رواية ما بين الحلم والحقيقة (دار الأيتام 2) الفصل الحادي والثلاثون 31 بقلم أميرة أسامة

وصل ليل تحت البيت هو والشباب

وطلعوا مع بعض

وراح ادم وجاسر يجيبولهم عشا محدش فيهم كل اي حاجه من الصبح ومن يوم الوفاه تقريبا محدش بياكل اي حاجه كلهم باين عليهم التعب والارهاق وعدم الاكل  مغير ملامحهم..

دخلوا الشقه واول ما دخلوا اعدوا كلهم كان صوت القرأن شغال فالشقه..

نور…باصه عالفراغ من غير كلام من غير دموع من اغير اي ردود افعال ملامح باهته ستاره من الحزن واضحه علي عيونها جسم هزيل وشها شاحب.

عشق…نور حبيبتي تحبي تقومي تغيري

نور……….

عشق…طيب قومي ارتاحي انتي بقالك كذا يوم مش بتنامي

نور………

سهام….قومي يانور يا حبيبتي غيري هدومك وخديلك شاور عشان تفوقي لحد ما ادم وجاسر يجيبوا العشا

نور………

نوح….نور قومي يلا مع عشق والبنات

عشق…مسكتها من ايدها قومي يانور معايا تعالي

قامت نور بضعف مشيت مع عشق وراحت معاهم زهره.

ولع ليل سيجاره وهو كمان ملامح الحزن باينه عليه.

سهام…مسكينه الصدمه كبيره عليها اوي اكتر من شهر شيفاه ادامها وهي متعرفش انه ميت

تمارا…اعده ساكته ودموعها نازله

ليل….ربنا يرحمه يارب المهم انه ارتاح

نوح…انا قلقان علي نور اوي حاسس انها محتاجه دكتور

ليل متقلقش يانوح لو فضلت كده اكيد هجبلها دكتور

سهام…متقلقوش هي بس الصدمه شديده عليها متستهونوش باللي هي فيه مامتها متوفيه والوقت باباها ملهاش حد خلاص ونور سنها صغير واللي حصل فوق طاقتها ربنا يصبر قلبها

ميرنا….بدموع صعبانه عليا اوي وفكرتني بموت مامي وقتها حسيت اني تايهه ولوحدي رغم ان بابي كان جمبي ومسابنيش مابالكم بقي هي لوحدها معهاش حد فيهم

تمارا…يمكن انا مجربتش الاحساس ده قبل كده بس بجد الراجل ده فراقه وجعني اوي

سهام….اهدوا يابنات وصلوا عالنبي كده ده مكتوب وكلنا هنموت اه الفراق وحش بس مينفعش حياتنا تقف علي حد ادعوله بالرحمه وادعي لمامي ياميرنا بالرحمه اللي بيموت مبيبقاش محتاج مننا اننا نعيط عليه اد ماهو محتاج لكل دعوه منكم

تمارا…ربنا يرحمه ويسامحه ويغفرله

ميرنا… ربنا يرحمهم يارب

ليل…علي فكره نور مينفعش تشوفكم كده كفايه اللي هي فيه المفروض تساعدوها تخرج من حالتها دي طول ماهي شيفاكم كده هتفضل هي كمان كده وحالتها هتسوء اكتر

تمارا….غصب عننا ياليل ربنا يعلم يمكن هو غالي عند نور اوي بس هو غالي عندنا احنا كمان اوي

نوح ..ربنا يرحمه يارب بس عشان خاطري ياتمارا حاولوا زي ماليل قال وخصوصا انتي وميرنا حاولوا تخرجوها من اللي هي فيه ده

تمارا…حاضر

ميرنا…حاضر يانوح

خبط الباب فالوقت ده

راحت ميرنا فتحت

كان ادم وجاسر رجعوا بالاكل خدت ميرنا من ادم وراحت هي وجاسر حطوا الاكل في المطبخ

ورجعوا اعدوا معاهم

جاسر…ايه فين نور

سهام….عشق خدتها هي وزهره تغيرلها وتخليها تاخد شاور عشان تفوق

جاسر…طيب كويس ربنا يصبرها

وبص لميرنا وتمارا وانتوا الاتنين حاولوا تفكوا كده عشان هي كمان تفك

سهام…لسه والله قايلنلهم الكلام ده.

