Uncategorized

رواية طفولتى المشتتة الفصل الخامس عشر 15 كامل

 رواية طفولتى المشتتة الفصل الخامس عشر 15 كامل  
رواية طفولتى المشتتة الفصل الخامس عشر 15 كامل  

رواية طفولتى المشتتة الفصل الخامس عشر 15 كامل  

جالسين بمكانهم المعتاد
قاطعهم بدر وهو يركض ويجلس وهو يلهث : فاتتكم اخبار كثيره والتفت لسليمان وغمزه : وخاصة انت اخبار تهمك
نظروا لبدر متحمسين لمعرفة الاخبار
بدر اخذ نفس : وش تعطوني عشان اقول لكم
نواف بعصبيه : تكلم وبدون ثقاله دم احسن ما اكسر لك راسك
بدر نظر للجميع وكلهم طويلين الا هو القصير وكانوا يتوعدون فيه اذا ما تكلم بلع ريقه : هههه امزح معكم شباب وانا اقدر اخبي عليكم
عمر بنفاذ صبر : بدون مماطله ادخل بالموضوع بسرعة
بدر ببراءة : متصلين بابوي عشان اجي وبالاخير هذا الاستقبال
اعطاه سليمان نظره خلى بدر يكمل كلامه بدون فلسفه
بدر : بالبدايه رح اقول لكم الخبر للي يهمنا كلنا وبعدين اقول الخبر للي خاص ببعض ناس
نواف بنرفزه : خلصني يا ثقالت دمك
بدر باستفسار سال الشباب: علامه اليوم حريقة
اشر له عمر يعني طنش وكمل
بدر : احم احم وحك راسه شباب ابوي بكره وده يروح على المدرسة ويسال عن حال دراستنا وخاصه عن الحصص الاضافية شو سببها
سليمان بقهر : انكشفنا شباب وش الحل الحين ؟؟؟
نواف ويعض،على شفته بقهر: اكيد اذا كشف الكذبه رح يتصل بابوي بلندن ويخبره عن تقديري واكيد رح يسحبني هناك وعض على اصبعه من القهر
عمر بعد تفكير و صمت دام لخمس دقايق : الحل عندي شباب
نظروا الشباب له : بسرعة تكلم
عمر بهدوء : بتعرفوا الاستاذ عبدالله مدرس الرياضه
نواف بنفاد صبر : ايوه نعرفه وش فيه
عمر بهدوء : تعرفونه يحب المصاري بكره نروح عليه ونعطيه مبلغ محترم واذا عمي سلطان جاء للمدرسه يقول له انه حنا كنا ناخذ دروس اضافيه بالرياضة عشان نقوي انفسنا
بدر بشك : وش يضمن لك انه يوافق ؟؟؟
عمر بيقين : من هاذي الناحيه لا تخاف مضمونه
نواف بتاييد:حنا نجرب وش علينا وان شاء الله تمشي
عمر بحماس : وهاذ الخبر الاول حليناه يالله وش الخبر الثاني ؟؟؟؟
بدر نظر لسليمان وغمز : هذا الخبر يخص ابو الشباب واشر على سليمان
سليمان بنرفزه : خلصنا وتكلم
بدر بضحكه : مستعجل على سماع اخبار الحبيب المهم اخر الاخبار عمي نايف سافر وريم
قاطعه نواف : يا سخافتك كلنا نعرف انه عمي نايف سافر
بدر بقهر : وليه ما قلتم لي انه ريم ما سافرت معه دامكم تعرفون خليتوني اخر من يعلم
ووقف زعلان وده يروح
مسك يده نواف واجلسه بسرعة وساله : وش تقول ريم ما سافرت معه ؟؟ وين تركها ؟؟
عمر بتفكير : يمكن بدار الايتام لانه جدتي رافضه انها تعيش عندها
نواف : بس ما يصير انه يوديها على دار الايتام اسمها من عيلتنا يعني عمي وده يشوه سمعتنا
سليمان بلامبالاه : وش علينا ان شاء الله يرميها بالصحراء
عمر :،يا غبي هاذي بنت عمنا وعرضها من عرضنا
قاطعهم بدر :اسكت انت وإياه لانه ريم رح تعيش في بيتنا
نظروا كلهم لبدر ومو مستوعبين
عمر : احلف
بدر : والله العظيم قبل ما اجيكم ضربني ابوي عشانها هههههههه
عمر باستغراب : يالله الله يعينكم عليها
نواف باستفسار : سليمان ابوك ما فتح معك موضوع يوم العيد ؟
سليمان بهدوء : لا ما فتح معي شي بس احسه وراه شي كايد
نواف بتاكيد : صدقني ابوك اذا حط شي بباله ما يتركه صدقني ابوك حيرها لك وقول نواف ما قال
سليمان بخوف : الله لا يقولها وبعدين انت تعرف اني ودي سديم اختك
نواف يمثل العصبيه : يا قوات عينك وقدامي تقول
سليمان بقهر : اسكت لا تزيد علي وبعدين انا اخر مره شفت اختك وهي ام اربع سنين وبعدها سافروا وما شفتها
عمر بمزح : وش عرفك يمكن انها الحين جوكر ههههه
وقف نواف بعصبيه : والله ما تستحون تراها اختي وما اسمح لكم وانت اشر على سليمان مبروك عليك ريم ومشى منسحب وهو زعلان قام سليمان وبدر وعمر وراه عشان يراضوه …….
