روايات

اسكريبت أمل جديد الفصل الثاني 2 بقلم سولييه نصار

اسكريبت أمل جديد الفصل الثاني 2 بقلم سولييه نصار

اسكريبت أمل جديد الفصل الثاني 2 بقلم سولييه نصار

اسكريبت أمل جديد الفصل الثاني 2 بقلم سولييه نصار

اسكريبت أمل جديد الحلقة الثانية

فتحت عيني لما لقيت أنه ضرب الطلقة بعيد… قعد علي الأرض وقال :
-مقدرش اقتل تاني..
غمضت عيني وقعد أبكي…
-متبكيش أنا مش هقتلك..
-اومال هتعمل ايه.
-انتي هتبقي معايا هنا وأنا هقوله إني قتلتك اتفقنا.
ملقتش حل غير إني اوافقه وبعدين هفكر في خطة عشان أهرب بيها.
……
بعد ساعة كلم معتز وقاله أنه أتخلص مني والغريب أن معتز صدقه علطول من غير اي دليل…
قعد جمبي وقال :
-وكده أهم مشكلة اتحلت جوزك خلاص أفتكر أنك ميتة نيجي بقا للمشكلة التانية… انتي هتقعدي هنا لفترة لحد ما الدنيا تهدي وبعدين هسيبك بس متقربيش من معتز باشا.
-معتز ادالك كام عشان تقتلني
-ملكيش فيه
ابتسمت بخبث وقولت :
-مش يمكن حابه اضاعف ليك المبلغ.
حسيته اتصدم فأبتسمت وقولت؛:
-أنا هضاعف ليك المبلغ
-والمقابل
-تنتقملي من طليقي!
-أنا مش هقتل
بصيتله بخبث وقولت:
-ومين قالك هتقتل بس .. أنت بس هترجع فلوسي منه
-ازاي؟
-انا هقولك
……..
كنت بلف في الأوضة اللي جابني فيها وأنا قلقانة… بتمني إني خطتي اللي عملتها تنجح…
…..
بعد ساعتين.
دخل عليا وهو معاه الورق..ابتسمت وأنا بخطف الورق وبقطعه…
بصتله بخبث وقولت :
-كده فاضل حاجة واحدة بس وبشكرك جدا أنك فكرت تعملها!
…….
بعد يومين.
كان قاعد قدامي… حاله كان يصعب علي الكافر
-شوفت بقا اللي يجي عليا يخسر يا معتز.
بصلي بكره وقال :
-جاية ليه تشمتي فيا بعد ما حبستيني.
-أنت اللي غبي فكرت أنك ممكن تضحك عليا بس للاسف من حفر حفرة لأخيه وقع فيها… وأنت وقعت يا معتز وملكش قومه…. شروع في قتل تهمة خطيرة
-انتي عملتي كده ازاي؟
ابتسمت وانا بقول :
-للأسف أنت متعرفش كل حاجة يا معتز وبفضل أنك تفضل جاهل. كده…. نتقابل في جلسة الطلاق بقا… عارفني مقدرش أكون علي ذمة قاتل….
قومت من قدامه وانا ببتسم وبفتكر خطتي مع حسام اللي بعته معتز عشان يقتلني… كان لازم ارجع حقي الأول وبصفتي مرات معتز كنت عارفة هو بيشيل اوراقه المهمة فين…. كان فاضل بس الطريقة اللي هيدخل بيها حسام الفيلا وده السر الصغير اللي معتز ميعرفهوش…. في الفيلا في باب سري تقدر تطلع وتدخل منه بهدوء… وكنت دايما شايلة المفتاح ده في سلسلة في رقبتي… المخاطرة الكبيرة إني كنت أثق في حسام بس عملتها ووثقت فيه جاب الورق وقطعته وبالتسجيلات اللي حسام بيسجلها للعملاء بتوعه قدرت اسجنه بتهمة الشروع في قتلي…
معتز كان فاكر إني ضعيفة… بس ميعرفش إني بنت راجل علمني ازاي أكون قوية..
……
-دي فلوسك يا حسام…. خدها وأسس حياة جديدة وسيب شغل. الإجرام مرضتش اجيب سيرتك المرة اللي فاتت عشان اللي عملته عشاني
اخد حسام الفلوس وقال :
-متقلقيش مش هرجع للطريق ده تاني ابدا.
…..
عدت سنة واتغير كتير قدرت اتطلق من معتز… ركزت علي شغلي وبقيت أقوي ونسيت معتز… كنت في حفلة تبع الشغل لما جاني صوت مألوف
-آمال الراوي معقول!
بصيت ورايا وابتسمت وقولت :
-كريم ازيك.
سلمت عليه وابتسم وقال :
-ليكي وحشة ايه جوزك أخدك مني… قصدي مننا
ابتسمت بشفقة كريم كان بيحبني أيام الكلية بس للاسف احيانا قلبنا بيتعلق بالشخص الغلط -أنا اتطلقت يا كريم من سنة.
-أنا اسف مكنتش اعرف… انتي كويسة دلوقتي
-أنا زي الجن بركة أنه غار في داهية.
-راح قرد وهيجي غزال بإذن الله
ضحكت وانا برد:
-أكيد
-تحبي أكون أنا الغزال يا آمال
ضحكت بكسوف وقولت :
-هفكر.
-أنا لو منك استغل الفرصة
بصيتله وقولت :
-ايه رأيك نروح لمطعمنا اللي علي البحر
-يالا
وفكرت ليه منديش لقلبنا فرصة تانية فرصة مع اللي نستحقه.
تمت
لقراءة باقي حلقات الرواية اضغط على (اسكريبت أمل جديد)

اترك رد