جاسر…هي الوقت محتجاكم جمبها انا عارف انكم مضايقين خصوصا انتي ياتمارا لانك عاشرتيه بس بجد هي الوقت محتجاكم

تمارا…حاضر ياجاسر

خرجت عشق وهي باين عليها الارهاق وحبات العرق علي وشها لاكن كانت متماسكه وفي حالت

سهام….ايه يا عشق نور كويسه

عشق…الحمد لله ياطنط خدت شاور وغيرتلها وسرحتها وبتصلي

سهام….طيب كويس فين زهره

عشق…دخلتها تاخد شاور هي كمان

سهام….ماشي ياحبيتي

عشق…يلا تمارا انتي وميرنا قوموا غيروا هدومكم وخدوا شاور لحد ما اظبط العشا

تمارا….اعده ساكته ودموعها نازله

ميرنا….طيب انتي مش هتدخلي

عشق ..متشيليش همي قوموا انتوا بس ملكوش دعوه بيا

ليل كانت عينه عليها وحاسس انها بتحاول تتماسك عشانهم.

عشق….مسكت تمارا من ايدها يلا حبيبتي قومي انا طلعتلك غيار هتلاقيه علي سريرك قامت معاها تمارا دخلت اوضتها ودخلت ميرنا

بعد شويه رجعت عشق

عشق…طنط انا طلعتلك غيار جديد في الاوضه عندي تعالي يلا معايا عشان تاخدي شاور وتغيري هدومك دي

سهام….طيب لما احضر معاكي العشا

عشق.. لا روحي يلا انتي عشان الاكل ميبردش بس وعشان مش هتعرفي تاكلي بهدومك يلا تعالي

قامت سهام راحت معاها عشق عالاوضه ورتها الهدوم

عشق…ايه رأيك هيجوا مقاسك

سهام…اه حلويين اوي ياحبيبتي

عشق…طيب تمام انا هخرج واسيبك براحتك خدي شاور وظبطي نفسك

سهام…شكرا يا عشق

عشق…بابتسامه بسيطه علي ايه بس يا طنط بعد اذنك

سهام…اتفضلي يا حبيبتي

خرجت عشق بره

عشق…تشربوا حاجه

ليل…تعالي ياعشق اعدي ارتاحي شويه

عشق…لا انا كويسه

جاسر…اعدي يا عشق انتي مش بتأعدي ابدا وشايله همهم كلهم اعدي شويه

عشق…متقلقوش عليا انا كويسه والله هروح اظبط الاكل لحد ما يخلصوا بعد اذنكم

جاسر….بحس ان عشق امهم فعلا زي ما البنات بيقولوا

نوح…فعلا مسابتش نور لحظه مهتمه بتفاصيل تمار وزهره اوي كأنهم ولادها حتي ميرنا اللي لسه عرفاها من كام يوم بتعاملها زي ما بتعاملهم

ادم….عشق بنت حلال وجدعه

ليل…..قام طفي السيجاره وراحلها عالمطبخ

بصوا الشباب مكان ماهو رايح عرفوا انه رايح لعشق…

دخل ليل علي عشق المطبخ كانت راحه جايه فالمطبخ تطلع اطباق ومعالق وتحضر الاكل.

وقف ليل ربع ايده وفضل باصصلها من غير ولا كلمه

عشق….محتاج حاجه ياليل

ليل…لا

عشق….اعملك قهوه ولا شاي ولا لما تاكل احسن فضلت عشق تكلمه وتروح وتيجي ومرتبكه وكانها ماسكه نفسها بالعافيه بس بتداري ده كله بكلامها الكتير وحركتها السريعه

مسكها ليل من ايدها مره واحده

بصتله عشق وعينها كلها دموع وكأنها بتحاول تشغل نفسها طول الوقت عشان متنهارش

ليل…وهو ماسك ايدها وباصص في عينها طول الوقت ماعدتيش شايفك راحه جايه شايفك شايله هم كل اللي حواليكي حتي امي بتحاولي تهوني علي نور وزهره وتمارا بتحاولي تخلي ميرنا تفك عشان متفتكرش والدتها شايفك بتمسحي دموع كل واحده فيهم شايفك بتاخدي كل واحده فيهم في حضنك عشان تهوني عليها.. بس انا عارف انك تعبانه ياعشق ومحتاجه اللي يهون عليكي

