رواية معاً من جديد الفصل الخامس 5 بقلم شروق فاروق

تالين بخضه:أميير

جريت ناحيته ومسكت ايده تشوفها

تالين بغضب:ينفع كدا تعور نفسك عشان ايه يعني! وريني كدا 

أمير بلا مبالاة:ملكيش دعوة أعمل اللي انا عايزه ف نفسي هي ايدك ولا ايدي؟

بصتله بقرف وخرجت بسرعة من الأوض وراحت تجيب شاش عشان ايده خلصت ورجعت الأوضة

تالين بصرامه:عندك برفيوم؟

أمير:ليه

تالين:أطهر الجرح مالقتش مطهر

أمير:في درج التسريحه 

راحت وفتحت الدرج وطلعت البرفيوم وراحت قعدت علي الأرض وفتحت البرفيوم 

تالين:خلي بالك عشان ايدك هتحرقك جامد

أمير:هه مايهمنيش..انتي ليه مصممه اني صباح؟

تالين بضجر:طيب

رشت علي ايده برفيوم 

أمير بألم:ااااه براحه يبنتي

تالين بسخريه:امال عاملي فيها الرجل الأخضر ليه ..خلاص انا خلصت المرحله الصعبه ..

بدأت تلف الجرح براحه وهو بيبصلها جامدوسرح..

Flash back..

أمير بألم:ايدي بتوجعني اوي 

تالين بطفولة:انا هقول لخالتي عليك عشان انت اللي بتلعب ب الازاز المتكسر

أمير بدموع:لا عشان خاطري خلاص والله

تالين:مش هقولها بس استني

طلعت من جيبها منديل ولفت ايده

أمير:الحمد لله كدا هخف صح؟

تالين:ايوا هتخف..

انتهاء flash back..

تالين وهي بتحرك ايدها قدام عينه:اميير..امييير

امير:هه..نعم

تالين:بقالي نص ساعه برغي وانت سرحان ..ايه رأيك في اللي قولته

أمير بدون تركيز:ايوا تمام تمام

تالين بضجر:امال كان لازمتها ايه الدراما دي!!..انا هنزل عند خالتي..

أمير:تمام.. كمان شوية هحصلك

في بيت صغير في حي من أحياء مدينه بسيطه

نرجس ب اصرار:والله لو عرفوا مهاراتي هيقبلوني

هدي :بص اما اقولك انا امك ما ارضاش ان حد يستقل بيكي والناس دول ممكن يجرحوكي بأي كلمة

هدي:طيب سبيني اجرب المرادي لو وافقوا عليا حالنا هيتغير180 درجة ..عشان خاطري ياماما قالت المقطع الأخير وهي ماسكه ايدها وبتترجها..

هدي بتنهيده حاره:خلاص روحي بكرا وربنا ييسر امرك

نرجس بفرحه:ماشي..هقوم أجهز هدومي

في صباح اليوم التاني 

كل العيله كانت بتفطر ماعدا أمير اللي نزل متأخر

دخل البيت بسرعه 

أمير وهو بيحط قطعة خيار ف بؤه:صباح الخير

رزق بضجر:ماتقعد تفطر بتاكل وانت واقف ليه؟

أمير:عندي شغل ومستعجل اومال فين تالين؟

عايدة:دخلت تغسل ايدها عشان تمشي

أمير وقف أكل وقال:تمشي تروح فين!!

روفيدا:الشغل 

تالين وهي جايه ناحيتهم:ايه يا ميرو مش احنا اتفقنا امبارح

أمير:اتفقنا علي ايه 

تالين ب استغراب:اني هشتغل معاك

عايدة:ايوا ي تالين خليكي معاه علي الاقل تاخدي بالك منه

أمير بعصبيه:هو انا عيل صغير.. هتوه!..

تالين بضجر:انا اتكلمت معاك وانت قولت كله تمام

أمير وهو بيخبط جبهته ب ايده:كنت سرحان ما اخدتش بالي

رزق بضجر:باااااااس خد تالين وروحوا الشركه وزي ما اتفقنا ماحدش يعرف عن جوازكم حاجه..مفهوم!

تالين بغصه:انا هروح موصلات عشان ماحدش يشك فينا وراحت خارجه من البيت بسرعه..

عايدة بلوم:هي لعبه في ايدك انت وابنك كل شوية تحرقوا دمها

رزق:ابنك هو اللي غلط من الاول دي مشكلته مش مشكلتي..

في الشركه..

علي:طيب بعد الاجتماع ممكن اقبلهم

السكرتيرة:الاجتماع كمان ساعتين بالظبط يافندم

علي:تمام..اتفضلي

أما تالين وصلت قدام الشركة ودخلت اول ما دخلت من الباب نادر شافها وراح ناحيتها بلهفه

نادر ب ابتسامه:تالين!..عاش من شافك..

تالين بعدم اهتمام:تسلم يا استاذ نادر

نادر: احم احم..امال ايه حوار جوازك من أمير؟

تالين بصتله بصدمه وقالت:ايه..ل لا دا كلام مفيش حاجه من دي..عاوز مني حاجه تانيه

نادر:ها..لا متشكر اتفضلي 

مشيت ودخلت مكتبها وقفلت الباب ودموعها نزلت من عنيها

تالين بدموع:ازاي افهمهم اني بحب امير وكنت طايرة من الفرحه اننا هنتجوز واخليهم يفهموا اني مش مصيبه عشان يخبيني من الناس..

رمت شنطتها وقعدت علي الأرض وحطت راسها علي رجليها ودموعها مغرقه وشها..

في بيت ميس

ميس بعمليه:جهزت كل الأوراق المطلوبة

عادل:شطورة ياحبيبة بابا..كلمتي ماما النهاردة!؟

ميس :ايوا وكلمت محمد كمان كلهم كويسين

عادل:الحمد لله..انا هقوم اخلص شغل سريع كدا ونتقابل في شركة رزق

ميس بحماس:امير هيبقا هناك؟

عادل:اكيد ..يلا ياحبيبتي سلام

ميس ب ابتسامه:سلام يابابا

أما أمير وصل الشركه وراح مكتب علي

أمير وهو بيفتح الباب:علولي

علي بضجر:بلاش الدلع البايخ ده ..

أمير:ياعم افرد وشك اللي كرمش ده

علي:ماشي..المهم تالين عامله ايه؟

امير قعد علي الكرسي وقال:في مكتبها

علي بفرحه:هتكمل شغل عادي!!..احلا خبر علي الصبح ..ها تشرب حاجه

امير:كوب شاي عشان مالحقتش اشرب

أما نادر كان بيعمل نسكافيه 

نادر ب ابتسامه:ايوا عاوز اتنين..

اخد النسكافية وراح عند مكتب تالين ونده عليها

تالين وهي بتمسح دموعها كويس:اتفضل

دخل بحذر من الباب

نادر:جبتلك نسكافيه من اللي بتحبيه وظبطت سكرك كمان..

أمير بضحكه:بجد!!..بتشرب كام معلقه يانادر باشا……..

يتبع ……