رواية ما بين الحلم والحقيقة (دار الأيتام 2) الفصل الثلاثون 30 بقلم أميرة أسامة

بعد ما ليل بلغ عن حاله حاج محمد ان حالته لسه زي ماهي  لاكن مفيش قلق..

فضلوا كلهم واقفين شويه يتكلموا عن حالت حاج محمد ويحاولوا يفكوا نور ويطمنوها واخيرا قرروا يمشوا نزلوا مع بعض تحت لمكان العربيات ماهي راكنه

ميرنا صحيح يا ليل انت قولتلي عاللي هعمل الفتره الجايه بس مقولتليش انا كده هاجي الشركه ولا ايه

جاسر….يانهار اسود

نوح ..لا قول احيييييه

ليل…يابنتي انتي دماغك دي متركبه صح ولا انتي لسه مهيسه طبعا هتنزلي ما كل اللي قولتهولك وطلبته منك مش هينفع غير لو نزلتي

ميرنا…بضحك طب خلاص متزءوش كده انا بطمن بس

ادم…ذكيه اوي

تمارا…خلاص كلكم عالبت ما براحه

ميرنا…حبيبتي يا تيمو لقيت حد يدافع عني

جاسر…لا ودي دفاع يعجبك اوي

تمارا…ايه مش علي حق????????

جاسر…علي حق يا وحش الحته????

ليل…يلا بينا قبل ما تتفتح

الجميع يلا

وفجأه سمعوا ست كبيره بتنادي بالتحديد علي ليل يابيه يابيه لحظه لو سمحت

وقفوا كلهم بصوا للست بأستغراب

ليل…بتناديلي انا يا حاجه

الست …ايوه يا ابني معلش لو تسمحلي بدقيقه من وقت حضرتك

ليل…طبعا اتفضلي اساعدك ازاي

الست…بابتسامه تسلم يا ابني انا مش محتاجه مساعده انا بس كنت عايزه اقولك علي حاجه مهمه تخصك

ليل….حاجه مهمه تخصني انا طيب اتفضلي

الست….بس ارجوك يا بيه اللي هقوله ده ما يتجابش سرتي فيه انا مش حمل قطع العيش يا ابني انا بربي ولاد بنتي يتامي امهم وابوهم ماتوا في حادثه وانا كل اللي ليهم ومش عيزاهم يتأذو

بصولها الكل بقلق وتوتر

ليل….بقلق اطمني يا حاجه متقلقيش بس قوليلي في ايه

الست…هو يا ابني الراجل اللي انتوا بتيجوا تزوروه ده يقربلك

بصتلها نور بخوف…ماله بابا

ليل…لحظه يا نور بص للست ايوه يا حاجه في ايه ماله

الست….بصت لنور بحزن ورجعت بصت لليل طيب معلش ممكن اكلم حضرتك لوحدك

ليل…طبعا

نور…بغضب بسيط هو ايه اللي طبعا لا مش ممكن قولي بابا ماله

الست…ابوس ايدك يا بنتي وطي صوتك

ليل…نور لحظه هشوفها عايزه ايه وهقولك

نور….وادام هتقولي يبقي ايه لزومه تروح معاها قولي يا ست انتي في ايه

ليل…بقله حيله…طيب تقدري تتكلمي

الست….بص يا ابني انا يمكن اكون شغاله هنا من سنين ويمكن اكون مليش مصدر رزق غير هنا وبس يعني المفروض متدخلش في حاجه زي دي بس انا ربنا شاهد عليا عشان الساكت عن الحق شيطان اخرس

ليل…ياستي قولي في ايه ومتقلقيش من اي حاجه والله ولو لا قدر الله حصل اي حاجه تضر شغلك انا متكفل بيكي انتي وولاد بنتك

الست….بص يا ابني خد الراجل اللي فوق ده من هنا

ليل….ليه وبعدين انا طلبت كده من الدكتور اللي متابع حالته قاللي غلط عشان حالته مش مستقره وقولتله اني مستعد اجابله طياره خاصه تنقله اي بلد فالعالم يتعاج بره قاللي اللي هيتعمل هنا هيتعمل بره وبره مش هيعملوا اي حاجه

الست….في دي كان عنده حق يا ابني بلاد بره مفيش حاجه في ايدهم يعملوها عشان الراجل اللي فوق ده ميت يا ابني ميت من يوم ما جه المستشفي

حطوا البنات ايدهم علي بوئهم في صدمه واتملت عينهم بالدموع اما نور فا بصتلها بصدمه وسكتت