انهارت عشق فالوقت ده

عشق….انا قلبي واجعني ياليل اوي

شدها ليل جوه حضنه مسكت عشق في القميص بتاعه وفضلت تعيط

ليل…عيطي ياعشق عشان تفوقي وترتاحي طول الكام يوم اللي فاتوا كنت عايز اخلص من اي حاجه انا مشغول بيها عشان اخدك في حضني عشان عارف انك محتجاه

عشق…خرجت من حضنه ليل انا بجد تعبانه كان عندي امل انه يعيش طول الوقت كنت بدعي ربنا انه يفوق طول الوقت الحلم مش بيفارقني يمكن اللي تاعبني اكتر اني قولت القدر بيتغير واهو عاش بعد الحادثه مماتش اه في غيبوبه بس الحلم اتغير واكيد هيفوق منها طلع ميت يا ليل من اول يوم طب فالحلم هو فاق وكلمك ووصاك علينا وقدرنا نودعه شويه لاكن هو راح من غير ما نودعه راح من غير ما يوصيك علينا راح بعد ما كان عندنا امل انه يعيش راح ياليل وخلاني اعرف ان كل حاجه في حلمي بتتحقق تمارا عملت الحادثه هايدي كانت السبب في موته اللي اتهجموا عليا اتهجموا تاني مبقاش فاضل كتير عالنهايه يا ليل كل حاجه وحشه شوفتها في حلمي بتتحقق في ايه يوجع في حلمي لسه متحققش غير اللي هيحصل لنور ونوح وغير المواجهه الاخيره ياليل اللي المفروض انا هسيبكم فيها لما شوفت اخر حلم وحكتهولك طول الحلم الشخص ده كان مديني ضهره مشفتوش بس هو قاللي ياليل انه خلاص كمل رسالته وماشي

طيب كان يقصد ايه رساله ايه اللي كملها وهو بقاله فتره في غيبوبه طب ايه اللي طمنه عشان يسبنا ويمشي

ليل…..عشق يمكن مش كل حلم بنحلمه بيتحقق ويمكن يتحقق بس مش شرط ان الحلم اللي نحلمه يكون مكتوب مش لازم كل حاجه تتحقق وانا لما وعدتك اني مش هخلي حاجه تحصل طول الوقت كنت بحاول احقق حجات جديده مشوفتهاش في حلمك عشان تتأكدي ان في جديد في حياتك بس موت حاج محمد مكنتش اقدر اوقفه لان ده عمره وهو مش محتاج يفوق عشان يوصيني عليكم يا عشق انا وعدتك يا عشق وهوعدك تاني لاخر يوم في عمري مش هسيبكم مش هخلي حاجه تمسكم مش هسيبكم تتوجعوا هتفضلوا مسؤوليين مني لاخر يوم في عمري هسلم كل بنت فيهم للي قلبها اختاره هخليكي تطمني عليهم بنفسك وقولتهالك وهقولهالك تاني ياعشق انا مستحيل اسيب الموت يا خدك مني بلاش تخلي الحلم يأثر عليكي انا طول الوقت بشوفك اقوي واحده فالدنيا بأيمانك ازاي الوقت اشوفك بالضعف ده

عشق…مش ضعف يا ليل بس خوف تخيل كده شوفت حلم وبيتحقق بالحرف ادامك وياريته حلم حلو ده حلم بتشوف فيه كل حد غالي عليك بيتأذي ادامك صدقني ده احساس متعب اوي

ليل…عارف ياحبيبتي بس لو حلمك مكتوب ياعشق لو حصل ايه هنشوفه عشان محدش بيهرب من المكتوب بس مينفعش حتي لو ده المكتوب نفضل طول الوقت في حزن ووجع لحد ما يتحقق الحلم حاولي تنسيه ياعشق انتي ازاي مفكرتيش ان يمكن يكون ربنا ميزك عن اي حد انك تشوفي الحاجه قبل ما تحصل مش يمكن انتي مفضله عند ربنا

