Uncategorized

رواية طفولتى المشتتة الفصل الحادى عشر 11 كامل

 رواية طفولتى المشتتة الفصل الحادى عشر 11 كامل
رواية طفولتى المشتتة الفصل الحادى عشر 11 كامل

رواية طفولتى المشتتة الفصل الحادى عشر 11 كامل 

دخلت بيت نايف بسرعة وانا على اعصابي ما كان احد بالصالة ناديت بصوت عالي :ساميا يا ساميا
توجهت للدرج شفت ميري جالسه تبكي ومصدومه سالت وش فيه بس ما ردت اشرت على جهة اليمين توجهت لجهة اليمين كانت ساميا جالسه تبكي امام غرفة ريم قربت منها وسألتها بخوف : وش فيه ؟
كانت خايفه ومصدومه واشرت على داخل الغرفة وتكلمت بشهقات : مممماتتتت
دخلت بسرعة حتى اشوف مين مات
نظرت في الغرفة لعده ثواني وانصدمت من المشهد …..
تقدم الجد من ريم
وجلس على الارض وهزها لكن بدون فايده كانت
جثه هامدة ……
في هذه الوقت رجع نايف بنفس الوقت على البيت
استغرب الهدوء وشكل الخدم سالهم : وين ساميا ؟
اجابت احدى الخدم بخوف: فوق
حس انه في شي وتوجه الطابق الثاني كانت ميري
على جلستها وشكلها ما يبشر بخير مريت من جنبها
ناديت : ساميا يا ساميا
سمعت صوت بكاء من جهة اليمين توجهت وكانت
الصدمه ……
كانت ساميا بحاله لا يرثى لها تقدمت وجلست على
مستواها : وش صاير ؟!
اشرت بخوف على غرفة ريم نهضت نفسي بسرعة
ودخلت غرفة ريم كان ابوي جالس عند ريم ويقول :
انا لله وانا إليه راجعون
من الصدمه حسيت نفسي انخرست مو قادر استوعب الموقف
بعد ثواني
تقدمت وجلست ووضعت يدي على كتف ابوي وبخوف : وش صاير يبه ؟
نظر لي ابوي بلوم : مممماتت ونزل راسه
ما صدقت معقول ريم تموت مستحيل تقدمت منها
ومسكت يدها اشوف النبض اكيد ابوي يمزح معي
لكني انهبلت ما كان فيه نبض هزيتها حطيت راسي
على قلبها يمكن اسمع نبض صغير بس ما في فايده كان جسمها بارد وخالي من الحياه
بارد يعني ماتت قلبي مو قادر يستوعب مو قادر يستوعب
صرخت
بصوت عاااااااالي :
لااااااااااا ريييييييييييم
فجأة صحيت تلفتت حولي كنت بالمستشفى وجالس
بمكتبي وقدامي ملف فركت عيوني واتعوذت من الشيطان
حلم معقول حلم
يعني ريم ما ماتت تنهدت براحه لكني بعدني خايف اتصلت بساميا حتى اتاكد بعد اربع رنات ردت : الو
نايف بخوف وتوتر : انتي وينك ؟
ساميا باستغراب : ليه تسال ؟!!
نايف بعصبية وتوتر : جاوبي بسرعة مو وقت تحقيقك ؟
ساميا بقهر : يعني اذا بنتك ما قبلت تاخذ منك الصبح مصروف تطلع قهرك فيني وبعدين ايوه انا بالبيت ودك شي قبل ما اقفل ؟
نايف وكانه ارتاح شوي : لحظة ريم رجعت من المدرسة ؟
ساميا بقهر : ايوه رجعت من المدرسة زمان الظاهر انك ما تعرف كم الساعة الحين انا اقول لك الساعة الحين 4 من الساعة 2 وانا ارن عليك البنات ماتوا من الجوع وحضرتك ما جيت وارن عليك ما ترد انا للي ودي اسالك انت وينك ؟
نايف *بصراحة لما قالت بناتك ماتوا من الجوع قلبي نقزني وخفت بعد كلامها ارتحت عرفت انه كان حلم واني الظاهر بعد ما اتصلت مديرة ريم نمت بدون ما اشعر تنهدت براحه يعني بعدني ما حققت مع ريم بسالفة السرقه يا رب ما يتحقق الحلم واقدر اضبط اعصابي يا رب
