رواية عائشة ملكي أنا الفصل الرابع 4 بقلم ندى عاطف

زين. وهو يقف خلفه مش عيب بردو لما تبقا عصفوره كده 

علي. بارتباك وهو يلتف له زين انت هنا من امتا 

زين. وهو يلملم اشيائه من اول الو ياعائشه 

علي. طيب وانا مالي هي صعبت عليا بس 

زين. لا بجد صعبت عليك 

علي. اه وبعدين انت عارف اني بعتبر عائشه اختي وبستشيرها في كل اموري 

زين. ياعم هو انا قولتلك حاجه 

علي. انت رايح فين 

زين. بتريقه ملكش دعوه ياعصفوره 

علي. وهو يمسك الهاتف ها سمعتي كل حاجه 

عائشه. وهي تمسح دموعها سمعت باي بقا 

___________________________*

يابنتي ده انا اقتنعت انك مش بتحسي فاادخل القيكي بتعيطي مره واحده ظلمتك 

عائشة. انت مفكر الكل زيك. يابني انت 

يوسف. تصدقي صح انا مش بحس حتي هبه بتقول كده 

عائشة. هبه ليها الجنه والله 

يوسف. انا غلطان انى كنت جايبلك دي  

عائشة. رفعت عينيها له بتذمر يوسف متهزرش وهات الشكولاته

يوسف. بسم الله الرحمن الرحيم عرفتي منين انها شكولاته انتي عندك عفاريت يابت ولا اتلبستي 

عائشة. هات بقا واطلع بره

يوسف. خدي خساره فيكي والله 

فتحت عائشة الشكولاته واكلتها وتقريبا نسيت تفكر في زين بعد الشكولاته

عائشة. وفمها ملئ بالشكولاته معاك واحده تانيه

يوسف. يعع اقفلي بؤقك ده 

عائشة. هات واحده تانيه طيب 

اخرج كيس من جانبه خدي اطفحي 

عائشة. نظرت له عارف كان نفسي اقوم اضربك بس لما اخلص 

يوسف. مش لما تبقي تلاقيني الاول ياقمر 

فتحت عائشة كيس الشكولاته والتهمت واحده تلو الاخري 

عائشة. وضعت يدها علي بطنها اه الواحد ايه ده حاسس انو مااكلش 

ذهبت للحمام لكي تغسل يدها و وجهها 

كانت ستذهب لغرفتها مجددا وتمسك الهاتف ولكنها غيرت اتجاهها للاسفل 

عائشة. صباح الخير ياجماعه 

نظرو لها سحر وامير بقلق 

سحر. مالك يابنتي انتي تعبانه 

امير قام ايضا واحتضنها في حاجه بتوجعك ياحبيبتي 

عائشة. بتذمر ايه ياجماعه في ايه انا جعانه بس ونزلت اقعد معاكو ها ياماما عندك اكل ايه النهارده ولا اقولكو والله لااتكرم واتنازل وهدخل انا اطبخلكو النهارده 

ابتسم امير وربت علي ظهرها بحنان 

امير. لا ونبي يابنتي انا مش ناقص تلبك معوي 

عائشة. تؤتؤ متقلقوش هعملكو غسيل معده علي حسابي 

تركتهم وذهبت للمطبخ

سحر. هو ايه اللي حصلها

امير. خلاص متساليهاش علي حاجه او تكلميها 

______________________________*

في المطار 

سرور وعلي واحمد بصدمه وهما ينظرون لزين 

علي. انت هتسافر 

زين. اه ومستني الطياره كمان 

سرور. ودي هبت في دماغك فجاء كده وقررت تسافر

زين. هشوف مستقبلي بره مصر 

احمد. ربنا يوفقك ياصحبي وكل حاجه بس انت نسيت حاجه 

زين. بنفس البرود بالعكس منستش حاجه انا كلمتكو عشان اودعكو في المطار وكمان حاجتي كلها معايا 