عشق….بس انك تعرف الغيب دي حاجه متعبه اوي ربنا قال لو علمتم الغيب لاختارتم الواقع وصدقني انا نفسي اكون مميزه عند ربنا إلا فالحاجه دي عشان تعبت

ليل….عشان خاطري اهدي شويه

عشق….احساسي بالذنب من ناحيت نور مموتني

ليل….ليه ياعشق هو انتي اللي موتيه ده عمره ياحبيبتي بيكي من غيرك خلاص معاده جه وبعدين عايز اقولك حاجه يمكن الفتره اللي حاج محمد كان فيها فالمستشفي احنا كلنا قربنا من بعض اوي كل واحد فيهم اعترف بحبه للتاني يمكن اطمني عليهم اكتر مع بعض نوح اعترف بحبه لنور قبل ما يحصل بينهم الحادثه ادم وزهره كمان زيهم جاسر وتمارا واظن جاسر ساب هايدي قبل اي حاجه تاني ما تحصل

انا وانتي ياعشق وحجات كتير اوي حصلت الفتره البسيطه دي ويمكن ربنا أجل معاد حزننا علي حاج محمد لحد ما كلنا نكون مستقرين وكل واحد فينا عارف هو عايز ايه يمكن دي الرساله اللي قالهالك حاج محمد حب يطمن علينا ويوضينا عليكم بطريقه غير مباشره ولما ربنا طمنه ان انتم بقيتوا في امانتنا راح صح ولا ايه

عشق…هزت راسها

ليل…امسحي دموعك دي عشان بتموتني ياعشق اجمدي وعايز اشوفك ديما قويه وصدقيني نعدي الفتره دي بس وهخليكي تطمني عليهم كلهم ومش هيبقي غيرك وقتها بس هطمنك انتي كمان علي نفسك وانتي في بيتي وفي حضني

ابتسمت عشق براحه خدها ليل في حضنه تاني.

ليل…بحبك ياعشق وهعمل كل حاجه فالدنيا عشان بس اسعدك واشوفك مبسوطه.

عشق …ربنا يخليك ليا ياليل وتفضل ديما سندي

ليل….طب يلا بقي امسحي دموعك دي وتعالي نخرج الاكل

عشق…حاضر

مسحت عشق وشها وابتدت تخرج الاكل

زهره شافتها هي وميرنا ابتدوا يساعدوها

عشق.. فين تمارا ونور

زهره…تمارا كانت بتصلي في اوضتها ونور بتقرا قران

عشق…طيب انا هروح انادي عليهم حطوا انتوا باقي الاكل

زهره…ماشي ياعشق

راحت عشق نادت علي تمارا وراحت علي نور لقتها اعده ماسكه المصحف في ايدها وقفلاه وسرحانه

خدت عشق منها المصحف

عشق….يلا يا حبيبتي عشان تاكلي

مسكتها من ايدها وخرجت بيها بعد ما ظبطتلها طرحتها…

عشق…يلا ياجماعه قوموا

سهام…عشق انتي مش هتغيري طيب

عشق….لا بعدين عشان الاكل ميبردش بس

سهام….طيب ياحبيبتي

قاموا كلهم اعدوا عالسفره

وابتدت عشق تديهم الاكل

عشق…يلا يانور كلي ياحبيبتي

هزت نور راسها بلا

عشق…مينفعش يا نور كده هتتعبي

سهام….نور بقولك ايه اللي بتعمليه ده مينفعش يا حبيبتي الاكل ملوش دعوه بالزعل كده يجرالك حاجه ولعدين هو احنا هنعترض علي قضاء الله وقدره حرام يابنتي متوجعيش قلب ابوكي عليكي خليه يطمن ويرتاح انك كويسه اتكلمي يا حبيبتي عيطي صوتي خرجي اللي جواكي متفضليش كده الحزن بيجيب حزن يا نور  ولو فضلنا طول العمر نبكي ويوجعنا فراق حد غالي علينا مش هيرجع وهو مش هيرتاح غير لو بقينا احسن

اللي بيموت يانور بيرتاح اللي بيتعب هو اللي عايش بس ادام احنا لسه عايشين مفيش مانع نزعل ونحزن بس منوقفش حياتنا منضغطش علي نفسنا منحاولش حياتنا لجحيم لحد ما تيجي ساعتنا…طول ما احنا عايشين لازم نكمل واول ما يجي اللي فارقنا علي بالنا ندعيله بالرحمه هو مش محتاج غير كده مننا

