رواية عشق المتملك الفصل الثالث والعشرون 23 بقلم منار سيد

ـ وحشتني اوي اوي يا ادم 

لم يكد يبعدها عنه حتي يعرف هويتها حتي وجد من يسحبه بعيداً عنها بعنف وينقض عليها وبالطبع لم تكن سوى ريماس التي كانت تقف وهي تشاهد اصدقاءها وهي تشعر بنظاراته تلاحقها وما إن نظرت خلفها ووجدت تلك تحتضنه هكذا تهمس بشيء ما حتي انقضت عليها …

ريماس وهي تجذبها من شعرها : تعاليلي يا حلوه 

ـ بوجع : ابعدي عني

ريماس بصراخ وهي تسدد لها العديد من الضربات : وحيات امي مانا سيباكي بتحضني جوزي

مالك وهو يحاول ابعدها : ريماس اهدي اوعي 

ريماس بوعيد : اسكت بدل ما تيجي مكانها 

اما عن ادم فقد كان في صدمه من امره طفلته تحولت إلي قطة شرسة ما إن رأت أحد يقترب منه..

اسر : حوش مراتك يا عم الفرح باظ

ادم وهو يرفعها من خصرها يبعدها عن تلك التي اصبحت مثل الشبح بعد ضرب ريماس لها وتقطيع شعرها ايضاً : خلاص كفاية كده 

ريماس وهي تحاول نزع نفسها من بين يديه : سبني يا ادم سبني اوريها تقرب منك ازاي ام سحلول دي 

ادم وهو يكتم ضحكته : خلاص عشان خاطري فرح صحابك باظ

ريماس بانتباه وحزن : صحابي صح ..

ثم تنزع نفسها منه وتذهب اليهم 

ريماس بحزن : اسفه فرحكوا باظ 

اسيا : ولا يهمك يا ريمو شاطره انك عملتي كده 

محمد بصدمه : منه

مالك بفزع : نهار اسود دي منه

كارما بدهشه : منه مين 

ادم بضحك : بنت عمي

ريماس بغيظ : تستاهل بتحضنك ليه 

ادم وهو يضمها : خلاص يا ريمو بقي 

ريماس : الفرح باظ من سببها 

مراد بضحك : مبظش… 

ثم يتجه الي الدي جي ويأخذ الميك .. طبعا يا جماعه بنعتذر علي اللي حصل ده بس ريماس بتغير بقي وكده.. ثم يضحك .. بتحب ادم جداا بقي مستحملتش حد يقرب منه وهي متعرفش أن سلمي بنت عمه ف الغيره عمتها معلش 

ادم وهو يأخذ منه الميك : بالظبط كده وبالمناسبه بقي عاوز اقول حاجه .. من ست شهور بالظبط حصلت حادثه كده عرفتني علي بنت بصراحه لسانها اطول منها أول مره قابلتها كانت دبش حبيت انتقم منها لأن مبسكتس علي حقي اتجوزتها المهم من غير تفاصيل انا وقعت ف حبها كل يوم كنت بحبها اكتر من اللي قبله كنت بستني تنام عشان اخدها ف حضني رغم مشاغبتك والمقالب اللي بتعمليها اللي بتخليني عاوز اعلقك …ثم يضحك مجدداً وهو ينظر إلي ريماس .. بس بردو بحبك يا مجنناني

وما إن انتهي حتي علا صوت التصفيق ف القاعة بأكملها هناك من ينظر لهم بحب و يدعوا الله بأن يديمهم إلي بعضهم البعض وهناك من ينظر لها بحقد وحسد علي عشقه لها اخيراً هناك من يحقد عليهم ويفكر كيف يفرق بينهم وريماس تنظر إليه بدموع ثم ركضت إليه تلقي بنفسها بين احضانه …

ريماس بدموع : بحبك اوي 

ادم بابتسامه : بطلي دموع طب 

مالك وهو يأخذ الميك : مجتش عليا .. كارما بصي بقي ادام الناس دي كلها بقولك أني بحبك ومقدرش اعيش من غيرك بشكر ربنا انك في حياتي وبتمني اليوم اللي هتبقي ملكي فيه بحبك يا نبضي 

كارما بحب : وانا كمان

مراد بابتسامه : احنا طولنا عليكوا معلش بس انا بقي عاوز اعتذر عاوز اعتذر لملاكي جماعه البنت دي انا اذيتها كتير وجرحتها كتير وهي سامحتني وكانت وثقه فيا ليان انا اسف اسف علي كل حاجه علي كل مره اذيتك فيها ثانياً شكراً شكراً إنك وافقتي تكملي معايا ووثقتي فيا بحبك بحبك اووي يا ملاكي

ليان بدموع : وانا كمان

جميع من في القاعه نهض يصفق لهم يعلو تصفير الشباب عالياً الجميع فرح بهذا العشق يتمنوا لو يحصلوا علي مثله يوماً ما … وبعد قليل كان الجميع قد ذهب ولكن تلك المره كل واحد مع معشوقته فاخيرا صارت ملكه ..

