Uncategorized

رواية تبنيتها ولكن احببتها الفصل السادس 6 بقلم منة الله وائل

 رواية تبنيتها ولكن احببتها الفصل السادس 6 بقلم منة الله وائل
رواية تبنيتها ولكن احببتها الفصل السادس 6 بقلم منة الله وائل

رواية تبنيتها ولكن احببتها الفصل السادس 6 بقلم منة الله وائل

تركت فريده الورقه من يدها وظلت تتارجح وتغني الي ان سمعت صوت ارتطام شئ في الخارج
فريده برعب :
مين؟
ولكن لم ياتيها رد
ذهبت إلى صور المدرسه لكي ترى ماذا يحدث وكانت المفاجأه
فتاه تلبس جلباب اسود تحاول عبور الصور ولكن اوقفتها فريده قائله :
هو حضرتك بتعملي اي انتي حراميه؟
يا سلام يافريده يعني لو حراميه هتقولك ????عبيطه فريده دي عبيطه
نظرت لها الفتاه وكان على وجهها التوتر ثم قالت بصوت منخفض :
ها لاه اني كنت عاوزه اسبلك الحاچه دي، ثم تركتها وهربت سريعا
فريده بعلو صوتها :
ياست انتي يا انسه، مين دي واي الحاجات دي؟
اخذت فريده الأشياء التي تركتها لها تلك الفتاه قم ذهبت إلى الداخل
              بقلمي منه وائل
*************************
               في منزل مرام
كان يجلس على الفراش ويأخذ بعض الأنفاس من السيجار وينظر الي مرام وهي تلف المفرش عليها ويبتسن ثم قال :
هو باباكي فين يامرام؟
صدمت مرام من ذلك للسؤال فهي لم تكن جاهزه لذلك السؤال ظنت ان كامل لن يسأل عنه
مرام وهي تتصنع الابتسامه :
ها مش انا قولتلك يا حبيبي ان هو وماما منفصلين وهو سافر على لندن ومرجعش من ساعتها
كامل باستغراب:
هو انتي ما قولتليش حاجه زي كدا، وبعدين لي مامتك على طول بتقعد في المطبخ مش بتقعد معانا
تلعثمت مرام ولم تجد شئ لتقوله فحاولت تغيير مجري الحديث قائله :
كح كح، اه صح يا كامل انا كنت عاوزه انزل شغل
كامل بتساؤل :
لي بس يا حبيبتي هو انتي محتاجه فلوس مش قولتلك لو احتجتي حاجه تقوليلي
مرام وهي تجلس بجانبه وتداعب شعره :
يا حبيبي مش حكاية فلوس انا بس عاوزه اغيز الحياه اللي انا عيشاها وبعدين يعني ماانت عارف اني خريجة تجاره يعني هتحتاجني في الشغل
نظر لها كامل بحيره
ارتمت مرام في احضانه وظلت تقبله وتقول برجاء :
بليز يا حبيبي بليز
كامل وهو يحتضنها :
خلاص يا حبيبتي حاضر
مرام وهي تقبله من وجهه :
ربنا يخليك ليا يا حبيبي بحبك اوي
كامل بابتسامه :
وانا كمان يروحي        
             بقلمي منه وائل
*************************
             في منزل عاصم
كان يجلس الي الاريكه مع والدته و
يتحدثون ويضحكون
عاصم بمرح :
لا يا بطوط بس انتي لازم تلبسي وتشيكي نفسك عز بدء يخلع منك
فاطمه وهي تضربه على راسه :
ماتلم نفسك يا حيوان، وبعدين وانا مالي منا حلوه اهو والا انت شايف اي؟
عاصم وهو يقبل يدها بحب:
 يا بطوط هو حد يقدر يقول غير كدا، دا انتي ست الكل كلهم، بس اقصد يعني ننزل نشتري شوية لبس جديد كدا ونروح للكوافير عشان ترجعي لعز كدا موديلز
ضحكت فاطمه علي كلامه ابنها ثم قالت :
يااخي بقا هو انا محتاجه متا عندي لبس كتير ماشاء الله وبعدين قولتلك ابوك كبر مبقاش يفرق معاه حاجه
عاصم بتوضيح :