نور….اخيرا اتكلمت بابا راح من غير ما يودعني يا طنط راح من غير اي انذار اه كان تعبان اه كنت عارفه انه في غيبوبه بس كان عندي امل انه يصحي منها وياخدني في حضنه بس محصلش صوته كان واحشني اوي بقالي كتير مسمعتش صوته بقاله كتير متكلمش معايا بس كان عندي امل حتي لو بسيط انه يعيش لكن راح فجأه بابا عمره ماسابني يوم ما ماما اتوفت اتوجعت اوي رغم اني كنت  صغيره وقبل ما تموت فضلت تعبانه فتره فا كنت ديما بعيده عنها بحكم اني طفله وبحكم اني مش فاهمه بس بردو لسه فكراها واتوجعت عشانها ومن وقتها انا وبابا كنا كل حاجه لبعض عديت باوقات كتير اوي كنت بحتاج فيها ماما لاني بنت كنت ببقي محتاجه اتكلم في حجات مينفعش اقولها لبابا كتير اوي قالوا لبابا انه يتجوز كان ديما يرفض ويقول استحاله اجيب مرات اب لنور وتبقي ست البيت انا مش بشوف ست للبيت ده من بعد مراتي غير نور مش هخلي حد يتحكم فيها ولا حتي يضايقها بكلمه عشان انا اكون سعيد ترروح سعادتي العمر كله ولا اشوف نور مضايقه لحظه بسبب ست غير امها  كان بيقول ان انا الفرحه اللي في حياته بابا مكانش مجرد اب طيب وحنين بابا كان صاحب بجد اكتر حد شوفته سند اطيب حد جه الدنيا دي عمري ما شوفته بيتخانق مع حد عمري ماشوفت حد مضايق منه يوم اجازته كان الكل بيتخايل عليه باعد معاهم شويه عالقهوه مكانش بيرضي يسبني ابدا ويقولهم انهرده يوم سهرتي مع نور دي بتستني اليوم ده بفارغ الصبر كنت سعات اقوله انزل غير جو والله ما هزعل مكانش يرضي ابدا ويقولي اليوم ده انا بستناه اكتر منك عشان ناعد ونسهر نتفرج علي الافلام سوا عشان اتكلم معاكي فاللي مضايقك واللي مفرحك عشان اعرف كل حاجه حصلت معاكي طول الاسبوع

بابا مكانش في زيه كان امنيه حياته يشوفني بتخرج وبيسلمني بايده للي اختاره وانا عروسه مكنتش اعرف ان انا اللي هوصله لقبره عمري ماتخليت ان دي تبقي النهايه وبابا يطلع مودعني من يوم ما راح المستشفي بابا لما كنت بروح المستشفي والله العظيم لما كنت بقف ادام الازاز كان بيضحك واحس انه فرح طب لو هو كان ميت ازاي كنت بحس بفرحته دي وانا واقفه ادامه كل مره كنت بشوفه بيبتسم اقول هانت وخلاص هيفوق هو حاسس بيا مش فاضل غير كرم ربنا انه يفوقه واخده في حضني واسمع صوته..طلع بعد كل ده ميت وانا مش عارفه…نور بدموع وجع بابا وقف حياتي خلاص بابا خد روحي معاه اول ما عرفت انه مات

قامت عشق من مكانها خدتها في حضنها حضنتها نور وهي اعده عالكرسي وانهارت

نور…بابا مات يا عشق مات خلاص بابا خد كل حاجه معاه ياعشق بابا راح من غير ما 

عشق…بس با نور بس

نور…بابا راح خلاص

قامت سهام والبنات وهي بتمسح دموعها

سهام…بس يابنتي بس اهدي وحدي الله

ميرنا…ادعيله يانور

نوح.. عينه كانت بتلمع بالدموع بس ماسك نفسه كان باصص عليها وبيهز رجله بعنف حاسس ان قلبه واجعه عليها.

الشباب كلهم كانوا ساكتين وقلبهم واجعهم بجد علي نور..

