Uncategorized

رواية مثلث برمودا الفصل الثاني 2 بقلم بنت الصعيد

 رواية مثلث برمودا الفصل الثاني 2 بقلم بنت الصعيد

رواية مثلث برمودا الفصل الثاني 2 بقلم بنت الصعيد

رواية مثلث برمودا الفصل الثاني 2 بقلم بنت الصعيد

عمر كان وشه للأرض قال والحزن واضح علي صوته …السفينة دخلت بالغلط في مثلث برمودا واختفت بالركاب اللي فيها 
ياسين من شدة الصدمة ما قدرش ينطق ولا كلمة فضل متنح ومبرق لعمر وعمر بيبص له بقلق مستني اي رد فعل منه بس مافيش اي رد فعل إلا أنه ساكت عمر قلق علي ياسين فقرب منه وهزه جامد 
عمر بيحاول يخلي ياسين يطلع اللي جواه من الم وصدمة وحزن : ياسين انت سامع أنا قلت ايه أنا قلت إن كنز اختفت مش هتشوفها تاني مش هتتجوزها خلاص كنز بقت من الماضي 
ياسين مسك راسه من الالم وصرخ بأعلي صوت عنده .. كيييييييييينز 
وبعدها غمض عينيه بضعف شديد والرؤية بقيت سودا وقع فاقد الوعي 
عمر نزل ع الأرض جمب ياسين  بقلق : ياسين ياسيييييين وطلب الإسعاف وجات تاخد ياسين 
*********
في عالم تاني 
بدأت كنز تفتح عينيها حست بدوار ودوخة وفتحت عينيها وهي ماسكة راسها و بتبص حواليها شافت سما غريبة كانت واقعة جمب بحيرة ميتها بيضة زي التلج 
قامت من مكانها وهدومها كانت ناشفة مافهاش نقطة ميه 
وقفت و بصت حواليها مافيش حد مكان خالي من الناس ومن اي حاجة وهادي والبحيرة البيضة كأنها صورة مافيش حتي  نسمة هوا  تحرك امواج البحيرة 
لفت حوالين نفسها وكانت مرعوبة لفت شنطتها جمبها جريت حضنتها وهي لسة مرعوبة 
كنز قررت تكسر سكون المكان ناديت بأعلي صوت لها .. ياسييييييييين انت فين 
يا ياسيييييين 
وفجأة يظهر كائن غريب علي شكل صقر بس وشه غريب وفيه تمن عيون واجنحه عملاقة وعيونه بتطلع شعاع ليزر حارق وجه نظره لكنز وخرج أشعة كانت موجهة ناحيتها 
وفجأة لقيت حد بيشدها ويكتم نفسها ويستخبوا ورا شجرة لونها احمر وشكلها غريب جدا كنز مبرقة عينيها ومش بتتكلم بس خافت لما شافت الشاب شكله وسيم جدا بس لبسه غريب لابس هدوم مصنوعة من جلد السمك ومرصعة بلؤلؤ حقيقي 
…..لما افتعلتي كل هذه الضوضاء 
كنز متنحة وما بتردش 
الشاب .. من انتي 
كنز …انت بتتكلم كده ليه انا السفينة رمتني فين بالظبط وايه المكان الغريب دا 
احنا لسة في أمريكا ولا علي حدودها ولا دي جزيرة غريبة ولا ايه ما ترد انت كمان 
الشاب رد بهدوء .. اسمي يامان و انا لا اعلم عما تتحدثي ولا افهم ماذا تقصدين
كنز …أنا هافهمك أنا كنت راكبة سفينة و مسافرة ل… لخطيبي ياسين وفجأة ما اعرفش ايه حصل  للسفينة وولما فوقت لقيت نفسي هنا ممكن اعرف احنا فين بالظبط
يامان .. انتي وقعتي الان في فجوة الزمن حيث الزمكان لدينا يختلف كليا عن الزمكان لديكم 
كنز بعدم فهم …الزمكان ايه الزمكان دا حاجة كده زي الزمهلوية 
يامان ..ماذا لا افهم ما تقصدين .. ولكن هنا نحن في الفجوة الزمنية حيث يتوقف الوقت يتوقف نموك حيث لا مخرج مما انتي فيه الآن مصير عودتك  بين يدي الأمواج العاتية 
كنز بنفور من كلامه …استغفر الله العظيم مصيري بين ايدين ربنا سبحانه وتعالي ..وانت ازاي بتقول مافيش مخرج اكيد فيه زي ما دخلت لازم أخرج ياسين اكيد مستني وصولي بفارغ الصبر 
يامان.. اسمعي يا كنزُ
كنز اتفاجئت… كنزو ؟ انت كمان  بتشكل اسمي مش كفاية حصة النحو اللي احنا فيها دي .. وبعدين انا مش فاهمة اي حاجة منك انت س شكلك هنا بتمثل فيلم وبتشتغلوني صح 
يامان … انا لا افهمك ولكن استطيع أن اقول لكي انكي في عالم خارج عالمك انتي الان في جزيرة اتلنتس ونحن سكانها الجدد 
كنز بصدمة…جزيرة اتلنتس المفقودة ؟؟؟!!!!
