رواية حياة الأسد الفصل الخامس عشر 15 بقلم أسماء رضا

“قلبُ المحبِّ إذا تَدفَّق ما بِه نَطقَ الوفاءُ حِكايةً و حَنِينا! …..????✨”

———————————————

علياء خدت الكراسه فجاه من ورد وجريت 

علياء بضحك : هشوف يعني هشوف 

ورد : لا هاتي الكراسة 

كارمن رفعت ايدها وقالت بمرح : هاتي يا علياء 

كارمن اخذت الكراسه ولسه كانت هتشوفها لكن صوت مهاب منعها

مهاب بصوت عالي نسبياً : يلا يا بنات مالك مستنيكوا علشان نفطر 

ورد استغلت الفرصه واخذت الكراسه من أيد كارمن 

كارمن بضحك : عديتي المره دي بس لينا قاعده بليل سوا 

ورد اخذت نفس عميق ثم اخرجته 

علياء دخلت جوا جري لتأكل 

كارمن بضحك : مش بتستني حد يا مفجوعه هانم 

علياء بتتكلم والطعام في فمها : بس يا بت من هنا وسبيني أكل 

ورد بمرح : طب استنيني يا مفجوعه هانم  

مالك بمرح : بابا هو لولو هتخلص كل الاكل من غير ما احنا ناكل حاجه 

علياء بزعل : انا قايمه علشان نفسي اتسدت علياء جت تقوم لكن معرفتش تقاوم الأكل وقعدت تاكل وسط ضحك الجميع 

أسد بجمود : طيب هتفضلوا تكلموا كده كتير ومش هتفطروا 

مالك بابتسامة : بابا ممكن اطلب منك طلب

أسد بابتسامة عريضة : طبعا قول الي انت عاوزه 

مالك بنصف إبتسامة وتوتر : هو.. يعني ..

أسد بإستغراب : انت هتفضل تقطع في ايي 

مالك بتردد : بصراحه انا عاوزك تجي معايا لي ماما في المستشفى 

أسد وقد تحول وجهه 180 درجه 

أسد بيحاول يتحكم في اعصابه ثم قال بنصف إبتسامة : ورايا شغل 

مالك ببراءة : ليي يا بابا انا عاوزك تجي معايا مره من يوم ما ماما صحيت. وانت مش راضي تشوفها 

كاد أسد ان ينطق لولا ان مهاب مسك يده بعني السكوت ثم اخذ أسد ورحل قليل عن مائدة الطعام

أسد بضجر : انا مش رايح في حته 

مهاب بهدوء : انت مش بتحس يا اسد حرام عليك ابنك دي الوصيه بتاعت نور طب زمان نور دلوقتي مبسوطه من الي بتعمله في ابنك 

أسد ظهر علي وجه الحزن لكن اخفاه بقناع البرود 

أسد ببرود ممزوج بالحزن الشديد: حاضر هتزفت اروح هووف 

مالك : يا كارمن هو بابا هيزعق فيا تاني 

كارمن بابتسامة: متخفش يا قلب كارمن زمان مهاب هيقنع….

مهاب بمقاطعة : يلا يا لوكه قوم البس علشان نروح لمامي بسرعه 

مالك بفرحه : يعني انت وفقت يا بابا 

أسد حس بفرحه قليله من اجل مالك ثم رد بابتسامة : ايوه يلا خلص بسرعه

مالك بفرحه : حاضر ثم ركض بسرعه علي الدرج 

أسد ببرود : انتوا رايحين لحياة 

علياء بابتسامة : ايوه يا ابيه 

أسد : طب مش هتقوموا تلبسوا 

كارمن بإستغراب : هو انت هتروح دلوقتي يا ابيه دا لسه بدري اوي زمانها لسه مصحيتش 

أسد ببرود : ما انا مش فاضي وعاوز اخلص بسرعه 

مهاب بهدوء : طب انا همشي هعدي علي المستشفى بعدين هطلع علي الشركه لو لقيت حياة صحيت هرن عليك تجي 