ليل….انتي بتقولي ايه حاج محمد عايش والدكتور مأكدلي انه حالته مستقره وقلبه شغال كويس

الست…اسمعني يا ابني ارجوك بعد ما جه في حالته دي اتعملوا كذا عمليه والحاله اللي جه بيها كانت واضحه نبض القلب بتاعه كان ضعيف جدا واثناء العمليه الاخيره مات هانا يا ابني مش بضحك عليك انا كنت معاهم جوه  يمكن هما الشهاده لله مأثروش معاه انهم يلحقوه بس السر الالهي طلع عمره خلص بس

الدكاتره من كلامهم انك حد واصل اوي فا اتفقوا مع بعض ومع مدير المستشفي انهم يحطوه علي اجهزه عشان يبان ليكم انه عايش وفنفس الوقت البوم اللي بيعدي عليه فالمستشفي انت بتدفع كتير وهما اللي مستفادين من وجوده هنا لانهم بياخدو اللي هما عايزينه منك وانت مبتعترضش

نور….انتي كدابه بابا عايش حرام عليكي متقوليش عليه كده انا مليش غيره

الست…بحزن علي حالت نور وانا هكدب ليه يا بنتي هستفيد ايه ولو عايش ليه هقول انه ميت يا بنتي انا زي مانتي شايفه ست كبيره مش حمل بهدله بس محدش ضامن عمره واخاف من ربنا ما يتقفل عليا قبري وانا كاتمه شهاده حق وغلط شوفته بعيني طول الفتره اللي فاتت مكنتش بنام ضميري مأنبي مش عارفه اسكت وفنفس الوقت كنت خايفه اتكلم كل ما اجي اكلم الاستاذ الاقيه مع الدكاتره كنت بخاف وامشي بسرعه بس قررت اني اقولكم من يومين ولقيتكم ما بتجوش لاكن انهرده لما شوفتكم ما ضدقت وجريت وراكم عشان اقولكم واريح ضميري

نور….ليل ارجوك اعمل حاجه انا حاسه ان بابا عايش

الست….صدقيني يا بنتي ابوكي ميت ولازم تتصرفوا الراجل روخه متعلقه ارحموه ده اكرام الميت دفنه وعشان تصدقوني حضرتك يا بيه شكلك واصل وليك معارف وتقدر تجيب من اي دكتور تعرفه موافقه بنقله واطلع يا بيه وقول للمدير انك عايز تنقله مستشفي تانيه مش هيوافق ابدا يا ابني ده لو الاجهزه اللي محطوط عليها اتشالت هتعرف انه ميت

ليل…حط ايده علي راسه وهو حاسس انه تايهه

عشق….ليل من فضلك اعمل حاجه

ليل….بص للست معاكي تليفون يا حاجه

الست…ايوه معايا

ليل…طيب ادهولي من فضلك عشان اكيد هحتاجك

الست…ارجوك يا ابني متجيبش سيرتي هيأذوني او يأذوا ولاد بنتي وهيطقطع عيشي

ليل…قولتلك متخافيش انا مش هخلي حد يأذيكي انتي وولاد بنتك ولو علي قطع عيشك هعوضك اضعاف اللي بتاخديه بس لازم تقولي كل ده في محضر

الست…بخوف ارجوك يا ابني العدني عن السكه دي

ليل….هبعدك متقلقيش بس لو اضطريت لده اعذريني مفيش غيرك ادامي

الست…بخوف وتوتر اديتله رقمها ورن عليها ليل اتاكد انه رقمها…

ليل…ده رقمي سجليه واي حاجه تحصل بلغيني بيها

الست…طيب حضرتك هتعمل ايه

ليل…متقلقيش هتصرف

الست…طيب معلش هرجع انا بسرعه للشغل عشان اتأخرت واخاف يحسوا

ليل…اتفضلي

مشيت الست وفضلوا كلهم واقفين الصدمه باينه علي ملامحهم البنات دموعهم نازله نور واقفه مصدومه لاكن ثابته ومش بتتكلم

جاسر….هنعمل ايه ياليل

ليل…مش عارف دماغي واقفه حاسس اني مش عارف افكر

تعالوا نخرج من هنا نأعد في اي مكان نفكر

نور….هنمشي ونسيب بابا مش عارفين اذا كان ميت ولا عايش مش عارفين الست دي بتقول الحقيقه ولا بتكدب