لا يا بطه هيفرق بس انتي اللي بتطنشي اسمعي كلامي بس
كانت ستتفوه بكلمه ولكن قطع حديثها صوت رنين هاتف عاصم
عاصم باعتذار :
معلش ياأمي بس ارد على التليفون
، الو ايوا مين؟
أيوا يعني انتي مين؟
جائه الرد من المجهول قائلا :
مش لازم تعرف انا مين، اللي لازم تعرفه اللي انا اتصلت عشانه
عاصم بنفاذ صبر :
هي فزوره انتي عاوزه اي بظبط ولو ماقولتليش انتي مين هقفل السكه 
الفتاه :
قولتلك مش لازم تعرف انا مين انا جايه اقولك خالي بالك على صاحبك من مرام وعادل، مرام وعادل هينهوا على كامل تمم
ثم اغلقت الهاتف
عاصم بصوت عالي :
الو انتي ياست انتي الو، مين عادل دا؟ وياتري مرام هتئذي كامل ازاي؟
فاطمه بتساؤل :
في أي يا عاصم حصل اي؟
عاصم وهو يضع راسه بين راحة كفيه :
مفيش حاجه يا ماما، مفيش حاجه
              بقلمي منه وائل
*************************
         في الصباح في المدرسه
كانت ترتدي فريده ملابس اليوم الدراسي وفي راسها الف سؤال لم تجد اي اجابه عليهم
فيفيان وهي تصفف شعرها :
مالك يافريده؟، اكيد اتاخرتي في النوم امبارح ومش مركزه
تركت فريده مابيدها ثم اخذت فيفيان الي فراشها سريعا
فيفيان بشهقه :
في أي يا فريده مالك بس براحه
فريده وهي تجلسها على الفراش :
بصي انا هوريكي حاجه بس توعديني انك مش هتعملي صوت اول ماتشوفي الحاجه دي
فيفيان باستغراب:
اعمل صوت ازاي يعني؟
فريده بنفاذ صبر :
اسمعي الكلام وخلاص المهم بصي
ثم أخرجت من خزانتها حقيبه تحتوي على ملابس طفله يبدو عمرها شهرين وصوره لطفله صغيره
فيفيان وهي تنظر للحقيبه :
اي دول؟
فريده وهي تهز كتفيها دليل على عدم معرفتها
فيفيان باستغراب:
يعني اي ماتعرفيش اومال جم ازاي؟
فريده وهي تضعهم في مكانهم قائله :
بعد مامشيتي قعدت على المرجحه وكنت بغني زي كل مره مابعمل، سمعت صوت حاجه بتقع فقومت اشوف في أي ببص لاقيت بنت كدا كانت بتنط من على الصور وفي ايدها الشنطه دي بقولها انتي مين حراميه والا اي، قالتلي لا دي حاجات كنت جيبهالك انتي وطريقة لهجتها غريبه كأنها مش من هنا وسابت الحاجه وجريت ناديت عليها ولكن مشيت
فيفيان بتفكير :
امممم مش يمكن عفريته؟
فريده وهي تقوم من مجلسها قائله :
ياستي عفريته اي بس دي بني ادمه عاديه، بس مين الطفل اللي في الصوره دي، على مااعتقد بنت مش كدا
فيفيان وهي تذهب لها :
ياستي واحنا مالنا، وبعدين انتي اخدتي منها الشنطه لي
فريده هي اللي سابتها ومشيت، وبعدين اسكتي بقا عشان جم
ميشيل وهي تفتح ذراعها :
فريده وحشتني اوي يا فريده
فريده وهي تحضنها هي الأخرى :
وانتي كمان يا ميشيل وحشتني اوي وكلكم وحشتوني
كرستين بتساؤل :
اي اللي على راسك دا يافريده؟
اميره وميشيل بفزغ :
اي دا يافريده مين اللي عمرك كدا
فريده وهي تطمئنهم :
مفيش حاجه يا جماعه دي تعميره بسيطه انا وقعت بس محصلش حاجه لكل دا يعني
ميشيل وهي تضع يدها على رأس فريده عشوائيا:
بسيطه اي بس يا فريده دي شكلها عميق
فريده بألم :
ااااااه حرام عليكي يا ميشيل بتوجعني
ميشيل باعتذار :
انا اسفه مش قصدي
وأثناء ماكانوا يتحدثون جاءت من تحب العمى ولا تحب فريده قائله باستفزاز :
