رواية معاً من جديد الفصل الخامس عشر 15 بقلم شروق فاروق

تالين بدموع:عاوزني أكدب اللي شوفته وأصدقك انت؟

علي مسكها من ايدها وقال:أنا هاخد أختي معايا وان ماطلقتهاش..هرفع عليك قضية خلع

أخدها وطلع بيها من القاعة وبعد شوية الناس بدأت تمشي لحد ما فضل أمير ورزق وميس وعادل

أمير وطي وأخد الأنسيال وبصله بحسرة وحطه في جيبه

رزق بشرح:صدقني أنا ماكنتش عايزه يتجوز غير ميس بس هو أصر يتجوزها ..وقولتله اني خاطبله ميس بس ماكنش مقتنع

عادل بضجر:حط البنت في موقف وحش..دا غير قلب بنتي اللي اتكسر..مش طالعلك ليه؟

رزق بتنهيدة:أنا ابني طايش وبيتصرف من غير وعي..هخليه يطلقها وكل حاجه هترجع لمسارها الصح

أمير بعصبيه ودموع:أنا بحبها وعلي جثتي لو طلقتها وأعلي ما في خيلكم إركبوه

رزق قرب منه وخبطه بالقلم وقال:اخرس..بتعلي صوتك علي أبوك!!

أمير حط إيده علي وشه  ومشي بسرعة ناحية الباب في الوقت دا ميس اغمي عليها وقعت علي الأرض

عادل بلهفه:ميس

أمير بص لقاها علي الأرض جري ناحيتهم بسرعه

رزق بعصبيه:كلم الأسعاف بسرعه

عادل وهو بيخبط علي وشها:ميس..ميس..سمعاني؟

أما عند تالين

تالين بدموع:ما رضتش أقولك وأقول ل ماما وأكسر فرحتكم بيا..إتبهدلت وسمعت كلام كتير واستحملت عشانكم..وعشان……

سكتت وخبت وشها ب ايديها 

علي:عشان بتحبيه..ماحدش يستحمل علي كرامته غير لما يكون بيحب..وانتي للأسف حبيتي واحد عديم المسئولية

تالين بعياط:انا أسفه يا علي ..بس أنا هصلح غلطتي وأنفصل عنه..مايستحقش اني أكمل معاه وردفت بس ماما هنعمل معاها ايه؟

علي:هنقولها اللي حصل..كفاية لحد كدا

تالين حركة راسها موافقه علي كلامه

أما في المستشفي

الدكتور خرج وعادل ورزق راحوا ناحيته

عادل بلهفه:خير يادكتور

الدكتور:بنت حضرتك عندها صدمه عصبيه..الظاهر حصل حاجة كبيرة أثرت فيها نفسيا

أميرة بتأنيب ضمير:طب وإية الحل يادكتور؟

الدكتور:ماتتعرضش لضغط..ورفهوا عنها ومافيش داعي للعلاج حالتها مش متأخره أوي..بعد إذنكم

رزق بخزن:أنا أسف من كل قلبي..ما عرفتش أعمل حاجه

عادل بصله بضيق ودخل عند ميس

رزق بعصبيه:عاجبك كدا؟..ليه عمايلك الهباب دي ..أذيت بنت خالتك وميس..ليييه؟

أمير بدموع:والله ما أنا يا بابا..مش أنا اللي أحطك في موقف زي ده

رزق:هنطمن علي ميس وجوازك منها هيتم..وهطلق تالين ودا آخر كلام عندي

فجأة عادل خرج وقال:ميس عاوزه تشوف أمير

أمير دخل عندها بتوتر وقال:حمد علي السلامه

ميس ب استغراب:الله يسلمك..مالك زعلان ليه؟

أمير ب استغراب:عشان اللي حصل من شويه!

ميس:حصل ايه بالظبط

أمير عرف انها مش فاكره حاجه بسبب صدمتها ضحك ضحكة مصطنعه وقال:عشان خطوبتنا اتأجلت

ميس بضحكه:ولا يهمك..هنعملها الأسبوع ده

أمير بغصه:أيوا..ربنا ييسر

بعدها أمير روح مع رزق وميس وعادل روحوا وتالين حكت لوالدتها عن كل حاجة 

ميادة بدموع:استحملتي ده كله عشان ماتزعلنيش؟

تالين:أنا ليا مين أغلي منكم يا ماما..أستحمل أي حاجه عشانكم

أخدتها في حضنها وقالت:راحتك هي راحتي..ماتجيش علي نفسك عشاني 

تالين بدموع:كل حاجه هترجع زي الأول..ماتقلقيش

بعد مرور خمس أيام أمير كان حابس نفسه في أوضته مش بيتكلم مع حد وتالين مابتروحش الشركة عشان ماتشوفش أمير ومستنيه طلاقهم وميس بتجهز لخطوبتها هي وأمير ونادر في انتظار الطلاق زي تالين..