ليل…نور انا حقيقي دماغي واقفه خالص نحاول نهدي شويه عشان اعرف ابدأ ازاي

جاسر…طيب تعالوا نمشي من هنا نروح المكان اللي روحناه قبل كده هو قريب من المستشفي واكيد هنلاقي حل

خرجوا كلهم مع بعض ومفيش حد فيهم بيتكلم الكل ساكت والحزن مخيم علي ملامحهم

راحوا مع بعض علي كافيه قريب من المكان

ادم…ايه ياليل بتفكر في ايه

ليل…مش عارف ارتب اي افكار يا ادم مش عارف ابدأ ازاي اكلم حد من الدكاتره اللي نعرف ولا نبلغ مش عارف

جاسر…احنا عايزين موافقه من مستشفي تانيه بس المشمله انهم لو شافوا التقرير بتاعه هيخافوا من المجازفه دي

نوح…وحتي لو قولنالهم الكلام اللي الست دي قالته اغلب المستشفيات هتخاف وتقلق وهيرفضوا

ليل…فضل يكلم كذا دكتور من معارفه عشان يتنقل عندهم بس من غير ما يقول ان هو ميت وكلهم قالوا محتاجين التقرير

جاسر….ايه

ليل….نفس كلام التلاته اللي قبله محتاجين التقرير انا شايف ان مفيش اي حل غير اننا نبلغ

ادم…او حل تاني قبل البلاغ نرجع المستشفي ونقول اننا جبناله مكان في مشتشفي تانيه ولو رفضوا يبقي نبلغ علي طول عشان تبقي اثبات حاله وان حصل مشادات بينا ميبقاش روحنا عملنا محضر كده من نفسنا

و ينوح….بس بردو با ادم لو راح قال كده اول حاجه هما كمان هيسألوا عليها فين موافقه المستشفي من غير تقرير او يعجزونا اكتر ويطلبوا اسم المستشفي والمصيبه الاكبر لو كلهم بيطبلوا لبعض مع بعض

ليل….نوح عنده حق ده اللي بفكر فيه وقلقان منه

تمارا…طيب ما احنا نروح نطلب التقرير بتاعه من المستشفي

ادم…هيفهموا ان في حاجه لان التقرير ده مبيطلبش غير لو انتي حابه تنقلي المريض او تسفريه بره او تعرضي حالته علي دكتور استشاري كبير وكل ده هيترفض خصوصا لو يعني حاج محمد مات

فالوقت ده كان موابيل ميرنا كل رن للمره الرابعه من غير ما يفصل

جاسر…في ايه يا بنتي ما تشوفي موبايلك ده

ميرنا…طيب بعد اذنكم لحظه

راحت ميرنا بره الكافيه ردت علي هادي اللي هيموت عليها من القلق

ميرنا…الووو

هادي…ايوه يا ميرنا في ايه انتي كويسه

ميرنا…ايوه يا هادي انا بخير متقلقش

هادي…مال صوتك

ميرنا…ابدا مفيش

هادي…مفيش ايه انتي معيطه

ميرنا…كان شريط ذكري والدتها عدي عليها واتأثرت بحزن نور

ميرنا…لا انا كويسه

هادي…كويسه ايه في ايه يا ميرنا

ميرنا…مفيش يا هادي بس حصل ظرف كده مش حلو لبنت من البنات اللي انا معاهم

هادي…طيب قوليلي في ايه يمكن اقدر اساعدك

ميرنا…مفتكرش. 

هادي…طب قوليلي بس في ايه

ميرنا…حكيتله كل حاجه وهي بتعيط

ميرنا….بس ده كل اللي حصل وانا اعده معاهم الوقت في كافيه قريب. من المستشفي عشان ليل فصل مره واحده هو والشباب مش قادرين يركزوا

هادي….يعني المشكله كلها فالتقرير الوقت

ميرنا…تقريبا كده انا مش فاهمه اوي اللي بيتكلموا فيه

هادي…ميرنا طيب ممكن تديني ليل او تقوليله لو موافق اني ادخل وساعه زمن كل حاجه هتكون خلصانه

ميرنا…بجد يا هادي

هادي…بجد يا ميرنا انا ليا واحد صاحبي اوي عنده مستشفي والمدير بتاعها اخوه وهو كمان صاحبي ومش هيتأخروا عليا في طلب زي ده ومن غير تقرير كملن

ميرنا…طيب ياريت بجد

هادي…طيب ادخلي بلغي ليل ولو تمام انا موجود

ميرنا…طيب انا هرجعلك تاني علي طول

هادي…مستنيكي

دخلت ميرنا بسرعه كان ليل لسه بيحاول مع كذا دكتور من معارفه عشان يوصل لحل.

