رواية هتلر الداخلية الفصل الرابع عشر 14 بقلم جنى غنيم

♧أصعب معركة في حياتك عندما يدفعك الناس إلى أن تكون شخصاً آخر♧

من مذكرات هتلر الداخلية ♡ 

خبط قاسم على باب اوضة ليان مفيش حد رد ف دخل ، ليان و هي عاملة نفسها نايمة و مدية ظهرها للباب فقالت بضيق : مسمعتش عن اختراع اسمه خصوصية 

قعد قاسم على طرف السرير : مش بحب اشوفك زعلانة كمل كلامه و هي لسة مدية ظهرها : انا عرفت عنوان المستشفى 

لفت ليان له بلهفة و قالت بلمعة عين : بجد

مسك قاسم ايدها و قال بحنان : اه و حاليا الطيارة جاهزة ..مش هتأخر هرجع على بليل نفسك في أي حاجة من هناك 

ليان بتعدل نفسها و و بتقعد على السرير و تحط ايدها على رأسها و بتقول : شوفت في فيلم كده مش فاكرة اسمه فيه حاجة حلوة شرقية كده اسمها … سكتت شوية و بعدين كملت و قالت : اه شبكة

قاسم ضحك بعلو صوته : شبكة ! ده انتِ محتاجة يتعملك اعادة تهيئة ..قصدك مشبك 

ليان و تخبط رأسها بخفة و بتضحك : ايوة هو ده مشبك 

قاسم بحنان : عايزة حاجة تانية 

ليان بإبتسامة : لا شكرا لما تيجي بالسلامة تكمل وبتقول بتلذذ : في شوية أكلات مصرية عايزة الشيف يعملها

قاسم و بيقوم و يتجه ناحية الباب : طيب انا همشي بقى عشان متأخرش و قفل الباب وراه 

سحبت ليان الأيباد بتاعها من الشاحن و قعدت تتصفح شوية حاجات 

في المستشفي 

طلع عبد الحميد من جيبه سلسلة نفس السلسلة اللي مع ليان و قالها بإبتسامة: اتفضلي 

بصتله چنی بصدمة و اتنفضت من على السرير 

ف قالت نوال بخوف : خلي بالك يا چنی براحة على نفسك يا ماما 

چنی قالت بتبريقة : بتاعة مين دي ؟

عبد الحميد بإستغراب : هتكون بتاعة مين يعني يا چنی اكيد بتاعتك ، يوم ما اخدناكي من الدار كانت السلسلة دي كنتِ لابساها

اخدت چنی السلسلة على شكل قلب و كان محفور عليها حرف L و R  بصتلهم چنی و قالت : L يعني ليان و R 

قاطعتها نوال : ريان اسمك الحقيقي ريان 

بصت چنی ليها بصدمة و عمالة تتفحص السلسلة لقيت انها بتتفتح ، فتحتها كا موجود صورتها و هي صغيرة و جمبها بنت شبها بالظبط عرفت ان دي ليان بصت لعبد الحميد و نوال بعين حمرا ف قال عبد الحميد بحزن : أنا غلط عارف ان وقت الندم عدى مسك ايد چنی و بدأ دموعه تنزل ف قال : انا اناني لو عايزة تلومي ، لوميني انا نوال ملهاش ذنب …سامحيني يا چنی سامحيني يا بنتي 

چنی بحزن : بس بس دموعك غالية عليا يا دكتور عبد الحميد ، قاطعها عبد الحميد : ممكن تقوليلي بابا زي زمان ابتسمت چنی بحزن : بابا انا مزعلتش منك عشان تعتذر اكيد ربنا له حكمة يحصل ليا كل ده و فاجأة بدون اي كلام قربت چنی منه و حضنته جامد و بدأت تعيط في صمت نوال عمالة تتفرج عليهم و بتعيط دخل مراد و عثمان

عثمان بضحك : ما شاء الله يعني نفرح نعيط  نزعل برضو نعيط ده احنا شعب غريب اوي

ضحكوا كلهم و خرجت چنی من حضن عبد الحميد ف قالت لنوال : ممكن يا ماما تلبسيني السلسلة عشان مش قادرة ارفع دراعي

نوال تنحت ف قالت چنی و بتشاور لنوال بأيدها : يا ماما أنتِ سمعاني 

نوال بعدم وعي : ها .. اه يا حبيبة مامتك هاتي يا روحي 

مراد كان بيبص عليهم بسعادة ف قال لعثمان : انا رايح اشرب حاجة من الكافتيريا عشان افوق ، اجيب حاجة لحضرتك على السكة 

ف قال عثمان بتعب : لا خدني معاك عشان يكملوا حوارهم براحتهم ف وجه عثمان كلامه للباقي : احنا رايحين الكافتيريا اللي مستشفى نشرب حاجة ..هنسبكم تاخدوا راحتك ف قال عبد الحميد بتسرع : استنى يا عثمان .. احنا كمان هنمشي لأن طيارتنا بليل و خلاص انا كده مطمئن على چنی 

چنی بلوية بوز : هو انتم لحقتوا ! 