أسد : تمام 

~~~~~~~~~~~~~~~~~~~~~~

” في المستشفى، في غرفه حياة “

بدر بمرح : انا عاوز اسئلكوا سؤال بسيط كدا 

ساره : اتفضل يا اخويا

بدر مسك ساره من قفاها مثل الحراميه ثم قال بمرح : انتوا ليه مش بتتحرموني زي اخوات اسد بيقلوله يا ابيه وانتوا بتقولوا يا بدر مش ملاحظين ان في فرق عشرة سنين مبينكم 

ساره بمرح : طب سيب الجاكيت بس ياباا احسن تتعور 

حياة بمرح : نعملك ايي انت الي معودنا كده واحنا صغيرين وانت اصلا مهزق فبتقبل عادي 

بدر بصدمه : انا مهزق يا مهزقه ثم اتجه نحوها 

حياة بصوت عالي نسبياً ومرح : يلهوي هيقتلني وانا لسه في عز شبابي الحقوني يا جدعان 

بدر يتصنع الغضب : دا انا مش هقتلك بس دا انا هوزع اعضائك في كل محافظات مصر ومحدش هيلقيكي……

قاطع حديثهم صوت التليفون 

بدر : حظك التليفون رن ثم رد علي الهاتف الو

مجهول :…………….

بدر بابتسامة شيطانية : تمام اوي انا عاوز تظبيط 

المجهول :……………. ثم قفلا الاثنين 

بدر بابتسامة يشبه الافعي 

وعد بخوف : يلهوي بدر مدام ضحك كده يبقي اكيد حد هيموت انهارده 

بدر ببراءة اخذ يرمش عده مرات : انا دا انا ملاك مش بعمل الغلط 

ساره بمرح : طب انا هقطع كلامكوا علشان امشي قبل ما فوفه تعرف اني جيت هنا  باي 

بدر : تعالي اوصلك 

ساره حضنت حياة ووعد ثم قالت بمرح : باي اشوفكوا بكره 

بدر خرج مع ساره ثم حسس علي جيوبه لم يلقي مفتاح سيارته 

بدر : طب انزلي انتي يا ساره هجيب مفتاح العربيه واجي 

ساره : تمام ثم اكملت طريقها 

ساره كانت بتبص في بعض الكتب ثم تلقي نظره الي الطريق 

‘ في الجهه الاخرى من المستشفى ‘

مهاب دخل بكل اناقه وكبرياء وسط همسات الممرضين

ممرضه بهمس الي الاخري : شوفتي يا بت رائحه البرفان الي هو حطه لا ومزز هو اخوه 

الممرضه بهمس : لا سبيلي اخوه ده احلي من الدكتور مهاب بكتير

كان مهاب قد سمع حديثهم ثم اكمل طريقه بغرور لكن هاتفه رن 

مهاب بابتسامة : الو ازيك يا حبيبتي عامله ايي انهاردة 

الشخص :……….

مهاب بضحك : حاضر من عيوني هاجي انهارده ……

لكن قاطع حديثه خبط ساره إليه وهو فقد توازنه ووقع عليها 

ساره نظرت إليه نظره طويلة

ساره ضحكت استغرب مهاب من الضحك 