ميرنا….ليل

ليل…ايوه يا ميرنا

ميرنا…هادي كان معايا علي الموبايل وقولتله اللي حصل وهو قالي استأذنك واعرض عليك لو توافق هو يساعدك في الموضوع ده وبيقول ساعه زمن ويكون مخلصلك كل حاجه

جاسر…طب وهادي هيتصرف ازاي وبعدين هو مش لسه مجاش القاهره

ميرنا… لا هو جه اول امبارح قبل ما نرجع احنا بيوم عشان عنده حجات يخلصها قبل الاجتماع اللي هيعمله معاكم وهو بيقول ان ليه واحد صاحبه جدا صاحب مستشفي واخوه هو مدير المستشفي وصاحبه جدا بردوا ومش هيعترضوا علي مساعدته ابدا ومن غير اي تقرير كمان

ليل….طيب ده كويس اوي مسك ليل موبايله واتصل بهادي

رد…هادي بعد تاني جرس

هادي….الووو

ليل…ازيك يا هادي

هادي…الحمد لله ياليل بخير

ليل…هادي ميرنا بتقول انك ممكن تساعدنا هتقدر ولا هنضيع وقت

هادي…ساعه زمن بالظبط وهخلصلك كل حاجه

ليل…طب ولو حصل اي حاجه ورفضوا

هادي…في ميت حاجه نعملهم اسهلها البلاغ بس في حل تاني ان المستشفي بتاعت صاحبي تبعتلك دكتور استشاري يباشر حالته وطبعا الدكتور هيعرف بنفسه انه مت في او لا

ليل….طيب ده كمان حل كويس اوي

هادي …طيب هقفل الوقت وتبعتلي بش اسم المستشفي اللي هو فيها حاليا وعرفني انتوا فين بالظبط

ليل…تمام

قفل ليل مع هادي وبعتله اسم المستشفي ومكانهم في رساله عدي حوالي ساعه ونص كان هادي اتحرك وقال لصحابه اللي وافقوا انهم يساعدوه واتفقوا انهم يجهزوا عدي عليهم هادي خد منهم الموافقه وبعت معاه عربيه اسعاف سبقته ووقفت ادام باب المستشفي

اما هادي فا وصل ادام الكافيه ركن عربيته ودخل جوه كان ظاهر علي شكله وهيئته الهيبه والوسامه اول ما لمحته ميرنا رغم حزنها حست ان قلبها بيرقص

دخل هادي بخطوات واثقه

هادي…مساء الخير جميعا

قام ليل..سلم عليه وحضنه هو ونوح وادم وجاسر رحبوا بيه

واعد معاهم

ليل…ايه الاخبار يا هادي معلش طبعا جالك موضوع ملغبط في وقت مش مناسب

هادي…عيب ياليل متقولش كده انا معملتش اي حاجه وبعدين انت غالي عندي انت والشباب وانا لما عرفت من ميرنا انا اللي عرضت عليها يعني عادي مفيش اي حاجه

جاسر…طيب وقدرت توصل لحاجه

هادي…طلع من جيبه ورقه…دي الموافقه جبتها من المستشفي وجيت عليكم علي طول ولازم نتحرك الوقت المستشفي بعتتلنا علي المستشفي عربيه اسعاف

جاسر…ايوه واحنا هنعمل ايه بعربيه الاسعاف والقصد من كل الحوار ده اننا نعرف الراجل عايش ولا لا احنا غرضنا مش النقل اصلا

هادي…تمام جدا بس حركه الاسعاف دي هتربكهم اكتر اننا جاهزين بالموافقه والعربيه وكل حاجه

تمارا…بس مش هما ممكن يوافقوا يتنقل عادي ويخلوا مسؤوليتهم وكده كده الاجهزه باينه انه عايش

هادي…. طبعا انا بعيد خالص عن الطب بس اللي فهمته من صحابي عشان يتنقل من العنايه لسرير اسعاف هيضطروا يشيلوا كل الاجهزه دي وطبعا بتتم بسرعه عمليه النقل للعربيه وبيوصلوه بيه الاجهزه تاني ولو هو لاقدر الله متوفي بعد حوالي دقيقه بيبان ان هو متوفي وطبعا هو باعت مع الاسعاف دكتور استشاري زمانه وصل هو كمان وده هيقدر يحدد اذا كان متوفي ولا لا ويعرف متوفي من امته ويعرف ان الاجهزه فعلا اللي كانت مبينه انه عايش ولا لا