بعد فتره بسيطه هديت نور شويه

سهام…الوقت هتبقي احسن بعد ما خرجتي اللي جواكي ده كله استغفري يانور وادعيله ياحبيبتي

عشق…تعالي يانور اغسلي وشك.

نور….انا اسفه حقكم عليا بس والله غصب عني

ليل….متقوليش كده يانور احنا حاسين بيكي يلا قومي مع عشق واغسلي وشك وتعالي يلا

قامت نور مع عشق غسلت وشها.

عشق…بقيتي احسن

نور…الحمد لله

عشق…بدموع اجمدي يانور عشان خاطري انا معنديش استعداد اتوجع علي حد فيكم عشان خاطري متوجعيش قلبي وفوقي بقي عشان انا كمان تعبانه اوي والله العظيم

حضنتها نور اوي..حقك عليا انا عارفه اني تعبتك معايا بس والله غصب عني

عشق…اتعبيني زي ما انتي عايزه بس المهم اشوفك كويسه

نور…ربنا يخليكي ليا ياعشق

عشق…طب يلا بقي عشان تاكلي البت تمارا هتخلص الاكل كله هي ونوح وادم

ابتسمت نور غصب عنها….حاضر

خرجت عشق مع نور

اعدتها عالكرسي

ليل….يلا بقي ممكن تاكلي وكلكم تاكلوا

نور…حاضر يلا كلوا انا كويسه

بصلها نوح من بعيد بوجع

ابتسمت نور بحزن وهزت راسها ليه

ابتسم نوح بحزن عليها

وابتدوا ياكلوا مع بعض في هدوء

صحيح مكانوش بياكلوا كويس بس كانوا بيحاولوا

بعد ما خلصوا

كانت سهام بتنام علي نفسها خدتها عشق دخلتها اوضتها تنام فيها اعترضت سهام عشان دي اوضه عشق لاكن عشق صممت وقالتلها انها هتنام مع نور انهرده …وبعد ما اطمن عليهم ليل

ليل…احنا هنمشي انا والشباب بقي وانتوا يلا قوموا ارتاحوا شويه كلكم تعبانين

نور….ليل

ليل…ايوه يانور

نور…بجد شكرا علي كل حاجه عملتها وشكرا انك دفنت بابا في المدافن بتاعتكم وشكرا علي وقفتك معايا انت ونوح وادم وجاسر لجد انا لو ليا اخوات مكانوش عملوا الانت عملته ده

ليل…بابتسامه بطلي عبط ايه الانتي بتقوليه ده انتي اختي الصغيره يانور وحاج محمد ربنا عالم غلاوته عندي ده كان واحد مننا انا معملتش حاجه  ولا انا ولا حد فيهم تستاهل الشكر ده كله عشان ده جزء بسيط بنرده من جمايل الراجل الطيب ده.

ادم…ربنا يرحمه انتي اختنا يانور واي حاجه احنا ديما هنكون في ضهرك..

نور…ربنا يخليكم ليا يا ادم واقدر انا ارد اللي عملتوه مع بابا ومعايا

جاسر…عايزه تردي اللي عملناه

نور…طبعا

جاسر…تفوقي وتجمدي وترجعي زي الاول تاني وساعتها بس هتكوني رديتي اللي عملناه يا ستي لما تطمنينيا عليكي

