رواية ملاك الأسد الفصل الثامن والثلاثون والأخير 38 بقلم إسراء الزغبى

نائم بحزن وغضب … لا يعلم أيحزن على حاله أم حالها … يغضب من نفسه أم منها ….. يشعر بالاختناق الشديد … يشعر برغبته فى البكاء … لأول مرة يكره كبرياءه المانع له من البكاء

نظر بجانبه ليجدها تعطيه ظهرها متصنعة النوم

زفر للمرة التى لا يعلم عددها ….. لأول مرة تنام بعيدة عنه ولو بعدد من السنتيمترات ….. استمع لشهقات خافتة ليتفتت قلبه ….. مد يده بتردد لظهرها ولكنها ابتعدت أكثر

أغمض عينيه محاولا الهدوء سرعان ما فتحهما وهو يسحبها بعنف فوقه

تجمعت الدموع بعينيه ما إن رآها ….. اللعنة عليك أسد ….. ماذا فعلت بملاكك ومعشوقتك الصغيرة

تطلع لوجهها الأحمر من البكاء … تغمض عينيها بعنف ومازالت دموعها تهبط

اعتدل ببطئ متمسكا بخصرها كى لا تقع من فوقه حتى جلس وهى بأحضانه

أحاط وجنتها بكفه ليرفع وجهها ويضع جبينه على جبينها

أسد بحزن: آسف

فتحت عينيها ببطئ ونظرت له بقهر ولوم ليزفر بعنف

همس ببكاء وعتاب: آسف على إيه … إنك حبستنى فى الأوضة عشان مروحش معاك الحفلة … قولتلك هفضل جنبك … اترجيتك إنك تاخدنى معاك … قولتلك إنى مخنوقة من قعدة البيت … وإنت كل اللى عملته إنك عشمتنى إنى هروح … وفى الآخر أتفاجئ إنك قفلت عليا بالمفتاح … وجاى دلوقتى وعايزنى أسامحك عادى وأنام فى حضنك … إنت طول عمرك متملك وبتغير جامد بس ولا مرة حبستنى … ولا مرة عزلتنى عن العالم … إيه اللى حصل المرة دى

أسد بغضب: فى إيه … ما إنتى واخدانى وإنتى عارفة إنى كدة … عارفة إنى متملك فيكى … عارفة إنى بغير عليكى من أقل حاجة حتى من ولادنا … إيه اللى اتغير يعنى … رايحة تتنمردى عليا المرة دى ليه … إنتى طول عمرك راضية بيا … إيه اللى جد يعنى … ولا … لاقيتى حد من سنك وعجبك … ها انطقى … قولتى أسيب جوزى العجوز وأروح لحد من سنى … بس ده على جثتى فاهمة … فااااااهمة

صرخ عليها وضغط على خصرها بشدة وهى تبكى أكثر وأكثر

همس بصراخ ونبرة متقطعة: إنت مرييييض … مرييييض … إنت عارف قد إيه أنا بعشقك … عارف إنى هفضل أختارك إنت دايما … عارف إن قلبى ملكك إنت وبس … ليييييه مصر إنى مش بحبك … بقالك إسبوع بتعاملنى كدة وأنا ساكتة ومستحملة ….. بس إنت ولا بت …

قاطعها صارخا: آااااه إنتى اللى عايزة تطلعينى مريض عشان تتهنى … عايزة تشوفى حياتك بعيد عنى ومع غيرى …. عشان إنتى خااااااينة

نظرت له بصدمة شديدة وهى غير مصدقة … يستحيل أن يكون أسدها … مستحيل

نظر لها بذهول وصدمة هو الآخر فسقطت دمعة على وجنته … كيف نطق هذا الكلام … كيف قال ذلك على ملاكه

دفعها بسرعة من فوقه يأخذ قميصه يرتديه وانطلق جريا للخارج وسط ذهولها

دقيقة واحدة وظلت تصرخ وتبكى تنتفض فى مكانها وتشد شعرها حتى كاد ينقطع فى يديها

___________________________

استيقظ كل من بالقصر على الصراخ ليهرعوا راكضين لغرفة أسد

دخل الجميع فذهلوا مما تفعله

خرج سامر سريعا ما إن رآها بقميص النوم بينما أخذ سعيد وترنيم الأطفال للخارج قبل أن يروها بهذا الوضع من الانهيار

