رواية أحببتك رغم انتقامك الفصل الرابع والعشرون 24 بقلم منه محمد

كريم: انا مش بحبك سامعه

عاليا بدموع كتير: وانا مش مصدقاك

كريم: انتي بتحاولي تفصليني عن نهله حبيبتي وكل الهري وكلام الحب الي بتتكلمي عنه مش موجود ولا له وجود 

عاليا:انا لو بضحي ومكمله عشان بابا مش عشانك سامع

كريم: افضلي استخدمي ابويا حجه واعذار انتي بتعملي ده لانك انانيه

عاليا بنهيار: ايوه انا انانيه وبهتم بمصلحتي انا زي الزفت ها مبسوط كدا

كريم صرخ: حكون مبسوط اكتر لو بعدتي عن حياتي

عاليا: وانا مش هبعد مهما حصل

كريم: خساره عاليا اسم جميل لكن شكل حقير ملوش قيمه

طول الليل بتحلم بنفس الحلم المزعج المخيف الي استهلك نص سعادتها لكن استعانت بالله وحاولت متفكرش فيه فتحت عيونها وابتسمت علي الخناقه الي هتحصل من وراه لعبها بالالوان!!!

………….منه محمد…………………..

بعد رجوعهم من الكوخ رغم كانت ليله واحده لكن كانت بالف ليله صحي قبلها وباس خدها بوسه طويله ودخل الحمام ياخد شور وصرخ بفزع لما بص لشكله في المرايا: ايه ده مقلب من السما طيب يا عاليا الكلب طيب والله ماعدهالك ا! استني دوري

قامت سمعته بيتوعدلها عقدت حواجبها : حبي مالك ؟؟؟؟

كريم بابتسامه مصطنعه : لا انا بس مرسوم علي وشي مهرج

عاليا استخدمت اسلوب الدلع:عادي حبي خليك فرش ومبهج وبعدين اليوم الي بيفوت ما بيرجعش تاني والعمر قصير مهما طال عشان كدا لازم نعيش ايامه

كريم حط ايده الاتنين في وسطه: ايوه بمناسبه ايه المحاضره دي؟؟!!

عاليا بربشت بعيونها: نضحك وننبسط وناخد الامور بهدوء

كريم بخبث وابتسامه جذابه:انتي عندك حق لازم ناخد الامور بهدوء

عاليا راحتله وهي ماسكه بطنها من كتر الضحك: شطور حبيبي الي احلي واجمل زوج في الدنيا تعال بقي لما اصورك وأنزل الصورة على السوشيال ميديا وتجيب تفاعل كتير والناس تشجعنى واستمر

كريم مسكها من قفاها وبغيظ: جتيلي برجلك ياحلوه ده انا هلعب في وشك البخت وأنفذ فيكي كتير من الأفكارالمهببه (وكتفها وفضل يدغدها وهي تضحك بصوت عالي

كريم: سلمي

عاليا تضحك بشقاوه: نو نو مستحيل

كريم يدغدغ فيها: يعني مش هتسلمي

لفوا لقو نهله واقفه قدامهم بغضب ومصدره نظرات لعاليا كلها احتقار

كريم بصلها وبلع ريقه للانه نسي تماما انه اتصل بيها اول ما وصل تجيلو الفندق

وعاليا واقفه متجمده من الصدمه

نهله :اسفه اتأخرت عليك لما اتصلت بيا دوخت علي حجز لحد ما لقيت

عاليا واقفه وعيونها طلعوا لكن اتمالكت نفسها بسرعه!!

نهله بنظرات احتقار واستهتار: طبعا جيتي وراه لحد هنا عشان كدا اتصل بيا شكلك زعجتيه

عاليا بتحدي: بجد بس يظهر ان كريم نسي انك جايه بدليل اخدني اماكن نعيش فيها شهر عسل (ومسكت ايده) لانه زعلان انه معشهوش

نهله ضحكت بستهزاء: كريم بيمثل عليكي لحد ما قدر يكسب ثقتك بالكامل مش كدا ياكريم

عاليا: لا انتي كدابه

نهله: كدابه ههه للاسف كل محاولاتك معاه فاشله كريم عمره ما يقدر ينسي امه ينسي يتمه ينسي كرهه ابوه ليه وانتي وامك السبب

كريم قعد واتكلم بقهر لانه افتكر كل المأساه الي عاشها وبدون ما يحس نطق: ايوه مثلت شويه وانتي صدقتي

عاليا اضايقت من كلامه بس حاولت تخفي وجعها بصتله وابتسمت ابتسامه مصطنعه وشاحبه: بس عارف انت بارع في التمثيل عارفه يا نهله انا كنت اول امبارح سكرانه طينه كريم فضل سهران عشاني وامبارح قضي معايا ليله كامله علاقه حميمه علي ضوء القمر بس للاسف طلع تمثيل في النهايه تصوري!