ابتسمت نور…حاضر

ادم….ادخلوا يلا ناموا وارتاحوا شويه..زهره محتاجه حاجه

زهره…شكرا يا ادم سلامتك

ادم…يلا تصبحوا علي خير

خرج ادم يجيب الاسانسير

جاسر…لتمارا يلا ياحبيبي ادخلي نامي

تمارا…حاضر

جاسر…مش محتاجه حاجه قبل ما امشي

تمارا.. لا سلامتك ياحبيبي

جاسر….يلا تصبحي علي خير

تمارا…وانت من اهله خرج جاسر ورا ادم ودخلت تمارا اوضتها هي وزهره وميرنا

ليل…عشق ادخلي خدي شاور وتنامي علي طول

عشق…حاضر

ليل…متقوليش حاضر وتفضلي صاحيه

عشق…لا والله انا خدت غيار قبل ما اقفل علي طنط وهاخد شاور وانام

ليل…قبل ما تنامي كلميني

عشق…حاضر

ليل…يلا ياحبيبي تصبحي علي خير

عشق…وانت من اهل الخير

ليل…راح جمب نوح انا بره

نوح…تمام

خرج ليل وراهم

عشق…نور حبيبتي انا هروح اغير لحد ما تيجي

نور…ماشي ياعشق

نور…بابتسامه بسيطه انت هتفضل مكشر كده

نوح…قلقان عليكي

نور…انا كويسه ادامك اهو

نوح….لا مش كويسه وعايز اشوفك احسن

نور…حاضر يانوح

نوح…عشان خاطري يانور اجمدي شويه عارف انه غصب عنك والله بس مش قادر اشوفك كده

نور..صدقني هبقي كويسه

نوح…يارب يا حبيبتي نامي وارتاحي وبطلي عياط واهدي شويه

نور…حاضر

نوح…قرب منها باس راسها خلي بالك علي نفسك

ابتسمت نور بحب حاضر

نوح…بحبك يانور

ابتسمت نور في صمت

نوح ..يلا ادخلي واقفلي

نور…تصبح علي خير

نوح…وانتي من اهل الخير

دخلت نور الاوضه واعدت عالسرير سرحانه بعد فتره بسيطه خرجت عشق وهي بتنشف شعرها

عشق…انا قولت هلاقيكي نمتي

نور…لا لسه

عشق…سرحت شعرها بسرعه وصلت وراحت جمب نور

عشق…تعرفي بقي ان العيال دي زمانهم متغاظين

نور…بابتسامه طبعا واكيد بيحسدوني كمان عشان هتنامي معايا

عشق…بحب احسن خليهم متغاظين…ممكن يلا بقي تيجي في حضني كده وتنامي

نور…حاضر

خدتها عشق في حضنها وفضلت تمشي ايدها علي شعرها وتقرألها قرأن لحد ما نامت نور في ايدها

غطتها عشق كويس

واتصلت علي ليل

ليل…الووو ايوه ياعشق

عشق…ايوه ياليل روحت

ليل…لا لسه فالطريق في حاجه ولا ايه

عشق…لاكنت بفكرك روحت كنت هقولك اني هنام

ليل…طيب ياحبيبي يلا نامي انا قربت عالبيت خلاص

عشق….لا هستناك بس تروح عشان اعرف انام

ليل…حبيبي احنا ماشيين ورا بعض اطمني وانا خلاص قربت

عشق…معلش هستناك هقرأ قرأن شويه لحد ما توصل

ليل…بحب بزمتك انتي هو في كده بحبك ياعشق

عشق…بابتسامه وانا كمان ياحبيبي يلا ركز فالطريق

ليل…حاضر اول ما اوصل هكلمك

عشق…ماشي يلا باي

ليل…باي

مسكت عشق المصحف وفضلت تقرا شويه وبعد حوالي تلت ساعه

رن موبايلها

عشق…الو

ليل…ايه ياحبيبي انا وصلت خلاص

عشق…بجد ولا بتضحك عليا

ليل…والله بجد انا فالاوضه كمان طلعت

عشق…تمام ياحبيبي

ليل….يلا روحي نامي

عشق…حاضر وانت كمان

ليل…هاخد شاور وانام علي طول

يلا تصبحي علي خير

عشق…وانت من اهله

……………………..

عدي اليوم وسط وجع وحزن

وعدي حوالي اربع ايام

فضلت سهام معاهم يومين لحد ما اطمنت عليهم وروحت بس كانت بتجيلهم هي ومامت جاسر تطمن عليهم ويمشوا

نور…زي ماهي حزينه لاكن بقت افضل

البنات…بيحاولوا يتأقلموا

كان في حاله من الصمت بينهم حزنهم كان ظاهر علي عينهم

لاكن عايشين

الشباب مكانوش بيسبوهم لحظه غير وقت الشغل اما البنات مكان حد فيهم بينزل لسه

وبعد مرور اسبوع كامل وبعد ما الحياه رجعت تمشي تاني

نزلوا البنات الشغل من تاني

واخيرا اقتربت النهايه

اقتربت الحقيقه من الحلم والحلم من الحقيقه

ومابين الحلم والحقيقه خيط

لا يعلمه غير الله☝️☝️

يتبع…..