اوه يااااا فريده انتي متعوره، بس تعرفي شكلك حلو وانتي ملفوفه زي الصعايده كدا، والا مينفعش معاكي صعايده اصل دول ليهم اصل وفصل وعيله مش ذيك ولا نعرفلك اهل
ضغطت فريده على يدها لكي تتمالم اعصابها ثم ذهبت لها وقالت ببرود :
صحيح انا ماليش اهل وعيله زي ماانتي بتقولي، بس عندي خفة دب وحب الناس ليا مش بقعد في مكان وكل الناس بتكرهني فيه ذيك بظبط كانك بتسحبي الأكسجين من جنب اي حد
كانت ستهم بالرد عليها ولكن اوقفتها فريده باشاره من اصباعها قائله بتحذير :
ششششش ولا كلمه عشان المره اللي جايه وشك هيكون مكان قفاكي يا مره قال مرونيا قال 
ثم تركتها ورحلت وذهب ورائها صديقاتها وهم يضحكون على ما قالته فريده
نظرت مرونيا لهم وقالت وهي تتوعد لفريده :
ماشي يافريده ماشي
               بقلمي منه وائل
*************************
             في مكتب كامل
كان يجلس على مكتبه يباشر عمله
دب دب
كامل :
ادخل
عاصم ووجهه لا يبشر بالخير :
صباح الخير
نظر له كامل باستغراب قائلا :
صباح النور اي يابني مالك وشك مقلوب ليه على الصبح كدا
دب دب 
ادخل 
مرام :
بص يا حبيبي انا….. معلش ماكنتش اعرف ان في حد عندك 
كامل وهو يشاور لها :
حد اي بس دا عاصم تعالي 
مرام :
انا كنت جايه بس اديك الملف دا ورايحه تاني على مكتبي، اذيك ياعاصم؟ 
عاصم ببرود وعدم اهتمام :
تمم 
مرام :
طيب عن اءذنكم 
كامل بتساؤل :
اي يابني مالك بترد بقرف عليها لي كدا؟ 
عاصم بتساؤل :
انت شغلت مرام في الشركه؟
كامل :
اه لي اشمعنا؟
عاصم :
من غير ماتقولي
كامل :
عادي يعني يا عاصم هي طلبت وانا وافقت مجاش فرصه اقولك يعني، اي المشكله؟ 
عاصم بانفعال :
لا من ناحية المشكله فهي مشكله انت كدا بتقربها من هدفها بسرعه اوي
كامل بعدم فهم :
هدفها؟ هدف اي انا مش فاهم حاجه؟
عاصم بغضب :
طبعا وانت هتفهم ازاي ماحاضرتها منبمك في العسل، الهانم خاينه طلعت مزقوقه من عادل محروس، فاكره والا افكرك؟، عادل محروس اللي كان عاوز يقتل ابوك ويكوش على كل حاجه وفوق كل دا مش مكفيها اللي هي بتعمله لا كمان عاوزه تدخل العيله عشان تدمرها بوساختها مرام على علاقه بعادل يا كامل ومعندهاش لا اب ولا غيره حتى امها سابتها وسافرت
نظر له كامل بصدمه ثم قال :
اي اللي انت بتقوله دا يا عاصم انت اتجننت، انت ازاي تقول عليها كدا، انت نسيت انها هتبقى مراتي
عاصم بانفعال:
انا كنت هبقا مجنون فعلا لو كنت سكت اسمع كلامي يا كامل مرام دي مش سهله
كامل وهو ينظر في الملف ببرود :
فين الدليل؟
عاصم بغضب من تصرفه :
انا مش فاهم انت ازاي بارد كدا، قوم معايا وانا اوريك الدليل
كامل بغضب :
ولا مليون دليل هصدقهم انا مش فاهم انت بتعمل كدا ليه فوق يا عاصم مش انا اللي يضحك عليا، مرام بتحبني وانا بحبها وهنتجوز غصب عني اي حد حتى لو اضطريت اني ابعد عنك
نظر له عاصم بصدمه ثم قال بحزن :
لا وعلى أي يا صاحبي انا هريحك
ثم ذهب وفتح الباب وجد مرام كانت تقف وراء الباب تستمع لهم 
نظر لها ثم رحل
كامل بعصبيه :
تقفلي الباب وسبيني لوحدي اقفلي الباب
مرام بفزع :
حاضر
…………………..