عبد الحميد بحنان : معلش يا بابا مضطرين يا ريت انتِ بس تردي على مكالمتنا ..يلا يا نوال 

چنی : اه صحيح فين موبايلي طلع مراد التليفون من جيبه و قال بإبتسامة : اتفضلي 

چنی بتحاول تفتحة فقالت بتأفف : اوف ده فصل شحن ، حد معاه شاحن 

قال مراد بعد تأكيد : مش متأكد بس تقريبا في واحد في العربية هشوفه ، حاضر اكتفت چنی بإبتسامة 

عبد الحميد و بيتجه ناحية الباب ف قال لچنی : يلا يا بطلة شدي حيلك و قومي بالسلامة خلي بالك على نفسك 

نوال بتبعت لها بوسة في الهوا : باي باي يا قلب مامي 

ابتسمت چنی خرجوا كلهم برة الأوضة 

عبد الحميد لمراد: تعبناك يا مراد شكرا 

مراد بإبتسامة : لا تعب و لا حاجة چنی اختي و كفاية تضحيتها عشاني من ساعة ما جيت مصر و متقلقوش سرها في بير 

عبد الحميد: انا متأكد انها في أمان طول ما أنت و عثمان جانبها 

نوال بتعب : مش يلا بقا يا عبد الحميد انا عايزة ارتاح شوية قبل السفر 

مراد :ثواني هسخن العربية عشان اوصلكم

عبد الحميد : لا مفيش داعي هنركب تاكسي خليكم مع چنی‌ بيحضن عبد الحميد عثمان و بيقول : اشوف وشك بخير يا عثمان 

عثمان و بيبادله الحضن ف قال :انا مبسوط أن كل شئ اتحل 

عبد الحميد: اتمنى فعلا ان كل شئ بقا تمام ! 

عبر مكالمة فيديو 

مجدي بضحك : يا ديني ، مازن يطلع منه كل ده ، ده انا لسة فاكر لما كان حتة لحمة حمرا في اللفة

محمود بعصبية : مش ناقص تريقة ، مش فقرة الخليل كوميدي بروح أمك 

مجدي بشماتة : خلاص يا عم متزقش بس الصراحة مازن ده ابن جاحد سكت و بعد كده كمل و قال : بس ثواني انت مش قولت أنك طلقتها 

محمود بتأفف : مش وقت تحقيق ، الحساب بيجمع ، مبقاش أنا محمود لو مضربتوش رصاصة في نص دماغه 

مجدي بصدمة : عايز تقتل ابنك مش بقولك جاحد … أنتَ أتهبلت في عقلك و لا أعراض الشيخوخة بدأت تظهر ، خليك كده عمال تحور لغاية ما حياتك كلها بقيت عبارة عن حوارات

محمود بعصبية : انا عارفك انك شمتان بس ممكن تخرس 

مجدي : بصراحة مش هكدب عليك اه شمتان بس برضو صعبان عليا عموما انا جاي لندن بكرة مش قادر اقعد هنا اكتر من كده 

محمود بسخرية : شكلي مش لوحدي اتعلم عليا 

مجدي متجاهل كلامه قال ببرود : بكرة بليل تبقى في المطار منتظرني و بيقفل السكة و بيقوم يحضر شنطته 

في الفندق 

ديفيد قاعد بيقرأ الأخبار السياسية مصرية 

أرثر بتأفف : احنا هنفضل منتظرين كده كتير 

ديفيد ساب تليفونه و قال بخبث : الصبر مفتاح الفرج برضو ، انا عايز اضرب عصفورين بحجر زي ما بيقولوا 

أرثر : اللي هو ازاي يعني ؟

ديفيد بشر و بيطلع سيجارة و يدخنها : يعني اخلص على مراد و إياد الرشيدي في وقت واحد 