نور…كانت بتسمع كل ده وساكته مش بتنطق ولا تعيط

ليل…طيب تمام يلا بينا نروح

هادي…يلا

اتحركوا كلهم عالمستشفي مع بعض واول ما وصلوا شاف هادي الدكتور الاستشاري وصل ومستنيه وفي عربيه اسعاف

اتكلموا مع الدكتور قبل ما يطلعوا في كذا حاجه وفهم منهم شويه حجات

الدكتور…بس معلش ممكن سؤال

ليل…طبعا

الدكتور…اثناء ما كان في الرعايه حد دخلكم جوه تشوفوه ولا كنتوا بتشوفوه من بره الاوضه

ليل….لا كانوا مانعين جدا وكنا بنشوفه من الازاز وقالوا انه غلط وفي يوم شوفت ان في رعايه تانيه بيدخل اهل المريض يزوره لما قولت للدكتور قال ان خالته افضل من حاج محمد لاكن حاج محمد غلط اننا ندخله لانه عامل كذا عمليه واي كلام ده ضغط عليه اي لمسه غلط عليه عشان العمليات فا الافضل ليه اننا نفضل بره

سكت…الدكتور شويه

ليل…في حاجه يا دكتور

الدكتور….لا بس في رعايات فعلا مبتدخلش عد وبيكون ممنوع الزياره اصلا بس علي حد علمي هو المفروض انه اتحسن بس في غيبوبه طيب مادخلتوش ليه طول الفتره دي

جاسر…حضرتك شاكك في حاجه يا دكتور

الدكتور…مش عارف الوقت نشوف بس خلينا الاول نطلع ولما نطلع انا عايز اشوف المرض ده بلاش نروح للمدير الوقت

ليل…طيب تمام يلا بينا

طلعوا كلهم تاني لاكن مش مع بعض طلب ليل منهم يستنوا يطلعوا هما الاول عشان ميحصلش شوشره وطلع هو وهادي والدكتور وجاسر

بص عليه الدمتور من بره

ليل…ايه يا دكتور

الدكتور انا محتاج ادخل ثواني

هادي…طيب ادخل مفيش اي حد موجود

دخل الدكتور بهدوء بسيط

واول ما دخل عمله كشف سريع فتح عينه وركز عليها بكشاف الموبايل حرك جزء من منديل بين عينه جس بايده النبض في عروق الرقبه وايده

ثواني وخرج وملامحه متبشرش بخير

ليل…خير يادكتور

الدكتور….الراجل ده ميت وبقاله فعلا فتره

اتصدم ليل وسكت

جاسر…طيب ايه اللي عرفك انه ميت

الدكتور…. في كذا علامه نقدر نحدد اذا كان الشخص ده متوفي او لا اولهم فقدان الشعور بأي نبض لمدة دقيقة كاملة من فحص الشريان بالرقبة

اتساع حدقة العين ودي واضحه جدا لما قربت كشاف الموبايل مستجابتش

حركت جزء من المنديل على قرنية العين مفيش اي رد فعل بإغلاق الجفون وطبعا في

ظهور اغشيه بيضا في القرنية

وواضح جدا تيبس عضلات الجسم  بطريقه ملحوظه وده بيحصل بعد حوالي 3 إلى 4 ساعات على الوفاة وبيظهر لون أحمر أو حمر في أزرق بنفسجي على جلد الميت وده بيحصل  بعد الوڨاه من ساعه لتلاته ولون جسمه غامق جدا وواضحويمكن ده السبب اللي كان مخليهم يرفضوا انكم تدهلوا لان هتلاحظوا جدا لون الجسم هتلاحظوا تخشب الجسم طبعا الاجهزه دي لو اتشالت فا هو ميت اصلا دي بس عشان اهل المريض يطمنوا انه عايش صوت وحركه طبيعيه للقلب والتنفس من خلال الاجهزه لاكن هو ميت للاسف

فالوقت ده كان طلع ادم ونوح بالبنات

راح ليل وهادي والدكتور لمدير المستشفي

نور…لجاسر الدكتور قال حاجه

جاسر…بارتباك لا خالص هو راح الوقت مع ليل عند المدير هيعملوا اللي قولنا عليه وان شاء الله خير ويطلع كل ده كدب

نور….وهي بصاله يارب

فضلوا كلهم واقفين مستنينهم

وبعد حوالي نص ساعه سمعوا صوت عالي وخناق صوت ليل كان جايب المستشفي كلها بطريقه ترعب

