رواية شيزوفرنيا الفصل الثاني والعشرون 22 بقلم الشيماء عبيد

في فراقك أصبح الليل أكثر ظلما والنجوم معتمة والقمر في حالة خسوف حتي ان الهواء من حولي صار خاليا من الأكسجين هل في فراقك أختراق لقوانين الطبيعة في عيناي أم أنني كنت في وجودك أري الاشياء بلذة الحب????

#بقلمي

غرام بسخرية:ولا بتحبها!

غرام بضيق:أنت بتناقض نفسك يايونس؟! ولا أنت عاوز كل حاجة؟!

يونس سكت ومش عارف يرد غمض عينه بضيق وفتحه ببطء لقي غرام ركبت عربيتها ومشيت يونس دخل البيت لقي هدي واقفة تبصله بضيق وعتاب تجاهلها وطلع بيته وراح قعد جمب أمه وحط رأسه علي رجليها بتنهيدةوهو بيغمض عينه 

فوزية وهي بتمسد علي شعره بحب:مالك؟!

يونس بضيق:مش عارف لمجرد أني مش عارف لا أنا ولاقلبي عاوزين ايه ومحتار في كل حاجة تقريبا أنا فجاة حياتي كلها اتشقلبت وياعالم هتوصل لفين تاني كان هيجري ايه لو هدي مكنتش اتخطبت لو مكنتش بعدت عني لو مكنتش قابلت غرام كان هيحصل ايه يعني؟!

فوزية ببتسامةحزن:مكنتش هتلاقي أهلك الحقيقين مكنتش هتشتغل في المنصب دي في الشركة دي مكنتش هتعرف ان غرام بنت خالتك ويمكن مكنتش هتعيش مع هدي اللي عشته مع غرام صح ولالا

يونس نفخ بضيق :المشكلة اني محتار

فوزية:خلاص سيب غرام واطلب منها ان تبعد عنك 

يونس بسرعة:لا لا وبعدين غرام بنت خالتي وفيه بينا صلة قرابة مينفعش تبعد عني 

فوزية:أنت مش مبسوط بالقرابة دي بدليل أنها بتسببلك حيرة واضطراب ومع ذلك لو عاوز قرابة كلمها في حدود القرابة بس 

يونس:المشكلة أني مش عارف مش عارف أبعد عنها زي ما يكون القدر بيحطها قدامي فكل حاجة 

فوزية:طب وهدي؟!

يونس:بحبها بس البعد بينا عمل حاجز مش عارف أكسره 

فوزية ببتسامة:الحب مفيهوش حواجز الحب حرية حرية في كل شئ في القول والفعل… يمكن مبقتش تحبها!

يونس:ازاي يعني مبقتش تحبها؟!

فوزية:القلب متقلب الحال يايونس أنا ممكن أحب حد والشخص ده يطلع أختياري فيه غلط ويبان سوء صفاته وأنه هيضره فحال القلب يتبدل من الحب الي الكراهية او اللامبالاة 

يونس قام من جمبهاوهو بيقول:يمكن يمكن ياأمي

فوزية:فكر بالراحة يايونس وفكر انك لو هتختار لازم تختار شخص واحد يكمل معاك حياتك ويغنيك عن بقية الناس 

يونس:حاضر ياأمي…هفكر بس حقيقي أن مشوش وفي دماغي ألف موضوع 

فوزية بجدية:يبقي تبعد لحد ماتكرر متعلقش حد بيك عالفاضي 

يونس وهو بيدخل اوضته بتوهان وخنقة:حاضر 

*يونس مسك مذكرات أمه وقعد يقرأ فيها كانت كاتبة…..

العنوان:علي شاطئ الحب❤️

لا أعرف معني الحب والحقيقة اني جاهلة في التعبير عنه أو الحكم عليه نظرتي للحب تحمل معني أخري مغلفاًبالصفات السعيدة التي لاحصر لها الامان والإيمان والرحمة والمودة والسعادة السعادة التي تبدل  وقت الحزن إلي سعادة أخري والاهم من ذلك الحب الذي يشمل كل تلك المعاني أحيانا أتعجب كيف يعيش المرء بدون دلوف الحب لحياته حتي وأن كان حباً مؤلم فالشعور يرتبط تمام بالحب غير ذلك أري أننا أموات بينما الحب أمواج باردة تغمرك في فصل الربيع حيث تكون الاجواء بأنسب إطلالة لها وأنت والنسيم تطردنا بعضكم وتتسابق معاكم الفراشات تركض بهذا النشاط الغير مفسر وهذه الابتسامة المتسعة وهل يحدث ذلك إلا علي شاطئ الحب❤️

*يونس أتنهد وقال المذكرات ومرضيش يروح الشغل حاسس انه مرتاح وهو بعيد عن كل حاجة

______________

*في بيت هدي قاعده مع صحبتها وهي بتتكلم بغيظ:المعفنة دي بتحاول تاخده مني أنا والله لاوريها 