أرثر بسخرية : هو إياد الرشيدي ده اي حد ده هتلر الداخلية 

ديفيد ببرود : العِبرة بالنهاية 

في المستشفى 

چنی : هو انا اقدر اطلع امتى يا دكتور ؟

الدكتور و بيقرأ نتايج التحاليل : ليه كده زهقتي مننا و لا ايه 

چنی ببرود : لا خالص بس مش بحب قاعدة العيانين دي 

الدكتور و هو بيقفل الملف : عمتا صحتنا بقيت عال خالص ، بكرة بس نغيرلك على الجرح و تقدري بعديها تخرجي بس هقولك على شوية إرشادات كده عشان الموضوع ميخرجش عن السيطرة …اسيبك ترتاحي 

چنی برضا : شكرا يا دكتور 

خرج الدكتور و سرحت چنی في ذكرياتها المؤلمة 

فلاش باك*

چنی في تدريبات العزف عشان بيستعدوا لحفلة الكريسماس بتاعة المدرسة ، تليفونها بيرن ف تلاقيها رانيا بتكنسل عليها ف بتتصل تاني تستأذن چنی عشان ترد 

برة اوضة التدريب

چنی بهمس و غضب مكتوم : ايوة يا رانيا في ايه ، أنتِ مش عارفة أني في التدريب 

رانيا بعياط : ألحقيني بطني وجعاني اوي و تبدأ تصوت و تقول : شكلي بولد ..بموت مش قادرة

چنی بصدمة و قلق : أزاي ده لسة فاضل اسبوعين …حاضر مسافة السكة ، استحملي لغاية ما آجي قفلت چنی و دخلت اعتذرت و اتحججت بأن مامتها تعبت فاجأة سحبت شنطتها و الجيتار بتاعها و طلعت جري و ركبت تاكسي 

في بيت الطالبات 

تطلع چنی بسرعة و تدخل تلاقي رانيا واقعة على الأرض بتجري عليها و تحط أيدها تحط رأسها : رانيا انا جيت يلا يا ماما… بينا على مستشفى 

رانيا بتقول بصوت باكي : شوفيلي الزفت محمود ده فين 

چنی بتأفف : ده مش وقته اسندي نفسك عشان ألبسك الفستان ده ( فستان حوامل )

رانيا : مينفعش نروح لوحدنا في الوقت ده احنا بنتين و في نص الليل و في لندن كمان و بعد كده بتبدأ تصوت تاني 

چنی كتمت بوقها و قالت : سبيها على ربنا ..حاولي تمسكي نفسك شوية و لبستها الفستان و سندتها لغاية ما نزلوا من بيت الطالبات و لاقوا تاكسي و ركبوا  

في المستشفى

دخلوا رانيا على العمليات على طول لأن حالتها كانت صعبة بسبب انها بتعاني من مشاكل في القلب 

قعدت چنی قدام غرفة العمليات بعد ما خلصت اجراءات المستشفى و كانت بتعيط ف اتصلت على مجدي

ف رد بصوت مهزوز : ألو 

چنی بعياط : ألحقني يا مجدي رانيا بتولد و حالتها صعبة و احنا في المستشفى 

مجدي بضيق : دلوقتي و بيبص على ساعة ف قال :و مكلمتنيش ليه ؟

چنی بحزن : مش وقته …تعالى انا خايفة اقعد لوحدي

مجدي بتنهيدة : طب اقفلي 

مجدي بعصبية و بيسحب القميص من جانبه و لابسه و كان سايب نص ازازة شامبنيا شربها بغل و وقعت من ايده اتكسرت ، اخد محفظته و مفاتيح عربيته و نزل ، و بعد شوية كان وصل مجدي قدام المستشفى دخل و كان في قمة عصبيته لقى چنی قاعدة و حاطة ايدها الاتنين على وشها و بتعيط راح ناحيتها و شدها من دراعها بصت چنی بفجعة لقيته مجدي ف قالت بألم :أه ايه يا مجدي بتوجعني 

مجدي بيقول بنبرة مهزوزة و عصبية : ازاي تروحي لوحدك في الوقت ده ها و عمال يهز فيها جامد ، فاكراني طرطور 

چنی و وشها بقى احمر من كتر التوتر و العياط و بتقول بشهقات : يعني اسيب رانيا تموت و بعدين الوقت مكانش في صالحنا و حاولت تبعد عنه ف قالت بقرف : ايه الريحة دي و كملت بصدمة : انت شارب !!