معني كلامك أن السفينة دخلت في مثلث الشيطان مثلث برمودا 
يامان …تتحدثين كلاما غريبا لا أفهمه 
كنز حطت أيدها علي بقها وفضلت تعيط :أنا ازاي هاخرج من الفجوة الزمنية دي دا شكله واحد ضايع زيي ومش عارف يخرج أنا كده خسرت ياسين للابد لا لا مستحيل ..وصرخت ياسييييييييين 
********
ياسين كان تحت الأجهزة في المستشفي وفجأة فتح عينيه وبرق لما سمع صراخ كنز في عقله الباطن قام مرة واحدة صرخ : كنزززززز 
وبعدها فقد وعيه تاني 
خرج الدكتور بعد ما فحصه كان وشه باهت وحزين علي حالة ياسين الشاب صاحب ٢٨  سنة ازاي يتعرض لحاجة زي دي 
خرج الدكتور وكان مصري 
عمر بلهفة .. ايه يا دكتور ياسين وضعه ايه دلوقتي قدرته تنقذوه وقفته نزيف المخ 
الدكتور .. النزيف وقف بس المريض حالته صعبه هو رافض الحياة وانا مستغرب ازاي شاب زيه يتعرض لجلطة دماغية بالحجم دا 
عمر اتكلم بحزن وبيحاول يداري الدموع اللي عاجز أنه يخبيها  .. ياسين خسر اكتر حد حبه ف حياته انهاردة .. عاش عمره كله هنا في امريكا مع جدته وعمره ما حب حد ولا حد حبه حتي والده بعد وفاة والدته ما كانش فاضي يربيه ويوم ما اتعرف علي كنز حبها بكل طاقته كان مستعد يعمل اي حاجة عشانها وفجأة تختفي من حياته بعد ما كان فاضل ايام وتبقي مراته 
الدكتور حزن علي قصة ياسين حط أيده علي كتف عمر وقاله : ما تقلقش هو هيكون بخير إن شاء الله وانا لما يفوق بالسلامة هكلم الدكتورة أصالة تتابع حالته بنفسها 
عمر اتنهد وقال برجاء .. يا رب يفوق
*********
رأفت غالي وخالد ابن اخوه اخدوا رجالتهم وأسلحتهم وراحوا علي شركة والد ياسين 
وصلوا لغاية امن الشركة اللي مارضيش يدخلهم الا من غير أسلحة ولا حرس 
طلعوا هما الاتنين الاسانسير ومش شايفين قدامهم من الغضب وصلوا مكتب شريف نصار واقتحموه السكرتيرة بتجري وراهم عشان توقفهم .. يا فندم ما يصحش كده انت لازم تستني لما أبلغ الباشا 
خالد وهو بيزقها … اطلعي منها انتي وفتح الباب 
وقف شريف بغضب .. انتوا انتجننتوا هي حصلت تتتهجموا علي مكتبي بالوقاحة دي 
رأفت .. شريف نصار قول لابنك يرجع بنتي صاغ سليم بدال ما الدم يبقي للركب ولا انت نسيت انت عملت ايه لما زمان لما اخويا اتجوز اختك من وراكم ..
انت وابوك من غير رحمة قتلت اخويا واختك 
شريف… قتلته لاني ماكنتش فاكر أنهم متجوزين عرفي كنت فاكره بيتسلي بيها 
رأفت .. وابنك عمل نفس القصة مع بنتي تحب اجيبهولك جثة ولا يرجع بنتي 
شريف … انا مش فاهم حاجة أنا ابني في امريكا من شهر 
خالد … اسمع يا شريف يا نصار ابنك حرض خطيبتي وبنت عمي علي الهروب عشان يتجوزها ويكسر عيننا بيحدانا رغم أنه عارف ان فيه عداوة بيننا ومستحيل يحصل نسب عقّل ابنك يا اما هاخد اول طيارة واروح اخلص عليه 
شريف اتنهد بعصبية من تصرفات ابنه وقرر يكلمه .. مسك سماعة التليفون واتصل علي تليفون فيلا ابنه في امريكا رن كتير وبعد فترة رد عمر بحزن 
شريف بعصبية وصوت عالي .. ياسين انت ازاي تعمل حركة زي دي 
عمر  .. شريف باشا ياسين في المستشفي وفي العناية المركزة 
سماعة التليفون وقعت ع الأرض بمجرد ما سمع شريف الخبر دا 
رأفت وخالد بصوا لبعض بدهشة وبعدين وطي خالد ومسك السماعة واتكلم 
خالد .. فيه ايه حصل 
عمر … انت مين شريف باشا كويس 
خالد .. انت قلتله ايه 
عمر .. ياسين حالته خطيرة عنده نزيف في المخ ودخل في غيبوبة بسبب كنز 
خالد … كنز وهي ايه علاقتها بحاجة زي دي 
عمر بحزن .. السفينة اللي كانت عليها كنز اختفت في مثلث برمودا 
خالد انصدم ومش عارف يتكلم سند السماعة بكل هدوء 
خالد بصدمة .. عمي السفينة اللي كانت عليها كنز اختفت 
