رواية زواج بالإكراه الفصل الخامس عشر 15 بقلم نسرين احمد

ومرت الأيام والليالي حياه مبتكلمش ندي وميرنا وكل واحده فيهم في حالها من غير سلام ولا كلام إلا أن حياه مشتاقه تصالح ندي بس جايه علي كرامتها وندي كذلك .

سوزان اتصلت علي حياه : أيوا ياحياه وحشتيني مش ناويه تنزلي أجازه بقي ؛ أنا شوفتلك شويه حاجات لجهازك تحفه عايزاكي معايا تختاري بنفسك ياعروسه .

حياه : أووف ياسوزي لسه بدري ع الكلام دا .

سوزان : بدري أيه يا بنتي لا كل حاجه بتغلي وبعدين  فاضل أربع شهور ع الجواز قوليلي هتجهزي أمتي بقي لما كل شويه تأجلي كدا .

حياه : حاضر ياسوزان اللي أنتي شايفاه هظبط مع مدير الشغل واكلمك أنا هنام بقي عشان عندي شغل الصبح سلميلي ع الاولاد كتير مع السلامه .

سوزان : في رعايه الله ياحبيبتي . 

( حياه نايمه صاحيه ع السرير بتفكر أنها لسه معرفتش طارق أكتر وأن موعد الزفاف قرب وأنها غير مستعده للزفاف حاليا ومتوتره بعض الشئ إلي أن جاءها النوم واستغرقت في النوم ؛ وندي في غرفتها بتكلم محمود اللي بتشتغل معاه حاليا وأغرم بيها ووهي حبته ) 

محمود : أنتي لسه مكلمتيش حياه .

ندي : لا هي اللي غلطت ولازم هي اللي تعتذر ؛ أنا كنت خايفه عليها منه ومعرفش رد فعل مراد هيوصل لكدا .

محمود : عندك حق مراد أصلا بيتعصب بسرعه دا عيبه ؛ سيبك أنتي بقولك أنا حابب أعرفك ع والدتي  وأخويا وزوجته بكرا في النادي أيه رأيك ؟؟ 

ندي : مفيش مشاكل بس هتقولهم مين ؟ 

محمود : هقولهم دي حبيبه قلبي .

ندي : متهزرش يا محمود بتكلم جد .

محمود : بصي أنا هكون صريح معاكي أنا معرفهم أن أنا معجب بيكي و عايز اتقدملك وهما رحبو بالموضوع وحابين يشوفو عروستي .

حياه طارت من الفرحه : طارق أنت فجأتني ؛ أعمل حسابك أني هروح بدري عن ميعادي ساعه عشان أغير هدومي وأجهز نفسي .

محمود بهزار : تمام ياحبيبي بس هيتخصملك من مرتبك .

ندي ضحكت : هههههه وماله أخصم براحتك ما انا تكون حرم محمود بيه صاحب المطعم . 

محمود بضحك : هههههه يارب يا قلبي ماشي أشوفك بكرا تصبحي علي خير .

ندي : وانت من أهله ؛ قفلت الخط وفضلت تتنطط ع السرير من الفرحه هييييه بقي إلا أن ميرنا معديه من قدام غرفتها سمعت صوتها .

ميرنا : ندي أنتي صاحيه أيه الصوت دا في حاجه .

ندي فرحانه : لالا مفيش انا بنام تصبحي ع خير .

ميرنا : أيه المجنونه دي كمان واتوبت وهي داخله الحمام . 

وجاء اليوم التالي صحيت حياه علي ألم ف جنبها  وماسكه بطنها من شده الألم وذهبت للحمام وخرجت  إلا أنها لازم تروح الشغل ثم وصلت مكتبها واستمرت في العمل لمده ساعتين وفضلت متماسكه إلا ان الألم أشتد عليها وحست بدوخه ودخلت السكرتيره ومعاها أوراق الشغل لحياه . 

السكرتيره : مالك ياحياه في أيه ؟ 

حياه بتبكي  : تعبانه أوي مش قادره .

السكرتيره ذهبت لمراد وبلغته وذهب إليها بسرعه 

مراد : حياه مالك .

حياه : جمبي تاعبني أوي مش قادره .

مراد : طيب تعالي ؛ سندها مراد لغايه العربيه وذهبو للمستشفي .

مراد : عايزين دكتور بسرعه هي تعبانه أوي وشالها دخلها الغرفه ؛ الدكتور جه كشف عليها . 

الدكتور : عندها الزايده ولازم عمليه حالا .

حياه رغم تعبها إلا أنها رقيقه بردو وهي خايفه : لا يا دكتور مش عايزه عمليات وبلاش حقن أكتبلي حبوب .

مراد : شوف يا دكتور اللازم واعمله .

حياه بصت لمراد : مراد أنا خايفه .

مراد : متخفيش أنا معاكي مش هسيبك لحظه .

الممرضه : طيب أتفضل الحسابات تحت وانا هفضل معاها هنا أجهزها للعمليه .

مراد : حاضر خلي بالك منها ؛ راجعلك بسرعه متقلقيش .

وطلع مراد وحياه جهزت وهي ع باب الغرفه بتعيط : مراد متسبنيش ودخلت في حضنه وهو متشتت مش عارف هو فرحان ولا زعلان ؛ متخفيش بقي عمليه سهله وبسيطه ربع ساعه بالكتير وهتخرجي . 

حياه : طيب ودخلت غرفه العمليات .

