Uncategorized

رواية معاً من جديد الفصل الرابع عشر 14 بقلم شروق فاروق

 رواية معاً من جديد الفصل الرابع عشر 14 بقلم شروق فاروق
رواية معاً من جديد الفصل الرابع عشر 14 بقلم شروق فاروق

رواية معاً من جديد الفصل الرابع عشر 14 بقلم شروق فاروق

ميس خلصت وراحت قعدت جمب عادل
عادل:كنتي فين ؟
ميس:مفيش كنت بخلص حاجه ضروري
عادل:شايفه أمير وتجهزيه..حاجه جميل اوي
ميس بضجر:ايوا فعلا ..والوقت كان ضيق ..برافو عليه
فجأة أمير دخل من باب القاعه وعادل شافه 
أمير راح ناحيته ب ابتسامه وقال:ايه رأيك بقا في الشغل ده؟
عادل:انا مبهور والله..بجد مش مصدق الشغل الرائع ده
أمير:شكرا جدا لحضرتك..بس ده مش شغلي انا لوحدي..تالين اشتغلت معايا طول اليوم
ميس بسخريه:وانا اقول الديفوهات دي بسبب مين
عادل خبطها بخفه وقال:بتحب تهزر كدا علطول
أمير:لا ولا يهمك..انا عارف انها بتهزر
بعد شوية كل الموظفين حضروا وعادل طلع يشرح خطة المشروع الجديد
أما ميس كانت واقفه مع نادر
نادر:انا شايف ان الموضوع قرب يخلص ولسا مفيش حاجه حصلت
ميس بضجر:اصبر شوية..انا عارفه انا بعمل ايه
نادر بقلق:انا بقول بلاش ونخلينا لبعدين..يمكن يجد جديد
ميس:دا انسب وقت عشان اردلهم الصاع صاعين
نادر بتنهيده:اتمني تعدي علي خير
في بيت تالين
ميادة بقلق:بلاش تنزل وانت تعبان كدا..في داهيه الف شغل..صحتك اهم
علي بإرهاق:لازم أحضر..كل الناس هناك وانا ليا مكاني في الشركة
ميادة :خلاص ابقي طمني عليك كل شوية 
علي بتعب:حاضر ياماما..هنزل انا 
نرجع تاني القاعه
أمير كان قاعد علي طرابيزة جمب طرابيزة تالين اللي متابعه الشرح بتركيز
أمير بصوت واطي:توتوو
تالين:………….
أمير:تالييين..
تالين أخدت بالها وبصتله
تالين بوشوشه:خيير..
أمير بمرح:وريني الأنسيال
تالين بضجر:اسكت بقا ماينفعش كدا
أمير:يبقي قلعتيه..حطمتي قلبي ااه ياقلبي اللي اتحطم ياني
تالين بضحكه:بس بقا
ضحك وركز تاني مع عادل
أما علي وصل عند القاعه ودخل  واول مادخل نرجس لمحته وراحت عنده
نرجس ب امتنان:حقيقي مش عارفه اشكر حضرتك ازي
علي بود:دا واجبي ماتشكرنيش
نرجس:لا ازاي..انت ساعدتني اوي النهاردة..وبجد انا مكسوفه من ذوق حضرتك..واسمحلي ارد جزء الجميل ده وأعزمك علي الغدا مع أخويا..راجع بعد يومين..اتمني تشرفنا
علي ب ابتسامه:اكيد..حاجه تذدني شرف يا انسه نرجس
نرجس بود:انا اللي اتشرف..بعد اذنك وراحت قعدت مكانها تاني
اما علي راح وقعد جمب تالين
علي بتعب:اتأخرت أوي
تالين:لا..تعالي
اخدت ايده وقعدته جمبها 
تالين بشك:وشك اصفر كدا ليه؟
علي بنفي:عينك هي اللي صفرا عشان كدا شيفاني اصفر
تالين:ههه..ايه الكوميديا دي!..المهم ركز..
عادل خلص وكل القاعدين سقفوا بحراره لخطة المشروع
 وجه وقت أمير عشان يكمل
طلع عند الميكرفون والبروجكتور عشان يكمل 
في الوقت ده ميس كلمت الراجل اللي متفقه معاه وجه شوية ناس وزعوا جوابات مقفوله علي الكل وطلبوا منهم يفتحوها بعد خمس دقايق
أمير بعمليه:احب اشكر مستر عادل علي الشرح الجميل ده وحابب اوضح شوية نقط هتظهر قدامكم دلوقتي
خلص كلامه وفجاه طلعت صورة عقد جواز أمير من تالين
تالين بصدمه شديده:ايه ده؟ وبصت ل علي
أمير ب ابتسامه:عارف الصدمه من جمال الشكل..بس لسا في حاجه اجمل..افتحوا الظروف اللي اتوزعت عليكم من شوية
فتحوا الظروف وكان فيها نسخ من الصورة وكلهم بصوا لتالين ب دهشه
علي بعصبيه راح عنده وخبطه في وشه
أمير ب استغراب:بتضربني ليه يا علي..ايه التهريج ده
تالين انهارت من العياط وماكنتش قادرة تتحرك
علي بزعيق وهو بيوريله الصورة:ايه ده..انت ازاي توصل بيك الجرأه والحقاره وتعمل حاجه زي دي..
أمير بصدمه:ايه ده!!!!..جه منين العقد ده؟
علي وهو ماسكه من ياقته:انت هتهزر يا متخلف
أما عادل ورزق
عادل بدهشه:ايه اللي بيحصل هنا ده..ايه القرف ده؟
ميس بعياط مزيف:ايه ده يعمو؟..
رزق:انا هخلص الحكايه دي
عادل بعصبيه:دا لعب عيال وتهريج..وابنك جاي يقول النصيبه دي في اجتماع زي ده؟؟
رزق ب دوخه:مش عارف صدقني مش عارف
أما تالين راحت عند أمير 
تالين ب انهيار:ايه اللي انت عملته ده..موزع عقد جوازنا علي الناس..هو انا فضيحه..زقته جامد وقطعت الانسيال ورمته علي الأرض
تالين بدموع:طلقني يا أمير..طلقنييي………..
يتبع ……
لقراءة الفصل الخامس عشر : اضغط هنا
لقراءة باقى فصول الرواية : اضغط هنا

اترك رد