Uncategorized

رواية عندما يعشق الفهد الفصل السادس 6 بقلم مريم الشهاوي

 رواية عندما يعشق الفهد الفصل السادس 6 بقلم مريم الشهاوي

رواية عندما يعشق الفهد الفصل السادس 6 بقلم مريم الشهاوي

رواية عندما يعشق الفهد الفصل السادس 6 بقلم مريم الشهاوي

فهد راح المستشفى 
فهد: اكرم صحيت 
اكرم: ايوه يا باشا لسه حالا 
فهد خبط ودخلها: انت كويسه 
اسيا بصتله ورجعت بصت لبعيد: وهيهمك ف اي انا كنت هموت مش دا الي كنت عاوزه انك تموتني 
فهد جمد على ايده وبيدعي ربه انه ميتهورش: مبتعرفيش تردي على قد السؤال وانا غلطان اني سألت يلا هنروح 
اسيا ضحكت: اه مانت مش دكتور بس انا دكتوره اقل حاجه بعد العمليه يا باشا يوم عشان اخلص محاليلي تمام 
فهد: ماشي يا دكتوره 
اسيا: انا كان مالي انا ومالي بمشاكلك انت وابن عمك كان ضرب الرصاصه عليك 
فهد قرب منها جامد وحط ايده علسرير وقرب وشه ليهاوالنرفزه متملكاه وبيتكلم بصرامه
فهد: نبطل لت وعجن ف الي ملناش فيه اما مالك ف دا تفكير يوسف وانا عارفه كويس وبعدين كده هنتطر نستنى شويه على شهر عسلنا (ونظراته هنا اتحولت لاعجاب ودا نرفز اسيا جدا) 
اسيا: انت ليه بتتك على كلمة شهر العسل دي فوق لنفسك مش عشان عرفت حقيقة وليد يبقى خلاص هقبل اني اعيش معاك لا انت بنسبالي خاطفني مبعدني عن اهلي وحابسني وجابرني على جوازك وجوزنا هو على ورق بس 
فهد: ماشي ياستي جوازنا هيبقى مجرد ورقتين اتمضوا عليهم بس اعدلي كلامك معايا عشان معجبنيش فاهمه 
اسيا: ايوه هتعمل اي يعني هتخنقني زي ما عملت ولا هتخلي ابن عمك يموتني 
فهد استنشق هوا كإنه بيهدي نفسه قبل ما يعمل فيها حاجه وطلع من الاوضه 
اكرم: رجالتي كلهم بيتابعوا يوسف 
فهد: لا متخليش حد يتابعوا انا عاوزه يظهر تاني لوحده
اكرم: دا حاجه امان يا باشا لحد ما مدام اسيا تتعافى 
فهد: طيب ماشي اكرم انت الي هتبقى مسوؤل عن اسيا 
اكرم: اوامرك يا باشا طب وحضرتك 
فهد: هعينلي اي حد من الرجاله مش اشكال 
اكرم: مش اشكال ازاي انت كنت هتموت النهارده لولا انك اتصلت بيا انا هبعت معاك بودي جارد يبقوا معاك حمايه طول الوقت 
فهد: ماشي يا اكرم 
الدكتور: بكره ان شاء الله تطلع بالسلامه 
فهد: كنت عاوزها تقعد يومين كمان 
الدكتور: هو دا المفروض 
فهد: لا طبعا انا مراتي متقعدش ف مستشفيات 
الدكتور: دكتوره اسيا كلنا هيه كأطباء عارفنها وهيه دكتوره شاطره واكيد هتعتني بحالتها اكتر مننا عن اذنك يا فهد باشا والف مبروك 
فهد: الله يبارك فيك 
دخل فهد على اسيا
فهد: والااا وطلعتي معروفه يا دكتوره 
اسيا مسحت دموعها بسرعه 
فهد: انت بتعيطي على وليد 
اسيا مبصتلوش وفضلت ساكته 
فهد: اسيا انت المفروض…. 
