رواية حرب المافيا (عشقت معاق 2) الفصل الرابع 4 بقلم نادين محمد

ليان:اضرب مين بس انت فاهم غلط ، انا ضربت بالعافيه اصلا 

يزيد:اضربي يا ليان واخلصي 

ليان:ما قولتلك مش هضرب حاجه ، هو بالعافيه ياعم

يزيد:أضربي بدل ما تتقتلي 

مسكت المسدس بسرعه وضربت تاني 

ليان: خلاص  ؟! 

قعد يزيد علي كرسي بكل هدوء وقال:لأ  ،  انتي هتفضلي تضربي كده لحد منا اقولك خلاص

ليان: ده عند مين ده 

طلع المسدس من جيبه بكل هدوء ومسكه وصوبه نحيتها: لو منفزتيش كلامي  ،  الرصاصه هتنضرب فيكي يا ليان

ليان:يوووووه

مسكت المسدس وضربت تاني  ،  كان في مرايات كتيره جدا متتعدش من كترها  

(عند ادم) 

عند ادم كان وصل بيت رنا وطلع فوق جري عشان يشوف مامتها

رنا: اي اللي جابك طيب قولتلك مش مستاهله

ادم:جيت اتطمن علي امك انتي ايش حشرك  ،  امك فين 

رنا:جوا 

دخل ادم عند مامتها فالأوضه وكانت نايمه ومعلقه فأيدها محاليل

ادم:هي دي الي مش مستاهله  ! 

رنا:مانا معاها اهو في اي

ادم: مالها يارنا

رنا: عندها السكر والضغط وعلي عليها ف اتعلقلها محاليل

ادم: الف سلامه ياطنط

_الله يسلمك يابني  ،  مخرجتوش النهارده ليه؟ 

رنا: اخرج ازاي ياماما وانتي تعبانه 

_زي الناس  ، اخرجي وعيشي حياتك يارنا مأنا آخرتي الموت

رنا: بعد الشر ياماما في اي

ادم: بعد الشر ياطنط

_اخرجي بس وسيبيني نايمه

رنا: لا مش هخرج

بعد محاولات كتير من امها وكده وافقت تخرج نص ساعه بس

ادم: هنزل استناكي. تحت  ، والف سلامه عليكي ياطنط 

نزل تحت فالعربيه وبعد شويه رنا نزلت وراه 

“بعد شويه” 

ادم: تحبي ننزل نتمشي؟ 

رنا:ادم  ،  بلاش غباء مأحنا بنتمشي أصلا 

ادم: انزلي يابه انا غلطان أصلا

نزلوا من العربيه فشارع هادي أوي عشان يتمشوا

ادم: رنا

رنا: ها

ادم: بقالنا اصدقاء قد ايه

رنا بتفكير: امم تقريبا شهر

ادم:طيب مش ملاحظه حاجه؟ 

رنا بضحك: الاحظ اي يعني

طلع ادم. علبه من جيبه وادهولها  ،  فتحتها وهي مبتسمه وكان فيها خاتم 

رنا بفرح: دي حلوه اوييي بجد

ادم بابتسامه: عجبتك

رنا بصتله بابتسامه وبعدين بصت للخاتم تاني

رنا: اوي 

ادم: رنا

رنا: ايه

ادم: بحبك.. 

(عند ليان و يزيد الساعه سته الصبح) 

كانت قاعده عالأرض فالشمس وماسكه المسدس وكانت بتنام خلاص 

ليان بنوم: خلاص كده 

يزيد: اتعلمتي ازاي تضربي

ليان: أيوه اتعلمت ياعم  ،  عايزه انام بقا

قام يزيد من. عالكرسي وراحلها وشالها  ،  وشاور لمحمد وراه عشان يروحوا القصر 

بعد ما وصلوا القصر دخل يزيد وهو شايلها وطلع نيمها فأوضتها ونزل تاني (تسريع الأحداث مقصود عشان نخلصها) 

محمد: ها ياباشا هنعمل اي فالمهمه الجايه

يزيد: مش هنعمل حاجه  ، الخطه هقولها لما ليان تصحي  ،  عشان هي بقت فرد من العصابه

محمد: بس ياباشا دي باين عليها بتخاف اوي

راح قعد علي كرسي المكتب وولع سيجاره وقال: ميهمناش  ،  هتفك بالعملي 

“عند عمر” 

عمر: هو في حد ييجي يتقدم لحد الساعه 7 الصبح  ! 

أحمد: معلش بقا بحبها

عمر: بتحب اي يبني انت لسه عارفها من يومين جتك نيله  ! 

أحمد: متشكرين يادنيا

عمر بقرف: قولي رأيك يانادين وخلصيني عايز انام

نادين:ردي معروف اكيد مش هتجوز واحد مش بطيقه  

أحمد: شكرا شكرا

نادين: شوفت انت بذمتك ترضي تتجوز السئيل ده؟ 

عمر: بصراحه لأ

نادين: اهو 

أحمد: يعني مش موافقه

نادين: ياعم مش بحبك هو بالعافيه  ! 

قام أحمد من عالكنبه وهو بيقول:هاجي تاني يانادين  ،  هاجي تاني ومشي

ماسه بضحك: شكله بيموت فيكي

نادين: اتنيلي والنبي.. 

“عند يزيد بعد شويه” 

ليان بنوم: صحتوني من أحلي نومه  ،  عايزين ايه

يزيد: أول مهمه ياقمر

ليان: مهمه اي ياعم 

يزيد: أول مهمه فشغلك فالمافيا وكده

ليان: واي هي بقا

يزيد:بصي ياستي  ،  انتي هتروحي عند ناس فديسكو  ،  هبقي اعرفهوملك  ،  وهتلبسي فستان وهتروحي كأنك منهم بالظبط  ،  وهتلعبي معاهم تحت أشرافي بالسماعه  ،  وهتقشي فلوسهم كلها  ،  بيلعبوا أومار يعني  ،  بس كده  ،  مهمه بسيطه خالص بما أنها أول مره 

ليان: منا مش بعرف ألعب أومار وبعدين كده حرام!

يزيد: أولا قولتلك انك هتلعبي تحت. أشرافي  ،  ثانيا انتي تنفزي اللي انا بقولك عليه وبس

ليان بملل: طيب  ،  هنبدأ من. أمتي بقا  ؟! 

يزيد ببرود: الفستان عندك فوق فالأوضه  ، اطلعي البسي.. 

“عند. عمر وماسه” 

عمر: ماسه 

ماسه: اي 

عمر:  عايزه تسافري

ماسه: فين يعني

عمر: باريس مثلا.. 

يتبع……