كريم ارتبك من كلامها وسكت تماما!!!!

عاليا رجعت بصتله بهدوء: بس لو حبيت المره الجايه تمثل بالشكل ده فتأكد انه هينسبني جدا

نهله: ده هيكون مره واحده وبس لما اكون هنا كريم حيبقي عايزني انا مش كدا يا كريم

كريم بنظرات زايغه: ايوه كدا

عاليا نخت قدامه وركزت جوه عيونه : حتي لو حبيت تفضل معاها انا مش هسمحلك انت سامع انا مش لعبه بعد ما عملت معايا كل ده ده غير بابا جبنا هنا نقضي شهر عسل سوي ولازم نعمل الي ائمرنا بيه واياك تنسي اني مراتك قول وفعل

نهله ضحكت بصوت عالي بستهزاء : حرام عايشه في الاحلام

عاليا :لا انتي الي عايشه في الاحلام انتي مين؟

نهله واقفه كأن مسلوب منها الحياه هي فعلا مين؟؟

صوت خشن من وراهم: اظن مش من حقكك تيجي وتقطعي شهر العسل الخاص بالعرسان

كلهم لفوا بخضه ودخلوا في حاله صاعقه!!!

كريم فتح عيونه: خالد انت مين الي بعتك هنا؟

خالد: ابوك طلب مني لما عرف انها خارجه من الفيلا بشنطه هدومها طلب مني اجي واتحقق بنفسي ويتأكد انها رجعت بيتها ولا جايه علي هنا بس لسه عارف ان بيتها نقلته كمان هنا بس هترجع معايا وخليك انت مع مراتك

نهله بتحاول تتحرر من ايده الي قابضه عليها بقسوه: اوعي سبني

كريم بسؤال: انت واخدها ورايح بيها علي فين؟!

عاليا مسكت وشها ليها: انت سيبها وخليك معايا هنا

نهله بهجوم عنيف: خالد حاسب

خالد: تعالي وامشي معايا يله وشدها علي برا رغم عنها

كريم بص لعاليه: بأي حق تمنعيني

عاليا: بحق اني مراتك وبطلبها منك لـ اخر مره نفذ الي بقلهولك

كريم هز دماغه بهزيان: لا انا مش محتاجلك دلوقت (ورايح يجري علي الباب

عاليا جريت وقفلت الباب بكل جسمها!!

كريم بكل قسوه دفعها علي وري

عاليا من قوه الدفعه صرخت مسكها جامد واتكلم بغضب اسود: ليه مصممه تستخدمي نفس الطريقه القديمه وتعصبيني بس المره دي مش هتنجحي سامعه

عاليا صرخت في وشه لان الكيل خلاص طفح: لا هنجح المره دي لان انا مش لعبه قدامك وعمري ما هعترف بالهزيمه

كريم عيونه ضلمت قدامه: هأذيكي هخليكي مش طايقه تبصي في وشي تاني يمكن لما اظهرلك الوش التالت من شخصيتي تعرفي وتحسي بالكراهيه والغضب والحقد

عاليا بهدوء وهي حابسه انفاسها وتترجاه بين خوفها وحبس دموعها: كريم انا مش عايزه اكرهك فبحذرك وسيبك من كلام الافعي الي بتغذي دماغك بيه

كريم: وانا ميهمنيش يله اخرجي برا

ودفعها بالعافيه خارج الغرفه

عاليا بتهبد علي الباب بكل جنون: افتح الباب ياكريم قبل الامور ما تكبر صدقني المره دي هتندم اشد الندم افتح هتندم بظلمك ليا ووقت ما هتندم عمري ما هسامحك

……………………….منه محمد……………….