اسيا: مش انت الي تقولي اعمل اي ومعملش اي انت اكتر انسان اذاني ف بلاش تديني ف نصايح بقا انت بتعذبني لو عندك اخت وحد عمل فيها زي مانت بتعمل اي كان هيبقى شعورك عارف كان هيبقى بالظبط زي شعور ادهم اخويا الي مش عارف يشوف اخته ودا بسببك لو سمحت امشي انا مش عاوزه اشوفك 
فهد مش قادر يسيطر على اعصابه ومسكها من ايديها الاتنين وجمد اوي لدرجه انها اتوجعت وبصتله بوجع 
فهد بصرامه: الظاهر ان الطلقه الي اخدتيها ف صدرك اثرت على نفوخك (وشاور على راسها بقوه) ففوقي يا اسيا مش انا الي تتكلمي معاه كدا ها
اسيا بدموع: لاخرمره هقولك انت عاوز مني اي 
فهد سابها ومسك شنطتها وجاكتها ورماهم ف وشها 
فهد: يلا هنمشي 
الدكتور هنا دخل: احنا……… فهد باشا رايح على فين 
فهد: انا ومراتي هنمشي من هنا مفهوم ويحصل الي يحصل 
الدكتور: مش هينفع صدقني دي اجراءات المستشفى 
فهد: اجراءات ولا اي نيله انا همشي ووروني هتمنعوني ازاي 
الدكتور: صدقني حالتها مش مستقره لحد الان مش هينفع تمشي 
فهد بزعيق: قومي يلا 
اسيا قامت بس مش قادره تقف على رجليها واتوجعت جامد 
اسيا بدموع : اااه 
فهد: اي مش عارفه تمشي 
الدكتور: طبيعي لانها خارجه من عمليه مش سهله ارجوك اقعد وافهم 
فهد شال اسيا وطلع بيها برا الاوضه والممرضين والدكتور بيمشوا وراه عمالين يقنعوه لحد اما وقف على باب المستشفى 
فهد: ابعدوا 
الامن: دي اوامر الدكتور 
فهد: وانا بقول ابعدوا انا فهد نصار وبقولكوا ابعدوا 
الدكتور: يا فهد باشا مش هينفع الي بتعمله دا 
فهد بزعيق: اكرم اتصرف
اكرم فعلا اتصرف وقدر فهد انه يخرج برا المستشفى ركبها العربيه وهيه عماله تعيط 
فهد بزعيق: بطلي عياط اسكتي 
اسيا: انت جبروتك دا هيجي على دماغي ف الاخر 
فهد: شششش مش عاوز اسمع نفسك لحد ما نوصل البيت 
راحوا البيت وفهد نزل من العربيه وشال اسيا ودخلها جوه 
اسيا مبتبطلش عياط من وجعها 
فهد: اسكتي يا اسيا اسكتي 
اسيا: انت متخلف ولا ف عقلك حاجه انا موجوعه واحده لسه طالعه من عمليات وحضرتك طلعتها برا المستشفى 
اسيا قامت من على الكنبه وبتسند علحيطه 
فهد: رايحه فين 
اييا: اكيد مش خارجه وانا كده 
فهد: ردي على قد السؤال رايحه فين 
اسيا بزعيق: اوقف النزيف الي ف ايديها مكان الكانولا الي اتشالت ولا حضرتك مش واخد بالك 
اسيا راحت ووقفت النزيف وهيه راجعه وقعت علأرض واتألمت جدا 
فهد جري عليها بلهفه: اسيا قومي قومي ومسكها شالها وداها الاوضه علسرير وهو بيحطها سلسله اسيا مسكت ف قميصه 
اسيا بصتله وتابعت نظراته الي كلها نار 
اسيا: اقطعها اقطعها معدتش تلزمني 
فهد فكها من قميصه ومشي بعيد بس لقا اسيا قلعت السلسله وحطيتها علكومدينو
اسيا: ممكن تمشي روح شوف شغلك وابعتلي اكرم بعد اذنك 
فهد: بس… 
اسيا: بعد اذنك اعتبره طلب من مريض 
فهد اتنهد ونزل لاكرم 
فهد: اطلع شوف اسيا عاوزه اي يا اكرم وخلي بالك منها انا رايح مشوار وراجع 
اكرم:اوامرك يا باشا 
وطلع اكرم عند اسيا
اكرم: الف سلامه على حضرتك
اسيا: الله يسلمك يا اكرم شوفت جابروت سيدك 
اكرم: الباشا اما بيعمل حاجه مش بتكون من هوا يوسف كان محاصر المستشفى كلها وهو كان خايف لحضرتك تتإذي واما لقى ان فيه رجاله من عندوا متحلين شخصية ممرضين قرر انك لازم تمشي من المستشفى 
اسيا سكتت شويه وبعديها كملت: تمام عاوزه اطلب منك شوية حجات 
اكرم: اوامرك 
اسيا: محلول وخرطوم طبي وشاش و……. 