في بيت أمير

عايدة:كويسه يا أمير..بتسأل عليها بعد إيه؟..بعد ما كسرت قلبها؟

أمير ب انطفاء:الحمد لله..أنا داخل أنام

عايدة بغصه:تاني؟ دا انت لسا قايم من النوم!

دخل وقفل الباب وراه

روفيدا:سيبيهولي بقا وأنا هعرف أتصرف معاه

روفيدا دخلت عند أمير وقفلت الباب وقالت:إيه يا رميو مالك؟

أمير بضجر:مش وقت هزارك خالص

روفيدا :انت خرع ليه كدا؟

أمير:خرع؟..طب يا سيدي شكرا..كفاية

روفيدا مسكته من كتفه وقالتله:انت هتستسلم من أول جولة؟..انت مستحيل تعمل كدا وأنا مصدقاك..بس شوف مين اللي نصب الفخ ده ووقعك فيه..انت لازم تحارب الدنيا بحالها لو عايزها..ابوك وعادل وميس والكوكب كله..تالين بتحبك بجد وانت بتحبها سو انتوا لازم تكملوا سوا

أمير بحماس:أنا هرجعها وهعرف مين اللي عمل كدا وأشرب من دمه

روفيدا:وأنا معاك..

أمير حضنها بحب وقال:مش عارف انتي طلعتي كدا ازاي بس شكرا..شكرا من كل قلبي

في الشركة

ميس ب انتصار:شوفت بقا الخطط اللي ماتخرش المايه

نادر ب ابتسامه عريضه:شوفت..بس الخطوة الجاية ايه؟

ميس:هيطلقها وكدا كل حاجه بقت فل الفل

نادر بفرحه:وأخيرا 

ميس ب تحذير:اوعي تبين أي حاجه عشان مانتكشفش

نادر ب فضول:بس أقنعتي الدكتور ازاي؟

ميس بخبث:اسمع واتعلم

Flash back….

الدكتور بعصبيه:دا ضد شرف المهنه..اتفضلي بره

ميس:شرف المهمنه دا يضمنلك شغل في دولة اوروبية في أحسن مستشفيات؟

الدكتور بلع ريقه وقال:قصدك ايه؟

ميس ب ابتسامه:قصدي تجاريني وانا اللي هشيل المسئولية ومن بكرا هعملك عقد عمل بالخارج وتسافر..مش حابب؟ ممكن أمشي..

الدكتور بضعف:استني….

انتهاء flash back…….

نادر بضحكه:ايه دا ياشيخه!

ميس:أقل واجب

أما عند تالين

تالين بحب:ايه الشياكه دي يا علي؟..عندك معاد مهم ولا إيه!

ميادة بضحكه:ابني طول عمره شيك يا اختي

علي بضحكه:عندك حق ياماما..بس أنا فعلا متشيك جامد كدا عشان رايح مشوار مهم أوي

تالين بحماس:اشجيني

علي:نرجس عزماني علي الغدا مع أخوها وبص ل ميادة وقال:نرجس يا ماما اللي حكيتلك عنها

ميادة بتذكر:اااه..

تالين بخبث:نرجس؟ وحكيتوا عنها؟..لا دا موضوع كبير بقا..اوعي تكون نرجس اللي في شركتنا..

علي ب ابتسامه:هي

تالين بود:دي حتة سكر دي..رايقه يا عم

علي ب احراج:لا مش اللي في دماغك

تالين:ماتكابرش..هنروح نخطبهالك..

علي بضحكه:اذا كان كدا..ماشي..يلا عشان اتأخرت سلااام

خرج من الباب وتالين رجعت لحلتها تاني

ميادة:قومي اتمشي كدا ما تقفليش علي نفسك..الحزن مش هيعمل حاجه..ولا هيرجع اللي مضي..يابنتي كل حاجه مكتوبة عند ربنا وعمرك ماهتاخدي غير نصيبك..لا بكاء علي اللبن المسكوب 

تالين ب اقتناع:عندك حق أنا هطلع من اللي أنا فيه..أمير صفحه وهقطعا من حياتي

فجاة أمير دخل من الباب وقال:صفحة ايه اللي تقطعيها دي يا زوجتي العزيزة؟…………..

يتبع ……