ــــــــــــــــــــــــــــــــــــــــــــــــ

في منزل الاسيوطي …..

ريماس بهمس لمالك : هي عروسة المولد دي مش هتروح 

مالك : لا هي هتبات هنا 

ريماس بصراخ : نعممم يا اخويا 

ادم بدهشه : أي ده مالك 

مالك وهو يكتم ضحكته : مفيش يا ادم 

محمد : مقولتيش إنك جايه ليه يا منه كنت خليت حد يستناكي

منه بدلع : كنت عاوزه اعملها مفاجأة لادم 

ريماس بهمس : وحيات امي هقوم اجيبها من شعرها 

ادم وهو يضع يده علي خصرها : اهدي يا غيوره 

منه بدلع مبالغ به : ادم ينفع تقعد معايا عاوزاك تزكرلي انت عارف مش بفهم غير منك

ريماس : ده عند الست الوالده يا روحي 

منه : نعم 

ادم ببرود : مش فاضي زي ما انتِ شايفه لسه عريس جديد ف بقضي وقتي مع مراتي قبل ما ارجع الشغل 

سلمي : مفيش مشكله تقدر تخصص ساعتين ليا زي زمان 

ريماس بحده : بصي يا حلوه عشان نظبط الدنيا مع بعضنا ادم خط احمر هتيجي جنبه هخلي وشك الحلو ده زي عم عبده اللي واقف بره ماشي اشوفك بقي بتتكلمي معاه هزعلك ملكيش علاقه بيه وادام نويه تقرفينا هنا لحد ما تخلصي امتحانات وتغوري يبقي تلبسي عدل رجليك الحلوه اللي الرجاله بتشوفها دي ملمحهاش بينا ماشي

منه : وانتِ مين بقي عشان تتحكمي ف لبسي وفي اكلم ابن عمي ولا لا وبعدين انا وادم صحاب من الطفوله 

ريماس وهي تضع يدها علي خصر ادم ورأسها علي صدره بتملك : وانا مراته ومش هتردد لحظه ادفنك هنا لو قربتي منه 

منه بغيظ : شايف يا عمو 

محمد : والله هي مراته ومش عاوزه حد يقربله برحتها وهو لو عاوز يعترض هيعترض

ادم بخبث : ريمو تعمل اللي هي عاوزاه مراتي وبتحبني اقولها لا

منه بغضب مكتوم : انا هروح اوضتي 

ريماس بحزن مصطنع : للاسف محتاجه تتنضف اصل كنت بشرح فيها الفيران عشان الدراسه بتاعتي

سلمي بقرف : يع 

ريماس باستفزاز : بس مش مشكله ممكن تبتاتي ف الاوضه اللي ف الجنينه لان بقيت الاوض عملنا اوضه للاطفال واوضتي انا ودومي وطبعا عمو ومالك اوضهم موجوده ف مفيش غير اوض الخدم لوزتحبي

منه بغضب : انا هبات ف اوتيل النهارده 

ريماس ببرود : احسن بردو

ثم تذهب منه بغضب تتوعد لها وكل هذا تحت نظرات ادم حسناً لم يرد التدخل ف الحقيقه احب قطته الشرسه تلك وهو ف الاساس لا يطيق منه تلك…

مالك بسعادة : الله عليكي يا ريمو 

ريماس بخبث : ولسه 

محمد : ريماس دي بنت اخويا بردو يعني مش عاوزو يزعل مني 

ريماس بجديه : انا مش هعمل حاجه والله بس لو قربت من ادم متلمش الا نفسها بعدها… عن اذنكوا هطلع انام 

ادم : جاي معاكي ..تصبحوا علي خير 

محمد / مالك : وانت من اهله 

ـــــــــــــــــــــــــــــــــــــــــــ

في منزل مراد..

مراد بابتسامه : هسيبك تغيري وهروح الاوضه التانيه

ليان بتوتر : تمام

وها قد مر ما يقارب النصف ساعه وهو ينتظرها..

مراد وهو يدق باب الغرفه : ليان خلصتي

ليان بارتباك : لسه

مراد : محتاجه مساعده 

ليان : ها لا

ليان بصوت منخفض: اوف بقي وده بيتفك ازاي

وبعد مرور ما يقارب الربع ساعه وسط محاولاتها الفاشله لفك هذه العقده وجدته يدلف إليها..

مراد بدهشه : انتي لسه ما غيرتيش

ليان بتوتر :اصل اصل..

