رواية شيزوفرنيا الفصل الحادي والعشرون 21 بقلم الشيماء عبيد

وقلبي وعقلي في صراع وأنا أقف هادئ في المنتصف قل لي كيف يدافع المرء عن نفسه من الاعصار وهو أقل قوة أن يتخطه وليس أن ينجو منه حياً!

#بقلمي

غرام ويونس مع بعض:نعم؟!

حسين:جدتكوا أساسا كان عندها مشكلة في الخلفة وكانت بتتعالج منها وفي نفس الوقت كأي ست نفسها تكون أم ألحت علي عاصم جوزها أنهم يتبنوا طفل من ملجأ واتبنوا سمير بس بعدها بخمس سنين عرفت أنها حامل وقررت أنهامتتخلاش عن سمير رغم أنه ده كان مضايق عاصم جدا بس لانه بيحبها أستسلم لقرارها وبعدين ولدت نسرين ونغم ومن خوف عاصم بيه عليها قرر انهم ميخلفوش تاني ويكتفوا ببناتهم التؤام وسمير وخلاص وفضلوا نغم ونسرين مش عارفين الحقيقة الوحيد اللي كان يعرف سمير عارف كويس انهم مش إخواته ونسرين فضلت مش عارفه اللي عرفت نغم لما رجعت من البيت بدري ولاقت خناقة بين عاصم وسمير وخافت تتكلم في الموضوع اصلا لان عاصم كان شخصية شديدة جدا بس مش يمكن جدك صارح والداتك بالحقيقة  قبل مايتعب

يونس بحيرة:متهيالي لا 

غرام برقت بتفكير وهي بتقول:أنا كده ربطت كل حاجة ببعضها 

يونس:مش فاهم ربطتي ايه 

غرام بتساؤل:بابا هو جدي وصل للحالة دي ازاي ؟!

حسين:لا انا من يوم وفاة والدتك وانا مش متابع لا جدك ولا حد من عيلتها 

يونس:متهيالي أن بابا ممكن يكون عارف 

غرام:طب يلا بينا نساله 

يونس:يلا 

حسين بحيرة:طب فهميني فهمتي ايه ولا ربطتي ايه؟!

غرام وهي بتركب العربية بتاعت يونس بسرعة:بعدين يابابا لما اجي هقولك

حسين بقلق:خلي بالك من نفسك ياغرام ومتتاخريش 

غرام بصت من شباك العربية وهي بتقول:متقلقش يابابا

 _______________

*في شركة منير الصفتي*

*يونس خبط هو وغرام ودخلوا قعدوا قدام منير اللي مستغرب ….

منير بأستغراب:خير؟!

غرام:أونكل حضرتك تعرف جدو عاصم تعب ازاي ومبقاش يتحرك؟!

منير:طبعا عارف بس ليه السؤال ده ؟

يونس:بابا جاوب بس واحنا هنجاوبك علي كل حاجة 

منير:اللي حصل أن السواق الشخصي بتاعه تعب وهو مرضيش يطلب من حد من الحرس وقال عادي هسوق أنا والعربية مكنش فيها فرامل فعمل حادثة كبيرة بيها أدت إلي شلل نصفي يعني هو ايده كانت بتتحرك وكان بيتكلم بس مع الوقت حالته ساءت أكتر وأحنا مكناش فاهمين السبب بس قولنا يمكن من حالته النفسية السيئة وطبعا والدتك في الوقت ده كانت تعبانة جدا في الحمل فمكنتش متابعه معاه بأستمرار 

غرام بتفكير وهي بتقول:تمام ياجماعة أن شاكها في اللي اسمه سمير ده بما أنه طلع مش خالنا الحقيقي وأن كان فيه خلافات بينه وبين جدي وزعيق وكده علي حسب مابابا قال أنه يكون هو سبب الحادثة دي 

منير بصدمة:نعم؟!مش خالكم ازاي؟!

يونس:محدش كان يعرف غير جدي عاصم وخالتي نغم اللي سمعت بالصدفة الكلام ده في وسط خناقة بينهم وخافت تقول لماما فتتكلم في الموضوع مع ابوها او مع سمير نفسه بالاضافة الي اني لما قرأت مذكرات ماما عرفت أن كان فيه في الفترة الاخيرة خلافات بين جدي وسمير ده وكانت أمي ملاحظة كمان التفرقة بينهم في المعاملة وأنه مهتم بيها أكتر وكان بيعامل سمير كأنه موظف عنده   

منير:ماشي بس كل ده ميخلهوش يحاول يقتل جدك ايه هيستفاده لو قتله هل كده المعاملة هتتغير بالعكس كده هيكشف سره لنسرين ونسرين هتكون هي الوريثة الوحيدة لابوها وهو برا اللعبة خالص بينما وجود عاصم باشا موفرله الوظيفة والفلوس والاكل والشرب والمكان وحتي ناس مفكرينه أخواهم يعني هيلاقي في وجوده أكتر ماهيلاقي في وفاته 

غرام بجدية:اسمحلي اقولك ياأونكل أن فيه ناس طماعة مهما كان معاها من نعم مش بتحس بيها فبتتصرف تصرفات غبية هو كان مش فارق معاه الموضوع مثلا الحقد والغل مليان عنيه 

منير:أنا فاهم كلامك بس خلي بالك عاصم باشا الدرملي كان شخصية قوية ومسيطرة حتي علي سوق البيزنس وله أعداء كتير أكيد 

غرام:انا مش عارفه بجد بس دي مجرد ظنون أصل شايفه ان معاملته مش لطيفة خالص ومش مرحب بوجودنا 

منير بتفهم:هو ميعرفكوش عشان يرحب بوجودكم 

يونس:فاهم بس المفروض ان احنا ولاد إخواته اللي بقاله سنين مشفاهمش

يونس بعملية:طيب يابابا عن أذنك أنا هوصل غرام 

منير:تمام 

*يونس كان هيروح غرام لبيتها بس غرام اصرت أنهم يتغدوا سوا ركن العربية وطلع مع غرام المطعم وهو قاعد جمب أزاز المطعم لمح الحارس اللي دخله عند سراج قريب من عربيته 

يونس نطق بخفوت:سراج 

غرام سمعته:سراج مين؟!