صحبتها بسخرية:تاخده منك هو عقد ولا خاتم ياماما ده راجل والمفروض ان هو اللي بيختار مش مجرد مع واحدة تكلمه يروحلها ويسيب اللي بيحبها يبقي لامؤاخذة ده كلب كل ماحد يرمي قصاده عضمة يروح عنده وأنتي عاوزه تتجوزي راجل صح ولا ايه غيرتي رأيك ….وضحكت بسخرية 

هدي بنرفزة:بقولك ايه أنا عفاريت الدنيا بتنطط في وشي فمش طالبكي خالص قومي غوري من قدامي 

____________

*تاني يوم صحي يونس لبس و راح شغله وخلص كل شغله وهو مروح قرر أنه ميروحش البيت عشان ميفكرش كتير وراح علي كافيه شيك قعد وطلب ليمون بالنعناع وفجاة بص لقي غرام قاعدة بتقلب في عصير الفراولة بتاعها بالشاليموه بملل فضل يبصلها كتير وصوت موسيقي sad song في الخلفية 

 With you,l’am alive *معك أشعر أنني علي قيد الحياة……..

Without you I feel broke*بدونك أشعر أنني محطم

Like I’am half of a whole *كأنني نصف كل 

*قطع حد الاغنية وهو طالب من مشرف المكان يشغل أغنية رومانسية فأشتغلت baby Ilove you وراح عند غرام مدلها أيده وهو بيقولها:تسمحي 

غرام لسه بترفع عيونها تشوف مين الشخص ده لمحت يونس اللي قاعد قدامه بيبصلها بغيظ وبيهز رأسه ب لا في أنها ترفض أنها ترقص مع الشخص ده عملت نفسها مش شايفه وابتسمت وحطت أيده في أيد الشخص ده وقامت ترقص معاه ويونس قاعد مضايق منها جدا قام راح لحد من الويتر وهو بيقوله: هو ممكن نشغل أغاني عربي هنا

الويتر:أه طبعا ياأفندم 

يونس:تمام ممكن أنا اللي غني 

الويتر:مفيش مشكلة ياأفندم ده لو مش هيزعج الموجودين فعادي حضرتك تغني 

يونس بضحك:لا متقلقش صوتي مش بشع ولا حاجة في الغنا

الويتر:تمام ياأفندم أنتظر حضرتك لما الاغنية تخلص واتفضل غني 

يونس:تمام شكرا

*مسك يونس مايك وأفتكر أم غرام قالتله أنها بتحب عبد الحليم فغني وهو عينه في عين غرام

قولي حاجة أي حاجة….قولي حاجة أي حاجة 

قول بحبك قول كرهتك قول قول 

قول وميهمكش حاجة قولي عاوزك قولي بعتك بس قولي أي حاجة ياحبيبي….لوفي قلبك شكوي مني أشكي لوم عليا وأن لقيت الحق عندي أديهولك من عنيا …أديهولك من عنيا

وأنت قلبي وأنت أملي قولي مالك ساكت ليه ليه ليه …قول يا قلبي قول ياأملي قول مخبي عليا ايه……

*خلص يونس الاغنية لقي غرام خارجة من الكافيه ساب المايك وجري وراها لحقها ومسك أيدها وهو بيقول: غرام استني 

غرام بدموع وهي بتبعد أيده بعيد:سابني يايونس لو سمحت 

يونس بضيق:غرام أسمعيني 

غرام بنرفزة:مش عاوزه أسمعك أنا سمعتك كتير ودي ضد طبيعتي حلاص سمعتك ومش عاوزه اسمع تاني يايونس روح لحب عمرك يمكن تسمعك 

وفجاة وقف جمبهم عربية شريف(ابن عم غرام)وهو بيقول بنبرة تهديد:أظن أنها قالت مش عاوزه تسمعك فأتفضل أمشي ومتعترضش طريقها تاني لان المرة الجاية أنا اللي هقف قدامك فاهم ،وشد غرام ودخلها معه العربية غرام كانت ساكتة وبعدين مسحت دموعها وهي بتقول لشريف:أنت بتراقبني؟!

شريف وهو بيبصلها:لا 

غرام:عرفت مكاني ازاي؟!

شريف بحب:أنتي شغلي الشاغل ياغرام????

___________________

*تاني يوم الصبح حسين العدلي(أبو غرام)كان في مكتبه بيشتغل دخله شريف وهو واقف قدامه وساكت 

حسين بأستغراب:أيه ياشريف؟!اقعد!

قعد شريف وبعدين قال بتوتر: بص يا عمي انا هقولك حاجة وياريت تفهمني 

حسين:مالك ياشريف؟!قول اللي انت عاوزه

شريف:عمي أنا بحب غرام من زمان وتقريبا مكنتش بوضح أحترام ليك ولحد ما أكون جاهز للخطوة دي انا بطلب منك أيد غرام

حسين عارف أن غرام هترفض و حاسس انها بتحب يونس مش عارف يقول ايه:بس يابني…

قاطعته غرام وهي داخله المكتب وقالت بجمود:وانا موافقة!