا كان هو غلط متغلطيش انتي 

عمران : ليه يااوركيد 

اوركيد بصراخ وبكاء: عشااان تعببت تعبت اديله مبررات تعبت من حبي ليه وهو كل ال يقوله لا يااوركيد ابعدي عني  هتتأذي انا عايزه اتأذي بس اكَن معاه  جرحني كتير  وانا سامحته لكن كفاااايه كفاااايه ابعدواا عني بقااااا 

ركضت لغرفتها ببكاء ونظروا لبعضعم بحزن

عند سيف  كان يكسر في كل شيئ من  حوله  حاولت عائلته تهدأته لكن لم تستطع 

اخذ يكسر كل مايراه حتي جلس بضعف علي الارضيه وقال بصوت مبحوح: انا عارف اني غلطت وبعترف وجرحتك بس متسبنيش  انا اسف يااوركيد انا عندي انفصام زي ماكمتي بتقولي دايما بس متسبنيش ااااااه انا هوريك يافهد  كمت عارف انك هتواجهني قريب وكنت مجهز كل حاجه بس ب ال عملته اوركيد خلتني متكتف  يااااربي جلس يفكر حتي جاءته فكره وعزم علي تنفيذها 

اما عند فهد 

فهد: طلع عندك حق مطلعش سهل ياتري عارف اي  

الرجل : خود بالك منه يافهد شكله معاه سر كبير 

فهد :عشان كده هنفذ النهارده 

الرجل :هتعمل اي 

فهد :هتعرف 

في منتصف الليل كانت نامت من كثرة البكاء  وفجأه تسلل شخص من النافذه 

شعرت بحركه فقامت وكاذت ان تصرخ ولكنه كمم فمها وفقدت الوعي 

:كان لازم اعمل كده والا هتبوظيلي ال بخطط ليه من زمان 

واخذها هذا الشخص واتجه لمكان بعيد 

يتبع…..

لقراءة الفصل السادس والعشرون : اضغط هنا

لقراءة باقي الفصول : اضغط هنا