نتركهم يراضوه هههه
دخل الصاله وكانت الساعه العاشره مساء كانت ام بدر جالسه لوحدها جلس بالكنبه المقابلة لها وتنهد ومسح على وجهه : وين الاولاد ؟؟
ام بدر بهدوء : بغرفهم راحوا ينامون بعد العشاء
سلطان : ريم اكلت ؟؟
ام بدر : رفضت تتعشى تقول ما لها نفس حاولت بكل الطرق بس رفضت
سلطان : خليها على راحتها بكره بتتعود تعيش هنا ولوحدها تقول لك وين العشاء
ام بدر : ما اظن اتوقع نايف باي فرصه رح يسحبها عنده
سلطان باستبعاد : ما اتوقع لانه رح ينشغل بعمله ومو فاضي اذا حنا شفناه كويس
ام بدر : الله يعين
صحيت على هزت ام بدر تهز كتفها برفق : ريم ريم
فتحت عيونها بنعاس
ام بدر : يالله حياتي قومي عشان المدرسه
جلست ريم وفركت عيونها بيدها الصغيرة مسكت يدها ام بدر وتوجهت للحمام عشان تجهز ريم للمدرسه
نزلت بعد ام بدر للي سبقتها حتى تشوف اولادها جهزوا او لا
مشت بهدوء لصاله الطعام ردت السلام بصوت اقرب للهمس
سلطان كان ماسك الجريده وضعها على الطاوله : حيالله ريم اجلسي يا بنتي
كان بدر جالس وينظر لريم
عبود : ريومه اليوم رح نلعب مره ثانيه وافوز عليك بالكره
ريم بشبه ابتسامه : باحلامك وفعت حاجبها ونزلته
بدر : اقول ريم
قاطعته ريم بنظره ووجهت كلامها لعبود خلص موعدنا بعد العصر
عبود بحماس : اوكي
سامي : ماما اعطيني قهوه
ام بدر اعطته نظره : لما تكبر الحين بعدك صغير
كان بدر جالس ووجه احمر من الفشيله ومقهور من ريم كيف فشلته كان ينظر لها وهي تسولف مع عبود وتضحك وكانه ما في حد موجود غير عبود وحط،في باله انه ريم راسمه على عبود …..
وقفت ريم عشان تروح عالمدرسه وقفها سلطان : ريم تعالي خذي مصروفك
ريم بحياء : لا عمي معي
سلطان بحزم : ريم انا قلت لك انت مقل اولادي حتى لو كان معك ما يهمني يالله خذي مصروفك
كانت واقفه ومتردده
ام بدر بزعل: ريم اذا بتعتبرينا غريبين عنك خلص لا تاخذي
ريم : اسفه خالتي مو قصدي وتقدمت من سلطان واخذت مصروفها
قبلها سلطان على راسها : الله يوفقك يا بنتي
ابتسمت ريم وطلعت عالمدرسه وهي حاسه حالها مشاعرها متضاربه بس المهم انها ممتنه لسلطان وام بدر
*
*
*
*
بدر كان واقف : يبه كان اعطيتني مصروفها كونها ما ودها اياه
سلطان بعصبية : بدر
وبهدوء متى رح تعقل ويصير عقلك كبير وعلى فكره اليوم رح اجي على مدرستك
بدر بلع ريقه :،انا تاخرت على المدرسة يالله سلام
وخرج بسرعة قبل ان يكتشف ابوه خطتهم
ضحك سلطان على خبال ابنه ونظر لام بدر : الله يعوضك فيه ههههه
ام بدر بضحك : على فكره هرب قبل ما تكتشف بلاويه
قاطع ضحكهم سامي : اعطوني مصروفي وبعدين تضحكون
ام بدر بنرفزه : نفسي تجلس دقيقة بدون طلبات
وزع سلطان مصروف الاولاد طبعا ريان اخذ مصروفه وخرج بدون كلمه بغرور …….
