Uncategorized

رواية عشقي الفصل التاسع 9 بقلم شيرين زكي

رواية عشقي الفصل التاسع 9 بقلم شيرين زكي
رواية عشقي الفصل التاسع 9 بقلم شيرين زكي

رواية عشقي الفصل التاسع 9 بقلم شيرين زكي

-ناهد البوليس أخدها لأن آدم قدر إن يوصل لتسجيل اعترفت فيه ناهد بكل اللى عملته وهى بتحكى ليارا بعد 
ما رجعت من المستشفى وحكتلها اللى حصل ف الوقت دا كان قدر ادم يحط كاميرا ف اوضته ناهد وبمساعدة شخص معين قدر إنه يوصل للكاميرا دى وف لحظتها اتكلم مع وكيل النيابة العامة عشان تتعاقب على محاولتها لقتل خالد وعشق وبالفعل لما وصلوا قبضوا عليها بس هى كانت عملت حركة أسرع من ادم وكانت اتفقت مع شخص إنه يقتل عشق…..
-أدم بيتكلم ف الفون وبزعيق:- انت بتقول ايه عشق مالها جرالها ايه…….وطلع يجرى وراح المستشفى وكانوا مسكوا واحد حاول إنه يموت عشق بإبرة هوا بس الممرضه دخلت شافته وزعقت ومسكوه،أدم لما عرف اللى حصل شافه قدامه مقدرش يمسك نفسه ونزل فيه ضرب ومعرفش يتمالك لنفسه لدرجة كان الشاب هيموت ف ايده بس بعدوه عنه وحاولوا يهدوا آدم اللى سابهم وجرى على أوضة عشق عشان يطمن عليها…… بقلمي شيرين ذكى
-دخل أدم أوضة عشق وبلهفة بيكلمها:- عشق عشقى طمنيني عليكى يا عمرى 
-عشق بتبكى وحاسة بضعف وكره لكل حاجه حواليها ومش لاقية تفسير للى بيحصل معاها وكانت محتاجه تخرج الحزن اللى جواها فبدأت تتنهد وتتكلم وتقول لآدم:- ليه كل دا ليه بيحصلى كدا أنا عملت ايه ليه بتسبنى ليه بتتخلى عنى ليه مصدقتنيش ليه جرحتنى كنت فاكر انى وحشه زى ما قالوا عليا كنت حاسس انى بكدب عليك يا أدم
-آدم مسك ايدها باسها وأخدها ف حضنه وضمها باشتياق وقوه كبيرة جدا لدرجه كان هيكسر ضلوعها وحاول يهديها ويفهمها إن الحكايه كلها كانت لعبه وان لما ضربها وكان عامل نفسه مصدق الصور كان بس علشان يوقعوا ناهد ف الفخ بتاعه ويكشفوها
-عشق بدأت تاخد نفسها وتهدى وآدم جنبها بيطمنها إن خلاص كدا كل حاجه خلصت وان ناهد مشيت ومش هترجع وحياتهم هتبقى طبيعية 
-عشق مسكت ايده وقالت له:- مش هتسيبنى تانى صح
-آدم بمداعبة عشان يخليها تضحك قالها:- لا هسيبك ها عشان انتى كشرية ومش عايزه تضحكى وهتجبيلى واد مبوز زيك
-عشق بغضب طفولى:- بقا انا كشريه يا آدم وشويه وهتقول نكديه كمان وبعدين انت مالك دا ابنى أنا خليك ف حالك
-أدم:- نعم ي ختى هو انتى كنت جايباه لوحدك يعنى
-عشق:- اه لوحدى ها اسكت بقا وبدأت تضحك
-آدم كان مبسوط بضحكتها وحضنها تانى وفتره وخرجت من المستشفى
&ف الفيلا&…… بقلمي شيرين ذكى
-حسن:- اخيرا رجعتلنى بالسلامة يابنتى
-عشق:- تسلم من كل سوء يارب يا جدى
-حسن:- يلا شد حيلك كدا وهاتلنا آدم صغير
-آدم:- لا يا جدى احنا هنجيب عشق
-عشق:- لا هجيب آدم ملكش دعوه انت
-آدم:- عجبك كدا ياجدى هتحترمنى امتى البت دى
-عشق:- شوف يا جدى بيقول على مراته بت
-حسن بحب:- ربنا يسعدكم ويباركلى فيكم يارب
-حسن قال لآدم يطلع عشق أوضتها ويجيله المكتب عشان عايز يتكلم معاه…..وفعلا آدم عمل كدا ورجعله المكتب
-آدم:- خير يا جدى فيه حاجه؟!!!
-حسن:- يارا يا آدم يبنى
-أدم:- مالها يارا ياجدى حصلها ايه
-حسن:- بعد ما انتو مشيتوا وهى شافت امها أغمى عليها ومروان جبلها الدكتور وقالنا إن عندها صدمة عصبية جامده اوى بسبب اللى حصل….. بقلمي شيرين ذكى 
-أدم:- وهى دلوقتي عامله ايه يا جدى
