رواية نصف جناني الآخر الفصل الثالث عشر 13 بقلم ايزيس بنت الصعيد

أسر وهنا قعدوا يرغوا شوية وقت بعدها أسر انشغل وهنا استأذنت طلعت من مكتبه وفيه شخص كان بيراقبها واول ما دخلت الاسانسير دخل وراها وقفل الباب وشغل الاسانسير 

معتز كان بيبصلها بوقاحة ويتفحصها من فوق لتحت هنا اتوترت وخافت وقالت ف نفسها 

….ايه دا انا ازاي بقيت مهملة كده ونسيت اسلحتي كلها ولا جبت البرفيوم اللي فيه شطة ولا جبت الساعق الكهربي اتصرف ازاي بقي 

معتز لسة بيتفحصها ف هي جتلها فكرة مسكت فونها وبدأت تتكلم

هنا …ايوا يا أسر المسيري يا جوزي يا حبيبي اه أنا ف الاسانسير وصلت الدور الكام وصلت الخامس واديني نازلة ربنا يسهل 

معتز قرب عليها جدا بابتسامة وقال …شبكة الفون بتسقط مش بتشتغل ف الاسانسير بتتكلمي ازاي بقي 

هنا بتوتر وخوف …ها ..احم فوني ما يقدرش يعمل الحركة دي معايا ولا يعرف يعمل معايا حاجة لاني ممكن اوريه اللي عمره ما شافه 

معتز ولسة مقرب منها …هو مين 

هنا بتحاول تبين أنها قوية …الفون 

معتز قال ف نفسه …واااو قطة مخربشة دي نوعي المفضل ..اد ايه انت محظوظ يا أسر يا اهبل 

وبعدين قال لها انتي بقي مدام هنا أسر المسيري تشرفنا 

هنا ….والنبي ابعد شوية عشان بس النفس 

معتز ضحك…امرك يا هانم 

هنا …دانت قديم اوي الهوانم اتلغت من زمان وسع سكة بقي خليني أخرج 

معتز …تحبي اوصلك يا قمر طالما زعلانة من هانم 

هنا …انت شكلك ناسي انا مين اطلع شغلك لحسن جوزي يرفدك أنا عندي عربيتي ..وخرجت وهي من جواها مرعوبة من نظراته 

هنا …أووووف انا احسن حاجة اخد تاكسي قبل ما فرقع لوز دا يجي تاني 

هنا اخدت تاكسي وطلبت منه يوصلها بيت أهلها عشان تسلم علي مامتها 

هنا وصلت بيت والدها لقيت سليم جايب زميلته وراسم دور الولد الجنتل قدامها 

زينب ….وحشتيني يا هنا  يا قلبي قطعتي فيا والله يا بت وحشني هبلك وجنانك 

هنا …عشان تعرفي قيمتي بس يا زوزة 

زينب بحب…عرفت يا اختي 

هنا بصت لقيت البيت مترتب ومفروش زي ما يكون يوم عيد 

هنا….ايدا يا ماما كل دا عشاني فرشين البيت هو أنا غريبة 

زينب لوت بقها الحركة المشهورة لستات مصر وقالت …دا مش عشانك دا عشان المفعوص سيكا قال ايه جايب صاحبته 

هنا ماصدقت تلاقي حاجة تتريق عليها 

قالت…حيث كده بقي اروح اسلم عليهم 

هنا دخلت لقيت بنت عاملة نفسها آنسة وحاطة رجل علي رجل وسيكا قاعد قعدة شباب 

هنا بسخرية …ازيكم يا( اندر ايدج) عاملين ايه ..عامل اي يا ولا يا سيكا 

سليم بص لها وبرق عينيه يعني احترميني 

هنا مصرة تضايقه …ايه يا سيكا اوبس قصدي يا سولي لسة  بتعمل بيبي مية وانت نايم ولا توبت

سليم كان هيتجنن…ماشي يا ابو الصحاب دا العشم برضو 

هنا كتمت ضحكتها …مش تعرفني علي الاكس بتاعتك 

البنت حاطة رجل علي رجل …هاي يا أبلة أنا  هنا أنا جودي ومدت أيدها بطريقة شيك 

هنا بصدمة …انتي عندك كام سنة يا طفلة انتي 

جودي…٨سنين 

هنا…لا آنسة آنسة يعني ..أنا ف سنك كان كل طموحي أنه فتيات القوة(مسلسل كارتون) يقبلوني انضم لفريقهم 

زينب مسكت ايد هنا …تعالي بقي احكيلي أسر عامل ايه مع جنانك 

هنا ….زي الفل وربنا يا زوزة احنا توينز جاحد 

زينب …ربنا يسعدكم يا حبيبتي 

قعدت هنا ومامتها يحكوا كتير وبعدها أسر جي وسلم علي أهل هنا وقعدوا يتعشوا عشان مامتها كانت عزماهم ع العشا 

&&&&&&&&&&&&

شادي بص من البلكونة بتاعته لقي ياسمين قاعدة حزينة في الجنينة تحت إضاءة هادية اتنهد بحزن وقرر ينزل يقعد معاها 