اما عبود وسامي ركضوا مبسوطين باتجاه المدرسة ………
دخلت المدرسة الجديده،بثقه وسالت عن صفها وبعد الطابور دخلت صفها بهدوء اشارت لها المعلمه تجلس بجانب احدى الطالبات وطلبت منها تعرف بنفسها وبعد انتهاء الحصه الاولى تكلمت الطالبه بابتسامه : انا جنى
ريم بابتسامه : اهلين
كانت ريم اول مرة تتعرف على بنت وتتكلم معها كانت بالمدرسة القديمه منعزله اما بهذه المدرسه لعلها ستكون بدايه خير لها
طوال اليوم امضت وقتها،مع جنى وكان فيه بنات يتابعن ريم بنظراتهن وكان ودهن يتعرفن عليها بس ريم امضت وقتها مع جنى للي كلمتها عن حياتها وعرفت انه ابوها ميت عشان كذا تعلقت بجنى حست بينهم شي مشترك بس كانت جنى تحدثها عن اخوها الكبير كيف عوضها عن فقدان ابوها وحنون معها وياخذها وين ما تحب كانت ريم تستمع لجنى وتتمنى يكون لها اخ زي كذا بس بنفسها تحمد الله انه عوضها بسلطان ومرته للي يعاملوها برقه وحنيه ………
مرت ايام ريم خلال الاسبوع جميله جدا زادت علاقتها بعبود وكانوا كانهم توام وسامي كانت تتشاجر معه باللعبه بس بنفس الوقت علاقتها معه حلوه كثير اما ريان استطاعت ريم تخرجه من هدوءه وصار يكره اشي اسمه ريم لانها بتنرفز الواحد بلسانها الطويل اما بدر فكانت ريم معطيته طاف وكان هذا للي قاهره وكان يحاول يقهرها بس كان سلطان له بالمرصاد دايما يبهدله عشان ريم
اما حياتها بالمدرسة كانت جميله جدا وصار لها صاحبات وزادت علاقتها بجنى وكانت دايما جنى تتكلم لها عن اخوها حتى اصبحت ريم ترسم بخيالها انه اخو جنى البطل وكان نفسها تشوفه ………
سلم على،امه وابوه وبعد السؤال عن الحال والاحوال ابوه بشك : عسى ما شر يا نايف اشوفك راجع بدون ما تخبرنا واهلك مو معك ؟؟
نايف بهدوء : ما في الا الخير بس جيت اخذ ريم …..
سلم على،امه وابوه وبعد السؤال عن الحال والاحوال ابوه بشك : عسى ما شر يا نايف اشوفك راجع بدون ما تخبرنا واهلك مو معك ؟؟
نايف بهدوء : ما في الا الخير بس جيت اخذ ريم ….
كان يجلس هو وام بدر بالحديقه الخلفيه تفاجئت شوي ام بدر من كلامه لكن بعد تفكير : انا موافقه ومن زمان افكر بهذا الموضوع بس خفت افاتحك فيه ما لنا غير هذا الحل حتى تبقى ريم عنا عالطول سكتت لثواني وبعدها اكملت بتعرف يا سلطان انها سعادتي لا توصف بوجود ريم
مسك سلطان يدها وشد عليها: مع انه اهلي يحقدون عليها وعلى اهل امها لكني ولا مره حقدت عليها هي ما لها ذنب والي مات ما رح يرجع اتوقع لو ريم لقت تربيه جيده ما رح تشوفي اخلاقها كذا بالعكس رح تكون قمه بالاخلاق بس للاسف ما لقت حد يوجهه مع ذلك اشوفها عادي بس لسانها طويل كثير وبإذن الله رح احاول اخلصها من هذي الصفه الشينه
نظرت ام بدر له : لا تفكر بسهولة تقدر تغيرها صعب جدا تخليها تحترم الاكبر منها بس ما رح نقصر معها بإذن الله بس انا خايفه بدر يرفض وما احب اجبر اولادي على شي ما يبغونه وخاصه احسه يميل لبنات ابو سليمان
سكت سلطان لدقايق : لوقتها يحلها ربك وان شاء الله ما يعترض
ام بدر متحمسه : متى رح تفاتح نايف بالموضوع او على الاقل ابوك
سلطان بحكمه : الحين صعب اولا بكير على هذا الكلام البنت صغيره وبعدين نايف لو فتحت معه الموضوع ما رح يخليها عندي
قاطعته ام بدر : طيب قول لابوك وخليه سر بينكم