-حسن:- زى ما هى يبنى وعشان كدا يا آدم وعشان كدا انا عايزك تخرج ناهد من السجن….
-ادم بصدمه:- انت بتقول ايه يا جدى اخرجها بعد كل اللى عملته فينا بعد ما دمرت حياتنا وبعد ما كانت هتموت عشق عشق….لا ياجدى وألف لا دى لازم تاخد جزاءها
-حسن:- يا آدم يبنى دى مرات عمك وبعدين هى اكيد اخدت درس واحنا دلوقتي معانا الورق اللى يخصنا يعنى هى مش معاها اى حاجه واحنا هنعمل كدا عشان يارا متنساش إن عمك برا مصر وهى ملهاش غيرنا 
-أدم:- ياجدى يارا ف عينيا وهنا بيتها واحنا مش هنتخلى عنها لكن ناهد مستحيل تخرج يا جدى 
-حسن:- يبنى ربنا يهديك عشان خاطري يا آدم قلبي وجعنى على يارا هى مش وحشه وملهاش ذنب محدش بيختار اهله فكر ف اللى قولته لك ورد عليا بكرا يا آدم
-أدم:- حاضر يا جدى تصبح على خير
-طلع آدم من عند جده متوتر إلى حد كبير ومش عارف ايه الصح وايه الغلط بس لو خرجها هيكون بيعرض حياه عشق لخطر هى واللى ف بطنها فجتله فكره وقرر إنه بكدا هيقدر يحمى عشق……..كان طالع لعشق بس قال هطمن على يارا وفعلا خبط على الباب ودخل
-يارا كانت على سريرها سانده راسها على ركبتها وبتبكى
-آدم:- ازيك يا يارا عامله ايه دلوقت
-يارا:- عايز ايه منى يا آدم ارتحت سجنتها وعملت اللى انت
 عايزه يلا اطلع برا مش عايزه اشوفك
-آدم:- اهدى يا يارا انتى تعبانه
-يارا بتصرخ:- مش تعبانه سيبنى واخرج يا آدم
-آدم:- انا خارج يايارا وهعملك اللى انتى عايزاه وهرجعهالك تانى بس لو قربت من ابنى ومراتى هدمرها سابها آدم وخرج راح عند عشق
-عشق كانت على سريرها سانده راسها على حرف السرير بس مكنتش نايمه هى كانت بتفتكر كلامها مع الدكتور،،، وهى ف المستشفى….
#فلاااااش_باااااك
-الدكتور: انتى يبنتى عارفه إن وضع حملك صعب ازاى تخليه يستمر وتعرضى حياتك لخطر وجوزك ازاى يخاطر بيكى
-عشق:- جوزى ميعرفش إن حملى خطر يا دكتور
-الدكتور:- يبقى لازم يعرف مكنش من حقك تخبي عليه دا هيتجنن عليكى عشان نزفتى امال لو عرف ان كل دقيقه من حملك خطر عليكى
-عشق:- انا عارفه يا دكتور كل الكلام اللي بتقوله بس انا عايزه الطفل دا ومش هضحى بيه مهما كان
-الدكتور:- طيب وحياتك مفكرتيش فيها وبعدين انا من واجبي اقول لجوزك إن الحمل خطر عليكى
-عشق بترجى:- لا يا دكتور بالله عليك آدم مش لازم يعرف
-الدكتور:- لا دا واجبي وهقوله
-عشق بدموع:- الطفل دا انا بتمناه وبحسبله بالثانية ومش هفرط فيه حتى لو التمن حياتى،،بعد محاولات كتير قدرت عشق تقنع الدكتور إنه ميقولش لآدم وفعلا قدرت….
#باااااك
-دخل آدم عند عشق وبشغف همسلها وقال:- قمرى سرحان في ايه،،،،اكيد فيا؟!!!!
-عشق بابتسامة:- ولا حاجه ياقلبي كنت فين كل حاجه تمام
-أدم:- طول ما حبيبك هنا كل حاجه تمام متشليش هم ويلا عشان ترتاحى انتى تعبانه وفضل جنبها وماسك ايدها لحد ما راحت ف النوم وبعدها آدم قام وقف ف البلكونه عمل مكالمه تليفون ورجع اخدها ف حضنه ونام……
-يارا ف اوضتها بتبكى واعصابها تعبانه وفونها رن برقم غريب واترددت ترد ولا لا … وبعدين ردت
-يارا:- الو
-هو:- ازيك يايارا
-يارا بصدمة:- انت…..
-ياترى مين وليه يارا اتصدمت وياترى آدم ناوى على ايه هيخرج ناهد ولا لا ولو هيخرجها هيحمى عشق إزاى؟!!!
يتبع ……
لقراءة الفصل العاشر : اضغط هنا
لقراءة باقى فصول الرواية : اضغط هنا

اترك رد