جريوا عليه كلهم

مدير المستشفي…ليل باشا اللي بتعمله حضرتك ده غلط مش قانوني

ليل…قانوني ايه يا زباله الوقت حالا انا هعرفك ايه هو اللي قانوني انا بلغت ادامك وهنشوف لما النيابه تيجي هتعمل ايه

جاسر.. لهادي ايه اللي حصل

عادي…رفض وقال غلط ومش من مصلحته واتعفرت لما ليل قاله معانا استشاري يبص عليه ويطمنا وبردو رفض ليل قاله الراجل ده ميت طبعا شدوا مع بعض ليل اتصل ادامه بكذا حد وبلغ وادينا مستنين

ليل….نمشي ايه انت عبيط ولا ايه انت مش عارف انت بتكلم مين يا هبل انت انا ليل السيوفي اللي وحيات غلاوه الراجل الطيب ده هرميك فالسجن انت واللي كانوا وراك بينفذوا كل حاجه

حاول دكتور فيهم يدخل بالخباثه لحاج محمد

ليل….مسكه انت رايح فين الاوضه دي محدش هيدخلها غير لما النيابه تيجي وتحقق

مدير المستشفي من فضلك بلاش شوشره احنا مستشفي محترمه

ليل…محترمه هنعرف اذا كنت ا مستشفي محرتمه ولا لا لما تيجي النيابه ويدخل الدكتور الاستشاري ادامهم يكشف ويثبت خاله لو عايش اللي انت عايزه هعمله لاكن لو ميت هاخد روحك بأيدي

هادي…ليل اهدي بقي من فضلك احنا مستنين لحد ما النيابه توصل ومحدش هيدخل ياسيدي الوقت اهدي واللي احنا عايزينه كله هيحصل

وقف ليل ادام الباب مانع اي حد انه يدخل كلهم واقفين حواليه مدير المستشفي راح علي مكتبه بيعمل كذا تليفون حاسس انه في ورطه كبيره وحواليه الدكاتره اللي كانوا معاه يوم العمليه

عدي حوالي ساعه إلا ربع ووصل المستشفي الجارد بتوع ليل بره المستشفي وجوه المستشفي…ووصل حمله من الداخليه وكلهم جايين مجامله لليل ومعاهم وكيل النيابه جه بسرعه مدير المستشفي والدكاتره عشان مايبانش عليهم حاجه

وكيل النيابه مساء الخير ياليل في ايه

ليل…سيف باشا مساء النور حكاله ليل كل حاجه هو والظباط اللي جم معاه

وكيل النيابه…لمدير المستشفي المريض حالته اتحسنت عن الاول

مدير المستشفي… طبعا يا باشا الدكاتره مع حضرتك تقدر تسألهم وتعرف منهم اكتر عن حالته واحنا اصلا مبلغين ليل باشا بكل حاجه بتحصل ومطمنينه انه افضل كتير

وكيل النيابه…مين ياليل الدكتور الاستشاري اللي معاك

الدكتور ..انا يا فندم

وكيل النيابه اتفضل معايا

مدير المستشفي يا باشا ده غلط علي المريض انا هخلي مسؤوليتي

وكيل النيابه وقف انت هتعرفني شغلي وبعدين تمام تقدر تعقمنا عشان الراجل ده لو عايش ميتأذيش ولا ايه

سكت مدير المستشفي

وكيل النيابه للممرضين اللي واقفين حد يا ابني يجي يلبسنا لبس الرعايه ده????

راح بسرعه ممرض لبس الدكتور ووكيل النيابه ودخلوا

ابتدا الدكتور يعيد الكشف عليه ادام وكيل النيابه كلهم بره من ورا الازاز نور ضربات قلبها كأنها طبول من شدتها

ليل مركز مع نظرات وكيل النيابه والدكتور بيقولوا كلام هو مش سامعه..