سرور. ايه البرود بتاعك. ده يااخي 

زين. وهو يضمهم انا همشي بقا سلام 

ردو جميعهم طمنا عليك لما توصل 

ابتسم لهم والتف بظهر لكي يذهب ولكنه تذكر شيئا  

زين. احمد 

احمد. ايه رجعت في كلامك 

زين. لا اخرج ظرف من حقيبته ابقي وصل ده لعائشه 

______________

عائشة. شوفو بقا اختارعاتي وعمايل ايديا

سحر. انا شامه ريحه حلوه من الصبح ثم نظرت للاطباق بصمت ولم تتكلم 

اتت مريم ايضا ونظرت للاطباق وكتمت ضحكاتها 

وامير كذلك 

فكانت الدجاجه محترقه والارز لم يستوي وبقيت الطعام كذلك

عائشة تعبت اوي وانا بعمله والله ياااه 

انتو مش بتاكلو ليه 

سحر. اصل انا نسيت اني صايمه النهارده كل يابو يوسف كلي يامريم 

امير. اه يوسف اتصل عليا وبيقولي في طلبيه هتخرج من المعرض النهارده 

عائشة. ها وانتي ياست مريم 

مريم. انا اممم. بصي انتي عارفه اني مش باكل دلوقتي 

عائشة. بصياح تصدقو انا غلطانه اني تعبت نفسي انا هاكل 

هما مفكرين ايه يعني والله هاكله كله وهخليهم يجوعو النهارده 

جلست علي المائدة 

تذوقت الفراخ والارز وذهبت للحمام مسرعا 

عائشة. باحراج يع هما هياكلو ازاي  بس بردو كان المفروض يقولولي حلو كاتشجيع ليا 

(دي مش عائشة دي انا لما اقرر اعملهم اكل????????) 

يوسف. بسم الله الرحمن الرحيم مين اللي عذب المسكينه دي 

عائشة. بغباء انا اللي عذبتها 

يوسف. اوبا معلش بس هو ايه اللي بيعوم علي وش الرز ده 

عائشة. اوف ده الكمون 

يوسف. سوال تاني معلش لو مش هدايقك هو ليه طبق الرز في مايه 

عائشة. بتفكير سريعا عشان انت جاهل ومبتعرفش تاكل ده هو بيعوم كده  عشان عشان ده رز صيني 

يوسف. بلويه فم ياختي كنتي فلحتي في المصري الاول 

عائشة. تاكل 

يوسف. لا ياختي مكلش فراخ متعذبه انا بس معلش هو اي اللي علي وش الشربه ده 

عائشة. لسان عصفور يابني انت اعمي ولا ايه 

يوسف. اه انا اعمي معلش ثم قال بصياح ماما انا هخلي هبه تجهز اكل وهتطلعو تتعشو معانا

وقفت عائشة تقلد كلامه بتريقه اه وريني هبه بتاعتك دي 

يوسف. بغمزه بس اقولك حاجه الرز الصيني اللي بيعوم ده تحفه 

عائشة. اه اضحك عليا اضحك 

يوسف. مش مصدقاني طيب انا هاكله 

اكل واحده تلو الاخري و وجهه اشبه حبه الطماطم

يوسف. امسك بطنه بقوه شوفتي حلو ازاي عن اذنك الحمام بس 

هرول مسرعا للحمام تحت استغراب عائشة 

عائشة. الواد ده عبيط هو اكله ازاي ده

صعدت لغرفتها  امسكت بالهاتف وظلت تتفحصه بملل 

عائشه. احمد هو بيرن ليه ممكن يكون زين اه خليني قاعده اتوقع بيرن ليه ومردش 

الو 

احمد. وهو يغمض عينيه باشتياق لصوتها  ازيك ياعائشه 

عائشه. بخيبه امل الحمدلله وانت اخبارك ايه 

احمد. الحمدلله بخير 

عائشه. ديما يارب 

ظلو صامتون لفتره حتي تكلم احمد 

احمد. زين سبلك جواب قبل مايسافر

عائشه. هو مين ده اللي سافر 

احمد. زين 

عائشه. زين مين 

احمد. احم زين جوزك 

عائشه. صمتت قليلا وهي تبكي اكملت بوجع هو زين سافر بجد طيب سافر فين 

احمد. الصراحه مش عارف بس هو سبلك جواب هتبعتي يوسف ياخده ولا اجيبه انا 

عائشه. بتوهان هاتو انت يااحمد 

واغلقت قبل ان تسمع شيئا مجددا كانت تنظر امامها بصدمه سافر طيب ازاي وليه 

سحر. في ايه ياعائشه مالك 

عائشه. بنفس ملامحها التي ترسمها الصدمه زين سافر ياماما زين ساب البلد ومشي وسابني مسالش فيا 