ساره بضحك : بتفكرني بالمسلسلات الهندي الحركه دي ههههه هموت 

مهاب في سره : عيله فصيله جدا 

ساره بجديه : احم انا اسفه طب مش هتقوم ولا القعده عجبتك 

مهاب قام بهدوء من عليها ثم قال بابتسامة : انا اسف اووي مختش بالي كنت بتكلم في الفون 

ساره بخجل ثم قالت بهمس : طب هو الناس كلهم شفوني وانا وقعت يلهوي يا فضحتك ياساره شماتت ام خميس فيكي

مهاب بابتسامة : انت معنديش بتجي هنا ليي انا بستناكي مش بتيجي 

ساره برفعت حاجب : بتستناني ليه 

مهاب بتوتر : قصدي .. يعني…. مش ….

ساره بضحك : خلاص يا عم انت هتفضل تقطع 

بدر شاف ساره  بتضحك وقفه جمب مهاب اتجه نحوها 

بدر بغضب مكتوم : ازيك يا مهاب ثم مد ايده إليه لكي يسلم 

مهاب بابتسامة : الحمد لله ثم سلم عليه 

بدر ضغط علي يده بغضب 

بدر بغضب : انتوا واقفين هنا ليي كدا 

ساره بتوتر : مفيش يا بدر 

بدر بغضب : طب يلا علشان اوصلك ،، سلام يا مهاب 

مهاب بابتسامة عريضة لساره : مع الف سلامه 

بدر لاحظ انه بيبتسم الي ساره وساره تنظر الي الارض بخجل ووجنيتها حمراء

بدر شد ساره وقال : يلااا

ساره مشيت معاه ثم قالت بالم : ايدي يا بدر 

بدر بغضب : ايي الي وقفك معاه 

ساره بإستغراب : وفيها ايي يابدر 

بدر بغضب : تقفي مع راجل ولوحدكم وتقولي في ايي 

ساره : انا موقفتش معاه بمزاجي انا بس كنت ماشيه وبصه في الكتب فاتخبط فيه فكنت بعتذر 

بدر بغضب : وبتضحكي معاه ليه ان شاء الله 

ساره بضجر : في ايه يا بدر هو تحقيق 

بدر بفحيح الافاعي : لو شفتك يا ساره واقفه مع مهاب او غيره مش هيعدي عليكي صبح فهمه 

ساره خافت من بدر جدا وارتعش جسدها من شده الخوف 

بدر لاحظ ان اخته ترتعش من شده الخوف فهدا من نفسه 

بدر بابتسامة : ساره انا اسف اني زعقت فيكي بس انتي عارفه اني بخاف عليكي انتي ووعد وحياة اكتر من نفسي

ساره بخوف ممزوج بالبرود : انا عاوزه امشي 

بدر : طب …..

ساره بمقاطعة : انا عاوزه امشي من هنا حالا ولو مش هتروحني همشي زي ما جيت ،، وافق بدر علي طلبها بدون نقاش لانه يعلم جيدا ان ساره عنيده 

( بدر بيخاف علي اخواته وبيغير عليهم بشدة لانه هو كان من صغره يحب ان يلعب معهم ويضرب اي حد يزعلهم )تبعوني علي صفحتيAsmaa Reda