خالد شدها وزقها بقرفه لدرجه اتخبطت عالجدار بقوه …. ونهله فزت من الخوف

نهله: انت اتجننت اوعي سبني انت بتعمل ايه؟؟!!

خالد بنظرات وقحه: ليه هعمل ايه في رايك خليني اقولك مش هعمل لاني قرفان منك وبحتقرك

نهله: ولما هو كدا ليه مضايق نفسك

خالد: انا كمان مش عايز اضايق نفسي بس ليه مصممه تألمي قلب عاليا

نهله: انت غريب اوي انت بتحاول تاخدها من كريم ولعلمك كريم عارف كدا بدليل جيت وراها لحد هنا وده جنن كريم ويمكن يطلقها بسبكك انت

خالد بصلها بقرفه: لا اوعي تفكري ان كلامك هيأثر فيا مش كل الناس تفكيرهم وسلوكهم منحط وسافل زيك وبعدين ما فيه رجاله كتير اشمعني كريم بالذات

نهله: لانه بيحبني انا

خالد: انا عاوز افهم ايه الكويس في كريم عشان تحبيه وعشان تعملي وتوافقي علي امور مقرفه شاذه بالشكل ده ولا انتي مفتونه لدرجه مش قادره علي نسيانه

نهله ضربته بالقلم: اياك تتهمني فاهم

خالد صر علي اسنانه بغيظ: انتي الي اهنتي نفسك بقيتي ست وقحه ومنحله شيطان رجيم وعشان كدا مفيش داعي احترمك زي الاول هجم عليها يبوسها بكل وحشيه

نهله بتصرخ وتضربه وعماله تدفعه: خالد سبني انا بكرهك سامع بكرهككككككك

خالد رجع علي وري من قوه دفعتها

نهله بعدم تصديق: انا عمري ما فكرت ابدا ان الشخص الي بثق فيه هو اكتر شخص يوجعني بقي انت نفس الشخص الي وعدني حفضل سعيده شوف بتعمل ايه قذر

خالد رافع حاجب وابتسامه تهكميه: لان الانسان الملتزم مش بيعجبك ملوش قيمه عشان كدا بحاول اخد من كريم امور قذره يمكن وقت ساعتها اعجبك ويمكن تهتمي بيه بداله

نهله: بس كريم عمري ما اجبرني ابدا

خالد بحده : عايزه تقوليلي بتسلميله بمزاجك ورغبه انتي حقيره نفسه

نهله صرخت في وشه: ايوه انا حقيره عشان كدا ابعد عني

خالد: انا الي عايز ابعد عنك لاني مشفق عليكي مستحيل المس واحده قذره زيك

نهله عدلت هدومها وبصتله بكل كره العالم

خالد: انتي مفكره ان كريم بيحبك هو بيستخدمك وبس شخص زيه لو كان بيحبك بجد مكنش اتجوز ست تانيه كريم مغرم بعاليا بيحبها بيعشقها اما انتي مجرد اداه بتحي انتقامه مش اكتر ولما ميبقاش ليكي اهميه هيرميكي في اقرب صفيحه زباله تتلطخي بالمجاري

نهله بنفعال عالي: لا مستحيل انا مش مصدقاك لا

خالد ضحك بسخرية : متصدقيش روحي حاولي تسأليه وهتشوفي بس افضل طريقه تسمعي كلامه وتنفذي كل الي بيقلهولك شوفي تصرفاته وهتلاقي الاجابه لكل صدق واثبات كلامي

………………..منه محمد……….

عاليا بتخبط علي الباب بكل قوتها: افتح الباب واجهني وبطل هروب قولي هتجني ايه من هروبك المره دي عايز تهرب مني مش عايز تشوفني ولا بتهرب من قلبك بس خلاص مش هينفع تهرب لان لو هربت من قلبك مش هتقدر تهرب من ضميرك

كريم بضعف من وري الباب: امشي يا عاليا امشي مش عايزك واوصلك لمرحله الجنون امشي

عاليا: حتي لو فضلت هنا حتي لو لزم الامر انا قاعده قدام الباب كريم انا مش امك وانت مش عاصم بدليل غيرتي عليك طبيعيه وانت هتتعالج صدقني هقف جنبك واساعدك من الهواجس الي مخوفاك كريم افتح وكلمني انا عاليا حبيبتك عاليا الي كانت معاك جوه حضنك وعرفت انت اد ايه بتحبها ارجوك افتح والنبي افتح

عاليا يأست انه يفتح نزلت تكلم مستر عمر وتقوله انها نسيت مفتاح الغرفه ومحتاجه مساعده وبالفعل الراجل متأخرش وقالها انه هيبعتلها واحد تاني!!!!