حاول الجد ومجدى تهدئتها ولكن لا حياة لمن تنادى

ماجد صارخا: كتفها يا حمدى دى هتموت نفسها

حاولوا تثبيتها ولكن تشنجها كان أقوى منهم

دخل سعيد وترنيم مرة أخرى يحاولون تكتيفها حتى نجحوا ولكنها استمرت بالصراخ والبكاء

صدم جبينه بجبينها بقوة حتى فقدت وعيها

حمدى بدموع وهو يحملها ويضعها على الفراش: اطلبوا الدكتورة بسرعة

ماجد بعصبية: والله لأوريك يا أسد … إنت زودتها أوى

سعيد بحزن : يمكن مش هو السبب يا بابا

ماجد بغضب: مش السبب … إنت مقتنع باللى بتقوله … هو السبب فى كل حاجة … كذا مرة حذرناه إنها ضعيفة ومبتستحملش أى ضغط … وأنا متأكد إنه السبب فى اللى حصل … وبعدين لو مش هو السبب فيا ترى راح فين البيه فى الوقت ده

أخفض الجميع رأسه بحزن يعلمون صحة كلامه

خرجوا منتظرين الطبيبة حتى أتت وفحصتها

الطبيبة : يا ماجد بيه ده انهيار عصبى …. وأنا حذرتكم كذا مرة إن محدش يضغط عليها ….. حاولوا تكونوا جنبها دايما … دى مهدئات تاخدها كل أما تحس بانفعال شديد

خرجت الطبيبة ليزفر ماجد بعنف وغضب

سامر بتوتر: جدى …. بصراحة أنا بعت رسالة لأسد إن الصغيرة تعبانة

ماجد بعصبية: ليييه

سامر بتبرير: حضرتك عارف إن العلاج مش المهدئات دى لا العلاج هو أسد

ماجد متجاهلا إياه: معلش يا ترنيم يا بنتى اقعدى معاها لغاية أما البيه يشرف وأنا هاخد الولاد يباتوا معايا فى أوضتى

ترنيم: حاضر يا جدو

التفت ماجد للذهاب لغرفته ليجد أطفال أسد وحفيدته أمامه يبكون

ماجد بحنان: مالكوا يا عسلات

ليث ببكاء: ماما تعبانة

ماجد: لأ يا حبيبى هى بس عايزة تنام …. يلا يا حبايبى عشان هحكيلكم حدوتة وهتناموا معايا

ملوك: بجد يا جدو

ماجد بحب: أيوة يا روح جدو …. يلا

تحرك معهم ليجد ذلك الصغير ينظر له بدموع

ماجد: فى إيه يا حيدر … ما أنا قولتلك إن ماما عايزة تنام

نفى حيدر رأسه بعنف يمط شفتيه ببراءة ودموعه تسقط على وجنته

حيدر ببكاء: إنت بتكتب عليا … ماما تحبانة … أنا ثوفتها وهى بتثوت

نظر له ماجد بانبهار … سبحان الله … كأنه يرى أسد أمامه … حيدر هو نسخة طبق الأصل من أبيه سواء فى الشكل أو الجوهر … يكفى أنه ورث التملك وعشق تلك الملاك من أبيه

هو الأصغر من بين أخوته ولكنه الأعقل …. لن تجدى المجاراة معه نفعًا

ماجد : طب اسبقونى إنتو

ذهب الأطفال جريا لغرفته

ماجد بصبر: بص يا حبيبى … دى مشاكل بسيطة وهتتحل … بابا وماما زعلانين من بعض بس وعد بكرة الصبح هتصحى تلاقيهم كويسين … ولو عايزهم يبقوا كويسين أسرع يبقى نام بدرى عشان تصحى بدرى وهم يتصالحوا علطول … ماشى يا حبيبى

نظر له حيدر لثوانى قبل أن يبتسم ويركض بطفولة لغرفة ماجد صارخًا: تثبح على خير يا جتو