مجدي بعصبية و كان وصل لأخر مراحل السكر : و انتِ مالك مش عيلة زيك هتحقق معايا و مرة واحدة و بدون مقدمات ضربها بالقلم بكل قوة لدرجة انها وقعت على الأرض سابها و مشى و هي عمالة تعيط و بتنادي على اسمه كان في دكتور معدي في طرقة شافها راح ناحيتها و قومها بس مرة واحدة اغم عليها 

العودة للواقع *

قاطع تفكير چنی تخبيط على باب ف يتفتح الباب و يدخل مراد بإحراج : احم شكلي جيت في وقت مش مناسب 

چنی ببرود : لا تمام اتفضل 

دخل مراد و جاب كرسي و قعد جانب سرير چنی ف قال : اه صحيح الشاحن

چنی اخدت منه الشاحن و بعد كده قالت : اومال أنكل عثمان فين ؟

مراد : روح البيت عشان يرتاح عشان منامش بقاله تلات ايام تقريبا 

چنی : اممم ، تمام 

مراد بيحاول يفتح حوار : تيجي نتمشى في جنينة المستشفى 

چنی ببرود و فهمت قصد مراد : مش بحب اتمشى مع حد معرفهوش 

مراد بإحراج : براحتك … اه صحيح انتِ عرفتيني منين ؟

چنی بضحك : ده انت عايز تفتح حوار و خلاص بقا 

مراد : بصراحة اه

چنی : انا و إياد متربيين سوا ف حكالي عنك قبل ما يسافر بس كده 

مراد بخبث : بس سبحان الله ده انتوا شبه بعض جدا ده اللي يشوفكم يقول عليكم توأم

چنی بتوتر بس قالت ببرود : خلق من شبه أربعين برضو حاولت چنی تتوه في الموضوع ف قالت : هو انت ليك اعداء ؟

مراد : اكيد طبعا مش ظابط ، ايام الموساد كنت شاطر جدا في شغلهم عشان كده الريس كان راضي عني و دايما بترقى .. انا كنت منتحل شخصية سفاردية  يعني يهودي شرقي و طبعا ازاي و ازاي و كان في واحد مش بيطقني من الأشكناز يعني اليهود الاوروبيين و طبعا في إسرائيل الفرص بتبقى للأشكناز فالحقد ملى قلبه من ناحيته تلاقيه دعبث ورايا و عرف الحقيقة و قال يخلص عليا عشان المعلومات اللي معايا اللي توديهم في ستين داهية 

چنی بإستغراب: سؤال بس انت حكيت ليا كل ده ليه ؟ مش خايف اكون جاسوسة مثلا

مراد بضحك :جاسوسة مرة واحدة و لسة هيكمل كلامه حست چنی فاجأة بنغزة في قلبها فحطت ايدها ناحية قلبها قال مراد بقلق : في ايه ؟اندهلك الدكتور 

چنی : لامفيش داعي انا عايزة ارتاح بس يا ريت انت كمان روح عشان ترتاح و بتشاور بأيدها على شنطتها ف قالت بتعب : هتلاقي مفاتيح شقة بتاعة إياد خدها و بيقولك اعتبر البيت بيتك 

في الأستقبال 

دخل قاسم المستشفى و نادى على واحدة من الممرضات راحت ناحيته و قالت بإبتسامة: ايوة يا فندم

قاسم بإبتسامة: في هنا مريضة اسمها چنی عبد الحميد الرشيدي 

الممرضة : ايوة يا فندم 

قاسم و بيطلع 200 جنيه من جيبه و بيحطها في ايدها : كنت عايز اعرف حالتها المرضية 

الممرضة و بتحط الفلوس في جيب البنطلون  ف بتقول و هي بتلع ريقها : طب حضرتك تقربلها ايه ؟

قاسم : انا قريبها من بعيد و للأسف في مشاكل اسرية ف خايف تتعب مش اكتر و كنا عايزين نطمئن عليها 

الممرضة : عموما حالة المريضة في تحسن 

قاسم : طب متعرفيش هتخرج 

الممرضة : الدكتور كان قايل احتمال كبير تخرج بكرة

قاسم بإبتسامة: شكرا جدا تعبتك 

خرج برة المستشفى و ركب عربية سودة و قال بجمود : اتحرك 

بعد عدة ساعات 

وصل قاسم إيطاليا بالطيارة الخاصة و كان  داخل الفيلا بالعربية و وراه رجالته في عربيتهم سمع صوت ضرب نار ف أمر بوقف العربية و نزل جرى و ……

يتبع..