…………………..منه محمد…….

دخلت التولت تغسل وشها عشان تقدر تتمالك نفسها لمحتها داخله دخلت وراها ووقفت عند المرايه تعدل هدومها : للاسف كل مخططاتك انتي وابوكي فاشله

عاليا رفعت راسها بسرعه وانصدمت لما شافتها واقفه قدامها وهي مبتسمه

وردت بكل ثقه : بس خليني اصحح سوء فهمك انا وكريم جوزنا شرعي

نهله: مش مهم مجرد ورقه وسخه تتقطع وتترمي في الزباله

عاليا بثقه وبرود: ايوه ورقه لكن تثبت انه ملكي جوزي وليا لوحدي

نهله: وياتري قلبه ملكك هو كمان

عاليا بحده: ملكيش فيه ده شئ بينه وبينه

نهله: اممم ربما النهارده جوزك بكره مين عارف لان كريم مستحيل يقدر ينساني

عاليا: علاقته معاكي ما تتخطاش غير الصاقه وبس اما انا حاضره ومستقبله

نهله: انتي غلطانه ياحلوه مفيش علاقه اصلن بينك وبينه اي نعم انتي اتجوزتيه لكن ده مش معناه انك امتلكتيه والا مكنش عمل المستحيل عشان يبعدك لانه بيكرهك

عاليا بكل الم بصقت في وشها: بؤك القذر ده هسحبه واكسرهولك يا بنت الشياطين

نهله: اقسم بالله لو ايدك اتمدت عليا لضربك علقه موت

عاليا: ده كل الي تقدري عليه واحده وقحه زيك بس افتكري كويس كريم مستحيل يحبك لو عاوزاه اقتليني وخديه مني

نهله: افهمي رغم انك اتجوزتيه لكن عمره ما هيكون قلبه عمره ما هيكون ليكي واطمني هاخده منك وانتي هسبلك وثيقه الجواز بس لو شوفتها هقطعالك

…………منه محمد…………

قعد علي اقرب كرسي ونزل راسه بحزن حاسس بالألم عميق بيعصف بقلبه لما قسي عليها

بيحبها بجنون بيموت فيها ونفسه كانت تقسي عليه لو مره واحده عشان يقدر يكرهها حس بقهر يعتلي قلبه مسك رأسه و قعد يبكي من قلبه افتكر نظرتها له ازاي قدر يكسرها كدا خرجه من تفكيره المؤلم صوت خبط جامد علي الباب فكرها هي رجعت تاني قام وفتح بكل عصبيه: قولتلك انتي مزعجه وحشريه

لقاها نهله بتبكي بنهيار واترمت جوه حضنه

كريم بفجعه: نهله فيه ايه؟؟!!!

نهله بشهقات متواصله: خالـ خالد ياكريم

كريم: نهله اهدي عشان افهم الحيوان ده عمل ايه

نهله: خالد حاول يعتدي عليا

كريم ملامحه اتحولت للهلاك: اوعي انا حموته

نهله اتسكت فيه: لا متروحش مش عايزه اكون لوحدي ارجوك ياكريم خليني اكون هنا معاك

كريم اخدها وقعدها : قوليلي عمل ايه بالظبط؟؟

نهله: قالي اني رخيصه وحقيره وان انا غبيه لانك بتستخدمني اداه لـ انتقامك وانك مبتحبنيش بس كلامه مش حقيقي صح ياكريم

كريم بلع ريقه وسكت

نهله لفت ايدها حوالين رقبته بتتكلم قرب شفايفه: كريم خليني اكون واثقه فيك ان احنا بنحب بعض

كريم ارتبك من قربها بالشكل ده : نهله

نهله: اثبت ده حالا انك بتحبني

كري: قلت لك بحبك انتي ليه رافضه تصدقيني

نهله: وعاليا وكلامها ليه بحس انها واثقه انك بتحبها

كريم بنفعال: انا مش بحبها ولا يمكن احبها حتي لو سلمتلي نفسها الف مره هرفضها!!