ابتسم ماجد له وتحرك لغرفته

تنهد حمدى وسعيد متطلعين لبعضهما بعجز

دقائق بسيطة وكان كل شخص بغرفته

___________________________

بغرفة أسد وهمس

تجلس بجانب همس النائمة تحتصن رأسها بحزن مربتة على شعرها

انتفضت بفزع ما إن رأت باب الغرفة يفتح بعنف

دخل بحالة يرثى لها وواضح أنه يتنفس بصعوبة

نظر للفراش فرأى ملاكه النائم

خرجت ترنيم فورا تاركة إياه فهى واثقة أنه لن يؤذيها أبدًا

تقدم ببطئ ودموعه تهبط حتى سقط على ركبتيه أمامها يبكى بعنف

ينتفض جسده وشهقاته تعلو وتعلو حتى كادت تصبح صراخا

أسد ببكاء وهو يحتضن يديها بين يديه: ملاكى … أنا آسف … والله ماعرف أنا قولت كدة إزاى … إنتى أجمل وأنقى واحدة أنا شوفتها وعمرى ماهشوف أنقى منك بس … بس …

ملاك بجمود: بس إيه

تطلع إليها بسرعه ليحتضن وجهها بين يديه

أسد بلهفة: حبيبتى إنتى صحيتى أنا ك ….

ملاك: بس إيه ؟

ظلت دقائق تحاول الحفاظ على جمودها ولكن تهدمت أسوارها وهى تستمع لشهقاته

جلست على الأرض أمامه تزيل دموعه

همس بحنان: كمل يا أسدى ….. بس إيه ؟!

نظر لها بسعادة وعيناه متلألئة بالدموع سرعان ما احتضنها بقوة

بادلته الاحتضان فورًا وهى تبتسم بخفوت … ستعاقبه ولكن فى قوته … تعلم أنه ضعيف الآن … غدر منها أن تعاقبه وتبتعد عنه وهو بذلك الضعف … ستساعده كالعادة أن تعود قوته ثم تناقشه وتعاقبه

ابتعد عنها بعد مدة طويلة بعدما شعر بتحسنه

أسد بحزن: والله مكانش قصدى أقولك الكلام ده

همس بحنان وهى تتلمس وجنته بيدها: أنا مش هعاقبك ولا هبعد عارف ليه

نظر لها بتساؤل مبطن بفرحة لتجيبه

ملاك بحب: عشان هتبقى أنانية منى إنى أعاقبك على لحظة ضعف منك … أنا عايشة معاك أكتر من عشرين سنة … عيط بسبك مرتين تلاتة بس … هتكون أنانية منى إنى أبعد عشان الكام دقيقة اللى عيط فيهم … لو إنت كنت زوج عادى كنت سيبتك من غير تفكير … بس إنت أسدى … أسدى اللى بيعمل أى حاجة عشان يفرحنى … أسدى اللى بيحارب تملكه وأنانيته فيا عشان يسعدنى … أسدى اللى بيخلينى أختلط مع الناس رغم إنه بيحس بنار جواه عشان يشوف ابتسامتى بس

أسد بعتاب طفولى: بس إنتى قولتى عليا مريض وإنى بحبسك

ملاك باعتذار : آسفة والله آسفة … كنت غبية لما حكمت عليك حسب الأسبوع ده … آسفة إنى نسيت كل السنين دى وبصيت للأسبوع ده … بس أرجوك قولى إيه اللى حصلك ؟

أسد بحزن: زميل ليا … أكبر منى بأربع سنين واتجوز بنت أصغر منك … بيعشقها بس …. بس اتفاجئ إنها بتخونه مع واحد من سنها

شهقت بعنف …. ثوانٍ وأدركت سبب حالته

همس بلوم: وإنت مفكر إنى ممكن أعمل كدة

أسد بلهفة: لأ والله أنا عارف إنك بتحبينى بس غصب عنى بلاقى نفسى خايف

همس بصبر: بص يا حبيبى … أنا بعشقك ومستحيل أحب حد غيرك … إنت عشق طفولتى ومراهقتى وفى كل فترة فى حياتى هتفضل عشقى الوحيد

أسد بسعادة: بجد

همس بزعل مصطنع: بس أنا لسة زعلانة وإنت لازم تتعاقب

أسد بلهفة: وأنا موافق …. إيه العقاب

تنفست ببطئ محاولة التحلى ببعض الجرأة … اقتربت منه

همس بخفوت: شوف إنت بتعاقبنى إزاى وعاقب نفسك بنفس الطريقة

نظر لها بصدمة سرعان ما اقترب منفذًا العقاب بأكمل وجه حتى تحولت ليلتهم السوداء لليلة تشهد على عشقهما

