رواية قمر الزمان الفصل الثالث 3 بقلم ندى رأفت

وبعد فتره …وصلو اسكندريه …عند الشاليه بتاع شريف ..

نزل الشوفير ..ودخل الشنط …

وشريف فتح باب العربيه ونزل وفتح لقمر وقال : انزلي ..

قمر : مش نازله ..

شريف : خلاص عايزه تباتي في العربيه ..براحتك ..

قمر : ايوه براحتي ..

فجأه مسك شريف إيدها ..ونزلها ..بالعافيه ..ودخلها الشاليه….وراح اوضته ..

قمر : سيب إيدي ..سيب ..إيدي ..

ساب شريف إيدها بهدوء…وقال : دي..الاوضه الي هتقعدي فيها ….وبعد شويه ..هيجي الخدم يعلقوا لبسك في الدولاب.. سلام بقا علشان ورايا ..شغل ….ومشي..

قمر بزعيق : انا بكرهك ..بكرهك ….

ونزلت وراه ..وحاولت تفتح باب الشاليه لقته مقفول ..فقعدت تخبط بهبد ..لغايه ما تعبت ..ولقت نفسها نزلت بهدوء على الأرض..ونامت من كتر التعب…وحطيت راسها على الباب

الكاتبه :Miyano shiho(ندى رأفت )

بليل ..بعد ما خلص شريف ..شغله ..

راح الشاليه بتاعه ..وفتح الباب بالمفتاح ..وحاول يدخل ..لكنه حس إن في حاجه ..ورا الباب ..ففتح شريف الباب بهدوء فدخل ..لقى قمر..نايمه ..وسانده راسها على الباب ..

شالها شريف : ودخلها الاوضه ..وأول ما حطها على السرير..راحت صحيت قمر واتخضت ..وقالت : انت بتعمل إيه ..

شريف: دخلت البيت لقيتك نايمه..على الباب ..فجبتك هنا ..

قامت قمر من على السرير وقالت : طب انا عايزه امشي..

شريف : انا قولت الكلام مره بس مش مشكله اعيده تاني ..انتي مراتي..والست بتقعد في بيت جوزها ..

قمر : انا مش عيزاك …مش عيزاك ..انت فاهم ..وفضلت قمر تضرب بأيدها الاتنين على كتفه ..

مسك شريف إيدها الاتنين ..

قمر : سيب إيدي ..

شريف : شغل العيال دا مبحبوش ..انتي فاهمه ..وساب إيدها ..ونزل وكان هيمشي ..نزلت قمر وراه بسرعه ..وحاولت تخرج هي كمان من الشاليه ..راح ذقها شريف من غير قصد فوقت على الأرض..

شريف : كلامي …يتسمع مفيش خروج من الشاليه..الا بأذني ..

وقفل الباب بالمفتاح..راحت قمر ..وخبطت جامد وقالت : افتحلي ..بقا وفجأه نبره صوتها اتغيرت وبدأت تتكلم بحزن وقالت : افتحلي ارجوك …استاذ شريف ..افتحلي ..

سمعها شريف ..ومشي ..مهتمش …

وفضل يمشي على الشط..

وبعدها قعد على الرمل ..وبص للبحر وقال : انا ليه حسيت ..بكدا ..انا ليه صوتها ووجعني ..وهي بتتكلم بالاسلوب دا …..وبعدها افتكر شريف ..

(شريف : حضرتك كنت عايزني ..يا عمي خير ..

والد قمر بيعيط : بنتي هتروح مني يا شريف ..ومحتاجك ..تحميها ..

شريف : أهدى يا عمي في أيه طيب فهمني ..

والد قمر: انا عليا طار ..وهيخدوه مني في بنتي …

شريف بصدمه : إيه ..

والد قمر : انا هحكيلك………..)وفجأه رن تليفون شريف …فبص ولقاه ..تليفون من الشغل فرد …وبعد فتره قفل وقال : انا هروح اطمن عليها … ونتفاهم ..

راح شريف للشاليه ..وفتح ..الباب

وقال : قمر …قمر …

محدش رد ..

شريف قلق : دخل دور عليها في اوضته ملقهاش ..دور في الحمام ملقهاش …

راح نزل لتحت وكان هيكلم الأمن لكن فجأه لاحظ شريف نور المطبخ مفتوح ..فدخل شريف بهدوء ..راح انصدم ..لما لقى قمر مرميه على الأرض.. وغرقانه في دمها ..وإيدها مفتوحه ……

شريف بزعيق : قمررررررررر

يتبع …