وبعد عشر دقايق من الكشف خرجوا

وكيل النيابه

البقاء لله يا ليل

انهاروا البنات وراحو لنور بسرعه

نور…البقاء لله ازاي بابا عايش انتوا ليه مصممين انه مات بابا عايش بابا انا بحس بيه كل ما اجي ازوره انه بيتحسن ازاي تقولوا انه ميت

نوح…نور اهدي من فضلك

نور..بعد ايدها عنه بعنف وانهيار اهدي ايه بيقولك بابا مات قولي ازاي حد يرد عليا بابا بقاله اكتر من شهر وقاله انه في غيبوبه طب لما هو ميت قالوا انه عايش ليه ادوني امل انه هيصحي ليه انا كنت باجي كل يوم اقف ادام الازاز ده والدكاتره دول كلهم شايفني وانا واقفه اعيط وادعي  ربنا انه يقوملي بالسلامه ايه مصعبتش عليكم مفيش حد فيكم ضميره وجعه وانا ميته عشانه طب بلاش انا مصعبش عليكم الراجل ده وهو محتاج اننا نكرمه اييييه مسمعتوش عن اكرام الميت دفنه

مدير المستشفي اللي بيحصل ده كدب وتلفيق

ليل…باندفاع انت لسه هتنكر يا ابن الكلب وقبل ما يوصله لحقوه من ايد ليل

ليل وديني لاهقتلك

وكيل النيابه ليل اهدي احنا هنا بنشوف شغلنا من فضلك سبنا احنا نتعامل…

عدي حوالي 3ايام بين تحقيقات وتحويل حاج محمد للطب الشرعي عشان يعرفوا سبب الوفاه وتاريخها… بعد التحقيقات وكلام كتير انتهي باعتراف الدكاتره اللي كانوا معاه في العمليات انه مات في تالت عمليه وبعد اعتراف الممرضه اللي قالت لليل كل حاجه عليهم اتحولوا للنيابه

واخيرا طلع قرار بدفن حاج محمد

وبعد ما خلصت كل الاجراءات وطلعوا شهاده وفاته استلموا جثته من مصلحه الطب الشرعي

البنات كانوا في حاله وحشه جدا اما نور فا اتبدلت تماما مبتتكلمش ساكته طول الوقت الحزن كبرها ضعف سنها….

وصلوا بيه المقابر الخاصه بعيله السيوفي…

وقبل ما ينزلوه علي قبره

نور….ليل من فضلك ممكن لحظه

هز ليل راسه سابوه زي ماهو في التابوت قريت نور واعدت علي ركبتها…بدموع وصوت واطي مش ظاهر منه اي كلمه غير صوت دموعها

نور….سبتني يا بابا خلاص مش هشوفك تاني مش هكلمك تاني طب انا كنت كل يوم باجي اشوفك فالمستشفي كنت مبسوطه حتي لو مكنتش بكلمك او احضنك  بس كفايه انك ادامي…وكلهم بيقولوا انك كويس طلعت طول الفتره دي كنت ميت يابابا ليه وجعت قلبي كده ياحبيبي لبه مفوقتش حتي لو دقيقه تاخدني في حضنك ليه مودعتنيش يا بابا ليه مفيش بينا كلام وداع افتكرك بيه ليه روحت بسرعه من غير كلام ولا وداع عملت فيا كده ليه ياحاج محمد وجعتي قلبي اللي طول عمرك بتعمل المستحيل عشان ميدوقش الوجع هتوحشني اوي

نوح…شد ايدها عشان تقوم خدوها منه البنات وانهاروا مع بعض فضلت سهام والدت ليل واقفه ماسكه ايدها تحاول تهون عليها هي ومني والدت جاسر…

بعد مده بسيطه خلصوا الدفن وقفوا شويه يقرأوله قرأن ويدعوله دعاء المتوفي وبعد شويه مشيوا روحهم ليل عالشقه عشان يجهزوا للعزا طلبت سهام انها تفضل معاهم هي ومني

راحوا الشباب خلصوا كل حاجه

فضلت نور نايمه عالسرير وساكته

وابتدا النهار يروح عدي عليهم الشباب خدوهم وراحوا علي مكان العزا كانت قاعه كبيره مخصوصه للمناسبات..كانت مليانه ناس من الشركه والبيت القديم وناس بتجامل ليل

عدوا الشباب والبنات وقت طويل كله تعب بقالهم حوالي اربع ايام مش بيناموا من يوم وفاته للتحقيقات المستمره..

خلص اخيرا العزا

راح الشباب مكانهم كانت عشق اعده وواخده نور في حضنها وهي ساكته مبتتكلمش دموعها نازله في صمت

ليل…خلاص الناس مشيت

سهام…ايوه ياحبيبي خلاص

ليل…تمام عامله ايه يانور

نور…………..

ليل…نور انتي كويسه

نور…………..

عشق…بدموع مش راضيه تتكلم خالص

نوح…راح ادمها اعد علي ركبته نور قولي اي حاجه متقلقيناش عليكي

نور…………….