سلطان : لا ما ينفع شوفي يا ندى انا اقدر اجبر بدر يتزوجها اما ريم مستحيل اجبرها كافي حرمان لها وما رح احرمها من حقها باختيار شريك حياتها ولو خبرت ابوي رح يصمم على زواجها من بدر سواء رضيت ريم او رفضت ابوي رح يجبرها
ام بدر بقلة حيله : طيب والحل ؟؟؟
سلطان وهو ينظر لبعيد : وقت ما تكون ريم جاهزه وعاقله واحسها كبرت وقتها رح استشيرها اذا وافقت رح اخبر ابوي ونايف اما اذا رفضت رح انسى الموضوع
ام بدر بخوف : اخاف واحد من اخوانك يحيرها لاولاده وقتها ما نقدر نعمل اي شي
سلطان بارتياح : من هاذي الناحيه لا تخافي انتي نسيتي علاقة زوجاتهم بساره كانوا مثل الشحم والنار ما رح يقبلون بريم فمن هاذي الناحيه ارتاحي تنهدت ام بدر براحه وهي تتذكر كيف كانت علاقة ساره مع سلفاتها قاطع تفكيرها رنين جوال سلطان وكانت ملامح وجه باين عليها الضيقة بعد ما انهى مكالمته
ام بدر بقلق : علام لونك اختلف وش فيه ؟؟
وقف سلطان : ما في غير الخير بس هذا ابوي يقول نايف عنده وده ياخذ ريم عنده
ام بدر بقهر : انا افهم من وين نزلت الحنيه عليه مرة واحده وبرجى تكفى سلطان لا تخليه ياخذها احس ريم قطعة من قلبي لا تحرمني منها
وبدت دموعها تنزل
مسح دموعها سلطان وبقله حيله: ما يطلع بيدي شي هو ابوها ومن حقه وما اقدر امنعه ما اقدر يا ندى
وترك ندى واتجه لبيت ابوه مو قادر يستوعب كيف ريم تبعد عنه خلال هذا الاسبوع تعلق فيها وحبها وصارت مثل اولاده
توجهت ام بدر بسرعه لمكان لعب ريم وعبود وسامي خافت،ييجي نايف ويشوفها ويوخذ ريم معه <مسكينه ما تدري انه نايف مصمم
نادت على بصوتها الناعم : ريم ريم
سمعت ريم خالتها تنادي عليها تركت اللعب وراحت تركض لها : نعم خالتي
نظرت ام بدر لريم والعرق على جبهتها من لعب الكره اقتربت منها ومسحت العرق بيدها وبحنيه: تعالي يا ريم لداخل بسرعه
ريم بحماس : خالتي بس بقى شوط واحد وافوز عليهم
ام بدر بحزم : لا تعالي الحين
ريم باستسلام : حاااضر
مسكت ام بدر يد ريم ودخلت للداخل وصعدت غرفه ريم وكانت ريم علامات استفهام حولها ؟؟؟؟؟؟؟؟
اتوجهت ام بدر للحمام غسلت لريم ومشطت شعرها بعد ما بدلت ملابسها
ومسكت يد ريم وجلستها جنبها على السرير : ريم انتي بنت ما يصير كذا تلعبي مع الاولاد شوفي كيف بشرتك صارت سمراء من الشمس
ريم لوت بوزها : بس انا احب العب كره
ام بدر باستغراب من حال ريم تحب تلعب مع الاولاد اكثر من البنات : طيب اسمح لك تلعبي كره مره واحده بالاسبوع ومو العصر بعد المغرب عشان بشرتك يا حلوه اوكي
ريم ومو عاجبها بس ما تقدر تقول لا لندى :،اوكي
ام بدر بابتسامة مصطنعه : يالله ابتسمي يا حلوه ما احب اشوفك مكشره
ابتسمت ريم ابتسامه جميله وكانت تلفت الانتباه بابتسامتها الجميله
حضنتها ام بدر بحنيه قاطعهم دخول عبود بسرعة : يمه يمه عمي ابو سيف هنا عند جدي
قامت ريم بسرعة من حضن ام بدر وقفت وهي تفكر فعلا كان صادق معها يعني خلاص نوى يغير معاملته معاها يعني رح تسافر معه هناك كانت فرحتها لا توصف واخيرا رح تسافر وتطلع وتشوف العالم
كانت ام بدر تنظر لريم ومستغربه من سعادتها
عبود بقهر : لا تقولي انك ودك تروحي مع عمي وتتركينا
ريم رمت يده بعنف : ايوه ودي اروح معه
عبود بعصبية : ما في روحه وانا مع مين ودي العب ومسك يدها ما في روحه
ريم بعصبية :،اترك يدي ما لك دخل فاهم