مرام وهي تتحدث في الهاتف :
ايوا ياعادل شوفت اللي حصل زي ماتوقعت وقعوا في بعض وكامل مصدقهوش وباين كدا علاقتهم اتقطعت، بس احنا كدا في خطر من ناحية عاصم معرفش هو عرف ازاي، اي تقتلوا لا ياعادل احنا مااتفقناش على القتل وبعدين دا صاحب كامل، لا خلاص الا كامل خلاص ماشي يلا سلام
              بقلمي منه وائل
*************************
      في الصعيد في منزل الكبير
كانت تقف نعيمه تشرف على الخادمات ثم تركتهم ورحلت
نبويه وهي تنظر في كل مكان :
ها يابت عملتي اي امبارح؟
سعيده بصوت منخفض :
عملت اللي جولتي عليه وادت الشنطه لبت من المدرسه
نبويه بغضب :
ادتيها لمين يا مجصوفة الرجبه اني جولت تديها لبنت الست كريمه
سعيده :
واني هعرف منين يعني يااما اني حتى معرفش اسمها اي، مش انتي اهم حاچه انها توصل للمدرسه اكيد الست اللي چوا هتعرف من صورة البنيه وتشوف العنوان
نبويه :
اهو حاچه العنوان عشان يفهموا انها بنت الدار دي
سعيد:
انس عاوزه اعرف احنا مالنا افرض الكبير عرف وجتلنا
نبويه :
يبجا نصيبنا يابتي، لكن اني لازمن نساعدو ست كريمه ديه خيرها مغرجني من يوم ما چيت الدار دي، المهم محدش يعرف باللي حوصل يابت فاهمه
سعيده :
فاهمه يااما فاهمه
               بقلمي منه وائل
*************************
       في المدرسه في الحديقه
كانت تجلس فريده كعادتها ولكنها تفكر في تلك الحقيبه ولم تفهم اي شئ ويدور بداخلها اسئله لك تجد لها اي اجابه وفجاءه وقفت قائله :
لازم ميس ماري تعرف بالشنط دي
……………………..         
كان يجلس كامل أمام السيده مارس ويتحدث قائلا :
بس فالموضوع دا هيكون حلو جدا وبكدا الثقافه الفرنسيه تتشهر اكتر
ابتسمت السيده ماري قائله :
مشروع حلو جدا مسيو كامل بس هنحتاح مدرسات كتير لان زي ما في عنايه واهتمام هنا لازم يكون في هناك
كامل :
طبعا يا ميس ماري ماانا هجيب مدرسات من فرنسا يهتموا بيها، بصي انا لسه هعمل دراسه للموضوع هخلص وابلغ حضرتك، المهم انا كنت جاي اساسا عشان زياره
نظرت له السيده ماري باستغراب قائله :
زياره؟، زياره لمين؟
كامل بابتسامه :
لفريده
دب دب
ادخل
فريده وهي تنظر للسيده ماري :
ميس ماري كان في حاجه ع……
صمتت فريده فور رؤيتها لكامل
السيده ماري :
اذيك فريده حمدالله على سلامتك، مسيو كامل كان جايلك زياره
نظرت له فريده باستغراب
كامل بضحكه :
اذيك يا فريده
السيده ماري باستئذان :
طيب انا هروح اشرف على البنات في الحديقه
جلست فريده أمامه قائله :
اي اللي جابك؟
كامل بتفكير :
اا…. كنت جاي اطمن عليكي عشان الجرح وكنت جايبلك دي
ثم اخرج من جيبه علبه صغيرة الحجم وقال :
اتفضلي، دي ليكي
اخذت فريده العلبه من يده وقامت بفتحها وكانت شوكولاته
نظرت لها فريده بسعاده شديده وقالت له :
الله شوكولاته انا بحبها اوي
ثم قامت بتذوقها وكان ينظر لها كامل ويتأملها ولا يعلم لما هو سعيد هكذا ولما اتي هنا من الاساس، بعد انا تركه عاصم ورحل كان يفكر في كلامه ولكن قذفت صورة فريده في وجهه وتفاجاء فور رؤيتها فقام بالذهاب الي محل بائع الشوكولاته وجاء بتلك العلبه وجاء الي هنا
فريده بتساؤل :
بس يعني جاي وجايب شوكولاته وبتطمن عليا لي يعني مع اننا مانعرفش بعض غير من يومين
كامل وهو ينظر لها ويمد يده لها :
تقدري تقولي عاوز نكون صحاب ممكن؟
نظرت فريده الي يده بتعجب ولكنها نظرت في عينيه وجدته كأنه يترجاها بأن تقبل بذلك، ابتسمت له وصافحته قائله وهي تغلق العلبه :