رأفت  .. انت مصدق الكلام دا يا خالد احنا لازم مسافر نجيبها وياسين نصار ساعتها بقي ما يلومش غير نفسه 
خالد …تمام يا عمي 
شريف .. استنوا انا جي معاكم 
********  
بعد مرور وقت غير محدد في الفجوة الزمنية  هديت كنز وبطلت عياط وقررت تدور علي مخرج بمساعدة يامان  
يامان .. قولي لي من هو ياسين علي اي حال 
كنز ابتسمت … ياسين .. هو الحلم اللي طول عمري بتمني احققه .. ياسين احن انسان عليّ في كل العالم دا .. هو الامان بالنسبة ليا .. ياسين كان هو فرحتي وهو اللي كان مصبرني علي الحياة القاسية اللي كنت عايشاها 
يامان … يبدو أنا قصتك تحمل الكثير من الالم واريد سماعها وبعدها سأخذكي الي عالمي حيث الامان من أولئك الذين يهاجموننا من الفضائيين 
كنز مسحت دموعها وانتبهت لكلامه وقالت فضائيين !!!! 
*******
ياسين كان لسة في العناية المركزة وعقله رافض أنه يفوق ويرجع لعالم مافهوش كنز واللي كان تاعبه اكتر فكرة أنه هو السبب في فقدان كنز 
عقله الباطن بدأ تلقائي يستعيد ذكريات يعد فراقهم لما عرف ياسين أنها كنز بنت الراجل اللي قتل والدته 
فلاش باك من سنة 
كان خارج من شركته وقت البريك عشان يتغدي في المطعم اللي متعود عليه مسك نضارته السودة ورفعها ولسة هيحطها علي عينيه لتفادي ضوء الشمس الحامية وقت الضهر رفع وشه لمح بنت قاعدة تحت ضل شجرة كانت قصاد شركته ودافنة وشها بين ايديها وبتعيط وجمبها العجلة بتاعتها 
لبس نضارته وحط أيده في وسطه والتانية مسح بيها شعره واتنهد وراح وصل عند البنت اللي طبعا كانت كنز 
ياسين اتأفف وقال .. ايه اللي جابك انا مش قلتلك مش عايز اشوف وشك تاني 
رفعت وشها ودموعها زادت وقالت .. أنا مش جايالك علي فكرة أنا جاية اشوف حبيبي وهامشي بهدوء 
ياسين بص لها بملامح جامدة بس جواه كان عايز يدخلها جوه قلبه 
كنز ..أنا سألت وعرفت كل حاجة 
ياسين بعصبية مسك كتافها وهزها بقوة  .. عرفتي ايه عرفتي أنه ابوكي قتل امي من غير ذنب 
كنز جسمها بيتهز من العياط .. عرفت عرفت بس انا ذنبي ايه انا بحبك ولو خيروني بينك وبين العالم هاختارك انت 
ياسين ملامحه لانت وضربات قلبه وزادت وخاف يحن ققالها بكل حزم .. امشي مش عايز اشوف وشك هنا تاني انتي فاهمة. 
كنز انهارت في اللحظة ومسكت عجلتها تجرها بسرعة وجريت والدموع مغلوشة علي عينيها ياسين بيلتفت عشان يتابعها فجأة لمح شاحنة كبيرة هتخبطها جري وصرخ بكل صوته .. كييييينز حاسبيييي 
وشدها من أيدها دخلها في حضنه والعجلة اتحطمت علي ميت حتة تحت الشاحنة 
ياسين  قافل حضنه علي كنز ومش راضي يخرجها خايف تضيع منه في اللحظة دي أدرك ياسين أن كنز هي كل حياته وما يقدرش يعيش من غيرها 
كنز وهي بتضرب في ضهره  بس حضناه .. أنا مخصماك انت عايز تسيبني انا بحبك اوي يا ياسين 
ياسين .. اسف يا كنزي اسف ما تصدقيش اني اقدر اسيبك أو اتخلي عنك أنا هاعمل المستحيل عشان تكوني ليا 
وفجأة يظهر في تفكيره مشهد اخترعه عقله الباطن أنه وهو وحاضن كنز الموج يجي علي الجسر وياخد كنز منه ويفضل هو يصرخ باسمها … كنززززززززز 
انتهي الفلاش باك 
في المستشفي 
تحت الأجهزة في العناية المركزة يفوق ويصرخ بصوت هز اركان الأوضة … كييييينز 
دخلت واحدة بكل هدوء وابتسامة جميلة 
…حمدالله علي سلامتك مستر ياسين 
******
يامان … هيا بنا لأن هذه المنطقة غير آمنة ومعرضة للغزو الفضائي في أي وقت انتي الان بصدد الوصول إلي اتلنتس هل انتي مستعدة للحياة هناك 
كنز بخوف هزت راسها بخوف 
مشيوا كتير وبعدها وصلوا لجزيرة اتلنتس 
كنز اول ماشافت الجزيرة ..????????????????
يتبع…..
لقراءة الفصل الثالث : اضغط هنا
لقراءة باقي فصول الرواية : اضغط هنا

اترك رد