نهله: قصدك انها بتعاني الحب من طرف واحد

كريم: ايوه هو كدا

نهله بدئت تقربه منه: انا بس الي بحبك ومستعده اعمل اي حاجه علشانك وعشان تكمل انتقامك لـ امك الي ماتت بحسرتها بسبب ام عاليا ائمرني حالا بأي حاجه انا جاهزه اعملها عشان تبعد عنك الحيه دي بس بطلب شئ واحد اياك تخوني وهخليك اسعد راجل في الدنيا

كريم: مستحيل اخونك بس الحب الي بحسه معاكي مش محتاج اثبتهولك بالطريقه دي

نهله: امال بأنهي طريقه ممكن تثبت بيها انك بتحبني( وبدئت تلتهم شفايفه

في نفس اللحظه الي قدرت عاليا تحصل علي مفتاح ولسه بتفتح الباب لقت خالد بينادي عليها بمعني متدخليش لانه خايف تشوف حاجه وتتصدم!!!

عاليا بصتله وفتحت الباب ودخلت بجنون لقت كريم بيلبس لنهله الجاكت الخاص بيها الكحلي عاليا وقفت زي التمثال المتحنط كأنه فارق الروح من زمان

خالد بعصبية و صرخه : حقير عمري ما كنت افكر انك تعمل عمل غير اخلاقي

عاليا بكل غضب العالم قربت منه وضربته بالكف: قلت عايز تنتقم وتشوفني انا وابوك بنتألم لحد ما نستوي برافو انت نجحت مع مرتبه القرف وانا اهو بعلو صوتي بقول للعالم انا بعترف قدامك بالهزيمه لانك دست علي قلبي وبقسوه لدرجه خلاص انتهي زي ما كل الي بينا انتهي وللابد لو فرحان وسعيد وحاسس بالرضا بنصرك طلقني وحالا يأما هرفع عليك قضيه خلع لاني مش هسمحلك تعذبني اكتر من كدا

اثم التفتت وبصت لنهله وللجاكت وقالت بكل احتقار:ولما ارجع هبدء في الاجرائات عشان انتي وهو تتجمعوا مع بعض

ومشت وسابتهم مكسوره تبكي على حظها اللي شتتها بين القدر المحتوم مش عارفه تروح فين لكن اقسمت لترجع عاليا القويه ويجبل ما يهز ريحه حتي لو كانت عاتيه دي الوسيله الوحيده عشان تضمن حياتها تكمل في سلام

خالد صفر وصقف: مبروك الف مبروك انت نجحت اظن لما توصل عاليا للمرحله دي لازم تكون سعيد جدا واخر فرصه بدهالك لو مش عايز تخسرها روح وراها

كريم بعدم مبالاه: الي بعمله ده يخصني انا بلاش تدخل

خالد بهدوء: تمام! سهلت عليا كتير بما انك مش بتحبها وعاليا هتخلعك كدا عندي فرصه

كريم حس في قلبه نار قايده :اي فرصه

خالد بخبث: فرصه اخالي عاليا تحبني

كريم شده من ياقه قميصه وتعابير وشه اتشنجت : خالد انت اظاهر مستغني عن عمرك 

خالد شد ايده وحدفها بقسوه: ليه انت زعلان اوعدك اول ما تخلص شهور العده هجري وراها واتجوزها انا مش مستعد اكون زاني زيك انت والشيطانه الي جنبك

نهله بعنف: خالد بطل تقول كدا

خالد: ليه مكسوفه انتي اتجرأتي وزانيتي يبقي خالي عندك شجاعه واعترفي ولا الي عملتوه سوي له اسم تاني غير الزنا

كريم عيونه احمرت جهنم : خالد

خالد مط شفايفه بستهزاء: خلاص مش حابب ازعجكم انتم حرين بأفعالكم  (وبكيد) اه رايح اجري ورايا عاليا اخد بالي منها وههتم بالامر ده اوي

كريم اتحرك من مكانه من غير شعور وفتح درج وطلع من مطوه ورايح يجري وراه

نهله بتمنعه: لا كريم ليه انت زعلان خالد حيزحها من طريقك وده الي احنا كنا عاوزينه وبكدا خالد هيبعد عني لان عنده واحده غيري!!

######

رايكم ونرجع الحقوق لعاليا وننتقم من كريم وامه عبو امه