نوح….عشان خاطري طمنيني عليكي

سهام… نور يا حبيبتي انتي مؤمنه بالله اكيد ربنا مبيعملش حاجه وحشه مش يمكن ده افضل ليه مش يمكن لو مان عاش كانت الحادثه أثرت عليه

ليل….طيب يلا نروحهم هي اكيد محتاجه ترتاح سيبوها شويه لحد ما تهدي

سهام….انا هبات معاهم مش هسيبهم

ليل…طيب روحي واجيلك بكره انتي مش معاكي غيار

عشق…بدموع روحي ياطنط عشان ترتاحي من الصبح وحصرتك معانا روحي ارتاحي وغيري وتعالي بكره

سهام…وانا قولت مش هسيبكم انا جايه معاكم ولا انتوا مش عايزني اجي

عشق…طبعا لا ياطنط ده بيت حضرتك انا بس عشان متتعبيش لاكن لو حضرتك مصممه خلاص تعالي ولو عالغيار حضرتك نفس جسمنا تقريبا وفي لبس كتير جديد اختاري اللي ترتاحي فيه وخليكي معانا

سهام…خلاص اتحلت اهي

مني….وانت كمان هفضل معاكم

جاسر.. لا يا امي مش هينفع انتي علاجك فات وقته مرتين مينفعش

مني…مش هيحصل حاجه من يوم

جاسر…لا يا امي هيحصل بالله عليكي روخي خدي علاجك والصبح يا ستي انا هوصلك لحد عندهم

تمارا…روحي حضرتك يا طنط عشان علتجك وشكل حضرتك مرهق جدا طنط سهام معانا

مني….ماشي بس الصبح هتجيبني يا جاسر

جاسر…حاضر يا امي

نوح…كان اعد كل ده علي ركبته ماسك ايد نور باصصلها ومش بيتكلم وهي مش معاه

نوح…نور ردي عليا عشان خاطري

ادم…طيب يلا يا جماعه

ليل….هادي بجد انا مش عارف اقولك ايه انت وقفت معانا وتعبت بجد وراح الاجتماع اللي كنت جاي عشانه والدنيا متلغبطه عالاخر بجد انا بعتزرلك جدا

هادي…ايه ياليل اللي بتقوله ده بس انا معملتش اي حاجه انتوا اخواتي ويمكن انا معرفش حاج محمد اوي بس واضح انه راجل طيب وربنا مسخرله كل واحد يعمله حاجه وانا كنت من ضمنهم واظن الناس اللي عزت فيه دي تأكد كلامي ربنا يرحمه

ليل…يارب وان شاء الله هكلمك عشان نظبط كل حاجه

هادي…ليل اعتبرني مجتش القاهره اصلا مفيش مشكله الشغل يتأجل اسبوع اتنين عادي

ليل…مش عارف اقولك ايه

ادم.. مش جديد علي هادي طول عمره جدع

هادي…حبيبي يا ادم طيب قبل نا استأذن انا مش محتاجني في اي حاجه

ليل…ربنا يخليك ياهادي انت كفايه عليك كده اوي

هادي…طيب لو احتجتني في اي وقت انا موجود

جاسر…شكرا ياهادي تعبناك

جاسر…تعبكم راحه ياصاحبي وان شاء الله تكون اخر الاحزان البقاء لله يا انسه نور

بعد اذنكم..

ليل سلام ياهادي

راح معاه ادم يوصله

وكلهم اتحركوا وراه خرجوا عالعربيات

مشي سراج ومني

جاسر…خد تمارا وميرنا اللي كان باين عليها الحزن زيهم زعلانه عشان نور وعشان افتكرت والدتها

تمارا وادم مشيوا

ووراهم نوح ونور

وليل خد عشق ووالدته

ركبت عشق ورا وطل الطريق دموعها مش بتوقف ليل عينه عليها فالمرايه وهاين عليه ينزل ياخدها في حضنه عارف انها لتعلقت بيه بسرعه وعارف ان الحلم الوقت هو اللي مأثر عليها وتاعبها مش قادره تصدق انها رجعت تاني لنفس الوجع بعد ما اطمنت انه عاش طب ليه فضل طول الفتره دي ابه الحكمه في كده

واللي كان تاعبها اكتر هو حلمها

اللي قالته لليل اول ما وصلت الشركه وحس انها متغيره طمنها ليل لاكن عشق كانت حاسه ان في حاجه هتحصل لاكن مكانتش تعرف انه عم محمد المقصود

????????????????????

يتبع…..