يونس:لا أبدا مفيش خلصتي أكلك؟!

غرام:أه بس استني انا عاوزه عصير 

يونس بضحك:حاسس ان معايا بنت اختي 

غرام برفعة حاجب:والله 

يونس وهو بيضحك اكتر:والله

*بعد ماخلصوا أكل يونس راح حاسب ونزلوا ركبوا العربية ومروحين ويونس لاحظ حاجة غريبة فعينه اتسعت بصدمة هو بيقول:غرام العربية مفيهاش فرامل

غرام بصدمة:نعم؟!

يونس بغضب:أنا كنت متاكد أن الراجل ده وراه حاجة 

غرام:راجل مين؟!

يونس:غرام مش وقته دلوقتي نطي! 

غرام:انط مين انت اتجنتت 

*يونس عارف ان غرام هتفضل تتكلم وتقاوح وهو خايف يعملوا حادثة هدي السرعة شوية وساب الدركسيون وهو بيفتح الباب بتاع غرام وغرام مش فاهمة هو هيعمل ايه وقبل ماتسال حضنها وشده معاه ونطوا الاتنين من العربية 

يونس وهو بيبص لغرام بعد مانطوا ومسك وشها بأيده وبيقول:غرام انتي كويسة؟!

غرام:تمام انا تمام ….ممكن بقي تقولي مين كان عاوز يقتلك ده؟!

*يونس قام وهما في الطريق حكي لغرام عن كل حاجة وغرام كانت مصدومة ومش عارفه ترد….

يونس:بس يا ستي ده سراج بقي اللي شوفت واحد من رجالته كان جمب العربية واكيد هو اللي شال الفرامل 

غرام:يونس مايمكن تبع حد تاني 

يونس بحيرة:مش عارف ياغرام بس احنا لازم ناخد بالنا بعد كده من كل حاجة

غرام:ان شاء الله خير يايونس متقلقش بس كنت عاوزه اكلمك في حاجة 

يونس:ايه خير؟!

غرام:احنا لازم نجيب دكتور كويس لجدي ده يمكن يتحسن ونفهم اي حاجة 

يونس:ان شاء الله ياغرام تعالي بس اروحك واروح انام عشان تعبت 

غرام:يلا

___________________

*روح يونس وخرج مذكرات أمه من الدرج وفتح أي صفحة كانت كاتبة….

اليوم أنا وحيدة تمام عدت كما في سابق الامر أنا أذهب للطبيب بمفردي للاطمئنان علي صحة الاجنة! نعم أجنة! لقد اخبرني الطبيب أنهم تؤام كنت سعيدة جدا بينما تقصلت سعادتي عندما تذكرت زوجي الذي يشغله عمله عن هذا الخبر السعيد من وقت ليس بكبير وكان الفتور يحتل جزء كبير من علاقتنا القيت اللوم عليا كالعادة وحاولت التحدث معاه الا أنه كان يمسك تلك الاوراق في مكتبه ولا يعير كلامي الا انتباه طفيفاً أصبحت لا أدري ماذا أفعل لا أكترث بشأني فحسب بل أخاف أن يبتعد عن أولادها قبل مجيئهم حتي……

أستكملا لوحدتي ها أنا اليوم أنجبت طفلي  نعم لا أعلم أكان تحديد النسل خطأ أم ماذا ولا كأني أري الانزعاج والحزن حتي علي ذلك الصبي من عدم وجود والداه او عدم اهتمامه بنا وحدي في هذه المشفي تُري هل يابني ستكون وحدك مثلي؟!لا أتمني لك هذا علي الاطلاق!

*قفل يونس المذكرات ومش عارف كان ليه الاهمال ده كله من ابوه وعدم تحمله المسئولية أتنهد ونام 

_______________

*صحي يونس الصبح ولبس ورايح الشركة كان نازل من عالسلم قابلته هدي وقربت منه لحد ماوقفت قدامه وعيطت وهي بتقول انت مابقتش تحبني يايونس مش عاوزني خلاص في حياتك ….

يونس بسرعة:لا طبعا ياهدي لسه بحبك

*في الوقت ده دخلت غرام اللي كانت جايه توصل يونس بعربيتها للشغل وسمعت كلامه دمعت ومشيت وهي بتجري تروح لعربيتها 

يونس جري وراها وهو بيقول:غرام..غرام استني 

لحقها ومسك أيدها ومسح دموعها وهو بيقوله بتردد : غرام اللي انتي ….اللي انتي فهمتيه كله غلط 

غرام بدموع:غلط ايه انا سمعتك انا مش عارفه اقولك ايه لما انت رجعتلها ليه عالاقل مقولتليش انا كنت معاك في كل حاجة بعد ماسابتك انا معضرتش انك تحبها بس ليه مقولتليش كنت حتي قدرت امشي بسرعة …..وزقت أيد يونس وجايه تمشي 

يونس وهو بيغمض عينه بضيق:غرام متمشيش أنا بحبك!