~~~~~~~~~~~~~~~~~~~~~

” في قصر الاسيوطي “

كارمن بابتسامة : مهاب اتصل عليا قال ان حياة صحيا 

أسد ببرود : طب قومي البسي انتي والبنات 

ورد : انا مش هاجي معاكوا انهارده

علياء رفعت أحدا حاجبيها : ليي ان شاء الله 

ورد بابتسامة : عادي يعني هخلص كام حاجه وبعدين هاجي 

كارمن بابتسامة : تمام تعالي يا علياء نلبس ثم اتجهوا لكي يبدلوا ثيابهم 

ثم تابعهم أسد هو الاخر 

ورد فكرت في الرسمه الي كانت رسماها الي شخص الغامض ثم ابتسمت 

فاطمه : بت يا ورد ثم فضلت كثيرا لحد ما لفتت انتبها 

ورد بانتباه : ايوه يا ماما 

فاطمه : ايوه ايي يا اختي بقالي ساعه بنادي عليكي وانتي زي المخفيه مش بتردي عليا كنت ِ سرحانه في ايي 

ورد بتوتر : لا مفيش حاجه ااحم كنتي عاوزه حاجه يا بطوط 

فاطمه : تعالي شيلي معايا الاكل ،،، ثم اتجهوا الي المائده لكي ينظفوها 

‘ في غرفه كارمن ‘ 

كارمن : بت يا علياء مش ملحظه ان ورد متغيره 

علياء : ايوه احنا لازم نعمل جلسه بليل وتقعد علي كرسي الاعتراف وتعترف ثم غمزت لها وقالت وانتي برده تعترفي 

كارمن بتوتر : اعترف علي ايي 

علياء بمرح وغمزت لها : يا بت يعني انتي مش ااه ،، بصي احنا لازم نقعد بليل نتكلم كلنا مع بعض علي المواضيع دي 

مالك من علي الباب : يا كارمله بابا بيقولكوا انزولوا يلا 

كارمن : يلهوي قعدنا نتكلم وسبنا ابيه 

علياء : حاضر يا مالك قول لبابا خمس دقائق ونزلين 

مالك سمع الكلام واتجه لكي يخبر والده 

~~~~~~~~~~~~~~~~~

” في عربيه بدر *

بدر عارف ان ساره زعلانه منه وكل ما بيحاول يكلمها تصده 

بدر : طب اسف بقا طب زعقي فيا حتي بس بلاش متكلمنيش كده 

لم يرا ايي رده فعل ،، شغل الاغنيه المفضله وهيا اغنيه علشانك انا قادر اكمل لي كاريوكي ????

بدر بغناء : علشانك انا قادر اكمل علشانك قادر اتحمل وي كل مره بشوفك بحبك تاني من الاول علشانك انا قادر اكمل علشانك قادر اتحمل وي كل مره بشوفك بحبك تاني من الاول ليلاي ليلاي ليلاي ، كنا اطفال وكبرنا ومع بعض احنا كملنا الحكايه حب البراءه والسذاجه غلبت الدنيا الكدابه ولسا عايش جوايا 

بدر كان بيغني وهو يتمايل علي ساره وساره تبتسم ابتسامة بسيطة

بدر بمرح : خلاص بقا يا سوسو خلي قلبك ابيض ،، مردتش

بعد مده قصيره   

بدر : يلا وصلتي 

ساره نزلت من غير اي كلمه،،،،، تبعوني علي صفحتيAsmaa Reda

بدر بيكلم نفسه : انا عرفت هعمل ايي ،، ومشي بالعربيه 

~~~~~~~~~~~~~~~~

” في مخزن ” 

كان أحد في داخل المخزن وبيزعق 

علي بغضب وزعيق : انتوا يا جمايس يالي هنا 

دخل احد الرجال المفتولين العضلات يشبهون ابطال المصارعه 

…… عاوز ايي يلا انت 

علي بغضب : انا عاوز اعرف انا هنا ليه 

…… مش عندنا اوامر ان احنا نقولك حاجه وبطل دوشه صدعتنا 

نعمه : يابني انا قد امك حرام عليك مينفعش المرمطه الي انا فيها 

……. بس يا وليه انتي كمان احنا مش عاوزين صداع ورزع الباب وخرج 

محمد بتعب : اه انا مش قادر هموت 

علي بغضب : اهدي يا بابا هنطلع بس لما نشوف ولاد ال*** عوزين مننا ايي 

قاطع حديثهم دخول بدر  

بدر بخبث  : في ايي لولو مالك زعلان ليه هو احن لسه عملنا حاجه 

علي بلع ريقه بصعوبه واتكلم بخوف : بددرر 

بدر بفحيح الافاعي : ايوه يا قلب بدر ثم نظر الي محمد وقال ازيك يا عمي 

محمد بخوف : الحمد لله ازيك يا ابني 

بدر بصوت عالي : رعد 

رعد : ايوه يا بدر بيه 

بدر بغضب وخبث : انا عاوز ميدقوش المايه ولا الاكل وكل ساعه تخش تمسي عليهم تمام 

رعد بطاعه : اوامرك يا بدر بيه 

نعمه بخوف : طب وانا يا ابني 

بدر بضحكه شيطانية : للاسف مش بمد ايدي علي ستات بس هسيبك تتعذبي زي ما كنني بتعملي في اختي وبرده هناخد حقنا منك 

