اسكريبت الخائن الفصل الثالث 3 بقلم سولييه نصار

حطيت أيدي علي بوقي وأنا مصدومة… دموعي كانت بتنزل لوحدها وأنا بشوف صور زين وملك…. كانت صور حميمية أكتر من اللازم… اني اعرف أنه متجوز كوم وأن أشوف ليه صور وهو معاها كوم تاني… فتحت الرسالة الصوتية ولقيتها بتضحك بشماتة وتقول:(بقلم سولييه نصار)

-ايه صدمتك الصور… عندي صور احلي منها معلش يا حبيبتي أصل وقت ما انتي كنتي مشغولة بالأولاد زين كان بيجي يشتكي منك في حضني.

زين قرب وخطف مني الموبايل ورماه….

بصيتله وأنا ببكي وبقول :

-هي دي اللي اتجوزتها عليا… ذوقك بقا وحش اووي يا زين…. بس متقلقش انا همشي وانتوا اشبعوا ببعض..

كنت همشي لما مسك أيدي وقال :

-قولتلك مش هتطلعي من هنا يا منتهى…. مستحيل تضيعي مني عشان غلطة…

ضحكت بتريقة وقولت :

-غلطة…. شايف أن خيانتك غلطة يا زين…. أنت خونتني….. كدبت عليا.

-وأنا معترف وندمان ومستعد اطلقها.

-هتطلقها وبينكم طفل.

-هي مش حامل كانت بتكدب عليكي… أنا بنفسي كنت بتديها حبوب الحمل قبل….

حطيت أيدي علي ودني وأنا بصرخ :

-خلاص أخرس مش عايزة اسمع…. بكرهك..بكرهك…

قرب مني وزعق:

-انتي اللي اهملتي…. انتي نفتيني من حياتك عايزاني اعمل ايه يعني

-صح تعمل ايه بدل  ما تيجي وتحل مشكلتك معايا وتكلمني بهدوء رايح تتجوز… قولي يا بيه تعرف أولادك في سنة كام…. تعرف أسماء مدرسينهم…. بلاش دي تعرف حتي اسم مدرستهم ايه…. تعرف مستواهم الدراسي… كم اجتماع للآباء حضرته ليهم… كم مرة ذاكرتلهم….. تعرف أن أولادك بيطلعوا الأول بقالهم تلات سنين وكل مرة بيقولولك عشان تهتم وأنت بتطنش وبتكسر فرحتهم…. أنت رامي كل المسؤوليات عليا…. عمرك ما فكرت تساعدني حتي….

-بس دي مسؤولياتك انتي

-لا يا بيه دوول اولادنا يعني احنا اللي نربيهم مش أنا…. مترميش كل حاجة عليا وتقول مهملة فيك ما أنا مش هتقطعلكم.

حط وشه في الأرض فقولت :

-ايه يا استاذ زين مش سامعة  صوتك يعني.

-انتي صح أنا آسف… اديني فرصة تانية

-لا تانية ولا تالتة طلقني.

-وأنا مش هطلق يا منتهى…. مش هطلقك.

اخد نسخة المفتاح بتاعتي بالعافية من شنطتي وطلع وقفل عليا الباب.

………

-أهلا يا حبيبي كنت عارفة أنك هتيجي

ضربها زين بالقلم وزعق :

-انتي احقر إنسانة شوفتها في حياتي…. حامل ازاي يا روح أمك وأنا بنفسي كنت بديكي حبوب منع الحمل…. هتيجي معايا دلوقتي عند الدكتور

واخدها بالعافية عند الدكتور وطلعت فعلا مش حامل…

….

-زين صدقني أنا عملت كده عشان بحبك… زين أنا…

-انتي طالق يا ملك مش عايز أشوف وشك تاني عشان لو شوفتك هزعلك بجد بسبب الحاجات اللي بعتيها لمراتي.

…….

بعد ساعتين

كنت قاعدة علي الأرض ودموعي بتنزل… برضه عمل اللي في دماغه وحبسني هنا…. حسيت الباب بيتفتح… قومت بسرعة لقيته جاب البنات وجه

-يالا يا بنات روحوا اغسلوا ايديكم عقبال ما احط الأكل علي السفرة..

وفي أيده كان فيه أكياس طالع منها ريحة  كباب مشوي الاكلة المفضلة عندي…. بهدوء قفل الباب… وجاب  الأطباق وابتدي يرص الأكل… اتعصبت من بروده ولسه كنت هزعق لقيته بيقول:

-ايه رأيك ترجعي شغلك  يا منتهى

-ايه!

-ساب اللي في ايده ومسك أيدي وقال:

-أنا عارف أن غلطي كبير مش جوازي بس لكن لما رميت كل حاجة عليكي وهربت…. نسيت أنك برضه إنسانة واتحملتي فوق طاقتك… أنا فعلا غلطت كتير وبتمني تسامحيني…. عشان كده أنا هقلل ساعات شغلي وأنا اللي هذاكر للبنات وهوصلهم المدرسة كمان…. وانتي ارجعي شغلك… أنا مش ههرب تاني وارمي كل حاجة عليكي أنا هتحمل مسؤلياتي

-بس لو رجعت الشغل ممكن أقصر في شغل البيت

-مش مهم نجيب الست أم علي اللي بتساعد مامتك وتشيل عنك شوية… أنا مش عايز ادفنك هنا… بس سامحيني

عيوني دمعت وقولت:

-صعب والله صعب

-بس مش مستحيل صح…. فكري أنا مقدرش اجبرك  علي حاجة بس بلاش تشتتي شملنا اديني فرصة عشان بناتنا بس.

بصيت لبناتي اللي جه جري وقعدوا علي السفرة وفكرت فيهم… هل هقدر اسامح نفسي لو شتتهم في السن ده؟!

بصيت لزين وأنا بقول :

-محتاجة وقت عشان اسامح

-خدي الوقت اللي انتي عايزه

قعدت علي السفرة وفكرت أن ده القرار الأصح هسامحه بس بعد ما اعذبه… صدقني يا زين هتعيش في جحيم معايا لحد ما اسامحك لدرجة هتفكر مليون مرة قبل ما تبص لواحدة حتي

تمت