Uncategorized
رواية معاً من جديد الفصل الحادى عشر 11 بقلم شروق فاروق
رواية معاً من جديد الفصل الحادى عشر 11 بقلم شروق فاروق
 |
| رواية معاً من جديد الفصل الحادى عشر 11 بقلم شروق فاروق |
رواية معاً من جديد الفصل الحادى عشر 11 بقلم شروق فاروق
تالين بعصبيه:هو دا اللي حصل ..أتصرف إزاي دلوقتي؟
أمير بغضب:انتي واحدة متجوزه.. أخوكي عايزك تروحي لية؟
تالين بشرح:هروح عشان يتأكد اني في البيت لأنه أكيد شك في حاجة ولو عرف كل اللي بتعمله هيروح ع الفاضي
أمير وهو بيرجع شعره بضجر:أنا لو شوفته مش هسيبه
تالين بضجر:هنسيب أخويا ونقعد نشوف هتسيبه ولا لأ
أمير:البسي وأنا وأوصلك هدور العربية علي ماتيجي
مشي خطوتين
تالين مسكت ايده وقفته
أمير بصلها وقال:مالك؟
تالين:احنا لازم نسيب بعض..حياتنا مش هتمشي كدا..ميس ونادر وأبوك وأبوها..صدقني مش هينفع
أمير أخد نفس جامد وقال:أنا بحبك ومش هقدر أستغني عنك
تالين بصدمة:إيه؟
أما ميس كانت قاعدة مستينه أمير عشان ينزل وبتبص علي الباب كل شوية لحد مازهقت وقامت عشان تشوفه لقت مفتاح واقع علي الأرض شالته
ميس ب استغراب:ازاي يسيبو المفتاح ده كدا وفجأة خطر علي بالها فكرة
ميس بخبث:شكلك هتنفعني اوي
عادل:ميس
ميس:بشوف طنط يابابا
عادل ب ابتسامه:ماشي ياحبيبتي
رزق:تمام هنأجل كتب الكتاب لحد ما أمير حالته تتحسن ويرجع زي الأول
عادل:اهتموا بيه شوية وياريت لو تعاتب علي لأن ده مش اسلوب بوظ وش الولد
رزق:هشوف الحوار ده المهم ايه رأيك في الخطة الجديدة؟
نروح بيت تالين
نادر ب اصرار:أتمني تطلع تقابلني وأسمع الرفض منها
والده بأسف:معلش نادر كان متمسك بأخت حضرتك.. بس ف الأول والآخر كل شيئ نصيب
علي :ولا يهم حضرتك..نادر أخويا حتي لو مش هيبقي بينا نسب
ميادة بضجر:علي..تعالي بسرعة
علي ب استأذان:هكلم ولدتي وأرجع علي طول..البيت بيتكم
والد نادر بعصبيه:ماكفاية بقا احرجتني مع الناس
نادر:تالين مش في البيت.. وفي حاجة غريبة بتحصل لازم أتأكد منها
والده:تلت ساعة وهنمشي..واياك توقفني ولا تتكلم نص كلمة
أما عند علي ووالدتة
عايدة بعصبيه:جاي يطلب ايد واحدة متجوزه؟..الدنيا خربت ولا إيه؟
علي بشرح:أمير مدبس مع بنت شريك جوز خالتي..ولازم يخبي جوازه علي الناس اللي في الشركة ونادر واحد منها..وتقريبا كدا عاوز يتقدم لأختي..واصراره كدا شاكك في حاجه..انا عارف انها حكاية ماحدش يصدقها ولا ترضي حد..بس قريب كل حاجه هتتحل
عايدة بدموع:أختك مستحملة ده كله وساكته !
علي وهو بيطبطب عليها:اهدي ياماما..انا هخلص الموضوع ده وكله هيبقي تمام
أما عند تالين وأمير
أمير:ايه ماينفعش..أنا ماشي
تالين بضحك:اصبر بس..انت بتتكلم جد؟
أمير:والله جد..ماتخفيش هتجوزك مش هلعب بمشاعرك..أه افتكرت ..استني
دخل أوضته بسرعه وبعد شوية خرج
راح عندها وقال:دي هدية كنت جايبها من يومين عشانك
تالين بفرحة:طب هو أنا بحلم ولا حقيقي عشان أفهم بس!
أمير:وربنا ان ماسكتي ل نازل
أخد ايدها ولبسها أنسيال فضة
أمير بحب:اوعي تقلعيه خالص..مش عارف ذوقي عاجبك ولا لأ
تالين :الله دا جميل أوي..أنا بحب الفضة
أمير ب ضحكة:وأنا حسيته معمول عشانك
تالين بخضه:هااااا..اخويا
أمير:شوفتي الرغي بيعمل ايه؟..بسرعة بقا
خلصوا ونزلوا من البيت من غير ماحد يشوفهم وركبوا العربية ومشيوا
ميس كانت واقفه واتصدمت أما شافتهم وبصت للمفتاح وقررت تطلع تجربه في شقة أمير
طلعت براحه
ميس بغيظ وغيرة:اتمني تفتح الباب
حطت المفتاح وحركتة براحه.. الباب اتفتح
أما عند بيت تالين
تالين وأمير وصلوا قدام البيت
تالين:دلوقتي مش هعرف أدخل من الباب
أمير:اومال هتدخلي ازاي؟
تالين:تعالي معايا
أخدته وراحت عند شباك أوضتها
تالين:شبك ايدك
أمير:ازاي يعني؟..هتعرفي تطلعي؟.. ولا هتقعي وتتعوري
تالين:أنا طول عمري بطلع من هنا أنا وعلي
أمير:امممم.متعودة يعني؟
تالين:ايوا.. وخلصنا بقا
شبك ايده وطلعت وحطت رجليها وفتحت الشباك ودخلت وبصت لأمير وقالت:روح انت عشان نادر وأنا هرجع بكرا
لسا هتقفل الشباك
أمير:خليكي واقفه شوية
تالين بضجر:بالله عليك هتأخر..بكرا هاجي الشغل ونتكلم..يلا مع السلامة
أمير ب ابتسامة:سلام
قفلت الشباك وراحت عند الباب
تالين:علي
علي:تالين خلصت اهه ..هدخل أجيبها
راح عند الأوضة وفتحها
علي ب انبهار: ذاتس ماي جيرل..جيتي ازاي؟
تالين بغرور:من الشباك
علي:اشطا..يلا تعالي عشان نخلص
أخدها وطلع من الأوضة
نادر بعدم تصديق:تالين..جيتي أخيرا
تالين ب ابتسامه:اسفه..بس انا ماكنتش عايزة اطلع
نادر:ليه؟
تالين:انت انسان محترم وألف واحده تتمناك..بس أنا بعتبرك أخويا مش أكتر.. أتمني تلاقي حد أحسن مني
نادر بغصه:انا فاهم قرارك..
والده:نستأذن احنا
علي بود:شرفتونا ..اتفضلوا
أخدهم وخرجوا من البيت يوصلهم
عايدة:تعالي يا ست تالين فهميني اللي بيحصل
تالين بتنهيده:حاضر ياماما..
أما أمير وصل البيت وميس كانت بتدور علي أي ورق ممكن يثبت جواز أمير وتالين
فجأة……………….