شادي حاطط ايديه ف جيوب الشروال بتاعه وبيقرب عند ياسمين

شادي…خطيبتي ممكن اقعد معاكي 

ياسمين ابتسمت بحزن …اكيد 

شادي …مالك حزينة اوي كده ليه 

ياسمين …ما فيش يا شادي ..أنا آسفة لاني قلت عليك خطيبي قدام معتز بس انا عملت كده عشان يبعد عني 

شادي ….لا عادي انتي بنت عمي ولازم أقف جمبك ..ولو عايز نكمل في اللعبة انا معنديش مانع 

ياسمين ملامحها بقيت حزينة اكتر كان نفسها شادي يقول لها إنه فرح لما قالت عليه خطيبها 

ياسمين ….احم يعني مش هكون السبب  في مشكلة بينك وبين حبيبتك 

شادي ابتسم …لا هي بتفهمني اوي 

ياسمين حست انها عايزة تعيط كان نفسها يقولها انا لسة بحبك بس شادي قرر يعاملها بطريقة جديدة غير زمان لما كان مدلوق اوي عليها فما كانتش معبراه 

شادي فرح من جواه لأنها بدأت تفكر فيه بس مش عايز يكون الوسيلة اللي هاتنسي بيها معتز 

شادي …بتفكري ف ايه 

ياسمين …ساعات مش بنعرف قيمة الشخص اللي بيحبنا الا لما نخسره 

شادي…انتي قصدك معتز 

ياسمين بحزن لانه مش فاهمها ابتسمت بإنكسار وقالت …معتز 

وقالت وهي بتقوم …تصبح علي خير يا شادي 

شادي بسرعة مسك إيدها …خليكي شوية ما تناميش وانتي زعلانة 

ياسمين ما صدقت قال كده وقعدت علي طول نفسها تقوله سامحني بس كرامتها منعاها 

شادي …لسة بتحبيه 

ياسمين …عيطت 

شادي …طبطب علي أيدها وقال..اشششش اهدي ما يستاهلش ..انتي دموعك غالية اوي ..اهدي انا معاكي 

ياسمين قامت علي حين غفلة وحضنت شادي 

دا شادي ….????????????????????

&&&&&&&&&

أسر وهنا رجعوا البيت متأخراسر كان بيركن العربية وهنا لقت شادي قاعد ف الجنينة لوحده وبيحضن في نفسه عشان بيفتكر حضن ياسمين 

هنا قربت….يااااه للدرجادي انت حاسس بالوحدة بتحضن نفسك 

شادي اتخض …يخرب بيتك انت بتطلعيلي منين 

هنا ….هتلاقنين قدامك ف اي وقت أنا قدرك يا شادي 

أسر وصل عندهم بعد ما ركن عربيته ..مش عارف ليه حاسس ان مافيش كيميا بينكم 

هنا …بالعكس دا شادي دا عثل ????

شادي …اه شوفت ازاي وهنا دي نسمة????

أسر …والله اجيبلكم كبريت وتولعوا ف بعض احسن 

هنا حضنت ايد أسر وعلي ايه صباح الخير يا جاري انت ف حالك وانا ف حالي ..ومشيوا 

&&&&&&&&&&&&

في الصبح 

جيجي بتعيط 

صافي ….مالك يا روحي بتعيطي ليه 

جيجي …انتي مابقيتيش تحبيني 

صافي …أنا ليه يا روحي 

جيجي …كل ما توعديني بحاجة مش بتنفذيهيا أنا عايزة أسر ليا لوحدي فاهمة ولا لا 

صافي ….فاهمة يا روحي ..وما تقلقيش أنا عندي خطة هتخلي أسر وهنا علاقتهم تتدمر ولا أنتي بتشكي ف قدرات اختك هههه

جيجي ..لا بس البت اللوكال دي مش ساهلة 

صافي …وانا مبقاش صافي اللي ما خلتها تبعد عن أسر نهائي 

جيجي …وانا مستنية 

&&&&&&&&&&&&

هنا واسر صحيوا واكلوا إفطارهم ووصلها للجامعة وطلب منها تروحله الشركة بعد المحاضرات 

وصلت هنا الجامعة وقابلت صحباتها واخدت محاضراتها وبعدها راحت عند أسر أخدها فرجها علي اوضة المعمل الخاص بيها 

هنا حضنت أسر بفرحة …أنا بجد مش مصدقة كل دا عشاني 

أسر حضنها ..انتي تستاهلي كل حاجة حلوة زيك يا حبيبتي

زياد كان رايح يكمل باقي إجراءات الشراكة وشاف أسر ماسك هنا من وسطها وخارجين من اوضة المعمل 

زياد قرب عليهم واتكلم بعملية جدا …أسر باشا ازيك ومد أيده 

اسر…اهلا زياد باشا اخبارك 

زياد …كويس مدام هنا عاملة ايه ومد أيده 

هنا….مابسلمش ????

زياد بيفكر …ماشي يا هنا ..وبعدين ابتسم ابتسامة صفرة 

بعدها أسر ركب هنا العربية واطمن عليها وهي راوحت البيت وهي طالعة الجناح بتاعهم سمعت صافي بتتكلم ف الفون 

صافي ….؟؟؟؟؟؟؟؟!؟؟؟؟؟؟فهمتي هتعملي ايه لو الخطة دي نجحت يبقي باباي هنا 

جيجي وصافي …هههههه????????????????

هنا…????????????ماشي …هنتسلي….