نقزت من صوت ساميا : انت وينك ؟ انا قاعده اكلمك وانت مطنش ؟
نايف بنرفزه لانها قطعت حبل افكاره : علامك تصرخين سامعك اسمعك ماني اصمغ انا بالمستشفى والحين اجيكم تغديتم ؟
ساميا بدون نفس : لا بننتظرك يالله سلام
نايف بسرحان :سلام
قفل الخط ونزل على الارض يسجد لله سجود شكر
انه كان كابوس مزعج تنهد براحة وقام يجهز نفسه
للعوده للبيت …….
كانت جالسة بغرفتها ومستغربه للحين نايف ما
وصل اكيد رح اليوم يطلعها جنازة وكله بسبب رغد
الكلبه وكانت تتحلف لرغد وتخليها تندم وعضت على
شفايفها بقهر ناظرت للساعة كانت 4.24 استغربت
انه للحين نايف ما دخل غرفتها يضربها وهي ما زالت
باستغرابها فجأة انفتح الباب خافت ريم وحطت يدها على قلبها للي كان يدق بسرعة لكنها تنفست براحه لما شافت ميري
ميري : انزل بابا كبير يبغى انت وطلعت ميري من الغرفه
رجعت دقات قلب ريم تنبض بسرعة هي واثقة من
نفسها لكنها متأكده انه نايف ما رح يصدقها
طلعت من غرفتها بهدوء ونبضات قلبها تدق اكثر
كلما اقتربت من صالة الطعام دخلت الصاله
كان نايف وزوجته وبناته جالسين على الطاوله نقزت لما سمعت صوت نايف : ريم يالله تعالي
استغربت من لهجته معها عادية بس كانت متأكده
انه المساعدة اتصلت بولي امرها وابتسمت بفرح
اكيد كانت تضحك عليها لحتى تخوفها واقنعت
نفسها بهذا الكلام لانه لو نايف كان يدري كان الحين كانت في عداد الموتى ………….
كانت تمشي بهدوء وشارده الذهن وبنفس الوقت
خايفة وضحكت بداخلي لما ناديتها ونقزت من
الخوف تنهدت براحه لما شفتها واقفه قدامي وما
فيها شي يالله تشبهني هاذي البنت بعنادها وكانها
نسخه مني نفس صفاتي العناد الغرور قوة
الشخصيه
والذكاء معقول اخذت صفة الذكاء مني بس الظاهر
انها ذكيه حتى ملامحها كثير تشبهني وخاصة نظرتها
الحاده نظرت لها كانت تاكل بهدوء ابتسمت على
هذي البنت وتابعت تناول الغداء براحه
كملت غداها وقامت وتوجهت لغرفتها وهي تنتهد
براحه انه نايف ما يدري عن شي وعزمت على انها
رح تتفاهم مع رغد بطريقتها الخاصة وتحل
المشكله بنفسها……….
صحيت الصبح بنشاط وهي عازمه تنتقم من رغد
نزلت وتوجهت لصالة الطعام وجلست بهدوء حتى
السلام ما تكلف نفسها ترده ……
وبعدها دخلت سلمى وردت السلام وقبلت امها وابوها
وجلست وكالعادة ابتسامتها ما تفارق وجهها
انهت ريم فطورها وتوجهت للمدرسة وفي بالها افكار لازم تنفذها اليوم
*
*
*
*
*
دخلت المدرسة بثقة وبعد الطابور دخلت الصف وتوجهت لرغد بدون ما تشعر وسحبت حقيبتها ووقفت على الطاوله تحت انظار المعلمة للي كانت ودها تتكلم لكن اشرت لها ريم بنظرت تحدي : اذا سمحتي ابله بس دقيقة
نظرت رغد باندهاش : هاتي حقيبتي يا حيوانه
طنشت ريم وفتحت الحقيبه اخرجت الاقلام : الاقلام
هاذي سرقتيهم من البنات بالشعبه الثانيه وهذا
الدفتر لي سرقتيه مني وسكتت لك وهذا الكرت لسوزان سرقتيه منها
شهقت سوزان ونظرت لرغد باحتقار
ومسكت ريم الاغراض للي رغد اتهمت انها
سرقتهم
ومسكت سلسله غاليه الرعد وقالت بصوت عالي :
وقسم بالله يا رغد اذا ما تكلمتي بالحقيقة لا اقطعه