ذهبت سحر مسرعا واغلقت الباب اهدي بس ياحبيبتي تلاقيه سافر تبع الشغل شهر وهيرجع 

عائشه. لا هو قدم استقالته من البنك 

سحر. يعني ايه

________________________*

علي. هات وانا هوصله

احمد. لا انا كلمت عائشه وقولتلها انا هوديه 

علي. طيب ماشي بس انت هتسافر النهارده 

احمد. اه نازل دلوقتي عشان اوصل بدري 

علي. باستغراب من تصرفاته ربنا يسهلك 

ركب سيارته وتحرك وهو قلبه فرحا بشده بانه سيراها مجددا 

____________________*

الساعه 9 في الشرقيه 

امير. احمد خير يابني في حاجه 

احمد. ايه ياعم امير انت هتسبني واقف كده 

امير. اتفضل اتفضل  صاحبك كويس 

عائشه. نزلت من الاعلي  ازيك يااحمد 

احمد. نظر لها وجهه يعلوه الابتسامة الحمدلله 

عائشه. فين الجواب 

اخرجه من جيبه واعاطئها لها 

امير. جواب ايه ده 

احمد. ده جواب زين سابو لعائشه قبل مايسافر النهارده 

امير. سافر سافر فين 

احمد. مش عارف والله بس هو ساب مصر 

امير. افتحي ياعائشه الجواب ده

اخذت نفسا عميقا وحبست دموعها وابتدات بفتحه 

امسكت الاوراق وهي تنظر لهم ودموعها تهدد بالنزول وهي تري ورقه طلاقها في يدها والورقه الاخري هي عقد الشقه باسمها 

حاولت التماسك واعطت الورق لولدها دون ان تتحدث وصعدت لغرفتها مجددا 

امير. وهو ينظر للورق بغضب يابن****

دلفت لغرفتها وهي تنظر لهذه الرساله التي وصلتها للتو من زين 

الرساله 

انا عارف انك دلوقتي مش طايقه حاجه اسمها زين بس انا لسه بحبك وهفضل احبك لحد اخر يوم في عمري ياعائشه لانك انتي الطريق اللي نورلي حياتي  طبعا انا عارف ان كل ده ملوش لازمه دلوقتي بس عايزك تعرفي اني بعدت عشان بحبك وبس انا كتبتلك الشقه بااسمك وكمان حطتلك حساب في البنك روحي شقتنا ياعائشه هتلاقي مفاجائت كتير كنت محضرها لاول يوم لينا في عش الزوجيه انا سفرت وهكمل دراستي بره وهحقق اللي كنت بتمناه وانتي كمان حققي احلامك وكملي دراستك وعيشي حياتك انتي الف واحد غيري يتمناكي وفي الف دول واحد موجود دلوقتي وبيتمناكي 

ياريت تحاولي تفهميه وتحبيه زي ماهو بيحبك 

كانت دموعها كالشلال لم تتوقف اختنقت من كثره البكاء ورمت الهاتف بقوه في الارض 

عائشه. بصياح وقد ارتفع صوتها عاالاخير ليه ليه تعمل فيا كده حسستني اني لعبه في ايدك بتلعب بيها سبتني عشان خاطر صحبك انا بكرهك بكرهك يازين وبكره اليوم اللي حبيتك فيه وبكره كل ذكري ليا معاك دلوقتي 

___________________________

كانت هذه جالسه بالشارع تبكي بصخب ماما انتي فين ياماما 

بتعيطي ليه ياكتكوته 

مبعيطش عايزه ماما 

طيب ماتروحلها انتي  

ماهو انا معرفش فين البيت وماما قالتلي شويه وهجيلك 

انتي عندك كام سنه 

9 سنين 

بس انتي باين عليكي 18 سنه اسمك ايه 

اسمي چني  وانت اسمك ايه 

اسمي سيف  تعالي معايا وانا هجبلك تشربي

چني. بتردد ها اجي معاك لا 

سيف بابتسامة ماما قالتلك متروحيش مع حد صح

چني. صح 

سيف. انا هوديكي. لماما ياله 

چني.ياله 

ذهبت معه وهي تبتسم ببرائه 

چني. ده مش بيت ماما 

سيف. اه بس ده بيت ماما بتاعتي جوا ادخلي واشربي وهتاكلك كمان  

چني. يعني انت مش هتخطفني وتقتلني 

سيف. بضحك لا مش هخطفك ولا اقتلك ياله 

سميره والدته لسيف. مين دي ياسيف

سيف والله مش عارف ياماما انا لقيتها قاعده في الشارع وبتعيط وبسالها قالتلي انها عندها تسع سنين 

سميره. تسع سنين ايه دى مش اقل من 18 

سيف. مش عارف بقا 

چني. عمو سيف هاتلي اشرب 

احضر لها سيف كوب من الماء رفعته چني علي فمها ولم تستطيع ان تشرب ضحكت ببرائه مش عارفه اشرب

سيف. ليه 

چني. عشان ماما هي اللي كانت بتشربني مدت يدها له بالكوب ممكن تشربني

سيف. حاضر تعالي 

سميره. انت تعرف اهلها 

سيف. لا 

سميره امال هتوديها لاهلها ازاي 

سيف.  مش عارف بقا بس شوفي عسوله اوي 

سميره. اه بس عسوله متنفعش للعب دي ياقلب امك 

تعالي معايا ياچني 

نظر سيف علي والدته هو انا كنت هلعب بيها ازاي يعني

يتبع…..