اتصل مراد علي ندي : ألو ندي إنتي فين .

ندي : أنا في المطعم لسه واصله حالا في حاجه . 

مراد : أيوا سيبي اللي ف أيدك و تعالي ع المستشفي حالا حياه بتعمل عمليه الزايده و مفيش حد غيري هنا .

ندي : ياخبر .. طيب مسافه السكه سلام .

محمود : في أيه ؟! 

ندي : أنا لازم أروح لحياه ف المستشفي بتعمل عمليه الزايده ومفيش حد معاها إلا مراد بس .

محمود : طيب روحي أنتي وخليكي جمبها وأنا ساعه وهحصلك وأن أحتاجتي حاجه كلميني .

ندي : اوك سلام . 

( طارق بيتصل علي حياه وموبايلها ف الشنطه ف عربيه مراد ) 

وخرجت حياه من غرفه العمليات وهي متخدره ونقلوها ع السرير ف غرفه خاصه ومراد شد كرسي وقعد جمبها وملس علي شعرها وهو بيتأمل جمالها ولكن ندي دخلت . 

ندي : هي كويسه .

مراد : لسه خارجه من العمليات إلا أنها فاقت وفرحت بوجود ندي معاها وكمان مراد اللي مسبهاش لحظه .

حياه : أنا عطشانه .

مراد : لا الدكتور قال مش أقل من خمس ساعات وفات ساعتين لسه ٣ساعات .

ندي : حمد لله ع سلامتك يا روح قلبي ليه مقولتليش أنك تعبانه ولما أنتي تعبانه نزلتي الشغل ليه .

مراد بهزار : هوووس ندي أهدي عليها شويه هنعاقبها بعدين .

حياه ابتسمت ودخل الدكتور : ها حاسه باأيه دلوقتي ؟ 

حياه : بشويه تعب ومش قادره اتحرك من مكاني . 

الدكتور : لا عشان أنتي لسه خارجه من العمليه بس ع أخر الليل أو بكره بالكتير هتكوني أحسن بإذن الله ؛ هكتبلك ع العلاج ولابد من الراحه التامه علشات الجرح ميفكش ها وهسمحلك بالخروج كماان .

مراد : شكرا يا دكتور . 

الدكتور : العفو وخرج ودخل محمود .

محمود : السلام عليكم عاملين أيه وانتي عامله أيه ياأنسه حياه .

مراد : الحمدلله الدكتور قال لازم راحه .

ندي : أنا هاخد أجازه من المطعم وهقعد أخدمك بنفسي .

حياه : لا متتعبيش نفسك .

مراد : لا أنا عندي أقتراح تاني أنا هاخدها ع المزرعه عندي وليان أختي هناك أصلا والخدامه هناك كمان تخدمها عشان أكون مذمن عليها .

حياه : ياجماعه أنتو مكبرين الموضوع كلها يومين تلاته وهكون كويسه .

مراد بصلها برفعه حاجب وهزار : كلامي هيتسمع ويتنفذ مفهووم .

ندي : والله أحسن قرار ع الأقل تهدي كدا وتكون مع نفسها وتبدأ تفكر من غير أي ضغط عليها .

طيب انا خارج أتصل علي ليان أعرفها تجهزلك غرفه نوم ؛ وخرج معاه محمود ولسه ندي بتقفل الباب وراهم مراد شاورلها تطلع .

ندي : نعم .

مراد : أنا مش عايز طارق يعرف باللي حصل متعرفوش حد كمان من أهلها لو عرفو هيخدوها ويبعدوها عني .

محمود : عندك حق بس هما أكيد هيتصلو بيها يكلموها .

ندي : أنا عندي فكره أنا هقول لطارق أنها أخدت أجازه وسافرت لااهلها .

مراد : أيه الذكاء دا يابنتي ما هو أكيد هيتصل ع أهلها .

محمود : بصو بقي هي المفروض حياه بنفسها اللي تكلمه وتقوله سافرت لااهلي وعايزه أبقي لوحدي شويه وهي كدا كدا هتخاف تقوله أنها عندك أو تقول لااهلها ؛ أكيد هتتحجج يعني .

مراد : أنت صح كلامك مقنع .

وخدها مراد وسافرو المزرعه بالعربيه وهي تتألم : مراد علي مهلك في الطبات ؛ مراد ممكن تناولنش شنطتي من ورا 

مراد بدها وهي حاطه أيدها ع جمبها : حاضر أنا أسف ؛ أتفضلي .

حياه بصت ف الموبايل لاقت اتصالات كتير من طارق ورساله مبترديش ليه ؟ حياه بصت فيها وقفلت موبايلها .

وصلو المزرعه وليان مستنياهم : حمدلله ع سلامتك انا حضرتلك غرفتك فوق أتفضلي .

ليان : دي غرفه مراد أصلا كل لما يكون مضايق أو مخنوق يجحب يجي هنا لوحده ويقعد يفكر يارب تكون عاجبتك .

حياه : حلوه أوي .

مراد : أنا تحت أنا وليان هسيبك ترتاحي براحتك .

حياه : متشكره ع وقفتك جمبي .

مراد : متقوليش كدا أنتي مش عارفه أنتي بالنسبالي أيه .

ليان : أحم أحم نحن هنا يلا نسيبها ترتاح شويه ؛ ونزلو .

يتبع….

لقراءة الفصل السادس عشر : اضغط هنا

لقراءة باقي الفصول : اضغط هنا