اكرم: حاضر 
فهد رجع البيت وفتح اوضة النوم لقى اسيا قلبتها مستشفى 
فهد ضحك: بسم الله انا داخل مستشفى ولا اي 
اسيا: كنت عاوزني اعمل اي تصور انا مريضه وبهتم بنفسي 
فهد: تمام تصبحي على خير 
اسيا: وانت من اهله 
فهد رجل تاني ليها وقاصد يزعجها: عاوزاني ادفيكي بحضني بما انك تعبانه وكدا 
اسيا:لا شكرا
 وفردت الغطا ونامت وفهد ضحك وراح لاوضته 
قعد فهد على سريره بيفكر ف ادهم والمشوار الي راحه 
فلااااش بااااااك
ادهم: انا فين انا مش مريض عقلي لا 
انت فعلا مش مريض عقلي 
ادهم: اومال بتديوني مهدئات ليه 
عشان عاوزينك تتجنن
ادهم: مين انت وفين اختي اسيا وليه بتعمل كدا 
قرب من ودنه جامد: تقدر تقول باخد حق شخص تاني 
ادهم: حق مين انت بتقول اي 
مش هقولك غير جمله واحده بس تفهمك كل دا غزل يا ادهم غزل
ادهم سكت مره واحده وكإن الماضي بيتعاد من تاني
ادهم بتوتر: مين غزل انا معرفش حد بالاسم دا 
انت حر تعرفه متعرفوش بس فكر فيه مش اكتر 
ادهم بتوتر اكبر: غزل ماتت من زمان 
هنشوف بقا اذا كانت عايشه او ميته زي ما بتقول يا حراس اعملوا زي ما طلبت 
ادهم بيتحرك علسرير الي مربوط فيه وفيه غطا على وشه مش مخليه شايف اي حاجه وبيزعق ويصرخ: انا مش مجنون محدش يديني مهدئات كفايه انا مجنون 
اكرم طلع من الاوضه 
اكرم: بتفكر ف اي يا فهد باشا اديني عملت زي ما حضرتك قولت وحضرتك شايف ف الشاشه بعينك الي حصل 
فهد: توتره دا هيفدنا جدا احنا دلوقتي ابتدينا نلعب ف اول خيط من مشاعره وهيفضل يفكر هيه غزل فعلا عايشه ولا ميته ودا الي انا عاوزه المهم يااكرم عاوزك زي ما قولت تخلي بالك من اسيا كويس جدا خدش مش عاوز انت الي هتبقى مسؤول عنها مفهوم 
اكرم: مفهوم يا باشا 
فهد: يلا علبيت 
صحي من شروده وعينه دمعت 
فهد: كله منك يا ادهم حقك هيرجع يا غزل 
ضميره: وبعد ما تاخد حقها هتواجه اسيا ازاي 
فهد: هطلقها وتشوف حالها بقا واخلصها من عذاب يالي بتتكلم عنه 
ضميره: وهل انت هترضي تبعد عنها تاني بعد السنين دي 
فهد: اه زي ما بعدت عنها السنين الي فاتت بسبب وليد هقدر ابعد عنها تاني اي المشكله 
ضميره: المشكله انك بتحبها 
فهد: تاني بحبها لا انا مش بحب اسيا وبعدين تقدر تقولي هقابلها بانهي وش لو عرفت الحقيقه تقدر تقولي اي هيكون رد فعلها وهل هتسامحني هيه بتحب اخوها جدا وانا بردك كنت بحب اختي جدا والاتنين……..