مراد وهو يقترب منها : اصل اي

ليان وهي ترجع للخلف حتي اصتدمت بالحائط : اصل الفستان مش راضي يتفك اتعقد وانا مش طايله

مراد بصوت هادئ للغاية وهو ينظر في عينيها : طب ما قولتيش ليه

ليان بارتباك وهي تحاول ابعاده : عشان انا…

مراد بشغف : انتِ اي انا بحبك

ولم يمهلها فرصه للرد حيث قام بالاعتذار واثبات حبه ولكن علي طريقته الخاصه ولم يبتعد الا عندما شعر بحاجتها للهواء…

مراد وهو يستند برأسه علي رأسها يلهث من هيجان مشاعره الان يشعر أنه لا يريد الابتعاد عنها : بعشقك

ليان بصوت منخفض مليء بالمشاعر : وانا كمان

ـــــــــــــــــــــــــــــــــــــــــــــــــــــــ 

اما في منزل اسر…

اسر : خشي يا اختي

اسيا :يخربيت الرومانسيه

ثم تدلف بتذمر وهو خلفها…

اسيا بصدمه : اي ده

اسر وهو يحتضنها من الخلف يدفن رأسه في رقبتها : بحبك اوي مش بقولها كتير بس انتِ بتحسيها اكيد عارف إنك ادايقتي أني مقولتش بحبك ف الميك زي الباقي ومتكلمتيش عشان مزعلش بس انا كنت عاوز افاجئِك فاكره لما قولتيلي قبل ما نتخطب نفسك جوزك يعملك مفاجأة ليلة فرحكوا حبيت احققلك أُمنيه من أُمنياتك ..بحبك

اسيا بدموع وهي تحتضنه : انا بحبك اووي ده احلي حاجه حصلت لي ف حياتي

فقد قام بتزين المنزل بالعديد من البلونات باللونين الكشمير والابيض داخل كل واحده منهن ورقه كُتب بها شيء ما ووضع الورود الحمراء في الارض علي هيئة قلب يخرج منه سهمان كُتب اول حرف من اسمهما عند كل واحد منهم وسهم آخر من الورود يشير الي الغرفة…

اسيا وهي تشير علي البلونات : مكتوب فيها اي

اسر بابتسامه : شوفي بنفسك

فأخذت تفتح كل واحده منهن تقرأ ما كُتب بها..

اسيا وهي تقرأ احدي البطاقات : يقال أن الحب لا يأتي الا مع مرور الزمن أذن لما احببتك منذ الوهلةِ الاولي

اسر بابتسامه : ظننت أن لا قلب لدي ظننت انني احيا حياه سعيدة ولكن عندما احببتك شعرت انني كنت ميتٌ ولكني اتنفس فانا لم اشعر بالحياة الا معكِ

اسيا : مش عارفه اقولك اي بجد

اسر بشغف : مش هتقولي حاجه خالص هتسبيني اثبتلك بحبك اد اي

ثم يحملها الي غرفتهم التي كانت هي ايضاً مزينه بالورود فكانت غاية في الجمال ..

ــــــــــــــــــــــــــــــــــــــــــــــــــ

في غرفة ادم يجلس علي السرير بعدما بدل ملابسه ينظر الي ريماس وهي تأخذ الغرفة ذهاباً واياباً تنفخ بغيظ و تقضم اظافرها بغضب …

ادم : صوابعك يا روحي ذنبها اي 

ريماس بتهديد : ادم ملكش دعوة بيا 

ادم بحب : اومال ليا دعوه بمين

ريماس : بطل بقي…. ماشي يا منه الكلب .. ثم تقلدها …ادم عاوزاك تزكرلي مش بفهم غير منك نينيني

ادم بضحك : خلاص بقي ما انتِ مرمطيها

ريماس بغضب : اومال هتحضنك واسكتلها 

ادم وهو يلف يده حول خصرها : قمر وانتِ غيرانه

ريماس وهي تنظر للجه الأخرى: مش غيرانه.

ادم بخبث : خلاص ازاكر ل منه

ريماس بتهديد : اعملها كده وانا اكون قتلاك

ادم بضحك : اهون عليكي

ريماس بتملك وهي تمسكه من ياقة تشيرته : انت ملكي انا وبتاعي انا انا لوحدي واللي تفكر تبصلك بصه واحده بس هخليها متعرفش تبص تاني خالص فاهم انت ملكي انا لوحدي

ادم بحب بالغ: وانا بتاعك اعملي اللي انتي عاوزه يا مجنونتي …بحبك انتي وبس

والي هنا يمكننا القول أنه سوف تبدأ صفحه جديده من العشق يسطرها ابطالنا علي طريقتهم الخاصه كل واحدٍ منهم يعلم معشوقته قواعد الحب علي طريقته ، كل واحدٍ منهم لديه القدره علي التضحيه من اجل معشوقته فها هم ذا يشعرون وللمرة الاول بأن لديهم قلب اصبح ينبض بأسم معشوقه..

يتبع ……