عبود ترك يدها وبتهديد: اختاري تروحي مع عمي والا تلعبين معي
ريم بثقة،: ومين انت عشان اترك السفر واقعد العب معك
عبود بقهر : والله العظيم ما رح العب معك لو تموتين ولا مع سامي يالله انقلعي من عندنا اصلا احمدي ربك انا خليناك تعيشي عندنا وبترياق اصلا انت مكانك الزبالة مثل ما قالت جدتي ومسك يدها وسحبها خارج الغرفه يالله انقلعي من بيتنا متطفله
قاطعه كف من امه : انت ما تستحي على وجهك
حط عبود يده على خده مكان الكف وبقهر من امه لانها ضربته وفشلته قدام ريم نظر لريم بحقد : والله لتندمي يا
قاطعهم سلطان : علام صوتكم واصل لتحت
ام بدر تغير الموضوع لانه لو درى سلطان ما رح يرحم عبود على كلامه : بزران تهاوشوا
كانت ريم تنظر لسلطان وتنتظر يقول لها روحي جهزي اغراضك
ام بدر بتردد : وين ابو سيف ؟؟
سلطان بهدوء : سافر وتوجه لجناحه
لحقته ام بدر حتى تشوف التفاصيل
بينما عبود نظر لريم بشماته : ههه هذا للي فضلتيه علينا راح وتركك شوكه بحلوقنا حتى ما كلف نفسه يسلم عليك وضحك بصوت عالي وبعدها نظر لها بشماته : بصراحه تكسرين الخاطر وتركها وراح على جناحه
ظلت واقفه مكانها مو قادرة تستوعب انه راح وتركها كان فقط صوت واحد يتردد في ذهنها راح راح راح راح راح راح راح
حطت يدها على اذنها وكانها ما ودها تسمع الصوت وتهز راسها بالنفي مو قادرة تصدق دخلت غرفتها وجلست على السرير وبدت شهقاتها المكتومه تطلع وهي تقول كذاب كذاب كذاب كذاب كذاب كذب علي قال انه رح ييجي وياخذني ما ودي اكلف على عمي سلطان ودخلت في سبات عميق وهي تردد هاذي الكلمات ………
في مكان ثاني كان جالس بغرفته وراسه صدع من سوالف اخته للي ما تخلص وبنفس الوقت مو قادر يقول لها اسكتي ويكسر بخاطرها
جنى بحماس : هي قالت لي ابوها ميت وتكفلها واحد عايشه عنده
اخوها الكبير : كيف واحد متكفلها وامس قلتي لي امها عايشه ؟؟
جنى بحماس : امها عايشه بس ما تعرفها والرجل للي تكفلها رفض يرسلها عند امها الله ياخذه
اخوها الكبير للي راسه صدع من هالسيره للي عادتها جنى مئه مره ونفس الكلام تعيده: طيب لا تدعي على الرجل فوق انه متكفلها تدعين عليه
جنى بكره : اقول لك حارمها من امها ويضربها لو تشوف جسمها كله ضرب جعل يده للكسر
تنهد اخوها الكبير : طيب وش المطلوب مني ؟؟
جنى بحماس : تروح عند اخوه وتجيبها تعيش عندنا
اخوها : انتي تفكري الدنيا سايبه وليه اروح على اخوه ؟
جنى : لانه سافر وترك ريم عند اخوه وهي الحين عند اخوه
اخوها : طيب اخوه زين معها ؟؟
جنى : تقول حنون هو وزوجته ويعاملونها بالطيب
اخوها ونفذ صبره : جنى بما انها عند اخوه ويعاملها بالطيب خلها عنده ويالله اطلعي روحي نامي عندك بكره مدرسه
جنى تربعت : شكلك تعبان نسيت بكره عطله عشان كذا رح اسهر عندك
اخوها ولعت معه : جنى اسمعي امي كانها تناديك روحي شوفيها قبل مت تعصب عليك
جنى نقزت على حيلها ومثل الصاروخ خرجت من غرفته
تنهد براحه بعد خروجها ……..
كان جالس بالطياره ويتذكر الاحداث لما كان عند ابوه ينتظر سلطان يجيب ريم معه
دخل سلطان المجلس لوحده قام نايف يسلم عليه وبعد السؤال عن الحال والاحوال
نايف بهدوء : وين ريم يا سلطان طيارتي بعد ساعه ما ودي اتاخر ؟؟؟؟
يتبع ……
لقراءة الفصل السادس عشر : اضغط هنا
لقراءة باقى فصول الرواية : اضغط هنا 

اترك رد