قطع صغيرة وبصراخ تكلمي انا سرقت منك شي ؟
رغد خافت انها ريم تقطع السلسلة قررت تعترف
بالحقيقة : انا حطيت الاغراض بحقيبتك حتى انتقم منك لاني اكرهك
فقدت ريم اعصابها ومسكت السلسلة وقطعتها
ومسكت اغراض رغد وقطعتهم حتى كتبها كله
قطعته ورمت الاغراض على الارض ونزلت بسرعه
ومسكت رغد من شعرها وشدته بقوه وضربتها
كف ونزلت فيها ضرب لكن في يد سحبتها
المساعدة كانت ماشيه مصادفه ودخلت على اخر
الشجار تكلمت بحزم : ريم مو كذا اتركيها
ريم بعصبية : تفوووووووه عليك يا كلبه عشان مرة ثانيه تتهميني كذب
المساعدة بعصبية: خلاص واشرت كلامها لرغد وريم عالادارة
دخلت المساعدة معصبه ومعها اغراض رغد : الحمد لله يا استاذ انك موجود حتى تشوف بلاوي ريم شوف وش سوت ريم باغراض البنت
دخلت ريم وتفاجئت بوجود نايف انقهرت من حضوره
اكيد رح يهينها قدامهم وخاصة رغد تنهدت بقهر ووجهها احمر من العصبية
المديرة الاستفهام : وش صاير ؟
كانت المساعده ودها تتكلم بس قاطعتها ريم : انتي
لا تتدخلين فاهمه وبقوة ودك اياها تتهمني بالسرقه واسكت لها باحلامكم
*
*
*
*
*
*
كنت اتابع بصمت وكانت ريم وجهها احمر من
العصبية ورغد حالتها حاله شعرها منفوش ووجها
احمر مكان ضرب ريم وملابسها مبهذله تنهدت
يا سبحان من خلقها نفس طبعي مستحيل اسكت عن حقي وريم مثلي مستحيل تسكت عن حقها
ذكرتني بنفسي لما كنت بالمدرسة
وصارت مشكله بالمدرسة واحد الطلاب حطها فيني وانا مظلوم وقتها اذكر مسحت فيه الارض
قطع تفكيري المساعده : عاجبك يا استاذ كلام بنتك ؟
نايف ببرود وبغرور : اولا انا مو استاذ اذا سمحتي
انا دكتور
ثاني شي ودك البنت تظلمها وتشوه سمعتها وتسكت لها وبعدين على اي اساس تتهمين ريم ؟
كانت المساعده ودها تتكلم قاطعتها ريم : انتي ما تفهمين اقول لك رغد اعترفت انها هي حطت الاغراض بحقيبتي لحتى تنتقم مني …..
المديرة بحزم : صحيح يا رغد ؟
رغد وهي تمسح دموعها هزت راسها بالموافقة
المديرة بحزم : رح تتعاقبي يا رغد على فعلتك
والتفت على نايف : اعتذر منك حصل سوء تفاهم
نايف ببرود : عطلتم اشغالي وبالاخير سوء تفاهم
وبعصبية اعطيني ملف رغد بسرعه ورح اقدم شكوى على هذي المدرسه
ارتاحت ريم انه وده ينقلها من هاذي المدرسة لانها تكرها وتكره البنات للي فيها تنهدت براحه واخيرا رح تنتقل من هنا
المديرة بهدوء : خلينا نتفاهم
قاطعها نايف بعصبية : كلمتي ما اثنيها اعطوني الملف
قامت المديرة بنفسها وبعد دقايق رجعت ومعها ملف ريم : اتمنى ما تعمل لنا مشاكل
سحب نايف الملف بقوة وبحزم : يالله يا ريم
جلست بالسيارة وانا معصب من هذي المدرسه المتخلفة
وبعدها بدقايق دخلت ريم وكان معها حقيبتها
جلست من الخلف وبعدها تحركت كانت هادية وتنظر من الشباك وبعدها تناظرني!!
وكانها ودها تسال عن شي بس مترددة تركتها على راحتها لكنها تشجعت
وسالت : وين رح تسجلني قصدي في اي مدرسه ؟
نايف ببرود :،ما في مدرسة بعد اليوم اجلسي بالبيت لاني مو متفرغ لوجع الراس …….
يتبع ……
لقراءة الفصل الثانى عشر : اضغط هنا 
لقراءة باقى فصول الرواية : اضغط هنا 

اترك رد