بدر بخبث : مالك ي علي وشك متعور ليه 

محمد : العيال الي في السجن هما الي ضربه وعوره وهو خاد جزائه يا ابني وخلاص 

بدر : انا الي اقول خد جزائه ولا لا ،، العيال الي في السجن مش بيضربوا حلو

ثم اتجه نحو علي وضربه بوكس جامد جدا وقال : دا حلو 

علي كان بينزف من انفه وفمه ،،، بدر سابه ومشي

~~~~~~~~~~~~~~

” في قصر الاسيوطي”

ورد كانت مندمجة جدا في تكمله الرسمه ، وكانت جاهزه للخروج لكن بعد الرسمه 

فجاه ظهر امامها شخص ضخم يحجب ضوء الشمس من الدخول 

ورد صوتت وهو كتم صوتها 

… بطلي صريخ انا هشيل ايدي ،، هزت راسها تدل على الموافقه 

ورد اتنفست وقال : انا اسفه يا استاذ زين بس انا اتخضيت 

زين ببرود : خلاص ،، فين أسد 

ورد : ابيه اسد راح المستشفى  

زين : تمام وخرج علطول 

ورد ببرطامه : يخربيت برودك يا اخي لوح تلج والله ،،، ماما انا ماشيه راحه المستشفى 

فاطمه : تمام يا حبيبتي خلي بالك من نفسك 

ورد : حاضر يا ماما ،، وخرجت 

ورد : اوف مفيش ولا تاكسي هنا 

زين كان خارج بالعربيه وشافها واتجه نحوها 

زين : عاوزه مساعده 

ورد بابتسامة : لا اتا بس مستنيه تاكسي او اي موصلات 

زين بابتسامة بسيطه : تحبي اوصلك 

ورد : لا شكرا لحضرتك 

زين : تمام براحتك ومشي 

ورد : ايي الراجل ده حتي مش يتحايل عليا او يقولها مره كمان 

ورد وقفت فتره طويله ،، وزين كان مستنيها ترقب 

زين : تعالي اوصلك بدل ما انتي مش لاقيه موصلات 

ورد ركبت في الكرسي الذي بالخلف 

زين ببرود : انا مش السواق بتاعك اتفضلي اركبي قدام 

ورد اتحرجت اووي من كلامه ورقبت بجانبه

~~~~~~~~~~~~~~~~~تبعوني علي صفحتيAsmaa Reda 

” في المستشفى “

حياة ووعد كانوا بيضحكوا وقاطع كلامهم صوت الباب

وعد : اتفضل 

مالك دخل جري علي حياة 

مالك بفرحه : ماما وحشتيني اوي 

حياة بحب : وانت كمان يا قلب ماما 

مالك بفرحه : انا عامل ليكي مفاجاه 

حياة بإستغراب : مفاجأة ايي 

أسد خبط علي باب الغرفة وقال : ممكن ادخل ،، ودخل بعد ما سمع الرد 

حياة : أسد 

أسد اول اما سمع صوتها ضربات قلبه عليت و بيتنفس بسرعه 

أسد : احم ازيك يا نور قصدي يا حياة 

مالك بإستغراب : حياة مين يا بابا 

دخلت علياء وكارمن 

كارمن بابتسامة : عامله ايي انهارده يا حياة 

مالك بإستغراب اكتر : مين حياة دي 

علياء بتلقائية : ماهي قاعده قدامك اهي 

مالك بنفي : لا دي ماما نور مش حياة 

علياء بتلقائية وغباء : لا دي حياة مش نور 

كارمن بغضب : بس يا علياء اسكتي 

مالك فضل يحرك راسه بهستريا 

أسد : اهدي يا حبيبي لا علياء كانت بتهزر 

مالك فضل زي ما هو لغايه اما اغمي عليه 

حياة بصدمه :مالك ………..