Uncategorized
رواية أنت مرادي الفصل الخامس والعشرون 25 بقلم علا عبدالعظيم
رواية أنت مرادي الفصل الخامس والعشرون 25 بقلم علا عبدالعظيم
 |
| رواية أنت مرادي الفصل الخامس والعشرون 25 بقلم علا عبدالعظيم |
رواية أنت مرادي الفصل الخامس والعشرون 25 بقلم علا عبدالعظيم
في بيت محمود و عبير بدأ الكل يتجمع و صحابهم ومعارفهم .
عبير : خلصي يا بنتي المأذون مستني .
مريم : حاضر بلبس اهو.
و بعد شويه باب الاوضه خبط .
مريم : ادخل .
دخلت واحده ….
مريم : اي اللي جابك هنا ؟؟
سحر : جايه باركلك يا بنتي ..
مريم : تباركيلي بجد ولا جايه تاخدي الوصلات اللي كنتوا هتبعوني بيها !!
سحر بإبتسامة حزن : كتر خيرك يا بنتي ، انا كنت جايه اباركلك بجد لأن طول عمري بعتبرك بنتي ..
مريم بإستهزاء : باين باين.
سحر بحزن : الف مبروك يا حبيبتي ، انا همشي دلوقتي .
وكانت لسه خارجه لكن ايد ملك مسكتها .
ملك : احنا اسفين بس انتي عارفه هي حاسه ب اي ..
سحر : عارفه يا بنتي ربنا يكملها على خير .. بس انا فعلا لازم امشي.
ملك : احضري معانا كتب الكتاب وبعدين امشي براحتك.
سحر : لو دا مش هيضايق مريم ..
عبير : لا يا حبيبتي دا يفرحها ، خليكي معانا .
سحر بإبتسامه : حاضر .
مريم كملت لبس في غيظ و طلعت و كان الكل موجود .. وبدأ المأذون يكتب الكتاب و وصل لجملة بارك الله لكما وبارك عليكما وجمع بينكما في خير ، وبدأت الزغاريد و البنات قعدوا يباركوا .
هدير : مبروك يا مريم ربنا يتمملك على خير .
مريم : الله يبارك فيكي يا حبيبتي عقبالك .
ملك بضحك : يارب يارب .
هدير : ما تبطلي رخامه بقا يا ملك ، ما تيجي يا مراد تاخد مراتك .
مراد لملك بضحك : عامله دوشه ليه يا اوزعه؟
ملك بحزن مصطنع : بقولها عقبالك كدا غلطانه !!
مراد : لا يا حبيبتي مش غلطانه هي اللي غلطانه.
هدير بغيظ : ياريتني ما نديت عليك روح لصحبك تاني .
ضحكوا كلهم عليها و في الوقت دا دخل هادي .
مراد : اهلا يا هادي اتفضل .
هادي بجمود : شكرا .. الوصلات اهي .
مراد : لحقت تجيبهم !!
هادي : اه ، سافرت تاني يوم على طول .
مراد : طب اتفضل اشرب حاجه .
هادي بجديه: شكرا عن إذنكم .
هدير كانت مركزه مع طريقة كلامه اللي مش متعوده عليها لكن المره دي مقدرتش تمسك نفسها ونزلت وراه .
هدير : هاادي..
هادي ببرود : افندم .
هدير : مالك في اي ؟
هادي : انتي تعرفيني عشان تسأليني السؤال دا !!
هدير : لا بس…
هادي بمقاطعه : مبسش انا مش فاضي ولازم امشي.
هدير بدموع : تمام .
طلعت هدير عند صحابها و نزل هادي بحزن كبير .
هادي : دا احسن ليا وليكي..مش عاوز اظلمك معايا بعد اللي عرفته.
خلص كتب الكتاب وبدأ كله يرجع لبيته ..
و في بيت هدير
رانيا : مالك يا حبيبتي ؟
هدير : مفيش يا ماما .
رانيا : مش عاوزه تحكيلي !
هدير : مفيش حاجه تتحكي يا ماما ، انا عاوزه انام بس .
رانيا : طيب يا هدير نامي وبكرا لينا قعده .
هدير بضيق : ماشي يا ماما .
و تاني يوم ..
في بيت مراد و ملك .
مراد : مالك يا حبيبتي ؟
ملك : مش عارفه بس عاوزه اساعد هدير ..
مراد: تساعديها في اي مش فاهم !!
ملك : هي تقريباً معجبه بهادي و نزلت وراه امبارح بس معرفش اي اللي حصل طلعت مخنوقه وعاوزه تعيط .
مراد : تحبي اتدخل؟
ملك : هتعمل اي يعني !
مراد : قولي بس اتدخل واتفرجي على اللي هعمله.
ملك بضحك : اتدخل و وريني .
مراد غمزلها : هتشوفي يقمر .
ضحكت ملك .
وعند هادي تليفونه رن ..
هادي : الو ..
شخص : حضرتك هادي اسماعيل؟
هادي : ايوه مين !
شخص : انا موظف في المستشفى والد حضرتك تعبان جدا و دخل عنايه مركزه .
هادي بقلق: طيب طيب انا جاي حالاً .
و في بيت محمود و عبير ..
مريم : ماما انا هنزل انا وعمر نختار الجهاز .
عبير : طيب يا حبيبتي .. افطري قبل ما تنزلي .
مريم : عمر هيجبلي اكل .
عبير : والله ما انا عارفه عمر هيصرف على الجهاز ولا عليكي ولا على بطنك .
مريم بضحك : هو بيحب كدا .
عبير : والنبي دا مستحمل بالعافيه .
مريم : تيجي نسأله !
عبير : و على اي ياختي ، انزلي احسن ما الصداع اللي عملاه دا .
مريم : نازله اهو .
و في قصر ابراهيم السيوفي .
ابراهيم بيخبط على اوضة روز..
روز : ادخل .
دخل ابراهيم الاوضه.
روز : في حاجه يا بابا ؟
ابراهيم بخبث : على اساس انك مش عارفه يعني !
روز : عارفه اي !
ابراهيم : اخوكي حكالي موضوع مصطفى .
روز : وانت رأيك اي !
ابراهيم بضحك : رائي اي بقا ، دا انا لو قولتلك لا هتهربي معاه.
روز بتصنع الحزن : كدا يا بابا ؟
ابراهيم : لا يا حبيبتي بس عاوزك تفكري في الموضوع كويس لان دا جواز مش لعبه .
روز : حاضر يا بابا .
ابراهيم وهو بيقوم : ربنا يقدملك اللي فيه الخير يا حبيبتي .
روز : يارب يا حبيبي .