داكور يا عقل الدجاجه
نظر لها كامل بصدمه ثم ضحك على تلك الكلمه وقال :
انا عقل دجاجه يا نعجه دولي
ضحكت فريده بشده وظل يضحكان الي ان وقفت فريده وقالت وهي ترحل :
هستناك الجمعه اللي جايه عشان تخرجني يا صديقي العجوز ثم ذهبت وهي تضحك بمرح
ابتسم كامل ثم تذكر قائلا :
الجمعه اللي جايه، طب وهي أهلها هيوفقوا؟، انا مالي هي اللي عاوزه كدا يبقا خلاص
               بقلمي منه وائل
*************************
       في المساء في منزل كامل
ميرفت :
مالك يا بسمه زعلانه كدا ليه؟
بسمه وهي تنظر لها :
حضرتك كنتي بتقولي ابن طنط فاتن طلب ايدي صح؟
ميرفت :
ايوا يا حبيبتي ولسه عاوزك بس لي؟
بسمه والحزن في عيونها :
ماشي قوليلوا اني موافقه
ابتسمت لها ميرفت قائله:
بحد. مرحبا حبيبتي دا اسعد خبر سمعته في حياتي بس انتي موافقه لي؟
بكت بسمه وارتحت في احضنها قائله :
عشان محدش يقول عليا كلام وحش زي ماخالتوا قالت 
ميرفت وهي تمسد على شعرها :
قطع لسان اللي يقول عليكي كلام وبعدين يعني انتي اول مره تسمعي كلام من مرجانه ماهي طول عمرها كدا مش جديد اهدي يا حبيبتي كدا وروقي وماترميش نفسك في أي مكان وخلاص ومش مهم تتجوزي دلوقتي لما تبقى جاهزه ان شاء الله
اشتدت بسمه من احتضنها قائله :
ربنا يخليكي ليا يا ميمي
               بقلمي منه وائل
*************************
             في منزل عاصم
كان يجلس على الفراش ويفكر
دب دب
عاصم :
ادخل
فاطمه وهي تضع كوب الشاي على الطاوله قائله :
 مالك يا حبيبي فيك اي من ساعة ما رجعت من الشغل وانت بالمنظر دا حصل اي؟
عاصم بتساؤل :
ماما هو انا لو لاقيت صاحبي بيغرق وهو مش واخد باله وانا نبهته مره وهو ماسمعش اعمل اي اسيبه؟
جلست والدته بجانبه وقالت :
مش هسالك بتسأل لي السؤال دا بس هقولك لا يا حبيبي ماتسبهوش لازم تلحقه حتى لو هو بيعاند بأن دا صاحبك واحنا مش بنسيب صحابنا، انقذوا باي حاجه تقدر عليها وعلى فكره انا واثقه انه كامل عشان كدا بقولك اوعي تسيبه، تصبح على خير يا حبيبي
عاصم :
وانتي من اهل الخير يا ماما، لازم اتصرف
                 بقلمي منه وائل
*************************
               في منزل مرام
كانت تجلس أمام المرأه تضع بعض الكريمات على جسدها الي ان دق هاتفها
ترن ترن
الو، ايوا يا عادل اي انت تحت، طب مش انت المفروض مسافر، اه دلوقتي؟ طب افرض كامل جه، طيب خلاص ماتزعقش اطلع، انا مش هعرف هخلص امتا من القرف دا مبقتش حابه انه يلمسني
عادل وهو ينظر بها بتلذذ :
وحشتني اوي، هو انا ماوحشتكيش؟
نظرت له بتقزز قائله:
لا ازاي وحشتني، بس هو ممكن بلاش النهارده انا مش عاوزه
امسك يدها بعنف واخذها الي الفراش قائلا :
لا مش هقدر استني يلا
…………………
تن تن
ام صبحي :
ايوا حاضر، يالهوي سي كامل
كامل :اي يا وليه في أي شوفتي عفريت، فين مرام؟
ام صبحي بتوتر :
ها اا نايمه ايوا نايمه 
كامل وهو يدخل :
طب انا هطلعلها 
ام صبحي وهي تمنعه :
لا يا بيه اصل… 
كامل بغضب :
اصل اي يا وليه في أي ماتنطقي، مش عاوزاني اطلع لي اوعي كدا 
ام صبحي بخوف :
لا يا بيه مفيش حاجه 
كامل بشك :
هو في حد عند مرام فوق؟ 
ام صبحي سريعا :
لا طبعا يا بيه اتفضل ها اتفضل 
كامل وهو ينظر لها باستغراب :
انا مش فاهم انا فيكي اي النهارده، يا مرام انا جيت يا حبيبتي 
مرام وهي تضرب على وجهها :
يا نهار اسود كامل 
يتبع….
لقراءة الفصل السايع : اضغط هنا
لقراءة باقي فصول الرواية : اضغط هنا

اترك رد