حط ايده على وشه ودموعه نزلت ونام وهو معيط ????????… 
مر شهر ويعتبر الشهر دا فهد كان بعيد عن اسيا تماما مش عاوز يتهور وهيه تعبانه والحمد لله اسيا باقت احسن من الاول وقدرت انها تنزل شغلها واكرم متتبعها ف كل خطوه 
اسيا: فهد
فهد: نعم 
اسيا: انا عاوزه اتكلم مع شخص واستنيت لحد اما اكون كويسه عشان اتكلم معاها 
فهد: مع مين 
اسيا: الاول توعدني انك توافق
فهد: مش هوعد لان لو حاجه مش من مقدرتي اني اعملها ف… 
اسيا: لا هتعرف تعملها 
فهد: طب قولي يا اسيا 
اسيا: عاوزه اقابل مرات وليد تقدر تجيب عنوان بيتها صح 
فهد بصلها بعدم استيعاب: انت بتقولي اي عاوزه تقابليها ليه 
اسيا: افهم يا فهد افهم قلبي الي اتكسر دا ارجوك عشان خاطري عاوزه اتكلم معاها
فهد: اووووووف حاضر يا اسيا هخلي اكرم يوديكي لعنوانهابكره 
اسيا: شكرا 
فهد: عفوا اعملي حسابك اظن كفايه كدا بيتريقوا عليا اني لسه مطلعتش شهر عسل مع مراتي
اسيا مش بترد 
فهد: بعد يومين طيارتنا على باريس جهزي نفسك 
اسيا: قولتلك قبل كدا مش طالعه شهر عسل انا 
فهد: لاطالعه وانا قولتلك قبل كدا انا مش باخد رأيك تمام…..(مردتش عليك وبصت من شباك العربيه) فكمل فهد: تمام
فهد جاله اتصال
الحقني يا باشا 
فهد: في اي يا فايزه
غزل مش عارفه وقعت علأرض وتعبت جدا انا طلبت الاسعاف ومودينها علمستشفى 
فهد: بتتصرفي ليه من دماغك 
اتصلت بيك كتير بس كان بيرن ومحدش بيرد وكان ممكن تروح مني لحد اما حضرتك دلوقتي رديت 
فهد: انا كنت عامله صامت طب مستشفى اي 
*****ا
تمام انا جاي 
اسيا بقلق: في اي 
فهد: اسكتي يا اسيا دلوقتي اتفضلي انزلي خدي اي تاكسي علبيت بأسرع وقت 
اسيا: طب في اي طيب اهدي 
فهد زعق جامد: بقول انزلي يلااااا
اسيا نزلت من العربيه وركبت تاكسي فعلا علبيت بس جالها تلفون من ممرضتها 
الو يا عايده فيه اي مال صوتك 
عايده: حاله طارقه جايه من الاسعاف ودكتور هشام المسؤول عن الطوارئ روح ومش بيرد على موبايله هو حضرتك رجعتي البيت 
اسيا: لا انا لسه ف التاكسي ووجهت كلامها للتاكسي لو سمحت ارجع بينا على مستشفى****
ورجت كلمت عايده: اعملوا بس الي عليكوا لحد اما اجي انا جايه سلام 
فهد وصل المستشفى والرعبه على وشه: هيه فين
فايزه بعياط: الممرضين اخدوها وبيقولوا الدكتوره جايه بسرعه 
فهد سند علحيطه ودعا ربه انه يطلع اخته بخير 
ونكمل بكره 
توقعاتكوا اي؟؟ 
فهد واسيا هيشوفوا بعض؟؟؟ ادهم عمل اي ف غزل عشان يتعاقب بالطريقه دي؟؟؟؟ 
يتبع…..
لقراءة الفصل السابع : اضغط هنا
لقراءة باقي فصول الرواية : اضغط هنا

اترك رد