_____________________________

حل الصباح واستيقظ العاشقان

بالطبع لم يخلو الأمر من مداعبات أسد وقبلاته لملاكه الخجول

مر بعض الوقت وقد تجهزا

فتحا الباب وضحكاتهم تسبقهم للخارج لينظروا بذهول أسفلهم

كان حيدر جالس على الأرض أمام الباب يربع قدميه ويستند بذراعيه على ركبتيه يسند وجهه على كفيه نائم ببراءة

نظرا لبعضهما باستغراب

نزلا على ركبتيهما أمامه

أسد بحنان وهو يهزه برفق: حيدر … حيدر … اصحى يا حبيبى

فتح عينيه بنعاس سرعان ما ظهرت اللهفة عليه وهو ينظر لوالديه

أسد بحنان وهو يملس على شعره: ها يا حبيبى … نايم هنا ليه

حيدر باندفاع طفولى: مامى امبارح كانت ثحلانة منك وجتو قال إنى أول ما أصحى إنتو هتتثالحوا فثحيت بدرى عثان تتثالحوا بثرعة

نظرت له بحب شديد … ترى نسخة مصغرة من أسدها

احتضنه أسد قائلا: يسلملى قلبك الطيب … وعد مش هزعل ماما تانى يا حبيبى

حيدر: بجت

أسد ضاحكًا: هههههه بتفكرنى بتشوه كلام أمك وهى صغيرة … بس على العموم أيوة يا سيدى بجد

ابتعد حيدر عنه واحتضن همس بشدة لتقهقه بحب حاملة إياه متجهة لأسفل

نظر لأثرهما بصدمة قبل أن يركض وراءهما بحنق طفولى يصيح بهما

أسد بصياح: إنتى يا بت … سيبى الواد ماهو زى العفريت يقدر يمشى لوحده … على فكرة مش من الاحترام إنك تمشى وتسيبى جوزك يا هانم … أن .. آاااه يابن ال****

قال جملته الأخيرة بعدما وجد حيدر ينظر له ويخرج لسانه فى الخفاء كعادته

___________________________

وصلوا للسفرة فأخذ حيدر ووضعه على مقعد وحده

أسد بحزم: والله يا أوزعة لو اتحركت من هنا لأكون مشردك فى الشوارع

نظر له حيدر بغيظ طفولى يزم شفتيه

اتجه أسد لأطفاله وأطفال سامر يقبل كل منهم ثم عاد لمقعده

جلس بين حيدر وملاكه مانعًا التواصل بينهما يحتضن ملاكه بذراعه ويكاد يلتصق بها

ماجد بحزم: فى بينا كلام يا أسد

حمدى بعصبية: أيوة مي …

همس بسرعة: جدو بابا لو سمحتوا …. كان سوء تفاهم واتحل خلاص

نظر لها ماجد وحمدى بخيبة سرعان ما تحولت لاستسلام …. هذا ما يجنيه أى أحد عند التدخل بين عاشقين

نظر أسد لها بفخر وعشق

نقل بصره إلى أطفاله واحدًا تلو الآخر يشاهدهم يضحكون مع أجدادهم نقل بصره لسامر الذى يتغزل بزوجته ثم نظر لحيدر …. ذلك الشقى النسخة الصغيرة منه … أصغر أفراد العائلة لكن يقسم أنه سيكون عمود هذه العائلة وسندها …. بالطبع بجانب أخيه ليث المرح ولكن وقت الجد يتحول لوحش كاسر … لم ينسَ ما فعله ليث بتلك الخادمة التى حاولت التطاول على ملاكه بالكلام

كان ليثًا بمعنى الكلمة حتى أنه لم يضطر لفعل شىء لتلك الخادمة بعد ما فعله ذلك الليث

نظر لصغيراته الثلاث …. آه كم هم كائنات لطيفة مترابطة

عاد ببصره لملاكه الصغير … تلك الطفلة العاشقة له والعاشق لها … ظن أن عشقه لها سيجعلها مستهترة … أنانية ومتخاذلة مع الوقت ولكنها وكالعادة أبهرته … كانت وستظل نعم الزوجة

رفع رأسه عاليًا يشكر ربه كالعادة

أفاق على يدها الناعمة التى حاوطت يده

نظر لها بابتسامة عاشقة تماثل ابتسامتها

ضمها أكثر وأكثر هامسًا لها بعشقه

بدأ يستمع لأحاديث عائلته الصغيرة وهو يحمد الله بداخله على نعمه وفضله عليه